ଯୋହନ୍ 17
17
ଯୀଶୁ ବ୍ଡ୍ ଜାଜକ୍ ହ୍ର୍ ପାର୍ତେନା କ୍ଲା
1ଇ ସ୍ବୁକ୍ତା କଇଲା ହ୍ଚେ ଯୀଶୁ ସ୍ର୍ଗ୍ ବାଟ୍ ମୁଣ୍ତ୍କ୍ରି ପାର୍ତେନା କ୍ଲା, “ଉବା, ମର୍ ସମୟ୍ କେଟ୍ଲିବେ। ତର୍ ହଇଦି ମଇମା କ୍ର ତ୍ବେ ହଇଦି ହେଁ ତକେ ମଇମା କ୍ରେଦ୍, 2ତୁଇ ତାକେ ମାନାଇମ୍ନ୍କାର୍ ଉହ୍ରେ ଅଦିକାର୍ ଦେଇ ଆଚ୍ସି, ଆର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ତାର୍ ଆତେ ଦେଇ ଆଚ୍ସି, ସେସ୍ବୁ ଲକ୍ମ୍ନ୍କେ ନ୍ସେର୍ତା ଜୀବନ୍ ଦେମ୍କେ ତାକେ ତୁଇ ଶ୍କ୍ତି ଦେଇ ଆଚ୍ସି। 3ତୁଇ ଯେ ଏକ୍ଲା ହ୍କା ସ୍ତ୍ ଇଶ୍ୱର୍, ଆର୍ ତୁଇ ଇ ହୁର୍ତିବି ତ୍ଇ ହ୍ଟାଇରିଲା ଯୀଶୁ ଖ୍ରୀଷ୍ଟକେ ଜାଣ୍ତାର୍ ଅମ୍ଲି, ନ୍ସେର୍ତା ଜୀବନ୍। 4ମୁଇ ହୁର୍ତିବି ଲ୍ଗେ ତର୍ ମଇମାକେ ଜାଣାଇ ଆଚି, ଆର୍ ତୁଇ ଦେଇରିଲା କାମ୍ ମୁଇ ହୁରା କ୍ଲେଆଚି। 5ଆର୍ ଅବେ, ଏ ଉବା, ହୁର୍ତିବିର୍ ସୁଷ୍ଟି ଅଉତା ଆଗ୍ତୁ ତର୍ସ୍ଙ୍ଗ୍ ମର୍ ଜୁଇ ମଇମା ରିଲି, ସେ ମଇମା ଆରେକ୍ ମକେ ଦେ। 6ଇ ହୁର୍ତିବିର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ସ୍ହ୍ରି ଆଚ୍ସି, ମୁଇ ସେମ୍ନ୍କାର୍ ଲ୍ଗେ ତକେ ଜାଣାଇ ଆଚି। ସେମ୍ନ୍ ତର୍ ଲକ୍ ଆର୍ ତୁଇ ସେମ୍ନ୍କେ ମର୍ ଆତେ ଦେଇ ରିଲିସ୍, ସେମ୍ନ୍ ତର୍ ଆଦେଶ୍କେ ମାନ୍ଲାଇ ଆତ୍ତି। 7ଅବେ ସେମ୍ନ୍ ଜାଣୁଲାଇ ଯେ ଜୁଇରି ସ୍ବୁ ତୁଇମକେ ଦିଲିସ୍ ଆଚ୍ସି ସେସ୍ବୁ ତର୍ଲ୍ଗେହ୍ଣି ଆସିଆଚେ। 8ତୁଇ ଦେଇରିଲାର୍ କ୍ତା ମୁଇ ସେମ୍ନ୍କେ କଇଲେଆଚି, ସେମ୍ନ୍ ସେ ତାକେ ମ୍ନେ କ୍ଲାଇ ଆତ୍ତି, ମୁଇ ଯେ ତର୍ଲ୍ଗେହ୍ଣି ଆସିଆଚି, ଆର୍ ତୁଇ ଯେ ମକେ ହ୍ଟାଇ ଆଚ୍ସି, ଇକ୍ତା ସେମ୍ନ୍ ବ୍ଲ୍ବାବେ ଜାନ୍ଲାଇ ଆତ୍ତି, ଆର୍ ବିଶ୍ବାସ୍ ହେଁ କ୍ରୁଲାଇ। 9ମୁଇ ସେନ୍କାର୍ ଗିନେ ପାର୍ତେନା କ୍ରୁଲେ। ଜ୍ଗତାର୍ ଗିନେ ନାଇ, ଜୁଇସ୍ବୁ ଲକ୍ମ୍ନ୍ ତର୍, ଆର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ଦେଇ ଆଚ୍ସି, ସେମ୍ନ୍କାର୍ ଗିନେ ମୁଇ ପାର୍ତେନା କ୍ରୁଲେ, କାଇତାକ୍ ସେମ୍ନ୍ ତୁମାର୍। 10ମର୍ଲ୍ଗେ ରିଲାର୍ ସ୍ବୁ ତର୍, ଆର୍ ତର୍ଲ୍ଗେ ରିଲାର୍ ସ୍ବୁ ମର୍, ଏ ମ୍ନ୍କାର୍ ଗିନେ ମୁଇ ମଇମା ହାମ୍ଲେ। 11ଅବେ ମୁଇ ତର୍ଲ୍ଗେ ଆସୁଲେ, ଆରେକ୍ ମୁଇ ଇ ହୁର୍ତିବି ଲ୍ଗେ ନ୍ରେଇ, ମ୍ତର୍ ଏମ୍ନ୍ ସ୍ବୁ ରେମ୍ଲାଇ, ପବିତର୍ ଉବା ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ଅଇ ଆଚ୍ସି, ତର୍ ନାଉର୍ ଶ୍କ୍ତି ସ୍ଙ୍ଗ୍ ତୁଇ ସେମ୍ନ୍କେ ଉଦାର୍ କ୍ର୍। ତୁଇ ଆର୍ ମୁଇ ଜ୍ନ୍କ୍ରି ଗଟେକ୍ ସେମ୍ନ୍ ହେଁ ସେନ୍କ୍ରି ଗଟେକ୍ ଅମ୍କେ ସେମ୍ନ୍କେ ସାଇଜ କ୍ର୍। 12ସେମ୍ନ୍କାର୍ ସ୍ଙ୍ଗ୍ ରିଲାବ୍ଳ୍ ମୁଇ ତର୍ ନାଉଆର୍ ଶ୍କ୍ତି ସ୍ଙ୍ଗ୍ ସେମ୍ନ୍କେ ଉଦାର୍ କ୍ଲେଆଚି, ଦ୍ର୍ମ୍ ଶାସ୍ତର୍ ହର୍ ଜୁଇଲକାର୍ ନ୍ଷ୍ଟ ଅମ୍କେ ରିଲି ସେ ହ୍କା ନ୍ଷ୍ଟ ଅଇଲାଆଚେ ମ୍ତର୍ ଗଟେଲକ୍କେ ହେଁ ମୁଇ ନାରାଇ। 13ଅବେ ମୁଇ ତର୍ଲ୍ଗେ ଆସୁଲେ, ଜ୍ନ୍କ୍ରି ମୁଇ ସ୍ର୍ଦା ତ୍ଇ ଆଚି ସେମ୍ନ୍ ହେଁ ସେନ୍କାର୍ ତାକାର୍ ହୁର୍ଦୟେ ସ୍ର୍ଦା ଅଉତି ସେତାର୍ଗିନେ ମୁଇ ଇ ହୁର୍ତିବି ତ୍ଇ ରେମ୍ ରେମ୍ ହ୍କା ସ୍ବୁ କ୍ମ୍ଲେ। 14ମୁଇ ସେମ୍ନ୍କେ ତର୍ କ୍ବର୍ ଶୁଣାଇ ଆଚି, ସେତାର୍ଗିନେ ଜ୍ଗତ୍ ସେମ୍ନ୍କେ ଗିଣ୍ କ୍ରୁଲି, ମୁଇ ଜ୍ନ୍କାର୍ ଇ ହୁର୍ତିବିର୍ ନଇ ସେମ୍ନ୍ ହେଁ ଇ ହୁର୍ତିବିର୍ ଲକ୍ ନ୍ଇ। 15ସେମ୍ନ୍କେ ଇ ହୁର୍ତିବି ତ୍ଇହ୍ଣି ନେଇଜାହା ବ୍ଲି ମୁଇ ନ୍କ୍ମ୍ଲେ, ମ୍ତର୍ କାନିକ୍ର୍ମ୍ ଅମ୍ଲେ ଯେ ଏମ୍ନ୍କେ ଶଇତାନାର୍ ଆତେହ୍ଣି ର୍କ୍ୟାକ୍ର୍ ବ୍ଲି ପାର୍ତେନା କ୍ରୁଲେ। 16ମୁଇ ଜ୍ନ୍କ୍ରି ଇ ହୁର୍ତିବିର୍ ଲକ୍ନାଇ ସେମ୍ନ୍ ହେଁ ଇ ହୁର୍ତିବିର୍ ଲକ୍ନାଇ ବ୍ଲେକ୍ ତର୍ ବାକ୍ୟ ସ୍ତ୍। 17ତର୍ ସ୍ତ୍ ତ୍ଇ ସେମ୍ନ୍କେ ପବିତର୍ କ୍ର୍ ତର୍ ବାକ୍ୟ ସ୍ତ୍। 18ତୁଇ ଜ୍ନ୍କ୍ରି ମକେ ଇ ହୁର୍ତିବିକେ ହ୍ଟାଇ ଆଚ୍ସି, ସେନ୍କ୍ରି ମୁଇ ହେଁ ସେମ୍ନ୍କେ ହୁର୍ତିବି ଲ୍ଗେ ହ୍ଟାଇ ଆଚି। 19ଆର୍ ସେମ୍ନ୍ ଜ୍ନ୍କ୍ରି ସେ ସ୍ତ୍ ଲାଗି ପବିତର୍ ଅଉତି, ସେତାର୍ଗିନେ ମୁଇ ମର୍ ନିଜ୍କେ ଶ୍ହ୍ରି ଅମ୍ଲେ।”
ଯୀଶୁ ସ୍ବୁ ବିଶ୍ବାସିମ୍ନ୍କାର୍ ଗିନେ ପାର୍ତେନା କ୍ଲା
20“ମୁଇ ସେମ୍ନ୍କାର୍ ଗିନେ ହ୍କା ପାର୍ତେନା ନ୍କେରି, ମ୍ତର୍ ଜ୍ତେକ୍ ସ୍ବୁ ଲକ୍ମ୍ନ୍ ସେମ୍ନ୍କାର୍ ପର୍ଚାର୍ ଶୁଣିକ୍ରି ମର୍ଲ୍ଗେ ବିଶ୍ବାସ୍ କ୍ର୍ତି। 21ସେ ସ୍ବୁ ଲକ୍ମ୍ନ୍କାର୍ ଗିନେ ପାର୍ତେନା କ୍ରୁଲେ, ସେ ସ୍ବୁ ଲକ୍ମ୍ନ୍ ଜ୍ନ୍କ୍ରି ଗଟେକ୍ ଅଉତି ସେତାର୍ଗିନେ ମୁଇ ପାର୍ତେନା କ୍ରୁଲେ, ଉବା ତୁଇ ଜ୍ନ୍କ୍ରି ମର୍ଲ୍ଗେ ଆଚ୍ସି, ଆର୍ ମୁଇ ତର୍ଲ୍ଗେ ଆଚି। ସେନ୍କ୍ରି ସେମ୍ନ୍ ଜ୍ନ୍କ୍ରି ଅମାର୍ ଲ୍ଗେ ରେଅତ୍, ତ୍ବେ ହୁର୍ତିବି ଜାଣେଦ୍ ଯେ ତୁଇମକେ ହ୍ଟାଇ ଆଚ୍ସି ବ୍ଲି। 22ସେମ୍ନ୍ ଜ୍ନ୍କ୍ରି ଅମାର୍ ହର୍ ଗଟେକ୍ ଅଉତି, ସେତାର୍ଗିନେ ତୁଇମକେ ଜୁଇ ମଇମା ଦେଇ ଆଚ୍ସି, ସେ ମଇମାକେ ମୁଇ ସେମ୍ନ୍କେ ଦିଲେଆଚି। 23ତୁଇ ଜ୍ନ୍କ୍ରି ମର୍ଲ୍ଗେ ଆଚ୍ସି, ସେନ୍କ୍ରି ମୁଇ ତାକାର୍ ଲ୍ଗେ ରେଇନ୍, ତ୍ବେ ସେମ୍ନ୍ ସ୍ବୁ ଗଟେକ୍ ଅଉତି, ଆର୍ ହୁର୍ତିବି ଜାଣେଦ୍ ଯେ ତୁଇମକେ ଜ୍ନ୍କ୍ରି ଲାଡ୍ କ୍ରୁଲିସ୍। ସେମ୍ନ୍କେ ହେଁ ସେନ୍କ୍ରି ଲାଡ୍ କ୍ରୁଲିସ୍ ବ୍ଲି ଜାଣାହ୍ଳ। 24ଏ ଉବା ତୁଇ ସେମ୍ନ୍କେ ମର୍ ଆତେ ଦେଇ ଆଚ୍ସି, ମୁଇ ଜୁଇ ଜାଗାଇ ରେଇନ୍, ସେମ୍ନ୍ ହେଁ ସେ ଜାଗାଇ ମର୍ସ୍ଙ୍ଗ୍ ରେଇକ୍ରି ତୁଇମକେ ଦେଇରିଲାର୍ ମଇମାକେ ଦ୍କେଦ୍ ବ୍ଲି ମୁଇ ମ୍ନ୍କ୍ରୁଲେ, ବ୍ଲେକ୍ ଜ୍ଗତାର୍ ସୁଷ୍ଟି ଆଗ୍ତୁ ତୁଇ ମ୍କ୍ ଲାଡ୍କ୍ରି ରିଲିସ୍। 25ପବିତର୍ ଉବା ହୁର୍ତିବି ତକେ ନ୍ଜାଣେ ମ୍ତର୍ ମୁଇ ତକେ ଜାଣିଆଚି, ଆର୍ ଏମ୍ନ୍ ହେଁ ଜାଣୁଲାଇ ଯେ ତୁଇମକେ ହ୍ଟାଇ ଆଚ୍ସି ବ୍ଲି। 26ମୁଇ ସେମ୍ନ୍କେ ତର୍ ବିଷୟେ ସ୍ବୁ ଜାଣାଇ ଆଚି, ଆର୍ ସ୍ବୁବ୍ଳ୍ ଜାଣାଉତି ରେଇନ୍, ତ୍ବେ ତୁଇମକେ ଜୁଇ ଲାଡ୍ କ୍ରୁଲିସ୍ ସେରି ସେମ୍ନ୍ ଜାଣୁ ହାର୍ତି ଆର୍ ସେମ୍ନ୍ ମକେ ସେମ୍ନ୍କାର୍ ହୁର୍ଦୟେ ଜାଗା ଦେତି।”
Đang chọn:
ଯୋହନ୍ 17: BDVNT
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.
ଯୋହନ୍ 17
17
ଯୀଶୁ ବ୍ଡ୍ ଜାଜକ୍ ହ୍ର୍ ପାର୍ତେନା କ୍ଲା
1ଇ ସ୍ବୁକ୍ତା କଇଲା ହ୍ଚେ ଯୀଶୁ ସ୍ର୍ଗ୍ ବାଟ୍ ମୁଣ୍ତ୍କ୍ରି ପାର୍ତେନା କ୍ଲା, “ଉବା, ମର୍ ସମୟ୍ କେଟ୍ଲିବେ। ତର୍ ହଇଦି ମଇମା କ୍ର ତ୍ବେ ହଇଦି ହେଁ ତକେ ମଇମା କ୍ରେଦ୍, 2ତୁଇ ତାକେ ମାନାଇମ୍ନ୍କାର୍ ଉହ୍ରେ ଅଦିକାର୍ ଦେଇ ଆଚ୍ସି, ଆର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ତାର୍ ଆତେ ଦେଇ ଆଚ୍ସି, ସେସ୍ବୁ ଲକ୍ମ୍ନ୍କେ ନ୍ସେର୍ତା ଜୀବନ୍ ଦେମ୍କେ ତାକେ ତୁଇ ଶ୍କ୍ତି ଦେଇ ଆଚ୍ସି। 3ତୁଇ ଯେ ଏକ୍ଲା ହ୍କା ସ୍ତ୍ ଇଶ୍ୱର୍, ଆର୍ ତୁଇ ଇ ହୁର୍ତିବି ତ୍ଇ ହ୍ଟାଇରିଲା ଯୀଶୁ ଖ୍ରୀଷ୍ଟକେ ଜାଣ୍ତାର୍ ଅମ୍ଲି, ନ୍ସେର୍ତା ଜୀବନ୍। 4ମୁଇ ହୁର୍ତିବି ଲ୍ଗେ ତର୍ ମଇମାକେ ଜାଣାଇ ଆଚି, ଆର୍ ତୁଇ ଦେଇରିଲା କାମ୍ ମୁଇ ହୁରା କ୍ଲେଆଚି। 5ଆର୍ ଅବେ, ଏ ଉବା, ହୁର୍ତିବିର୍ ସୁଷ୍ଟି ଅଉତା ଆଗ୍ତୁ ତର୍ସ୍ଙ୍ଗ୍ ମର୍ ଜୁଇ ମଇମା ରିଲି, ସେ ମଇମା ଆରେକ୍ ମକେ ଦେ। 6ଇ ହୁର୍ତିବିର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ସ୍ହ୍ରି ଆଚ୍ସି, ମୁଇ ସେମ୍ନ୍କାର୍ ଲ୍ଗେ ତକେ ଜାଣାଇ ଆଚି। ସେମ୍ନ୍ ତର୍ ଲକ୍ ଆର୍ ତୁଇ ସେମ୍ନ୍କେ ମର୍ ଆତେ ଦେଇ ରିଲିସ୍, ସେମ୍ନ୍ ତର୍ ଆଦେଶ୍କେ ମାନ୍ଲାଇ ଆତ୍ତି। 7ଅବେ ସେମ୍ନ୍ ଜାଣୁଲାଇ ଯେ ଜୁଇରି ସ୍ବୁ ତୁଇମକେ ଦିଲିସ୍ ଆଚ୍ସି ସେସ୍ବୁ ତର୍ଲ୍ଗେହ୍ଣି ଆସିଆଚେ। 8ତୁଇ ଦେଇରିଲାର୍ କ୍ତା ମୁଇ ସେମ୍ନ୍କେ କଇଲେଆଚି, ସେମ୍ନ୍ ସେ ତାକେ ମ୍ନେ କ୍ଲାଇ ଆତ୍ତି, ମୁଇ ଯେ ତର୍ଲ୍ଗେହ୍ଣି ଆସିଆଚି, ଆର୍ ତୁଇ ଯେ ମକେ ହ୍ଟାଇ ଆଚ୍ସି, ଇକ୍ତା ସେମ୍ନ୍ ବ୍ଲ୍ବାବେ ଜାନ୍ଲାଇ ଆତ୍ତି, ଆର୍ ବିଶ୍ବାସ୍ ହେଁ କ୍ରୁଲାଇ। 9ମୁଇ ସେନ୍କାର୍ ଗିନେ ପାର୍ତେନା କ୍ରୁଲେ। ଜ୍ଗତାର୍ ଗିନେ ନାଇ, ଜୁଇସ୍ବୁ ଲକ୍ମ୍ନ୍ ତର୍, ଆର୍ ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ଦେଇ ଆଚ୍ସି, ସେମ୍ନ୍କାର୍ ଗିନେ ମୁଇ ପାର୍ତେନା କ୍ରୁଲେ, କାଇତାକ୍ ସେମ୍ନ୍ ତୁମାର୍। 10ମର୍ଲ୍ଗେ ରିଲାର୍ ସ୍ବୁ ତର୍, ଆର୍ ତର୍ଲ୍ଗେ ରିଲାର୍ ସ୍ବୁ ମର୍, ଏ ମ୍ନ୍କାର୍ ଗିନେ ମୁଇ ମଇମା ହାମ୍ଲେ। 11ଅବେ ମୁଇ ତର୍ଲ୍ଗେ ଆସୁଲେ, ଆରେକ୍ ମୁଇ ଇ ହୁର୍ତିବି ଲ୍ଗେ ନ୍ରେଇ, ମ୍ତର୍ ଏମ୍ନ୍ ସ୍ବୁ ରେମ୍ଲାଇ, ପବିତର୍ ଉବା ଜ୍ତେକ୍ ସ୍ବୁ ଲକ୍ମ୍ନ୍କେ ତୁଇ ମର୍ ଆତେ ଅଇ ଆଚ୍ସି, ତର୍ ନାଉର୍ ଶ୍କ୍ତି ସ୍ଙ୍ଗ୍ ତୁଇ ସେମ୍ନ୍କେ ଉଦାର୍ କ୍ର୍। ତୁଇ ଆର୍ ମୁଇ ଜ୍ନ୍କ୍ରି ଗଟେକ୍ ସେମ୍ନ୍ ହେଁ ସେନ୍କ୍ରି ଗଟେକ୍ ଅମ୍କେ ସେମ୍ନ୍କେ ସାଇଜ କ୍ର୍। 12ସେମ୍ନ୍କାର୍ ସ୍ଙ୍ଗ୍ ରିଲାବ୍ଳ୍ ମୁଇ ତର୍ ନାଉଆର୍ ଶ୍କ୍ତି ସ୍ଙ୍ଗ୍ ସେମ୍ନ୍କେ ଉଦାର୍ କ୍ଲେଆଚି, ଦ୍ର୍ମ୍ ଶାସ୍ତର୍ ହର୍ ଜୁଇଲକାର୍ ନ୍ଷ୍ଟ ଅମ୍କେ ରିଲି ସେ ହ୍କା ନ୍ଷ୍ଟ ଅଇଲାଆଚେ ମ୍ତର୍ ଗଟେଲକ୍କେ ହେଁ ମୁଇ ନାରାଇ। 13ଅବେ ମୁଇ ତର୍ଲ୍ଗେ ଆସୁଲେ, ଜ୍ନ୍କ୍ରି ମୁଇ ସ୍ର୍ଦା ତ୍ଇ ଆଚି ସେମ୍ନ୍ ହେଁ ସେନ୍କାର୍ ତାକାର୍ ହୁର୍ଦୟେ ସ୍ର୍ଦା ଅଉତି ସେତାର୍ଗିନେ ମୁଇ ଇ ହୁର୍ତିବି ତ୍ଇ ରେମ୍ ରେମ୍ ହ୍କା ସ୍ବୁ କ୍ମ୍ଲେ। 14ମୁଇ ସେମ୍ନ୍କେ ତର୍ କ୍ବର୍ ଶୁଣାଇ ଆଚି, ସେତାର୍ଗିନେ ଜ୍ଗତ୍ ସେମ୍ନ୍କେ ଗିଣ୍ କ୍ରୁଲି, ମୁଇ ଜ୍ନ୍କାର୍ ଇ ହୁର୍ତିବିର୍ ନଇ ସେମ୍ନ୍ ହେଁ ଇ ହୁର୍ତିବିର୍ ଲକ୍ ନ୍ଇ। 15ସେମ୍ନ୍କେ ଇ ହୁର୍ତିବି ତ୍ଇହ୍ଣି ନେଇଜାହା ବ୍ଲି ମୁଇ ନ୍କ୍ମ୍ଲେ, ମ୍ତର୍ କାନିକ୍ର୍ମ୍ ଅମ୍ଲେ ଯେ ଏମ୍ନ୍କେ ଶଇତାନାର୍ ଆତେହ୍ଣି ର୍କ୍ୟାକ୍ର୍ ବ୍ଲି ପାର୍ତେନା କ୍ରୁଲେ। 16ମୁଇ ଜ୍ନ୍କ୍ରି ଇ ହୁର୍ତିବିର୍ ଲକ୍ନାଇ ସେମ୍ନ୍ ହେଁ ଇ ହୁର୍ତିବିର୍ ଲକ୍ନାଇ ବ୍ଲେକ୍ ତର୍ ବାକ୍ୟ ସ୍ତ୍। 17ତର୍ ସ୍ତ୍ ତ୍ଇ ସେମ୍ନ୍କେ ପବିତର୍ କ୍ର୍ ତର୍ ବାକ୍ୟ ସ୍ତ୍। 18ତୁଇ ଜ୍ନ୍କ୍ରି ମକେ ଇ ହୁର୍ତିବିକେ ହ୍ଟାଇ ଆଚ୍ସି, ସେନ୍କ୍ରି ମୁଇ ହେଁ ସେମ୍ନ୍କେ ହୁର୍ତିବି ଲ୍ଗେ ହ୍ଟାଇ ଆଚି। 19ଆର୍ ସେମ୍ନ୍ ଜ୍ନ୍କ୍ରି ସେ ସ୍ତ୍ ଲାଗି ପବିତର୍ ଅଉତି, ସେତାର୍ଗିନେ ମୁଇ ମର୍ ନିଜ୍କେ ଶ୍ହ୍ରି ଅମ୍ଲେ।”
ଯୀଶୁ ସ୍ବୁ ବିଶ୍ବାସିମ୍ନ୍କାର୍ ଗିନେ ପାର୍ତେନା କ୍ଲା
20“ମୁଇ ସେମ୍ନ୍କାର୍ ଗିନେ ହ୍କା ପାର୍ତେନା ନ୍କେରି, ମ୍ତର୍ ଜ୍ତେକ୍ ସ୍ବୁ ଲକ୍ମ୍ନ୍ ସେମ୍ନ୍କାର୍ ପର୍ଚାର୍ ଶୁଣିକ୍ରି ମର୍ଲ୍ଗେ ବିଶ୍ବାସ୍ କ୍ର୍ତି। 21ସେ ସ୍ବୁ ଲକ୍ମ୍ନ୍କାର୍ ଗିନେ ପାର୍ତେନା କ୍ରୁଲେ, ସେ ସ୍ବୁ ଲକ୍ମ୍ନ୍ ଜ୍ନ୍କ୍ରି ଗଟେକ୍ ଅଉତି ସେତାର୍ଗିନେ ମୁଇ ପାର୍ତେନା କ୍ରୁଲେ, ଉବା ତୁଇ ଜ୍ନ୍କ୍ରି ମର୍ଲ୍ଗେ ଆଚ୍ସି, ଆର୍ ମୁଇ ତର୍ଲ୍ଗେ ଆଚି। ସେନ୍କ୍ରି ସେମ୍ନ୍ ଜ୍ନ୍କ୍ରି ଅମାର୍ ଲ୍ଗେ ରେଅତ୍, ତ୍ବେ ହୁର୍ତିବି ଜାଣେଦ୍ ଯେ ତୁଇମକେ ହ୍ଟାଇ ଆଚ୍ସି ବ୍ଲି। 22ସେମ୍ନ୍ ଜ୍ନ୍କ୍ରି ଅମାର୍ ହର୍ ଗଟେକ୍ ଅଉତି, ସେତାର୍ଗିନେ ତୁଇମକେ ଜୁଇ ମଇମା ଦେଇ ଆଚ୍ସି, ସେ ମଇମାକେ ମୁଇ ସେମ୍ନ୍କେ ଦିଲେଆଚି। 23ତୁଇ ଜ୍ନ୍କ୍ରି ମର୍ଲ୍ଗେ ଆଚ୍ସି, ସେନ୍କ୍ରି ମୁଇ ତାକାର୍ ଲ୍ଗେ ରେଇନ୍, ତ୍ବେ ସେମ୍ନ୍ ସ୍ବୁ ଗଟେକ୍ ଅଉତି, ଆର୍ ହୁର୍ତିବି ଜାଣେଦ୍ ଯେ ତୁଇମକେ ଜ୍ନ୍କ୍ରି ଲାଡ୍ କ୍ରୁଲିସ୍। ସେମ୍ନ୍କେ ହେଁ ସେନ୍କ୍ରି ଲାଡ୍ କ୍ରୁଲିସ୍ ବ୍ଲି ଜାଣାହ୍ଳ। 24ଏ ଉବା ତୁଇ ସେମ୍ନ୍କେ ମର୍ ଆତେ ଦେଇ ଆଚ୍ସି, ମୁଇ ଜୁଇ ଜାଗାଇ ରେଇନ୍, ସେମ୍ନ୍ ହେଁ ସେ ଜାଗାଇ ମର୍ସ୍ଙ୍ଗ୍ ରେଇକ୍ରି ତୁଇମକେ ଦେଇରିଲାର୍ ମଇମାକେ ଦ୍କେଦ୍ ବ୍ଲି ମୁଇ ମ୍ନ୍କ୍ରୁଲେ, ବ୍ଲେକ୍ ଜ୍ଗତାର୍ ସୁଷ୍ଟି ଆଗ୍ତୁ ତୁଇ ମ୍କ୍ ଲାଡ୍କ୍ରି ରିଲିସ୍। 25ପବିତର୍ ଉବା ହୁର୍ତିବି ତକେ ନ୍ଜାଣେ ମ୍ତର୍ ମୁଇ ତକେ ଜାଣିଆଚି, ଆର୍ ଏମ୍ନ୍ ହେଁ ଜାଣୁଲାଇ ଯେ ତୁଇମକେ ହ୍ଟାଇ ଆଚ୍ସି ବ୍ଲି। 26ମୁଇ ସେମ୍ନ୍କେ ତର୍ ବିଷୟେ ସ୍ବୁ ଜାଣାଇ ଆଚି, ଆର୍ ସ୍ବୁବ୍ଳ୍ ଜାଣାଉତି ରେଇନ୍, ତ୍ବେ ତୁଇମକେ ଜୁଇ ଲାଡ୍ କ୍ରୁଲିସ୍ ସେରି ସେମ୍ନ୍ ଜାଣୁ ହାର୍ତି ଆର୍ ସେମ୍ନ୍ ମକେ ସେମ୍ନ୍କାର୍ ହୁର୍ଦୟେ ଜାଗା ଦେତି।”
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.