مَتَّى 9
9
يَسُوع يَشفي المَفلوج
1و يَسُوع دَخَل مُركَب و قَطَع البَحَر و جا لِمَدينَتو. 2و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك #9:2 مَغفورَه: مِن الكِلمَه ”غَفَر“.مَغفورَه ليك.“ 3و شوف! بَعَض مِن مُعَلِّمين القانون قالو في نُفوسُم: ”الرّاجِل دا يَقول كَلام بَطّال و ما يَحتَرِم الله.“ 4لَكِن يَسُوع عِرِف أفكارُم و قال: ”لِشِنو تِتفَكَّرو فِكر بَطّال في قُلوبكُم؟ 5ياتو هَين، أن يَقول: خَطاياك مَغفورَه ليك؟ ولّا يَقول: قوم، و أمشي؟ 6و لَكِن حَتّى بِتَعرِفو إبن الإنسان عِندو سُلطَه عَلى الأرض أن يَغفِر الخَطايا“... بَعدين قال لِلمَفلوج: ”قوم، شيل بِرشَك، و أمشي لِبيتَك.“ 7و الرّاجِل قام و مَشى لِبيتو. 8و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.
إختِيار مَتَّى
9و وَكِت ما يَسُوع كان يَمشي مِن هِناك، شاف راجِل إسمو مَتَّى، و هو قاعِد في المَكان البِلِم فيهو الضَّريبَه. و قال ليهو: ”أتبَعني.“ و هو قام و تِبعو.
10و وَكِت ما كان قاعِد في الطَّرَبيزَه في البيت، شوف! ناس بِلِمّو الضَّريبَه و خاطيين كُتار جو و قَعَدو مَعَ يَسُوع و مَعَ تَلاميذو. 11و لَمّا الفَرّيسيّين شافو دا، قالو لِتَلاميذو: ”لِشِنو مُعَلِّمكُم ياكُل مَعَ النّاس البِلِمّو الضَّريبَه و الخاطيين؟“ 12و لَكِن لَمّا يَسُوع سِمِع، قال ليهُم: ”الشُّداد ما يَحتاجو #9:12 حَكيم، حُكَما: دِكتور.لِحَكيم، لَكِن العَيّانين. 13أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“
14بَعدين تَلاميذ يُوحَنَّا جو ليهو و قالو: ”لِشِنو نِحنا و الفَرّيسيّين نَصوم و لَكِن تَلاميذَك ما بِصومو؟“ 15يَسُوع قال ليهُم: ”ناس العِرِس بِقدَرو يَبكو وَكِت ما العَريس مَعاهُم؟ الأيام بِتَجي لَمّا يَشيلو العَريس مِنَّهُم. في الوَكِت داك بِصومو. 16ما في زول بِخُت حِتَّت قُماش جَديد عَلى توب قَديم، فِشان #9:16 رُقعَه: حِتَّت قُماش يَخَيِّتوها عَلى قُماش لَمّا القُماش يِتشَرَّط.الرُقعَه تاخُد مِن التّوب، و الشَّرط بِكون أكبَر. 17و كَمان ما بِخُتّو خَمرَه جَديدَه في قِربَه قَديمَه. إذا يَعمِلو كِدا، القِربَه تِتشَرَّط، و الخَمرَه تِتدَفَّق و القِربَه تَخسَر. لَكِن بِخُتّو خَمرَه جَديدَه في قِربَه جَديدَه، و كِدا كُلَّها بِتكون مَحفوظَه.“
بِت مَيِّتَه و مَرَه عَيّانَه
18و وَكِت ما كان يَكَلِّمُم بِدا، شوف! واحِد رَئيس قَرَّب ليهو و رَكَع قِدّامو و قال: ”بِتّي ماتَت هَسَّع دي. لَكِن تَعال و خُت إيدَك عَليها و هي بِتَحيى.“ 19و يَسُوع قام و تِبعو، هو و تَلاميذو. 20و شوف! مَرَه، الدَّم كان بِنزِل مِنَّها لِمُدَّة إتناشَر سَنَه و هي كانَت تَعبانَه، جات لِيَسُوع مِن وَراهو و لِمسَت طَرَف توبو. 21عَشان قالَت في نَفسَها: ”إذا بَلمَس توبو بَس، أبقى شَديدَه.“ 22يَسُوع إتلَفَت و شافا و قال: ”شِدّي حيلِك، يا بِتّي، بِقيتي طَيبَه عَشان إيمانِك.“ و المَرَه بِقَت شَديدَه مِن السّاعَه ديك. 23و لَمّا يَسُوع جا لِبيت الرَئيس و شاف المِزَمِّرين و كوراك الجَّماعَه، 24قال ليهُم: ”أمشو، عَشان البِت ما مَيِّتَه لَكِن نايمَه.“ و هُم ضِحِكو عَليهو. 25لَكِن لَمّا مَرَّقو الجَّماعَه، يَسُوع دَخَل و أخَدا بِإيدا، و البِت قامَت. 26و الخَبَر دا شَتَّت في الأرض ديك كُلَّها.
يَسُوع يَشفي العَميانين و الأبكَم
27و وَكِت ما يَسُوع كان ماشي مِن هِناك، عَميانين تِبِعوهو يَكورِكو و يَقولو: ”وَرّينا رَحمَتَك، يا إبن دَاوُد.“ 28و لَمّا دَخَل البيت، العَميانين قَرَّبو ليهو. و يَسُوع قال ليهُم: ”تَصَدِّقو أنا بَقدَر أعمِل دا؟“ قالو ليهو: ”أيوَه، يا رَب.“ 29بَعدين لِمِس عُيونُم و قال: ”زي إيمانكُم يَكون ليكُم.“ 30و عُيونُم إنفَتَحو. و يَسُوع كَلَّمُم بِقُوَّه و قال: ”شوفو، ما تَخَلّو واحِد بِعرِف دا.“ 31لَكِن هُم مَرَقو و خَبَّرو بيهو في كُل الأرض دي.
32و وَكِت ما كانو ماشين، شوف! زول ما بِقدَر يتكَلَّم و كان فيهو شيطان، جابوهو لِيَسُوع. 33و بَعَد ما طَلَّع الشّيطان، #9:33 أبكَم: زول ما بِقدَر يتكَلَّم.الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“ 34لَكِن الفَرِّيسِيِّين قالو: ”هو بِطَلِّع الشّياطين بِرَئيس الشّياطين.“
35و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس. 36و لَمّا شاف الجُّموع، كان عِندو رَحمَه ليهُم في قَلبو، عَشان كانو تَعبانين و كانو بِدون مُساعَدَه زي خِرفان بِدون راعي. 37بَعدين قال لِتَلاميذو: ”في دُرَه كَتير في الزِّراعَه جاهزَه، لَكِن الشَغّالين قَليلين. 38و عَلى كِدا، أطلُبو مِن رَب الزِّراعَه عَشان يَرَسِّل شَغّالين لِحَصادو.“
Đang chọn:
مَتَّى 9: APD2024
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 1978 SIM, adapted in 2024 by Pioneer Bible Translators
مَتَّى 9
9
يَسُوع يَشفي المَفلوج
1و يَسُوع دَخَل مُركَب و قَطَع البَحَر و جا لِمَدينَتو. 2و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك #9:2 مَغفورَه: مِن الكِلمَه ”غَفَر“.مَغفورَه ليك.“ 3و شوف! بَعَض مِن مُعَلِّمين القانون قالو في نُفوسُم: ”الرّاجِل دا يَقول كَلام بَطّال و ما يَحتَرِم الله.“ 4لَكِن يَسُوع عِرِف أفكارُم و قال: ”لِشِنو تِتفَكَّرو فِكر بَطّال في قُلوبكُم؟ 5ياتو هَين، أن يَقول: خَطاياك مَغفورَه ليك؟ ولّا يَقول: قوم، و أمشي؟ 6و لَكِن حَتّى بِتَعرِفو إبن الإنسان عِندو سُلطَه عَلى الأرض أن يَغفِر الخَطايا“... بَعدين قال لِلمَفلوج: ”قوم، شيل بِرشَك، و أمشي لِبيتَك.“ 7و الرّاجِل قام و مَشى لِبيتو. 8و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.
إختِيار مَتَّى
9و وَكِت ما يَسُوع كان يَمشي مِن هِناك، شاف راجِل إسمو مَتَّى، و هو قاعِد في المَكان البِلِم فيهو الضَّريبَه. و قال ليهو: ”أتبَعني.“ و هو قام و تِبعو.
10و وَكِت ما كان قاعِد في الطَّرَبيزَه في البيت، شوف! ناس بِلِمّو الضَّريبَه و خاطيين كُتار جو و قَعَدو مَعَ يَسُوع و مَعَ تَلاميذو. 11و لَمّا الفَرّيسيّين شافو دا، قالو لِتَلاميذو: ”لِشِنو مُعَلِّمكُم ياكُل مَعَ النّاس البِلِمّو الضَّريبَه و الخاطيين؟“ 12و لَكِن لَمّا يَسُوع سِمِع، قال ليهُم: ”الشُّداد ما يَحتاجو #9:12 حَكيم، حُكَما: دِكتور.لِحَكيم، لَكِن العَيّانين. 13أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“
14بَعدين تَلاميذ يُوحَنَّا جو ليهو و قالو: ”لِشِنو نِحنا و الفَرّيسيّين نَصوم و لَكِن تَلاميذَك ما بِصومو؟“ 15يَسُوع قال ليهُم: ”ناس العِرِس بِقدَرو يَبكو وَكِت ما العَريس مَعاهُم؟ الأيام بِتَجي لَمّا يَشيلو العَريس مِنَّهُم. في الوَكِت داك بِصومو. 16ما في زول بِخُت حِتَّت قُماش جَديد عَلى توب قَديم، فِشان #9:16 رُقعَه: حِتَّت قُماش يَخَيِّتوها عَلى قُماش لَمّا القُماش يِتشَرَّط.الرُقعَه تاخُد مِن التّوب، و الشَّرط بِكون أكبَر. 17و كَمان ما بِخُتّو خَمرَه جَديدَه في قِربَه قَديمَه. إذا يَعمِلو كِدا، القِربَه تِتشَرَّط، و الخَمرَه تِتدَفَّق و القِربَه تَخسَر. لَكِن بِخُتّو خَمرَه جَديدَه في قِربَه جَديدَه، و كِدا كُلَّها بِتكون مَحفوظَه.“
بِت مَيِّتَه و مَرَه عَيّانَه
18و وَكِت ما كان يَكَلِّمُم بِدا، شوف! واحِد رَئيس قَرَّب ليهو و رَكَع قِدّامو و قال: ”بِتّي ماتَت هَسَّع دي. لَكِن تَعال و خُت إيدَك عَليها و هي بِتَحيى.“ 19و يَسُوع قام و تِبعو، هو و تَلاميذو. 20و شوف! مَرَه، الدَّم كان بِنزِل مِنَّها لِمُدَّة إتناشَر سَنَه و هي كانَت تَعبانَه، جات لِيَسُوع مِن وَراهو و لِمسَت طَرَف توبو. 21عَشان قالَت في نَفسَها: ”إذا بَلمَس توبو بَس، أبقى شَديدَه.“ 22يَسُوع إتلَفَت و شافا و قال: ”شِدّي حيلِك، يا بِتّي، بِقيتي طَيبَه عَشان إيمانِك.“ و المَرَه بِقَت شَديدَه مِن السّاعَه ديك. 23و لَمّا يَسُوع جا لِبيت الرَئيس و شاف المِزَمِّرين و كوراك الجَّماعَه، 24قال ليهُم: ”أمشو، عَشان البِت ما مَيِّتَه لَكِن نايمَه.“ و هُم ضِحِكو عَليهو. 25لَكِن لَمّا مَرَّقو الجَّماعَه، يَسُوع دَخَل و أخَدا بِإيدا، و البِت قامَت. 26و الخَبَر دا شَتَّت في الأرض ديك كُلَّها.
يَسُوع يَشفي العَميانين و الأبكَم
27و وَكِت ما يَسُوع كان ماشي مِن هِناك، عَميانين تِبِعوهو يَكورِكو و يَقولو: ”وَرّينا رَحمَتَك، يا إبن دَاوُد.“ 28و لَمّا دَخَل البيت، العَميانين قَرَّبو ليهو. و يَسُوع قال ليهُم: ”تَصَدِّقو أنا بَقدَر أعمِل دا؟“ قالو ليهو: ”أيوَه، يا رَب.“ 29بَعدين لِمِس عُيونُم و قال: ”زي إيمانكُم يَكون ليكُم.“ 30و عُيونُم إنفَتَحو. و يَسُوع كَلَّمُم بِقُوَّه و قال: ”شوفو، ما تَخَلّو واحِد بِعرِف دا.“ 31لَكِن هُم مَرَقو و خَبَّرو بيهو في كُل الأرض دي.
32و وَكِت ما كانو ماشين، شوف! زول ما بِقدَر يتكَلَّم و كان فيهو شيطان، جابوهو لِيَسُوع. 33و بَعَد ما طَلَّع الشّيطان، #9:33 أبكَم: زول ما بِقدَر يتكَلَّم.الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“ 34لَكِن الفَرِّيسِيِّين قالو: ”هو بِطَلِّع الشّياطين بِرَئيس الشّياطين.“
35و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس. 36و لَمّا شاف الجُّموع، كان عِندو رَحمَه ليهُم في قَلبو، عَشان كانو تَعبانين و كانو بِدون مُساعَدَه زي خِرفان بِدون راعي. 37بَعدين قال لِتَلاميذو: ”في دُرَه كَتير في الزِّراعَه جاهزَه، لَكِن الشَغّالين قَليلين. 38و عَلى كِدا، أطلُبو مِن رَب الزِّراعَه عَشان يَرَسِّل شَغّالين لِحَصادو.“
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 1978 SIM, adapted in 2024 by Pioneer Bible Translators