ທິນ ເຕີ່ຍ ໂຕ້ວ 40
40
ໂຢເຊບ ພໍ້ ຕສຸ໌ຍ-ມ່ຽນ ເຍີຍ ເບີ໋ຍ
1ເຈ໋ຍ ລິ໌ວ ຢຽດ ຖສາມ, ເຖງ ອີຢິບ ເຕີ່ຍ-ປູງ ເຍີຍ ຟາໂລ ຮູ່ງ ໂປ້ວ ອະຫງຸ່ນ ຕິ໊ວ ວົ້ວ ເຕົ້າ ຕົ້ມ ຈຽນ ເຖສົາ ໂຕສ໋ວ ອຈົ໊ວ ປຸນ ຟາໂລ ຮູ່ງ ຫຍັ່ນ ວົ້ວ ເຕົ້າ ຕົ້ມ ຈຽນ ຕ່ອງ ຮູ່ງ ເຕ໋ຍ. 2ຮູ່ງ ເຕ໋ຍ ເຖຈຍ ເຈ໌ຍ ໄຫ່ ນ້າຍ ເຕີ໋ຍ ອີ ເຕົ້າ ຈຽນ, 3ຕສ່ຽວ ເຕສ໊າະ ນິ່ນ ບົວ ຫວວນ ຈ໊ຽນ ໂກ໋ວ ຮູ່ງ ຕິ່ນ ວົ້ວ ເຕົ້າ ຕົ້ມ ແປງ-ເປຢີ໊ຍ ເຍີຍ ເປຢົ໊າ ເຍີຍ ໂລ່, ຕົ້ງ ໂຢເຊບ ຕສຸ ຫວວນ ວົ້ວ ນອມ ໂລ່. 4ໂກ໋ວ ຮູ່ງ ຕິ່ນ ວົ້ວ ເຕົ້າ ຕົ້ມ ແປງ-ເປຢີ໊ຍ ພ້າຍ ໂຢເຊບ ໂກ໋ວ ນິ່ນ ບົວ.
ນິ່ນ ບົວ ອີ ເຕົ້າ ຢ່າ ຕສຸ ຫວວນ ຈ໊ຽນ ໂລ່ ເລົ່າ ເຍີຍ. 5ມ່າຍ ມ໌ວນ ນໍ, ໂປ້ວ ຕິ໊ວ ເຖສົາ ໂຕສ໋ວ ອຈົ໊ວ ວົ້ວ ເຕີ໋ຍ ອີ ເຕົ້າ ຕົ້ມ ຈຽນ ຢຽມ ວົ້ວ ໂລ່ ເບີ໋ຍໆ. ຢຽດ ເຕົ້າ ເບີ໋ຍ ປວັດ ຢຽດ ຫຍູ່ງ. ຢຽດ ເຕົ້າ ເຍີຍ ເບີ໋ຍ ຢ່າ ມ່າຍ ຢຽດ ຫຍູ່ງ ເອີ໋ຍ ເລີ໌ຍ.
6ຕະເຫຍີ່ຍ ດອມ ໂຢເຊບ ເປັຍ ມີ່ງ ໝັ່ງ, ປວັດ ນິ່ນ ບົວ ອີ ເຕົ້າ ຕສູ໊ງ ເດສົ້າໆ ວົ້ວ. 7ນິ່ນ ໜ່າຍ ກ໋າ ຟາໂລ ເຍີຍ ຕົ້ມ ຈຽນ, ຕົ້ງ ເຖສົາ ນິ່ນ ຕສຸ ຫວວນ ຈ໊ຽນ ນິ່ນ ເຍີຍ ຕສ໊ຽວ ເຍີຍ ເປຢົ໊າ ເຍີຍ ໂລ່ ວົ້ວ ເຕີ໋ຍ ອີ ເຕົ້າ, “ເມີ່ຍ ບົວ ອີ້ ຮນອຍ ໂຕສ໋ວ ຫາຍ ຫຍູ່ງ? ປວັດ ເດສົ້າໆ ວົ້ວ!”
8ນິ່ນ ບົວ ເຕົາ, “ອະຫຮມວັງ ເຢຍ ບົວ ອີ ເຕົ້າ ຕສູ໊ງ ເບີ໋ຍໆ. ຢຽມ ນ້າຍ ຢ່າ ໄມ້ ມ່າຍ ຫາຍ ເຕົ້າ ໄຮ່ ເຖງ ເຢຍ ບົວ ພໍ້ ເບີ໋ຍ.”
ໂຢເຊບ ເຕົາ, “ຂູງ ທິນ-ຮູ່ງ ຮນັ້ງ ໄຮ່ ພໍ້ ເບີ໋ຍ ໄມ້ ເຕສີ໌ຍ? ເມີ່ຍ ບົວ ກ໊ອງ ເມີ່ຍ ບົວ ເຍີຍ ເບີ໋ຍ ປຸນ ເຢຍ ໝວັງ ມ່າະ!”
9ໂປ້ວ ອະຫງຸ່ນ ຕິ໊ວ ວົ້ວ ເຕົ້າ ຕົ້ມ ຈຽນ ຕສ່ຽວ ກ໊ອງ ນິ່ນ ເຍີຍ ເບີ໋ຍ ປຸນ ໂຢເຊບ ໝວັງ. ນິ່ນ ກ໊ອງ, “ເຢຍ ປວັດ ຕິ້ວ ອະຫງຸ່ນ ເຮມີຍ ຢຽມ ເຢຍ ເຍີຍ ດສະຮມຽນ. 10ວົ້ວ ຕິ້ວ ເຮມີຍ ຢ່າ ມ່າຍ ປົວ ຖສາ ອກວ້າ. ຢ໊ຽດ ທສວດ ຖສຸນ ຕ້າຍ ຢ່າ ອກອຍ ປຢັ້ງ, ປ໊ຽວ-ຈ້ອຍ ຢ່າ ຕສົວະ. 11ວົ້ວ ຕສັ່ນ ຟາໂລ ຮູ່ງ ເຍີຍ ຕສ໊ານ ຢຽມ ເຢຍ ເຍີຍ ປົ໌ວ. ເຢຍ ຕສ່ຽວ ແກ໊ະ ວົ້ວ ເຕີ໋ຍ ອະຫງຸ່ນ ປ໊ຽວ ນັ້ນ ປ໊ຽວ-ວວມ ຕັ໊ບ ຈ໊ຽນ ຕສ໊ານ ໂປ້ວ ປຸນ ຟາໂລ.”
12ໂຢເຊບ ກ໊ອງ, “ເມີ່ຍ ເຍີຍ ເບີ໋ຍ ເຍີຍ ເອີ໋ຍ ເລີ໌ຍ ເຊ ຮນັ້ງ ນ້າຍ. ວົ້ວ ເຕີ໋ຍ ປົວ ອກວ໊າ ອກວ້າ ເປີ໊ຍ ປົວ ຮນອຍ. 13ແອ໋ງ ປົວ ຮນອຍ ຟາໂລ ຮູ່ງ ອ໋ອຍ ປູ໋ງ ເມີ່ຍ ທສວດ, ອ໋ອຍ ກວັ່ງ ເມີ່ຍ ເຍີຍ ຕສຸ໌ຍ, ຢ່າ ປຸນ ເມີ່ຍ ຕຸ໊ ໂຕສ໋ວ ກົງ ຮນັ້ງ ໂລ໌ ວົ້ວ ນໍ. ເມີ່ຍ ແອ໋ງ ຕຸ໊ ໂປ້ວ ອະຫງຸ່ນ ຕິ໊ວ ປຸນ ຟາໂລ ຮູ່ງ ຮນັ້ງ ຕສິ້ນ ດ່າງ ເມີ່ຍ ໂຕສ໋ວ ວົ້ວ ນໍ. 14ເມີ່ຍ ຕຸ໊ ຫລົງ ເຍີຍ ຕສຢັ້ງ ໂຫ່ ໂທ້ ຈັ໋ງ ເຕີ໋ຍ ເຢຍ, ໂຕສ໋ວ ຫລົງ ປຸນ ເຢຍ. ກ໊ອງ ເຕີ໋ຍ ເຢຍ ເຍີຍ ເຈົ໊າ ປຸນ ຟາໂລ ຮູ່ງ ໝວັງ, ໂອຈ໋ວ ເຢຍ ທສວດ ນ້າຍ ນອມ ໂລ່. 15ເຢຍ ຢຽມ ຮິບລູ ມ່ຽນ ເຍີຍ ເຕີ່ຍ-ປູງ ຕສຸ ຕໍ້ ເຖົາ ນ້າຍ ຕ້າຍ. ຢຽມ ນ້າຍ ອີຢິບ ເຕີ່ຍ-ປູງ ເຢຍ ຢ່າ ໄມ້ ຕ່ອງ ຫາຍ ຫຍູ່ງ ຕສີ່ ຕຸ໊ ປຸນ ເຢຍ ຕສຸ ຫວວນ ຈ໊ຽນ ນ້າຍ ໂລ່ ຫຮມວັງ.”
16ໂຕສ໋ວ ອຈົ໊ວ ເຍີຍ ຕົ້ມ ຈຽນ ປວັດ ໂຢເຊບ ພໍ້ ເບີ໋ຍ ເຍີຍ ເອີ໋ຍ ເລີ໌ຍ ຫລົງ, ນິ່ນ ຕສ່ຽວ ກ໊ອງ ບົ໋ວ ໂຢເຊບ, “ເຢຍ ຢ່າ ເບີ໋ຍ ນອມ ເບີ໋ຍ. ເຢຍ ປວັດ ເຢຍ ກັ້ນ ເຍີຍ ມອກ໊ອງ ດົ໋ງ ຈ໊ຽນ ປົວ ນອມ ເຈີຍ, ຕັ໊ບ ຈ໊ຽນ ອຈົ໊ວ ເຍີຍ. 17ກູ້ ຫງວ່າຍ ວົ້ວ ນອມ ເຈີຍ ມ່າຍ ຫຍູ່ງໆ ຕສິ໊ ຕ້າຍ ເຍີຍ ອຈົ໊ວ ປຸນ ຟາໂລ ຮູ່ງ ຫຍັ່ນ. ມປ່າ ເໜາະ ຕ້າຍ ຫຍັ່ນ ວົ້ວ ເຕີ໋ຍ ອຈົ໊ວ.”
18ໂຢເຊບ ກ໊ອງ, “ເມີ່ຍ ເຍີຍ ເບີ໋ຍ ເຍີຍ ເອີ໋ຍ ເລີ໌ຍ ເຊ ຮນັ້ງ ນ້າຍ. ວົ້ວ ເຕີ໋ຍ ປົວ ນອມ ເຈີຍ ເປີ໊ຍ ປົວ ຮນອຍ. 19ແອ໋ງ ປົວ ຮນອຍ ຟາໂລ ຮູ່ງ ອ໋ອຍ ປຸນ ມ່ຽນ ຮງະ ດຸ໊ດ ເມີ່ຍ ເຍີຍ ມອກ໊ອງ ແອ໋ງ ເຕສ໊າະ ເມີ່ຍ ເຍີຍ ເຊີຍ ດິ໋ວ ຈ໊ຽນ ດຢັ໋ງ. ເໜາະ ຢ່າ ອ໋ອຍ ຕ້າຍ ຫຍັ່ນ ເມີ່ຍ ເຍີຍ ອໍ໊.”
20ແອ໋ງ ເຈ໋ຍ ປົວ ຮນອຍ ເຖົາ ຟາໂລ ຮູ່ງ ເຍີຍ ຊີ່ ຍຽດ-ຮນອຍ, ນິ່ນ ຕສ່ຽວ ເບ່ນ ຫຍັ່ນ ຮົບ ໂຕສ໋ວ ຈອມ ທສີ້ງ ນິ່ນ ເຍີຍ ຢຽດ ຕສູ໊ງ ໂຕສ໋ວ ຈຽນ ເຍີຍ ມ່ຽນ ຕ້າຍ. ນິ່ນ ຢ່າ ປູ໋ງ ໂປ້ວ ອະຫງຸ່ນ ຕິ໊ວ ເຖສົາ ໂຕສ໋ວ ອຈົ໊ວ ວົ້ວ ເຕີ໋ຍ ອີ ເຕົ້າ ຕົ້ມ ຈຽນ ທສວດ ຕ້າຍ ຢຽມ ຕສວັ໋ງ ຈຽນ ເຍີຍ ດສະຮມຽນ. 21ໂປ້ວ ອະຫງຸ່ນ ຕິ໊ວ ວົ້ວ ເຕົ້າ ແອ໋ງ ຕຸ໊ ໂຕສ໋ວ ກົງ ຮນັ້ງ ໂລ໌ ວົ້ວ ນໍ, ຕສ່ຽວ ເຕສ໊າະ ຕິ໊ວ-ຕສ໊ານ ໂປ້ວ ມີ່ງ ປຸນ ຮູ່ງ ເຕ໋ຍ. 22ມປ່າ ໂຕສ໋ວ ອຈົ໊ວ ວົ້ວ ເຕົ້າ ແອ໊ະ, ຟາໂລ ຮູ່ງ ເຫ່ວ ເຕສ໊າະ ຕ້າຍ ດິ໋ວ ຈ໊ຽນ ວົ້ວ ດຢັ໋ງ ໄຕ໋ ກວັ່ງ ໝີ່ ອ໊ະ. ນ້າຍ ເຕີ໋ຍ ສີ່ ຕສະເກ້ງ ຕ໋ອຍ ເດສ່ງ ໂຢເຊບ ພໍ້ ເຍີຍ ເບີ໋ຍ.
23ມປ່າ ໂປ້ວ ອະຫງຸ່ນ ຕິ໊ວ ວົ້ວ ເຕົ້າ ຈຽນ ຫລະຄຸ ໂຢເຊບ ໝີ່ ອ໊ະ. ໄມ້ ຈັ໋ງ ຕສຸ ນິ່ນ ອ໊ະ.
Đang chọn:
ທິນ ເຕີ່ຍ ໂຕ້ວ 40: IuMiLAO
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Mien Bible (Lao Script) © 2007 Thailand Bible Society, 2007.