Luk 15
15
Avoan Dalogai huri Sipsip Gabe nu Sala
(Mat 18.12-14)
1Mahavan vwate batena ira harahara homu mai ira vevduli ram mai be ramen ron̄ avoana non Jisas, 2ira Varise mai ira vagahin Silo ram bavora ram biavoavo mau ginira ram bevea be, “Atatu uhu mwa laiḡoḡo ira vevduli i mwa ḡan ginau bul maira!” 3Haḡe Jisas mwa avo lalainira gin avoan dalogai be:
4“Si vora vwate nin kimiu bilan sipsip vudolua i gaituvwa ninira si sala, kea vi lol hano? Vi lin̄ derai n̄avul gaisivo domwan gaisivo lol gara mwanea i vi hiḡea gabe nu sala vaivotu vi habwea. 5Mahavana mwa habwea, kea mwa samsamwara liu huria mwa datal luae la isibwana 6i mwa datal mulei nia vai anvanua. Haḡe mwa uloi non buluana rituai maira ata la vanuana vai ute gaituvwa mwa bevea lalainira be, ‘Nam ron̄ mwandavuha maragai nan habwe mulei bilaku sipsip gabe nu sala. Tav samsamwara ba ḡan ginau!’ 7La hala n̄an kea nam bevea lalai kimiu be, vi vora samwarana gaivua lol ute atamare huri atat vuroga vwate gabe nu sala i mwa binihi leahi dagai ninira atat tavuha n̄avul gaisivo domwan gaisivo gabe ginau sigai be vi lolira rav binihi leahi.”
Avoan Dalogai huri Homu be Nu Vano
8“Sa be sivora vavine vwate non vatlegiga han̄vulu be han̄vuluna si vano vi lol hano huria? Kea vi tumus bulu, vi hiri lolon imwana, i vi hiḡe daltalinia vataha ute vaivotu vi habwea. 9Batena gabe mwa habwea, mwa uloi non buluana rituai maira ata la vanuana, i mwa bevea lalainira be, ‘Nam ron̄ mwandavuha maragai nam habwe mulei noḡu homu gabe nu vano. Tav samsamwara ba gan ginau huria!’ 10La hala n̄an kunia nam bevea lalai kimiu be, ira enjel non God ram samsamwara huri atat vuroga vwate gabe mwa binihi leahi.”
Avoan Dalogai huri Mwalaḡelo Gabe Nu Sala
11Haḡe Jisas mwa bev rahurahuinia be, “Atatu vwate nituna mwalaḡelo gairua. 12Tihigi mwa bevea lalai tamara be, ‘Tata, gov mahin̄ai udun rosomwa gabe gon harae gi bilaku lalaiau.’ Haḡe tamara mwa harabora rosona lalai ira nituna gairua. 13Mwa hav vora te n̄ava ataguna n̄an gea, tihigi mwa salei uduna be bilana i mwa ban dagai mai homu. Kea mwa ban dagai vai la vanua vwate hautu, mwa lol bwarebware non homu huri rahuan hantai. 14Mwa haḡo kaburai non homu duluai gabe nu van maia. Haḡe mwa hav n̄ava tehe maro mwa lon̄ahi vanua gea, i uhu gaha non ginau duluai nu nogo. 15Haḡe mwa bano be men lol rovoga lalai atat vwate ata la vanua gea, i wani gea mwa horae be vi gitaḡoro bilan boe. 16Mwa doron be men gan te ginau gan boe bwatuna mwa romwaḡas maragainia take atatu sigai be vi lai dumwia lalainia. 17Haḡe la nogonana mwa mai lol binihina be, ‘Ira atatun rovoga non Tata ram ḡan ginau gaivua liua be rav gania, i inau uhugaha mwa abena be maro men gas bamateau! 18Nav tomare ba ban huri tamaḡu ba bevea lalainia be, Tata, nan vahala la lolmatan God i la lol matamwa mulei. 19Nam hav dadariha te uhugaha be gov uloi muleiau gi nitumwa; ita gov loliau be nav vora atatun nom rovoga vwate.’ 20Haḡe kea mwa domare mwa ban mulei huri tamana.”
“Batena be kea mwa mai radu hautu la hala mwa hav abena te radu gin imwan tamana, tamana mwa gita dumwia; lolona mwa masiri gin sine hahagavi i kea mwa rovo, vaivotu mwa walharaḡoe mwa rimrimia.” 21Haḡe nituna mwa bevea be, “Tata, nan vahala la lolmatan God i la lol matamwa mulei. Nam hav dadariha te uhugaha be gov uloiau gi nitumwa.” 22Take tamana mwa uloinira atatun rovoga mwa bevea be, “Giv mai vilvilehi! Giv lai mwasin gaisaga ba sagae ginia. Giv saga rin̄i la bwaruruguna i giv lai sus ba saga ḡoro bwalagena ginia. 23Haḡe vuvuri giv van ba lai malkeloi buluki gabe nu bubuhogoni ba wehia, i ba lol vatuvwai ginaganiana, tamen samsamwara! 24Huri be nituku uhu nu mate take uhugaha mwa rahu mulei; kea nu sala take mwa habwean mulei.” Haḡe ginaganian lavoa mwa daubwatuna.
25“Lol mahavan gea nituna tuagai nu lol rovoga lol ute loloara. Mahavan be mwa dabagilu mulei mwa ron̄ dum vigo mai savwogoro batena mwa mai sosori gin imwa. 26Haḡe mwa uloi vwate ninira atatun rovoga mwa hudalinia be, ‘Havanau mwa loli?’ 27Haḡe atatun rovoga gea mwa bwaliu be, ‘Tuamwa nu tabagilu mulei i tamamwa mwa wehi nitui buluki bubuhogoni bwatuna be mwa lai muleinia be nu rahu i mwa dabagilu mulei.’”
28“Haḡe lolon tuagai mwa horo maragai mwa hav haroro te alolon imwa; haḡe tamana mwa bwihavare mwa warea huri haroroana. 29Take mwa bwaliu tamana mwa bevea be, ‘Gita huri taul ivusi huba nan lol rovoga kun turin rovoga lalainigo nan hav daha te silomwa vwate. Gon lai te hano n̄an lalaiau? Gom hav lol te ginau gaituvwa huriau vaivotu be gom hav wehi te nanikot n̄an vwate be namen gania mai noḡu buluana duluai! 30Take nitumwa uhu nu lol bwarebware rosomwa duluai alun vavin lalai homu, i batena be mwa dabagil mulei vai la vanua gom wehi nitui buluki bubuhogoni huria!’ 31Haḡe tamana mwa bwaliua be, ‘Nituku, giḡo gom dogo tagaro teti bul maiau, i ginau duluai gabe noḡu vi vora nomwa. 32Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”
Đang chọn:
Luk 15: HNB
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bible Society of the South Pacific
Luk 15
15
Avoan Dalogai huri Sipsip Gabe nu Sala
(Mat 18.12-14)
1Mahavan vwate batena ira harahara homu mai ira vevduli ram mai be ramen ron̄ avoana non Jisas, 2ira Varise mai ira vagahin Silo ram bavora ram biavoavo mau ginira ram bevea be, “Atatu uhu mwa laiḡoḡo ira vevduli i mwa ḡan ginau bul maira!” 3Haḡe Jisas mwa avo lalainira gin avoan dalogai be:
4“Si vora vwate nin kimiu bilan sipsip vudolua i gaituvwa ninira si sala, kea vi lol hano? Vi lin̄ derai n̄avul gaisivo domwan gaisivo lol gara mwanea i vi hiḡea gabe nu sala vaivotu vi habwea. 5Mahavana mwa habwea, kea mwa samsamwara liu huria mwa datal luae la isibwana 6i mwa datal mulei nia vai anvanua. Haḡe mwa uloi non buluana rituai maira ata la vanuana vai ute gaituvwa mwa bevea lalainira be, ‘Nam ron̄ mwandavuha maragai nan habwe mulei bilaku sipsip gabe nu sala. Tav samsamwara ba ḡan ginau!’ 7La hala n̄an kea nam bevea lalai kimiu be, vi vora samwarana gaivua lol ute atamare huri atat vuroga vwate gabe nu sala i mwa binihi leahi dagai ninira atat tavuha n̄avul gaisivo domwan gaisivo gabe ginau sigai be vi lolira rav binihi leahi.”
Avoan Dalogai huri Homu be Nu Vano
8“Sa be sivora vavine vwate non vatlegiga han̄vulu be han̄vuluna si vano vi lol hano huria? Kea vi tumus bulu, vi hiri lolon imwana, i vi hiḡe daltalinia vataha ute vaivotu vi habwea. 9Batena gabe mwa habwea, mwa uloi non buluana rituai maira ata la vanuana, i mwa bevea lalainira be, ‘Nam ron̄ mwandavuha maragai nam habwe mulei noḡu homu gabe nu vano. Tav samsamwara ba gan ginau huria!’ 10La hala n̄an kunia nam bevea lalai kimiu be, ira enjel non God ram samsamwara huri atat vuroga vwate gabe mwa binihi leahi.”
Avoan Dalogai huri Mwalaḡelo Gabe Nu Sala
11Haḡe Jisas mwa bev rahurahuinia be, “Atatu vwate nituna mwalaḡelo gairua. 12Tihigi mwa bevea lalai tamara be, ‘Tata, gov mahin̄ai udun rosomwa gabe gon harae gi bilaku lalaiau.’ Haḡe tamara mwa harabora rosona lalai ira nituna gairua. 13Mwa hav vora te n̄ava ataguna n̄an gea, tihigi mwa salei uduna be bilana i mwa ban dagai mai homu. Kea mwa ban dagai vai la vanua vwate hautu, mwa lol bwarebware non homu huri rahuan hantai. 14Mwa haḡo kaburai non homu duluai gabe nu van maia. Haḡe mwa hav n̄ava tehe maro mwa lon̄ahi vanua gea, i uhu gaha non ginau duluai nu nogo. 15Haḡe mwa bano be men lol rovoga lalai atat vwate ata la vanua gea, i wani gea mwa horae be vi gitaḡoro bilan boe. 16Mwa doron be men gan te ginau gan boe bwatuna mwa romwaḡas maragainia take atatu sigai be vi lai dumwia lalainia. 17Haḡe la nogonana mwa mai lol binihina be, ‘Ira atatun rovoga non Tata ram ḡan ginau gaivua liua be rav gania, i inau uhugaha mwa abena be maro men gas bamateau! 18Nav tomare ba ban huri tamaḡu ba bevea lalainia be, Tata, nan vahala la lolmatan God i la lol matamwa mulei. 19Nam hav dadariha te uhugaha be gov uloi muleiau gi nitumwa; ita gov loliau be nav vora atatun nom rovoga vwate.’ 20Haḡe kea mwa domare mwa ban mulei huri tamana.”
“Batena be kea mwa mai radu hautu la hala mwa hav abena te radu gin imwan tamana, tamana mwa gita dumwia; lolona mwa masiri gin sine hahagavi i kea mwa rovo, vaivotu mwa walharaḡoe mwa rimrimia.” 21Haḡe nituna mwa bevea be, “Tata, nan vahala la lolmatan God i la lol matamwa mulei. Nam hav dadariha te uhugaha be gov uloiau gi nitumwa.” 22Take tamana mwa uloinira atatun rovoga mwa bevea be, “Giv mai vilvilehi! Giv lai mwasin gaisaga ba sagae ginia. Giv saga rin̄i la bwaruruguna i giv lai sus ba saga ḡoro bwalagena ginia. 23Haḡe vuvuri giv van ba lai malkeloi buluki gabe nu bubuhogoni ba wehia, i ba lol vatuvwai ginaganiana, tamen samsamwara! 24Huri be nituku uhu nu mate take uhugaha mwa rahu mulei; kea nu sala take mwa habwean mulei.” Haḡe ginaganian lavoa mwa daubwatuna.
25“Lol mahavan gea nituna tuagai nu lol rovoga lol ute loloara. Mahavan be mwa dabagilu mulei mwa ron̄ dum vigo mai savwogoro batena mwa mai sosori gin imwa. 26Haḡe mwa uloi vwate ninira atatun rovoga mwa hudalinia be, ‘Havanau mwa loli?’ 27Haḡe atatun rovoga gea mwa bwaliu be, ‘Tuamwa nu tabagilu mulei i tamamwa mwa wehi nitui buluki bubuhogoni bwatuna be mwa lai muleinia be nu rahu i mwa dabagilu mulei.’”
28“Haḡe lolon tuagai mwa horo maragai mwa hav haroro te alolon imwa; haḡe tamana mwa bwihavare mwa warea huri haroroana. 29Take mwa bwaliu tamana mwa bevea be, ‘Gita huri taul ivusi huba nan lol rovoga kun turin rovoga lalainigo nan hav daha te silomwa vwate. Gon lai te hano n̄an lalaiau? Gom hav lol te ginau gaituvwa huriau vaivotu be gom hav wehi te nanikot n̄an vwate be namen gania mai noḡu buluana duluai! 30Take nitumwa uhu nu lol bwarebware rosomwa duluai alun vavin lalai homu, i batena be mwa dabagil mulei vai la vanua gom wehi nitui buluki bubuhogoni huria!’ 31Haḡe tamana mwa bwaliua be, ‘Nituku, giḡo gom dogo tagaro teti bul maiau, i ginau duluai gabe noḡu vi vora nomwa. 32Take mwa du be tav samsamwara ba ḡan ginau huria, bwatuna be tuamwa nu mate haḡe ta mwa rahu mulei; nu sala take mwa habwean mulei.’ ”
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bible Society of the South Pacific