Luk 7
7
1Yesu sukiza p’agamba miṉo môdu g’ôzô w’iṉongo ny’ajogyô mô, agèndi yè gô Kapèrnaum.
2Yôfisye mori avegagi ni nyôngô y’arondyô yè pôlô, ni nyôngô mè avegagi n’ijogo pyèrè ni juwa. 3Gw’ayogyô yè g’ômwanja wi Yesu, arôm̃’aṉèro w’Iju gôre yè, gô bambyè inè, e ga ṽye gô jinge nyôngô yè. 4Aṽyeṉi waô gôre Yesu agwenè inkolo, awulya inè: Are n’inyanga nyi re wè ko dendiṉè ndaga yiṉo; 5konde e tond’iṉongo nyazô, ayè kè aṉôgiṉi zwè nagô yi soṉo. 6Agèndi Yesu na waô, na gw’arweṉi yè pyèrè ni nagô, yôfisye arôm̃’indegô sè gôre yè gô bulinyè inè: Rera, azokoly’ôkuṽi wo; konde mi ze n’inyanga nyi re wè ko jingiṉa gô nagô yam̃. 7Yeṉo kè mi pa pikilya nè, my’are n’inyanga nyi kènda gôre wè. Ndô wuly’igamba, gambèṉè nyôngô yam̃ e be tôla. 8Konde myè kè, myè ôma wi pangiṉô, my’are kè n’isozè si pangiṉô myè; mi buliny’ôma wiṉo inè: Gènda! ko yè kènda; na gôr’ôm̃ori inè: Yôgô! ko yè bya; na gôre nyôngô yam̃ inè: Lend’ezom̃a ziṉo! ko yè denda zô. 9Gw’ayogyô Yesu agamba miṉo, am̃ami g’ômwanja wi yôfisye, n’agegwi yè gôr’aṉaga w’azôngi yè, awulinya waô inè: Mi bulinya ṉwè inè, mi pa dèng’ibekelya sipôlô ga siṉo, vangaṉe gôr’Israèl. 10Gw’awinyi mongi w’arôm̃yô ne yôfisye gô nagô, w’aliṽinyi nyôngô y’avegagi n’ijogo atweṉi mbyambye.
11Arweṉi bunya, Yesu agèndi gô nkala y’aweyôgô inè, Nayin; n’agèndi yè n’iṉèngi yè n’aṉag’awèṉè awenge. 12Gw’arweṉi yè pyèrè n’iguge nyi nkala, vôna, arwanyô ebende gô bèṉô, ômwaṉ’ôṉôm̃e w’ikika wi ngi yè, ayè kè avegagi ôtika; n’aṉaga wi nkala awenge w’avegagi na yè. 13Gw’ayeṉi Rerè ômwantô mè, avôgiṉi yè, awulinyè inè: Aleṉa! 14N’azèvi yè pyèrè, awat’egara. N’agum̃aṉi waô w’arwaṉi zô gôre. N’awulyi yè inè: Iwanjo, mi bulinyo inè: Ṉongwa! 15N’ayè y’avegagi juwa pa aṉongwi baru, avakilyè kamba. N’aṉozyô yè ne Yesu gôre ngi yè. 16Agôtyô waôdu n’itya, azum̃iny’Anyambyè, awulya inè: Abôm̃uny’ôvogisi ômpôlô gôre zwè, n’Anyambyè are bala p’ iṉongo nyè. 17Igamba nyiṉo g’ômwanja wi Yesu ny’agèndi gô Yuda yôdu na gô ntye yôdu vingôvingô.
18Iṉèngi yi Yôan y’amyezi yè g’ômwanja w’isam̃u yiṉo yôdu. 19N’aweyi Yôan imbaṉi avila gôr’iṉèngi yè, arôm̃a waô gôre Yesu, gô bulinyè inè: Awè ne yè yi bya, mbè azwè ga vengiṉ’ômwèṉè? 20Gw’aṽyeṉ’ iṉèngi gôre Yesu w’awulyi nè: Yôan‐Batist atôm̃a zwè gôre wè, gô bulya inè: Awè ne yè yi bya, mbè azwè ga vengiṉ’ômwèṉè? 21Gw’igwèra mè Yesu ayingi aṉag’awenge w’avegagi n’inkaṉi n’ijogo, n’aṉiṉ’ambe, n’awenge w’avegag’apoku avangi waô gô jeṉa. 22N’awiṉizi yè awuliny’iṉèngi yi Yôan inè: Gèndaṉi ko takilyaṉi Yôan isam̃u yi re ṉwè jeṉa pa ni jogo inè: apoku mi tô jeṉa, bôke yi tô kènda, mongi wi re n’inkaṉi sa gelô wi tôlizô, impôge si jogo, bende yi tôngunyô, n’ikuge yi kambiṉô ntyangô mbya. 23Ôzaviṉô gôre yè yi re aṽendyô g’ômwanji wam̃.
24Gw’aliwô igende nyi Yôan ny’akèndi, Yesu avakilyi gô buliny’aṉaga g’ômwanja wi Yôan inè: Ezom̃a nde z’age jenyô ṉwè gw’itôve? Nkuṉe yi sugyazugyô n’ômpunga? 25Ndô ezom̃a nde z’age jenyô ṉwè? Ôma avegagi boryô p’ingoy imbya? Vônaṉi, waô wi bor’ingoy imbya, alwaṉa gw’ambya mi ntye, wi re gw’inagô s’aga. 26Sambô ezom̃a nde z’age jenyô ṉwè? Ôvogisi? Èñ, mi bulinya ṉwè inè, na vyagaṉô n’ôvogisi. 27Wiṉo ne yè arèndyô inè: Vôna, mi tôm̃’igende nyam̃ gô bôsô yo, gô kekize mpoṉo yo gô bôsô yo. 28Mi bulinya ṉwè inè, gôre waô wi re jaṉô pa n’antô, e zel’ôvogisi ômpôlô vyagaṉô ni Yôan. Ndô ayè yi r’ômwangô gw’iṉongo ny’Anyambyè, ar’ômpôlô vyagaṉô na yè. 29N’aṉaga waôdu n’ipublikan kè gw’ayogyô waô agamba mi Yôan w’adwaṉiz’ôgôre w’Anyambyè, gw’aṽatizô waô n’ibatiza si Yôan; 30ndô ifarisi n’iṉènji y’ivanga wi pa batizô ne yè, g’ôzambi waômè w’aṽiki nkenjiṉi y’Anyambyè.
31Sambô mi be kolaṉ’ivôm̃a nyiṉo n’ezom̃a nde, wi r’egolaṉi g’ande? 32Wi r’egolaṉi g’awaṉa wi re dwaṉa pa barugebaru gw’igôliṉô, aweyaṉa, awulya inè: Azw’arôngiṉi ṉwè ibeka, ndô aṉwè pa jiṉa; azwè aleṉiṉi ṉwè edingô, ndô aṉwè pa deṉa. 33Konde Yôan‐Batist are bya pa, e pa nye mpèmba ge jong’ivè, gambèṉè aṉwè bulya inè: Are n’iṉiṉ’iṽe. 34Ômwaṉa w’ôma are bya pa nyagaga ni njongaga, gambèṉè aṉwè bulya inè, wiṉo n’inyeṉi ni nyongi, ndegô y’ipublikan n’aṉag’aṽe. 35Ndô imya si re pô pa mbèm̃ ne awaṉi wè waôdu.
36Farisi mori aweyi Yesu gô nya na yè. N’ayingiṉi Yesu gô nagô yi farisi, alwaṉa baru gô nya. 37Na vôna, ômwantô wi nkala mè, avegag’ômwant’ômbe, gw’amyeṉi yè inè, are baru gw’inya gô nagô yi farisi, aṽagi eva z’agali mi nkangô, 38agum̃aṉa gô nyum̃a gw’agôlô mi Yesu. N’aleṉi yè, avakilya gô tèṽiz’intyôzô si Yesu n’antyoṉi mè, aziza sô n’itwe s’ewônjô zè, n’azombi yè intyôzô sè, agila sô agali mi nkangô. 39Gw’ayeṉi farisi y’aweyi yè ayeṉa yeṉo, awulyi g’ôrèm̃i wè inè: Arwe nè ôma wiṉo ôvogisi, gavoṉo atô mya ôṉongo w’ômwantô wiṉo wi bwatè, gavoṉo atô mya inè, ar’ômwant’ômbe. 40N’awiṉizi Yesu, awulinyè inè: Simôn, my’are n’igamba gô bulinyo. N’awiṉizi yè inè: Ôṉènji, wulyare. 41Ôyegisi avegagi nwanô p’aṉag’aṽaṉi: ôm̃ori aṉwani yè inkam̃a s’ifura ôtaṉè, n’ôm̃ori agôm̃i m’ifura ataṉè. 42Gw’avegagi waô wi zele n’ezom̃a zi re waô gô pa, anyezi waôdu aṽaṉi inwani saô. Sambô, weṉi gôre waô wi be tondè pôsô? 43Awiṉizi Simôn inè: Mi tanga inè, ayè y’anyezyô yè vyagaṉô. N’awulinyô yè ne Yesu inè: Ô re teṉiza pa mbyambye. 44N’agegwi yè gôr’ômwantô awulinye Simôn inè: Ô jeṉ’ômwantô wiṉo? My’ajingiṉa gô nagô yo, ndô ô pa pa myè aṉingô mi jôvuṉ’intyôzô sam̃, ndô ayè are tèṽiza p’intyôzô sam̃ n’antyoṉi mè, aziza sô n’itwe s’ewônjô zè. 45Ô pa somba myè, ndô ayè, mi ga jingiṉe gô nagô yo, e pa tiga gô somb’intyôzô sam̃. 46Ô pa kil’ewônjô zam̃ agali, ndô ayè are kila p’intyôzô sam̃ agali mi nkangô. 47Sambô mi bulinyo inè, ibe sè ijenge si re yè nyezô pa, konde are tonda pa pôlô. Ndô ayè yi re nyezô pa ’mwezom̃a e tonda kè ’mwezom̃a. 48N’awulinyè yè ômwantô inè: Ibe so s’anyezyô. 49Waô w’avegagi baru na yè gw’inya, w’avakilyi gô bulya gw’irèm̃i yaô inè: Wiṉo mande e nyeza vangaṉ’ibe? 50Ndô Yesu awulinyi ômwantô inè: Ibekelyi so si re wè sungiṉa pa, gèndaga n’am̃ènjè.
Đang chọn:
Luk 7: MYE
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.
Luk 7
7
1Yesu sukiza p’agamba miṉo môdu g’ôzô w’iṉongo ny’ajogyô mô, agèndi yè gô Kapèrnaum.
2Yôfisye mori avegagi ni nyôngô y’arondyô yè pôlô, ni nyôngô mè avegagi n’ijogo pyèrè ni juwa. 3Gw’ayogyô yè g’ômwanja wi Yesu, arôm̃’aṉèro w’Iju gôre yè, gô bambyè inè, e ga ṽye gô jinge nyôngô yè. 4Aṽyeṉi waô gôre Yesu agwenè inkolo, awulya inè: Are n’inyanga nyi re wè ko dendiṉè ndaga yiṉo; 5konde e tond’iṉongo nyazô, ayè kè aṉôgiṉi zwè nagô yi soṉo. 6Agèndi Yesu na waô, na gw’arweṉi yè pyèrè ni nagô, yôfisye arôm̃’indegô sè gôre yè gô bulinyè inè: Rera, azokoly’ôkuṽi wo; konde mi ze n’inyanga nyi re wè ko jingiṉa gô nagô yam̃. 7Yeṉo kè mi pa pikilya nè, my’are n’inyanga nyi kènda gôre wè. Ndô wuly’igamba, gambèṉè nyôngô yam̃ e be tôla. 8Konde myè kè, myè ôma wi pangiṉô, my’are kè n’isozè si pangiṉô myè; mi buliny’ôma wiṉo inè: Gènda! ko yè kènda; na gôr’ôm̃ori inè: Yôgô! ko yè bya; na gôre nyôngô yam̃ inè: Lend’ezom̃a ziṉo! ko yè denda zô. 9Gw’ayogyô Yesu agamba miṉo, am̃ami g’ômwanja wi yôfisye, n’agegwi yè gôr’aṉaga w’azôngi yè, awulinya waô inè: Mi bulinya ṉwè inè, mi pa dèng’ibekelya sipôlô ga siṉo, vangaṉe gôr’Israèl. 10Gw’awinyi mongi w’arôm̃yô ne yôfisye gô nagô, w’aliṽinyi nyôngô y’avegagi n’ijogo atweṉi mbyambye.
11Arweṉi bunya, Yesu agèndi gô nkala y’aweyôgô inè, Nayin; n’agèndi yè n’iṉèngi yè n’aṉag’awèṉè awenge. 12Gw’arweṉi yè pyèrè n’iguge nyi nkala, vôna, arwanyô ebende gô bèṉô, ômwaṉ’ôṉôm̃e w’ikika wi ngi yè, ayè kè avegagi ôtika; n’aṉaga wi nkala awenge w’avegagi na yè. 13Gw’ayeṉi Rerè ômwantô mè, avôgiṉi yè, awulinyè inè: Aleṉa! 14N’azèvi yè pyèrè, awat’egara. N’agum̃aṉi waô w’arwaṉi zô gôre. N’awulyi yè inè: Iwanjo, mi bulinyo inè: Ṉongwa! 15N’ayè y’avegagi juwa pa aṉongwi baru, avakilyè kamba. N’aṉozyô yè ne Yesu gôre ngi yè. 16Agôtyô waôdu n’itya, azum̃iny’Anyambyè, awulya inè: Abôm̃uny’ôvogisi ômpôlô gôre zwè, n’Anyambyè are bala p’ iṉongo nyè. 17Igamba nyiṉo g’ômwanja wi Yesu ny’agèndi gô Yuda yôdu na gô ntye yôdu vingôvingô.
18Iṉèngi yi Yôan y’amyezi yè g’ômwanja w’isam̃u yiṉo yôdu. 19N’aweyi Yôan imbaṉi avila gôr’iṉèngi yè, arôm̃a waô gôre Yesu, gô bulinyè inè: Awè ne yè yi bya, mbè azwè ga vengiṉ’ômwèṉè? 20Gw’aṽyeṉ’ iṉèngi gôre Yesu w’awulyi nè: Yôan‐Batist atôm̃a zwè gôre wè, gô bulya inè: Awè ne yè yi bya, mbè azwè ga vengiṉ’ômwèṉè? 21Gw’igwèra mè Yesu ayingi aṉag’awenge w’avegagi n’inkaṉi n’ijogo, n’aṉiṉ’ambe, n’awenge w’avegag’apoku avangi waô gô jeṉa. 22N’awiṉizi yè awuliny’iṉèngi yi Yôan inè: Gèndaṉi ko takilyaṉi Yôan isam̃u yi re ṉwè jeṉa pa ni jogo inè: apoku mi tô jeṉa, bôke yi tô kènda, mongi wi re n’inkaṉi sa gelô wi tôlizô, impôge si jogo, bende yi tôngunyô, n’ikuge yi kambiṉô ntyangô mbya. 23Ôzaviṉô gôre yè yi re aṽendyô g’ômwanji wam̃.
24Gw’aliwô igende nyi Yôan ny’akèndi, Yesu avakilyi gô buliny’aṉaga g’ômwanja wi Yôan inè: Ezom̃a nde z’age jenyô ṉwè gw’itôve? Nkuṉe yi sugyazugyô n’ômpunga? 25Ndô ezom̃a nde z’age jenyô ṉwè? Ôma avegagi boryô p’ingoy imbya? Vônaṉi, waô wi bor’ingoy imbya, alwaṉa gw’ambya mi ntye, wi re gw’inagô s’aga. 26Sambô ezom̃a nde z’age jenyô ṉwè? Ôvogisi? Èñ, mi bulinya ṉwè inè, na vyagaṉô n’ôvogisi. 27Wiṉo ne yè arèndyô inè: Vôna, mi tôm̃’igende nyam̃ gô bôsô yo, gô kekize mpoṉo yo gô bôsô yo. 28Mi bulinya ṉwè inè, gôre waô wi re jaṉô pa n’antô, e zel’ôvogisi ômpôlô vyagaṉô ni Yôan. Ndô ayè yi r’ômwangô gw’iṉongo ny’Anyambyè, ar’ômpôlô vyagaṉô na yè. 29N’aṉaga waôdu n’ipublikan kè gw’ayogyô waô agamba mi Yôan w’adwaṉiz’ôgôre w’Anyambyè, gw’aṽatizô waô n’ibatiza si Yôan; 30ndô ifarisi n’iṉènji y’ivanga wi pa batizô ne yè, g’ôzambi waômè w’aṽiki nkenjiṉi y’Anyambyè.
31Sambô mi be kolaṉ’ivôm̃a nyiṉo n’ezom̃a nde, wi r’egolaṉi g’ande? 32Wi r’egolaṉi g’awaṉa wi re dwaṉa pa barugebaru gw’igôliṉô, aweyaṉa, awulya inè: Azw’arôngiṉi ṉwè ibeka, ndô aṉwè pa jiṉa; azwè aleṉiṉi ṉwè edingô, ndô aṉwè pa deṉa. 33Konde Yôan‐Batist are bya pa, e pa nye mpèmba ge jong’ivè, gambèṉè aṉwè bulya inè: Are n’iṉiṉ’iṽe. 34Ômwaṉa w’ôma are bya pa nyagaga ni njongaga, gambèṉè aṉwè bulya inè, wiṉo n’inyeṉi ni nyongi, ndegô y’ipublikan n’aṉag’aṽe. 35Ndô imya si re pô pa mbèm̃ ne awaṉi wè waôdu.
36Farisi mori aweyi Yesu gô nya na yè. N’ayingiṉi Yesu gô nagô yi farisi, alwaṉa baru gô nya. 37Na vôna, ômwantô wi nkala mè, avegag’ômwant’ômbe, gw’amyeṉi yè inè, are baru gw’inya gô nagô yi farisi, aṽagi eva z’agali mi nkangô, 38agum̃aṉa gô nyum̃a gw’agôlô mi Yesu. N’aleṉi yè, avakilya gô tèṽiz’intyôzô si Yesu n’antyoṉi mè, aziza sô n’itwe s’ewônjô zè, n’azombi yè intyôzô sè, agila sô agali mi nkangô. 39Gw’ayeṉi farisi y’aweyi yè ayeṉa yeṉo, awulyi g’ôrèm̃i wè inè: Arwe nè ôma wiṉo ôvogisi, gavoṉo atô mya ôṉongo w’ômwantô wiṉo wi bwatè, gavoṉo atô mya inè, ar’ômwant’ômbe. 40N’awiṉizi Yesu, awulinyè inè: Simôn, my’are n’igamba gô bulinyo. N’awiṉizi yè inè: Ôṉènji, wulyare. 41Ôyegisi avegagi nwanô p’aṉag’aṽaṉi: ôm̃ori aṉwani yè inkam̃a s’ifura ôtaṉè, n’ôm̃ori agôm̃i m’ifura ataṉè. 42Gw’avegagi waô wi zele n’ezom̃a zi re waô gô pa, anyezi waôdu aṽaṉi inwani saô. Sambô, weṉi gôre waô wi be tondè pôsô? 43Awiṉizi Simôn inè: Mi tanga inè, ayè y’anyezyô yè vyagaṉô. N’awulinyô yè ne Yesu inè: Ô re teṉiza pa mbyambye. 44N’agegwi yè gôr’ômwantô awulinye Simôn inè: Ô jeṉ’ômwantô wiṉo? My’ajingiṉa gô nagô yo, ndô ô pa pa myè aṉingô mi jôvuṉ’intyôzô sam̃, ndô ayè are tèṽiza p’intyôzô sam̃ n’antyoṉi mè, aziza sô n’itwe s’ewônjô zè. 45Ô pa somba myè, ndô ayè, mi ga jingiṉe gô nagô yo, e pa tiga gô somb’intyôzô sam̃. 46Ô pa kil’ewônjô zam̃ agali, ndô ayè are kila p’intyôzô sam̃ agali mi nkangô. 47Sambô mi bulinyo inè, ibe sè ijenge si re yè nyezô pa, konde are tonda pa pôlô. Ndô ayè yi re nyezô pa ’mwezom̃a e tonda kè ’mwezom̃a. 48N’awulinyè yè ômwantô inè: Ibe so s’anyezyô. 49Waô w’avegagi baru na yè gw’inya, w’avakilyi gô bulya gw’irèm̃i yaô inè: Wiṉo mande e nyeza vangaṉ’ibe? 50Ndô Yesu awulinyi ômwantô inè: Ibekelyi so si re wè sungiṉa pa, gèndaga n’am̃ènjè.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.