Maariko 1
1
Yowana kaachumachumira Yeesu injira
(Mataayo 3:1‑12; Ruuka 3:1‑18; Yowana 1:19‑28)
1Bhunu nibhwo obhwambiro bhwa Emisango ja Ekisi ja Yeesu Kirisito,#1:1a Kirisito. Ni musango gwa Echiyunaani, obhugajuro bhwagwo ni unu abhambagirwe amafuta. Mu‑Chiyebhuraniya ogutogwa ati, Masiya. Abhayawudi bhaariga nibheeyikanya ati, Nyamuwanga arituma Masiya, oyo niwe unu aribhachungura okusooka mu‑nyaako. Ku‑meeresyo amaafu, ringira mu‑Meeresyo inguru ya Emisango Emikomeeye. Omwana wa Nyamuwanga.#1:1b Omwana wa Nyamuwanga. Ku‑meeresyo amaafu, ringira mu‑Meeresyo inguru ya Emisango Emikomeeye. 2꞉Bhwaambire rwa kutyo jikaamirwe mu‑chitabho cha omuragi Iisaya ati,
“Ringira, enituma itumwa yaani imbere yaawo, akutangatire na okukwiraabhira injira.#1:2 Ringira Maraaki 3:1.
3Itumwa eyo niwe aryamura obhuraka mw‑ibhara ati,
‘Muchumachumire Raatabhugenyi injira,
mwimye anu kaja okutura!’#1:3 Ringira Iisaya 40:3.”
4Itumwa eyo aariga ˆnaatogwa Yowana Omubhatiija. Aariga ari mw‑ibhara ˆnaaraasisyaga abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!” 5Abhaanu bhaafu bhaariga nibhamuuja‑ko okusooka mu‑musi gwa Yerusareemu na mu‑mukoowa gwone gwa Yuudeya. Abhaanu abho, bhaariga nibhegamba ebhibhiibhi bhyebhwe, na omwene ˆnaabhabhatiija mu‑musima gwa Yorodaani.
6Yowana aafwaraga emyenda jinu jaariga jirukirwe na obhusinga bhwa jingamiya, na eebhoyaga omuchipi gwa orukobha mu‑chibhunu chaaye. Ebhiryo bhyaye bhyariga bhiri jiisige na obhuuki.
7Yowana aaraasyaga ˆnaayika ati, “Gutari mwanya omureera kaja okuuja omuunu owundi owa obhuturo okunkira. Anye niteeyire noorwo okwinama na okusuruumura jingoye ja ebhiraato bhyaye.#1:7 Okusuruumura jingoye ja ebhiraato bhyaye. Mu‑siku jirya, omurimu gwa okusuruumura jingoye ja ebhiraato bhya abhagenyi gwariga nigukorwa na abhagaya bha emwaro muno. 8Anye enibhabhatiija mu‑manji, nawe omwene aribhabhatiija kwa Mwoyo Mweru.”
Yeesu kaabhatiijibhwa na okuregeejwa mw‑ibhara
(Mataayo 3:13–4:11; Ruuka 3:21‑22, 4:1‑13)
9Mbe, omwanya ogwo, Yeesu ˆnaaja okusooka mu‑musi gwa Najareeti, mu‑mukoowa gwa Gariraaya, ˆnaagenda ku‑Yowana. Niwo Yowana ˆnaamubhatiija mu‑musima gwa Yorodaani. 10Omwanya gunu Yeesu aariinyaga okusooka mu‑manji, awoawo ˆnaarora orwire nirwiguka, na Mwoyo Mweru ˆneeka inguru yaaye rwa echiguuti. 11Obhuraka okusooka mu‑rwire nibhwayika ati, “Awe naawe Omwana waani omwendwa! Naawe owunkondisya!”
12Awoawo Mwoyo Mweru ˆnaatangasya Yeesu okuja mw‑ibhara. 13ˆNaabha eyo masuubha makumi gana, ˆnaaregeejibhwaga na Syetaani.#1:13a Syetaani. Ku‑meeresyo amaafu, ringira mu‑Meeresyo inguru ya Emisango Emikomeeye. Aariga ari aamwi na jityanyi ja mw‑ibhara, wone bhamaraayika#1:13b Bhamaraayika. Ku‑meeresyo amaafu, ringira Maraayika mu‑Meeresyo inguru ya Emisango Emikomeeye. bha Nyamuwanga bhaariga nibhamusakira.
Yeesu kaasora abheeyigisibhwa
(Mataayo 4:12‑22; Ruuka 4:14‑15, 5:1‑11)
14Nijitura siku nyafu, Yowana ˆnaabhoywa mw‑ibhoyero.#1:14 Yowana ˆnaabhoywa mw‑ibhoyero. ꞉Aabhoyerwe kwa okubha ꞉aagonyiisye omukama Yeroode Atipaasi inguru ya ebhibhiibhi bhyaye. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga. 15Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga#1:15 Obhukama bhwa Nyamuwanga. Ku‑meeresyo amaafu, ringira mu‑Meeresyo inguru ya Emisango Emikomeeye. bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”
16Rusuku rumwi, omwanya gunu Yeesu aaturaga ku‑njekekera ya inyanja ya Gariraaya, ˆnaarora abhaanu bhabhiri, Simooni aamwi na Andereya omumura waabho. Bhaariga nibheesa rigoobhe, kwa okubha bhaariga bhari bhakokoosi. 17Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.”#1:17 Abhategi bha abhaanu. Obhugajuro bhwagwo ni ati, bhasoosye abhaanu mu‑bhibhiibhi bhyebhwe na okubhakumanya aamwi ku‑bhaanu bha Nyamuwanga. 18Awoawo, nibhasiga amagoobhe geebhwe, nibhamuruubha.
19Omwanya gunu ꞉aafogeeye‑wo imbere kutooto aamwi na abheeyigisibhwa bhaaye bhabhiri bharya, ˆnaarora Yakobho na Yowana omumura waabho, abhaana bha Jebhedaayo bhari mu‑ngama, nibhasobhooraga amagoobhe geebhwe. 20Awoawo, ˆnaabhabhwira ati bhamuruubhe, bhabhe abheeyigisibhwa bhaaye. Nibhasiga esemwene aamwi na abhakosi bhaaye mu‑ngama, nibhamuruubha.
Yeesu keeresya amanaga gaaye
(Ruuka 4:31‑37)
21Niwo Yeesu na abheeyigisibhwa bhaaye abhana abho nibhagenda mu‑musi gwa Kaperinaawumu. Orusuku rwa Isabhaato#1:21a Isabhaato. Ku‑Bhayawudi ni rusuku rwa okuramya Nyamuwanga na okwisya omwoyo era. Ku‑meeresyo amaafu, ringira mu‑Meeresyo inguru ya Emisango Emikomeeye. rwejire rwakinga, nibheengira mu‑nju ya eriikofyanyo rya Abhayawudi,#1:21b Mu‑nju ya eriikofyanyo rya Abhayawudi. Inju eyo yaariga iri inju ya Abhayawudi okwikofyanya‑mo inguru ya okuramya Nyamuwanga na okwiyigisyanya Ebhikaame Ebhyeru, chimwichimwi mu‑masangisyo geebhwe ku‑rusuku rwa Isabhaato. Ku‑meeresyo amaafu, ringira Inju ya eriikofyanyo rya Abhayawudi mu‑Meeresyo inguru ya Emisango Emikomeeye. Yeesu ˆnaamba okwiyigisya. 22Abhaanu bhoone bhanu bhaariga nibhamutegeresya, nibharuguurira muno ameeyigisyo gaaye. Okubha eeyigisyaga rwa omuunu owa obhuturo, aariga atakwiyigisya rwa kutyo abheeyigisya bheebhwe bha ebhiraagiro bhya Muusa#1:22 Abheeyigisya bheebhwe bha ebhiraagiro bhya Muusa. Ku‑meeresyo amaafu, ringira Abheeyigisya bha ebhiraagiro bhya Muusa mu‑Meeresyo inguru ya Emisango Emikomeeye. bheeyigisyaga.
23Mu‑nju omwo, aariga ari‑mo omuunu umwi awungirwe risambwa. ˆNaamura obhuraka, 24ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”
25Yeesu ˆnaagonya risambwa eryo ˆnaaribhwira ati, “Jibhira! Sooka mu‑muunu unu!” 26Risambwa eryo, ˆnirimugwisya aasi rwa omuunu unu aguuye echitwe, ˆnirikunga na okumusooka‑ko. 27Abhaanu bhoone nibharuguura muno, nibhabhuusyanya ati, “Niki chinu? Ameeyigisyo amayaaya ago, gari na obhuturo! Ka wone, muringire, ari na amanaga noorwo ga okugonya amasambwa,#1:27 Amasambwa. Ku‑meeresyo amaafu, ringira mu‑Meeresyo inguru ya Emisango Emikomeeye. wone agamugayuka.” 28꞉Gutaaturire omwanya omureera, abhaanu okusooka mu‑mukoowa gwone gwa Gariraaya nibhabha bhoonguuwe emisango inguru ya Yeesu.
Yeesu kaawosya abhaanu
(Mataayo 8:14‑17; Ruuka 4:38‑41)
29Yeesu na abheeyigisibhwa bhaaye abho, bhejire bhaasooka mu‑nju ya eriikofyanyo rya Abhayawudi, nibhagenda wa Simooni na Andereya. 30Bhejire bhaakinga era, Yeesu ˆnaabhwirwa ati, nyaabhuko Simooni amaamire ku‑bhuriri, ari na omuswija mwafu. 31Niwo Yeesu ˆnaamujaa‑ko, ˆnaamugwata okubhoko, ˆnaamwinamusya. Awoawo omugasi oyo ˆnaawora omuswija ogwo, ˆnaamba okubhafurubhendera.
32Orusuku orwo keegoro, Isabhaato yejire yaatura,#1:32 Isabhaato yejire yaatura. Ni ku‑Sabhaato keegoro, kwa okubha Abhayawudi bhaariga nibhabhara orusuku okwambira keegoro okukingira mwejo yende‑ko keegoro. Abheeyigisya bha ebhiraagiro bhya Muusa ꞉bheeyigisiisye ati, abhaanu bhatakwendwa okuwosibhwa ku‑rusuku rwa Isabhaato. Okuruubhana na ejo, abhaanu ꞉bhaarindiriiye okukingira keegoro okureetera Yeesu abharwaye bheebhwe. abhaanu bha mu‑musi omwo nibhareetera Yeesu abharwaye bhaafu, na bhanu bhaariga bhawungirwe amasambwa. 33Abhaanu bhaafu okusooka mu‑musi omwo nibhabhugana ku‑rubhuga rwa inju ya Simooni na Andereya. 34Yeesu ˆnaawosya abhaanu bhaafu bhanu bhaariga bhari na amarwara ga bhuri mbaga. Ka wone, ˆnaabhasoosya‑ko amasambwa maafu, nawe ꞉ateekirisisiisye amasambwa gaayike, kwa okubha gaariga gamumenyere ati ni Mwana wa Nyamuwanga.
Yeesu kaagenda okusabhwa bhumbise
(Ruuka 4:42‑44)
35Mwejo yende‑ko mu‑ruguru Yeesu ˆneemuka, ˆnaagenda orubhaara runu abhaanu bhaariga bhatari, ˆnaamba okusabhwa. 36Simooni na abheejaabho bhejire bhaasongʼana atari‑mo mu‑nju, nibhagenda okumuyenja. 37Bhejire bhaamubhona, nibhamubhwira ati, “Abhaanu bhaafu muno eyo abhakuyenja!”
38Yeesu ˆnaabhabhwira ati, “Chigende mu‑misi ejindi jinu jisiijeene na gunu, korereki niraasye eyo wone, kwa okubha emirimu ejo, nijo niijire okukora.” 39Niwo ˆneeyinda mu‑mukoowa gwone gwa Gariraaya na okuraasya mu‑nju ja ameekofyanyo geebhwe, enu ˆnaasoosyaga amasambwa mu‑bhaanu.
Yeesu kaawosya owa ebhigenge
(Mataayo 8:1‑4; Ruuka 5:12‑16)
40Rusuku rumwi, omuunu umwi unu aariga arwaye ebhigenge#1:40 Ebhigenge. Ni bhurwaye bhwa ku‑rususu rwa omubhiri gwa omuunu. Abha ebhigenge bhatakwendwa okusaasikana na abhaanga, noorwo okwingira mu‑nju ya okuramisya. ˆnaaja ku‑Yeesu. ˆNaamwifukamira, ˆnaamwirembeeresya ati, “Nimenyere ati uri na obhuturo bhwa okummosya korereki neere. Ukeenda, enisabhwa ummosye!” 41Yeesu ˆnaamufwira echigongo, ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” 42Awoawo, ˆnaawora ebhigenge bhyaye, ˆneera. 43Neeya Yeesu ˆnaamubhwira ati, “Sooka anu bhwangwe,” 44ˆnaamukomeeresya ati, “Waasiga okubhwira omuunu woonewoone inguru ya omusango gunu! Tari nuugende ku‑mugabhisi akurore,#1:44a Ku‑mugabhisi akurore. Okuruubhana na ebhiraagiro bhya Muusa, omugabhisi niwe aariga ˆnaayika echimari ati omuunu unu eesibhwa ebhigenge bhyaye. Ringira Abharaawi 14:1‑32; Orwichuko rwa Ebhiraagiro 24:8. usoosye echoogo#1:44b Echoogo. Ku‑meeresyo amaafu, ringira mu‑Meeresyo inguru ya Emisango Emikomeeye. rwa kutyo ebhiraagiro bhya Muusa ꞉bhyaragiriiye, korereki bhubhe obhubhambaasi ku‑bhaanu ati, weesibhwa.” 45Nawe, omwanya gunu omuunu oyo ꞉aasookere awo, ˆnaamba okuraasya abhwerubhweru bhuri rubhaara emisango ja okuwosibhwa kwaye. Okuruubhana na ejo, Yeesu ˆnaataamibhwa okwingira abhwerubhweru mu‑musi gwonegwone gurya. ˆNeenyanja eenyere anja ya emisi anu abhaanu bhaariga bhatari, noorwo kutyo abhaanu bhaamujaaga‑ko okusooka bhuri rubhaara.
Đang chọn:
Maariko 1: jit
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2023, Wycliffe Bible Translators, Inc. All rights reserved.
Maariko 1
1
Yowana kaachumachumira Yeesu injira
(Mataayo 3:1‑12; Ruuka 3:1‑18; Yowana 1:19‑28)
1Bhunu nibhwo obhwambiro bhwa Emisango ja Ekisi ja Yeesu Kirisito,#1:1a Kirisito. Ni musango gwa Echiyunaani, obhugajuro bhwagwo ni unu abhambagirwe amafuta. Mu‑Chiyebhuraniya ogutogwa ati, Masiya. Abhayawudi bhaariga nibheeyikanya ati, Nyamuwanga arituma Masiya, oyo niwe unu aribhachungura okusooka mu‑nyaako. Ku‑meeresyo amaafu, ringira mu‑Meeresyo inguru ya Emisango Emikomeeye. Omwana wa Nyamuwanga.#1:1b Omwana wa Nyamuwanga. Ku‑meeresyo amaafu, ringira mu‑Meeresyo inguru ya Emisango Emikomeeye. 2꞉Bhwaambire rwa kutyo jikaamirwe mu‑chitabho cha omuragi Iisaya ati,
“Ringira, enituma itumwa yaani imbere yaawo, akutangatire na okukwiraabhira injira.#1:2 Ringira Maraaki 3:1.
3Itumwa eyo niwe aryamura obhuraka mw‑ibhara ati,
‘Muchumachumire Raatabhugenyi injira,
mwimye anu kaja okutura!’#1:3 Ringira Iisaya 40:3.”
4Itumwa eyo aariga ˆnaatogwa Yowana Omubhatiija. Aariga ari mw‑ibhara ˆnaaraasisyaga abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!” 5Abhaanu bhaafu bhaariga nibhamuuja‑ko okusooka mu‑musi gwa Yerusareemu na mu‑mukoowa gwone gwa Yuudeya. Abhaanu abho, bhaariga nibhegamba ebhibhiibhi bhyebhwe, na omwene ˆnaabhabhatiija mu‑musima gwa Yorodaani.
6Yowana aafwaraga emyenda jinu jaariga jirukirwe na obhusinga bhwa jingamiya, na eebhoyaga omuchipi gwa orukobha mu‑chibhunu chaaye. Ebhiryo bhyaye bhyariga bhiri jiisige na obhuuki.
7Yowana aaraasyaga ˆnaayika ati, “Gutari mwanya omureera kaja okuuja omuunu owundi owa obhuturo okunkira. Anye niteeyire noorwo okwinama na okusuruumura jingoye ja ebhiraato bhyaye.#1:7 Okusuruumura jingoye ja ebhiraato bhyaye. Mu‑siku jirya, omurimu gwa okusuruumura jingoye ja ebhiraato bhya abhagenyi gwariga nigukorwa na abhagaya bha emwaro muno. 8Anye enibhabhatiija mu‑manji, nawe omwene aribhabhatiija kwa Mwoyo Mweru.”
Yeesu kaabhatiijibhwa na okuregeejwa mw‑ibhara
(Mataayo 3:13–4:11; Ruuka 3:21‑22, 4:1‑13)
9Mbe, omwanya ogwo, Yeesu ˆnaaja okusooka mu‑musi gwa Najareeti, mu‑mukoowa gwa Gariraaya, ˆnaagenda ku‑Yowana. Niwo Yowana ˆnaamubhatiija mu‑musima gwa Yorodaani. 10Omwanya gunu Yeesu aariinyaga okusooka mu‑manji, awoawo ˆnaarora orwire nirwiguka, na Mwoyo Mweru ˆneeka inguru yaaye rwa echiguuti. 11Obhuraka okusooka mu‑rwire nibhwayika ati, “Awe naawe Omwana waani omwendwa! Naawe owunkondisya!”
12Awoawo Mwoyo Mweru ˆnaatangasya Yeesu okuja mw‑ibhara. 13ˆNaabha eyo masuubha makumi gana, ˆnaaregeejibhwaga na Syetaani.#1:13a Syetaani. Ku‑meeresyo amaafu, ringira mu‑Meeresyo inguru ya Emisango Emikomeeye. Aariga ari aamwi na jityanyi ja mw‑ibhara, wone bhamaraayika#1:13b Bhamaraayika. Ku‑meeresyo amaafu, ringira Maraayika mu‑Meeresyo inguru ya Emisango Emikomeeye. bha Nyamuwanga bhaariga nibhamusakira.
Yeesu kaasora abheeyigisibhwa
(Mataayo 4:12‑22; Ruuka 4:14‑15, 5:1‑11)
14Nijitura siku nyafu, Yowana ˆnaabhoywa mw‑ibhoyero.#1:14 Yowana ˆnaabhoywa mw‑ibhoyero. ꞉Aabhoyerwe kwa okubha ꞉aagonyiisye omukama Yeroode Atipaasi inguru ya ebhibhiibhi bhyaye. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga. 15Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga#1:15 Obhukama bhwa Nyamuwanga. Ku‑meeresyo amaafu, ringira mu‑Meeresyo inguru ya Emisango Emikomeeye. bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”
16Rusuku rumwi, omwanya gunu Yeesu aaturaga ku‑njekekera ya inyanja ya Gariraaya, ˆnaarora abhaanu bhabhiri, Simooni aamwi na Andereya omumura waabho. Bhaariga nibheesa rigoobhe, kwa okubha bhaariga bhari bhakokoosi. 17Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.”#1:17 Abhategi bha abhaanu. Obhugajuro bhwagwo ni ati, bhasoosye abhaanu mu‑bhibhiibhi bhyebhwe na okubhakumanya aamwi ku‑bhaanu bha Nyamuwanga. 18Awoawo, nibhasiga amagoobhe geebhwe, nibhamuruubha.
19Omwanya gunu ꞉aafogeeye‑wo imbere kutooto aamwi na abheeyigisibhwa bhaaye bhabhiri bharya, ˆnaarora Yakobho na Yowana omumura waabho, abhaana bha Jebhedaayo bhari mu‑ngama, nibhasobhooraga amagoobhe geebhwe. 20Awoawo, ˆnaabhabhwira ati bhamuruubhe, bhabhe abheeyigisibhwa bhaaye. Nibhasiga esemwene aamwi na abhakosi bhaaye mu‑ngama, nibhamuruubha.
Yeesu keeresya amanaga gaaye
(Ruuka 4:31‑37)
21Niwo Yeesu na abheeyigisibhwa bhaaye abhana abho nibhagenda mu‑musi gwa Kaperinaawumu. Orusuku rwa Isabhaato#1:21a Isabhaato. Ku‑Bhayawudi ni rusuku rwa okuramya Nyamuwanga na okwisya omwoyo era. Ku‑meeresyo amaafu, ringira mu‑Meeresyo inguru ya Emisango Emikomeeye. rwejire rwakinga, nibheengira mu‑nju ya eriikofyanyo rya Abhayawudi,#1:21b Mu‑nju ya eriikofyanyo rya Abhayawudi. Inju eyo yaariga iri inju ya Abhayawudi okwikofyanya‑mo inguru ya okuramya Nyamuwanga na okwiyigisyanya Ebhikaame Ebhyeru, chimwichimwi mu‑masangisyo geebhwe ku‑rusuku rwa Isabhaato. Ku‑meeresyo amaafu, ringira Inju ya eriikofyanyo rya Abhayawudi mu‑Meeresyo inguru ya Emisango Emikomeeye. Yeesu ˆnaamba okwiyigisya. 22Abhaanu bhoone bhanu bhaariga nibhamutegeresya, nibharuguurira muno ameeyigisyo gaaye. Okubha eeyigisyaga rwa omuunu owa obhuturo, aariga atakwiyigisya rwa kutyo abheeyigisya bheebhwe bha ebhiraagiro bhya Muusa#1:22 Abheeyigisya bheebhwe bha ebhiraagiro bhya Muusa. Ku‑meeresyo amaafu, ringira Abheeyigisya bha ebhiraagiro bhya Muusa mu‑Meeresyo inguru ya Emisango Emikomeeye. bheeyigisyaga.
23Mu‑nju omwo, aariga ari‑mo omuunu umwi awungirwe risambwa. ˆNaamura obhuraka, 24ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”
25Yeesu ˆnaagonya risambwa eryo ˆnaaribhwira ati, “Jibhira! Sooka mu‑muunu unu!” 26Risambwa eryo, ˆnirimugwisya aasi rwa omuunu unu aguuye echitwe, ˆnirikunga na okumusooka‑ko. 27Abhaanu bhoone nibharuguura muno, nibhabhuusyanya ati, “Niki chinu? Ameeyigisyo amayaaya ago, gari na obhuturo! Ka wone, muringire, ari na amanaga noorwo ga okugonya amasambwa,#1:27 Amasambwa. Ku‑meeresyo amaafu, ringira mu‑Meeresyo inguru ya Emisango Emikomeeye. wone agamugayuka.” 28꞉Gutaaturire omwanya omureera, abhaanu okusooka mu‑mukoowa gwone gwa Gariraaya nibhabha bhoonguuwe emisango inguru ya Yeesu.
Yeesu kaawosya abhaanu
(Mataayo 8:14‑17; Ruuka 4:38‑41)
29Yeesu na abheeyigisibhwa bhaaye abho, bhejire bhaasooka mu‑nju ya eriikofyanyo rya Abhayawudi, nibhagenda wa Simooni na Andereya. 30Bhejire bhaakinga era, Yeesu ˆnaabhwirwa ati, nyaabhuko Simooni amaamire ku‑bhuriri, ari na omuswija mwafu. 31Niwo Yeesu ˆnaamujaa‑ko, ˆnaamugwata okubhoko, ˆnaamwinamusya. Awoawo omugasi oyo ˆnaawora omuswija ogwo, ˆnaamba okubhafurubhendera.
32Orusuku orwo keegoro, Isabhaato yejire yaatura,#1:32 Isabhaato yejire yaatura. Ni ku‑Sabhaato keegoro, kwa okubha Abhayawudi bhaariga nibhabhara orusuku okwambira keegoro okukingira mwejo yende‑ko keegoro. Abheeyigisya bha ebhiraagiro bhya Muusa ꞉bheeyigisiisye ati, abhaanu bhatakwendwa okuwosibhwa ku‑rusuku rwa Isabhaato. Okuruubhana na ejo, abhaanu ꞉bhaarindiriiye okukingira keegoro okureetera Yeesu abharwaye bheebhwe. abhaanu bha mu‑musi omwo nibhareetera Yeesu abharwaye bhaafu, na bhanu bhaariga bhawungirwe amasambwa. 33Abhaanu bhaafu okusooka mu‑musi omwo nibhabhugana ku‑rubhuga rwa inju ya Simooni na Andereya. 34Yeesu ˆnaawosya abhaanu bhaafu bhanu bhaariga bhari na amarwara ga bhuri mbaga. Ka wone, ˆnaabhasoosya‑ko amasambwa maafu, nawe ꞉ateekirisisiisye amasambwa gaayike, kwa okubha gaariga gamumenyere ati ni Mwana wa Nyamuwanga.
Yeesu kaagenda okusabhwa bhumbise
(Ruuka 4:42‑44)
35Mwejo yende‑ko mu‑ruguru Yeesu ˆneemuka, ˆnaagenda orubhaara runu abhaanu bhaariga bhatari, ˆnaamba okusabhwa. 36Simooni na abheejaabho bhejire bhaasongʼana atari‑mo mu‑nju, nibhagenda okumuyenja. 37Bhejire bhaamubhona, nibhamubhwira ati, “Abhaanu bhaafu muno eyo abhakuyenja!”
38Yeesu ˆnaabhabhwira ati, “Chigende mu‑misi ejindi jinu jisiijeene na gunu, korereki niraasye eyo wone, kwa okubha emirimu ejo, nijo niijire okukora.” 39Niwo ˆneeyinda mu‑mukoowa gwone gwa Gariraaya na okuraasya mu‑nju ja ameekofyanyo geebhwe, enu ˆnaasoosyaga amasambwa mu‑bhaanu.
Yeesu kaawosya owa ebhigenge
(Mataayo 8:1‑4; Ruuka 5:12‑16)
40Rusuku rumwi, omuunu umwi unu aariga arwaye ebhigenge#1:40 Ebhigenge. Ni bhurwaye bhwa ku‑rususu rwa omubhiri gwa omuunu. Abha ebhigenge bhatakwendwa okusaasikana na abhaanga, noorwo okwingira mu‑nju ya okuramisya. ˆnaaja ku‑Yeesu. ˆNaamwifukamira, ˆnaamwirembeeresya ati, “Nimenyere ati uri na obhuturo bhwa okummosya korereki neere. Ukeenda, enisabhwa ummosye!” 41Yeesu ˆnaamufwira echigongo, ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” 42Awoawo, ˆnaawora ebhigenge bhyaye, ˆneera. 43Neeya Yeesu ˆnaamubhwira ati, “Sooka anu bhwangwe,” 44ˆnaamukomeeresya ati, “Waasiga okubhwira omuunu woonewoone inguru ya omusango gunu! Tari nuugende ku‑mugabhisi akurore,#1:44a Ku‑mugabhisi akurore. Okuruubhana na ebhiraagiro bhya Muusa, omugabhisi niwe aariga ˆnaayika echimari ati omuunu unu eesibhwa ebhigenge bhyaye. Ringira Abharaawi 14:1‑32; Orwichuko rwa Ebhiraagiro 24:8. usoosye echoogo#1:44b Echoogo. Ku‑meeresyo amaafu, ringira mu‑Meeresyo inguru ya Emisango Emikomeeye. rwa kutyo ebhiraagiro bhya Muusa ꞉bhyaragiriiye, korereki bhubhe obhubhambaasi ku‑bhaanu ati, weesibhwa.” 45Nawe, omwanya gunu omuunu oyo ꞉aasookere awo, ˆnaamba okuraasya abhwerubhweru bhuri rubhaara emisango ja okuwosibhwa kwaye. Okuruubhana na ejo, Yeesu ˆnaataamibhwa okwingira abhwerubhweru mu‑musi gwonegwone gurya. ˆNeenyanja eenyere anja ya emisi anu abhaanu bhaariga bhatari, noorwo kutyo abhaanu bhaamujaaga‑ko okusooka bhuri rubhaara.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2023, Wycliffe Bible Translators, Inc. All rights reserved.