Mark 12
12
1Avakilyi Yesu gô kamba na waô n’inkôgô, inè: Ôma aṽèṉi ntyaga y’igoli.
N’agômbiṉi yè yô n’ôgômba vingô, arumb’ivyariṉô nyi pyarô ivè, aṉôge nagô yi pengiṉa, ava yô mongi janja, n’agèndi yè gw’iṉongw’inyèṉè. 2Gw’egômbe z’ayoli n’ilônda, arôm̃i yè nyôngô gôre mongi janja, gô bong’ilônda yi ntyaga y’igoli avila gôre mongi janja. 3N’agôti waô yè, aziṽè, awizè ôrevô. 4N’arô tôm̃i yè nyôngô nyèṉè gôre waô, n’awonji waô yè gw’ewônjô, avugizè. 5N’arôm̃i yè yi ntyarô, n’ayôṉi waô yè; n’inyèṉè sinyenge, inyèwo nsiṽôgô, n’inyèwo kè njôṉôgô. 6Avegagi kè n’ômwaṉ’ôṉôm̃e ôm̃ori wi tôndô yè; gô num̃uṉa arôm̃yè yè gôre waô, awulya inè: Wi be bimby’ômwaṉi wam̃. 7Ndô iyanjisi mèyoṉo y’awulyaṉi nè: Wiṉo n’ôyigisi; ôvirôṉi, azwè ga yôṉeṉi yè, ko ijiga dwaṉ’isazô. 8N’agôti waô yè, ayôṉè, arômbè avila gô ntyaga y’igoli. 9Sambô ôṉivi wi ntyaga e be denda sèṉi? E be bya, ayiliza mongi mèsoṉo, ave ntyaga mè gôr’aṉag’awèṉè.
10Aṉwè pa tanguṉ’igamba mènyoṉo nyi re tèndô pa inè: Idô ny’aṽikyô n’iṉôgisi ny’atweṉi gw’ewônjô zi ntulungu; 11igamba nyiṉo nyi pila gôre Rerè, nyi re kè nyi mamô gw’antyo mazô?
12Awuti waô gô kôtè, ndô w’aryeṉi aṉaga. W’amyeṉi nè, Yesu agôvi nkôgô mèyoṉo gô sira waô. N’arigi waô yè, agèndaga.
13Arôm̃i waô gôre Yesu awèwo w’ifarisi na wa mongi Erod gô kôtè n’agambi mèmè. 14N’aṽyeṉi waô awulinyè inè: Ôṉènji, azw’avôrô inè, awè ôma w’ôrèti, na inè, ô zel’isolo kè n’ôm’edu; konde ô pa pôn’azô m’aṉaga, ndô ô nènje mpoṉo y’Anyambyè rèti. Are kwèkwè gô pe Sezar mpagô, mbè gô dwaṉa ava? Azwè ga ve mbè azwè ava? 15Ndô Yesu amyeṉi ômbyagwaṉi waô, awiṉizi yè waô inè: Ntiṉa nde yi demba ṉwè myè? Ṽagaṉi myè fura ko mi jeṉa yô. 16N’aṽagi waô yô; n’aṽambyô waô ne Yesu inè: Egolaṉi ziṉo n’irèndo yiṉo ya mande? Awulinyi waô yè inè: Yi Sezar. 17N’awulinyô waô ne Yesu inè: Vaṉi gôre Sezar yom̃a yi Sezar, na gôr’Anyambyè yom̃a y’Anyambyè. N’am̃ami waô yè pôlô.
18Isadusi si bulya inè, e zel’itôngwa s’aṉaga, w’aṽyeṉi gôre Yesu avambyè inè: 19Ôṉènji, Môsès azômbyi zwè inè. Ja mwô’ngwè w’ôma ajuwa, ko yè tig’ômwantô, ko arig’awaṉa, mwô’ngi yè e ga yig’ômwantô wè, ayaṉ’awaṉa gôre mwô’ngi yè. 20Avegagi awôngwè ôrwageṉô. N’ayômbi ôlônga ômwantô, ayuwi yè, ko yè arig’awaṉa. 21N’ayômbyô yè ne w’aṽaṉi, n’ayuwi kè yè, ko yè arig’awaṉa. N’egolaṉi mèmô kè w’ararô, 22yeṉo kè waôdu ôrwageṉô wi pa tig’awaṉa. Waôdu juwa pa, gô num̃uṉa ayuwi ômwantô kè. 23Gw’itôngwa e be dwaṉ’ômwantô wa mande gôre waô? Konde waô ôrwageṉô w’ayômbi yè. 24N’awiṉizô waô ne Yesu inè: Ntiṉa yi fwem̃a ṉwè aranga yiṉo inè, konde aṉwè pa kôtiz’irèndo ge ngulu y’Anyambyè? 25Konde gô be tôngwa mongi wi re juwa pa, aṉôm̃e wi ze jômb’antô, ge antô jômb’aṉôm̃e, ndô wi be dwaṉa ga iyenjèl si re g’ôrôṽa. 26Ndô g’ômwanja w’itôngwa sa mongi wi re juwa pa, aṉwè pa tanguṉa gw’ezangô zi Môsès, nt’awulinyô yè ne Anyambyè gô ñônjô inè: Myè n’Anyambyè y’Abraam, n’Anyambyè y’Izaak, n’Anyambyè yi Yakob? 27Anyambyè arang’Anyambyè ya mongi wi re juwa pa, ndô ya mongi wi re bo. Aṉwè fwem̃a pôlô.
28Aṽyeṉi gôre yè ôm̃ori w’irèndisi ayogo waô wi kotaṉa, na gw’ayeṉi yè inè, Yesu ajiviri isadusi mbyambye, azèvi pyèrè, aṽambyè inè: Ivang’ivôlô gô môdu ne nyeṉi? 29Awiṉizô yè ne Yesu inè: Ivang’ivôlô nyi re nè: Israèl vôganyô, Rerè Anyambyè yazô, ne Rerè mori. 30Ronde Rerè Anyambyè yo, n’ôrèm̃i wo wôdu, n’iṉiṉi nyo nyôdu, n’ipikilyi so sôdu, ni ngulu yo yôdu. 31Na ny’ambaṉi nyi re nè: Rond’ôrangaṉô wo g’ôkuṽi womè. E zel’ivang’inyèṉè ivôlô vyagaṉô na miṉo. 32N’awulinyô yè n’ôrèndisi nè: Ôṉènji, rèti w’abulyi mbyambye inè, Anyambyè yi re mori, na inè, e zele nyèṉè kaô yè, 33na gô tondè n’ôrèm̃a wôdu, n’ipikilya sôdu, n’iṉiṉa nyôdu, ni ngulu yôdu, na gô tond’ôrangaṉô g’ôkuṽa w’ôma mè, yi re vyagaṉô n’intyagô si pezô sôdu n’intyagô sôdu s’inya. 34Gw’ayeṉi Yesu inè, ajiviri mbyambye, awulinyi yè inè: Ô zele bô avila gw’iṉongo ny’Anyambyè. N’avila vovo e pa joly’ôma gô tô bambyè ikotè.
35Awiṉizi Yesu gw’aṉènjagi yè gô nagô y’Anyambyè awulya inè: Irèndisi yi bulya inè, Krist ômwaṉa wi David sèṉi? 36David ayèmè awulyi n’Iṉiṉ’Iṽya inè: Rerè awulinyi Reri yam̃ inè: Lwaṉa baru g’ôgo wam̃ ôṉôm̃yè, kaô my’apanga ilôvalôvi yo iyariṉô ny’agôlô mo. 37David ayèmè e fweyè inè, Rerè; sambô ayè ko dwaṉ’ômwaṉi wè sèṉi? N’aṉag’awenge w’arondi gô pôganyô yè.
38Awulinyi yè waô gw’inènji sè inè: Ṽandam̃iṉaṉi gôr’irèndisi, yi tonda gô tèka n’irôgôsambala, aronda gô sanguṉô gw’agôliṉô; 39yi but’alwaṉô mi ṉam̃i gw’inagô s’isoṉo n’imbôr’imbya gw’igeṽe; 40wi ny’inagô s’itika, agambiṉ’ôling’ôla mpondyaga. Wiṉo wi be dèng’ôgara vyagaṉô.
41Alwaṉi Yesu swaswo n’egara z’aṉiva, avôna nt’awelagi aṉaga sika gw’egara. Kiti yenge y’aweli pôlô. 42N’aṽyeṉi kè ôtika w’ôkuge, n’aweli yè vintè mbaṉi. 43N’aweyi yè iṉèngi yè awulinya waô inè: Rèti mi bulinya ṉwè inè: ôkuge w’ômwantô wiṉo are pa pa vyagaṉô na waôdu w’afwelaga gw’egara; 44konde waôdu w’afwela avila gw’ibuṉi saô, ndô ayè avila gw’ikugi sè, afwela yom̃a yôdu y’apegaga na yè, vangaṉe ntôliṉô yè yôdu.
Đang chọn:
Mark 12: MYE
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.
Mark 12
12
1Avakilyi Yesu gô kamba na waô n’inkôgô, inè: Ôma aṽèṉi ntyaga y’igoli.
N’agômbiṉi yè yô n’ôgômba vingô, arumb’ivyariṉô nyi pyarô ivè, aṉôge nagô yi pengiṉa, ava yô mongi janja, n’agèndi yè gw’iṉongw’inyèṉè. 2Gw’egômbe z’ayoli n’ilônda, arôm̃i yè nyôngô gôre mongi janja, gô bong’ilônda yi ntyaga y’igoli avila gôre mongi janja. 3N’agôti waô yè, aziṽè, awizè ôrevô. 4N’arô tôm̃i yè nyôngô nyèṉè gôre waô, n’awonji waô yè gw’ewônjô, avugizè. 5N’arôm̃i yè yi ntyarô, n’ayôṉi waô yè; n’inyèṉè sinyenge, inyèwo nsiṽôgô, n’inyèwo kè njôṉôgô. 6Avegagi kè n’ômwaṉ’ôṉôm̃e ôm̃ori wi tôndô yè; gô num̃uṉa arôm̃yè yè gôre waô, awulya inè: Wi be bimby’ômwaṉi wam̃. 7Ndô iyanjisi mèyoṉo y’awulyaṉi nè: Wiṉo n’ôyigisi; ôvirôṉi, azwè ga yôṉeṉi yè, ko ijiga dwaṉ’isazô. 8N’agôti waô yè, ayôṉè, arômbè avila gô ntyaga y’igoli. 9Sambô ôṉivi wi ntyaga e be denda sèṉi? E be bya, ayiliza mongi mèsoṉo, ave ntyaga mè gôr’aṉag’awèṉè.
10Aṉwè pa tanguṉ’igamba mènyoṉo nyi re tèndô pa inè: Idô ny’aṽikyô n’iṉôgisi ny’atweṉi gw’ewônjô zi ntulungu; 11igamba nyiṉo nyi pila gôre Rerè, nyi re kè nyi mamô gw’antyo mazô?
12Awuti waô gô kôtè, ndô w’aryeṉi aṉaga. W’amyeṉi nè, Yesu agôvi nkôgô mèyoṉo gô sira waô. N’arigi waô yè, agèndaga.
13Arôm̃i waô gôre Yesu awèwo w’ifarisi na wa mongi Erod gô kôtè n’agambi mèmè. 14N’aṽyeṉi waô awulinyè inè: Ôṉènji, azw’avôrô inè, awè ôma w’ôrèti, na inè, ô zel’isolo kè n’ôm’edu; konde ô pa pôn’azô m’aṉaga, ndô ô nènje mpoṉo y’Anyambyè rèti. Are kwèkwè gô pe Sezar mpagô, mbè gô dwaṉa ava? Azwè ga ve mbè azwè ava? 15Ndô Yesu amyeṉi ômbyagwaṉi waô, awiṉizi yè waô inè: Ntiṉa nde yi demba ṉwè myè? Ṽagaṉi myè fura ko mi jeṉa yô. 16N’aṽagi waô yô; n’aṽambyô waô ne Yesu inè: Egolaṉi ziṉo n’irèndo yiṉo ya mande? Awulinyi waô yè inè: Yi Sezar. 17N’awulinyô waô ne Yesu inè: Vaṉi gôre Sezar yom̃a yi Sezar, na gôr’Anyambyè yom̃a y’Anyambyè. N’am̃ami waô yè pôlô.
18Isadusi si bulya inè, e zel’itôngwa s’aṉaga, w’aṽyeṉi gôre Yesu avambyè inè: 19Ôṉènji, Môsès azômbyi zwè inè. Ja mwô’ngwè w’ôma ajuwa, ko yè tig’ômwantô, ko arig’awaṉa, mwô’ngi yè e ga yig’ômwantô wè, ayaṉ’awaṉa gôre mwô’ngi yè. 20Avegagi awôngwè ôrwageṉô. N’ayômbi ôlônga ômwantô, ayuwi yè, ko yè arig’awaṉa. 21N’ayômbyô yè ne w’aṽaṉi, n’ayuwi kè yè, ko yè arig’awaṉa. N’egolaṉi mèmô kè w’ararô, 22yeṉo kè waôdu ôrwageṉô wi pa tig’awaṉa. Waôdu juwa pa, gô num̃uṉa ayuwi ômwantô kè. 23Gw’itôngwa e be dwaṉ’ômwantô wa mande gôre waô? Konde waô ôrwageṉô w’ayômbi yè. 24N’awiṉizô waô ne Yesu inè: Ntiṉa yi fwem̃a ṉwè aranga yiṉo inè, konde aṉwè pa kôtiz’irèndo ge ngulu y’Anyambyè? 25Konde gô be tôngwa mongi wi re juwa pa, aṉôm̃e wi ze jômb’antô, ge antô jômb’aṉôm̃e, ndô wi be dwaṉa ga iyenjèl si re g’ôrôṽa. 26Ndô g’ômwanja w’itôngwa sa mongi wi re juwa pa, aṉwè pa tanguṉa gw’ezangô zi Môsès, nt’awulinyô yè ne Anyambyè gô ñônjô inè: Myè n’Anyambyè y’Abraam, n’Anyambyè y’Izaak, n’Anyambyè yi Yakob? 27Anyambyè arang’Anyambyè ya mongi wi re juwa pa, ndô ya mongi wi re bo. Aṉwè fwem̃a pôlô.
28Aṽyeṉi gôre yè ôm̃ori w’irèndisi ayogo waô wi kotaṉa, na gw’ayeṉi yè inè, Yesu ajiviri isadusi mbyambye, azèvi pyèrè, aṽambyè inè: Ivang’ivôlô gô môdu ne nyeṉi? 29Awiṉizô yè ne Yesu inè: Ivang’ivôlô nyi re nè: Israèl vôganyô, Rerè Anyambyè yazô, ne Rerè mori. 30Ronde Rerè Anyambyè yo, n’ôrèm̃i wo wôdu, n’iṉiṉi nyo nyôdu, n’ipikilyi so sôdu, ni ngulu yo yôdu. 31Na ny’ambaṉi nyi re nè: Rond’ôrangaṉô wo g’ôkuṽi womè. E zel’ivang’inyèṉè ivôlô vyagaṉô na miṉo. 32N’awulinyô yè n’ôrèndisi nè: Ôṉènji, rèti w’abulyi mbyambye inè, Anyambyè yi re mori, na inè, e zele nyèṉè kaô yè, 33na gô tondè n’ôrèm̃a wôdu, n’ipikilya sôdu, n’iṉiṉa nyôdu, ni ngulu yôdu, na gô tond’ôrangaṉô g’ôkuṽa w’ôma mè, yi re vyagaṉô n’intyagô si pezô sôdu n’intyagô sôdu s’inya. 34Gw’ayeṉi Yesu inè, ajiviri mbyambye, awulinyi yè inè: Ô zele bô avila gw’iṉongo ny’Anyambyè. N’avila vovo e pa joly’ôma gô tô bambyè ikotè.
35Awiṉizi Yesu gw’aṉènjagi yè gô nagô y’Anyambyè awulya inè: Irèndisi yi bulya inè, Krist ômwaṉa wi David sèṉi? 36David ayèmè awulyi n’Iṉiṉ’Iṽya inè: Rerè awulinyi Reri yam̃ inè: Lwaṉa baru g’ôgo wam̃ ôṉôm̃yè, kaô my’apanga ilôvalôvi yo iyariṉô ny’agôlô mo. 37David ayèmè e fweyè inè, Rerè; sambô ayè ko dwaṉ’ômwaṉi wè sèṉi? N’aṉag’awenge w’arondi gô pôganyô yè.
38Awulinyi yè waô gw’inènji sè inè: Ṽandam̃iṉaṉi gôr’irèndisi, yi tonda gô tèka n’irôgôsambala, aronda gô sanguṉô gw’agôliṉô; 39yi but’alwaṉô mi ṉam̃i gw’inagô s’isoṉo n’imbôr’imbya gw’igeṽe; 40wi ny’inagô s’itika, agambiṉ’ôling’ôla mpondyaga. Wiṉo wi be dèng’ôgara vyagaṉô.
41Alwaṉi Yesu swaswo n’egara z’aṉiva, avôna nt’awelagi aṉaga sika gw’egara. Kiti yenge y’aweli pôlô. 42N’aṽyeṉi kè ôtika w’ôkuge, n’aweli yè vintè mbaṉi. 43N’aweyi yè iṉèngi yè awulinya waô inè: Rèti mi bulinya ṉwè inè: ôkuge w’ômwantô wiṉo are pa pa vyagaṉô na waôdu w’afwelaga gw’egara; 44konde waôdu w’afwela avila gw’ibuṉi saô, ndô ayè avila gw’ikugi sè, afwela yom̃a yôdu y’apegaga na yè, vangaṉe ntôliṉô yè yôdu.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.