संत.मत्ती 6
6
धरम कामी आउर दान
1 #
सं.मत्ती 23:5
“चौंचित ताहिन पे, होड़कु के दे-देखाव लःअय अपन धरम रअः काम आलपे कामी के। कोवान दो अपन सिरमा रिनी बाबा तरअः एतान बानी होः एरपे नामेआ।
2“जब आपे दान एमा कुआपे, दो नोःआँ रअः डिगरी आलपे हुमाअ चिकुके, ढोंगीकु बिनती ओड़ाअ आउर खिरकी रे निकाने आकुगी, जेकर से ची होड़कु हुंकू आला बड़ाई याकु। ईङ आपे के सचे कंहड़ीओ दिपीईंग, ची हुंकू अपन बानी नाम चुकाव नाकु। 3बकिर जब आपे दान एमा कुआपे, दो आपे आला जोम तीः कामीयाय, होना के कोंजरा तीः आलु पाड़ी चाही। 4आम आला दान उकु ताहिनोअ चाही। आउर आपे आली बाबा जे उकु केते दान एमेआपे जामा के नेलेआय, हुनी आपे के होना रअः बानी एमा केपेआय।
परभु आला बिनती
(संत.लुकास 11:2–4)
5 #
सं.लुका 18:10–14
“ढोंगीकु लकान आलपे बिनती के, हुंकू के बिनती ओड़ाअ रे आउर चौक रे तिंगु केते, बि-बिनती बेस आदा कुआ, जेकर से हुंकू के होड़ नेल कु, ईङ आपे के सचे बेताः दिपीईंग, हुंकू अपन बानी पहिल रेगी नाम चुकाव नाकु। 6जब आम बिनती याम, दो अपन कुड़िया रे सेन केते दुवार जापुःड केमे, आउर दनांग रे अपन बाबा तरअः बिनती में, आम आली बाबा जे दनांग रे कामी लअः के नेलेआय। आम के होना रअः बानी एमा केमेआय।
7“बि-बिनती बेरा, एटाअ जाईतकु लकान जिलींग-जिलींग आलपे बिनती के, एता लःअय ची जिलींग-जिलींग बिनती रे सुनवाई हुयाआ सोंचायाकु। 8हुंकू लकान आलपे बनाव कोअ। एता लःअय ची आपे को-कोय तरअः पहिल रेगी आम आली बाबा पाड़ी आय, ची आम के एतान-एतान रअः दरकार एदनाअ। 9दो आपे नोःआँ लकान बिनती पे,
“‘ए आले आली सिरमा रे ताहिनोई बाबा,
आम आला नुमू रअः बड़ाई हुयाअः।
10आम आला राईज हिजोअ,
आम आला मरजी, जे लकान सिरमा रे पुरायोआ, हिकान गी ओत रे होः पुरा हुयाअः।
11तिसिंग आले के दिन भाईर रअः जोजोम लःअय एममे।
12आउर जे लकान आले अपन गुनाहगारकु के छमा तद कुआले।
हिना लकान गी आम होः आले के होः छमा लेमे।
13आउर आले के परीकछा रे आलुम पड़ाव ची केले,
बकिर आले के बुराई तरअः बंचाव लेमे।’
14 #
सं.मर 11:25,26 “जदि आपे एटाअकु आला गुनाह के छमा यापे, दो आपे आली सिरमा रिनी बाबा होः आपे के छमा केपेआय। 15जदि आपे एटाअ होड़कु के कापे छमा कुआ, दो आपे आली सिरमा रिनी बाबा होः आपे आला गुनाह के एरे छमाया।
उपास
16“जब आपे उपासेआपे दो ढोंगीकु लकान मेःड-मुहांड़ नुर केते आलपे उपास के। हुंकू अपन मेःड-मुहांड़ मुरझाव तआकु, जेकर से ची होड़ समझअकु, हुंकू उपास तदाकु, ईङ आपे के सचे बेताअः दिपीईङ, हुंकू अपन बानी नाम चुकाव नाकु। 17जब आपे उपासेआपे, दो अपन बोहोअ रे सुनूम ओजाः गेपे आउर मेःड-मुहांड़ आबुनेपे, 18जेकर से होड़कु के कोवान बकिर आपे आली बाबा जे दनांग रे एदानिया, नोःआँ पता चलाअ ची आपे उपास दापे, आपे आली बाबा जे दनांग ओना केहोः नेलेआय, आपे के होना रअः बानी एम केआय।
सिरमा रेनअः धन
(संत.लुकास 12:33,34)
19 #
याकु 5:2,3 “अपन लःअय ओत रे धन आलपे जवार के, जे एड़े चितयाआ आउर घुन जोमेआकु, आउर चोर दुवार टोकरा केते चोरेआकु। 20बकिर अपन लःअय सिरमा रे धन जवारेपे, जे एड़े ना चितयाआ आउर ना घुन जोमेआकु, आउर चोर दुवार टोकरा केते चो-चोर काकु दड़ीआ। 21एता लःअय ची जे एड़े आपे आला धन एदनाअ, हिनाःड़े आपे आला मन तापे होः ताहिकोआ।
होड़ो रअः मरसल
(संत.लुकास 11:34–36)
22“होड़ो रअः ढिबरी मेःड हेके। जदि आम आला मेःड बेसा, दो आम आला गोटा होड़ो ताम मरसल ताहिकोआ, 23बकिर आम आला मेःड गादुस एदनाआ, दो आम आला गोटा होड़ो ताम अंधार कोआ। हिना लःअय जे आम एड़े मरसल एदनाअ, जदि हिना अंधारा दो होना अंधार इकिन घुंज-घुंज कोआ!
परमेसर आउर धन
(संत.लुकास 16:13; 12:22–31)
24“जाहें होड़ बनहोंड़ गोमके के सेवा-सुसार इरकु दड़ीआ, एता लःअय ची हुनी मिहोंड़ के बिदोड़ आउर एटाई के दुलार कियाय, चाहे मिहोंड़ लोः मिलाव ताही कोआय, आउर एटाई के घींड़ कियाय, आपे परमेसर आउर खरचा बनार के से-सेवा एरपे दड़ीआ।
25“हिना लःअय ईङ आपे के बेताअः दिपीईंग, ची अपन जीव लःअय एतान होः आलपे फिकिर के, ची आबु एतान जोम नुयाँबु, आउर अपन होड़ो लःअय एतान सोलोंगेआबु? एतान जिनगी घोटो तरअः आउर होड़ो गेन्दरअ तरअः बाईढ़ के कनोआँ? 26सिरमा रिनकु ओड़े के नेल कुपे, हुंकू हेरे आकु ना दो ईरे-आकु, आउर ना दो पोटोम रे दोहोयाकु, सेरे होः आपे आली सिरमा रिनी बाबा हुंकू के जोजोम लःअय एमा कुआय, हुंकू तरअः किमती कनेपेआ एतान? 27आपे रे ओके एदानिया जाहें चिन्ता केते अपन उमाईर के मि-घड़ीक लःअय बढ़ाव दाड़ीआय?
28“आउर गेन्दरअ लःअय एतान फिकिरे आपे? बुरु रेनअः बाहा के नेलेपे, होना एता लकान हरायोआ, होना ना दो कामीयाय ना रोगेआय। 29#1 राजा 10:4–7; 2 इति 9:3–6सेरे होः ईङ आपे के बिसवास चिः दिपीईङ, ची सुलेमान अपन पुरा ठाठ-माठ रे होना मेसे मियांड-मिन बराबईर सो-सोलोंग काय सोलोंग ताही लआ। 30ए थोड़हे बि-बिसवासकु, ओत रअः बीर तिसिंग भाईर एदनाअ आउर गापा सेंगेल रे लो केआकु, जदि परमेसर होना के नोःआँ लकान सपड़ायाय, दो हुनी आपे के एता लःअय एरे सोलोंगोअ पेआ?
31“हिना लःअय नोःआँ कंहड़ी यअते, ‘आलपे फिकिर के ची ईङ एतान जोम नुयीङ? आउर सोलोंगेआ?’ 32नोःआँ जामा जिनीस के नानाम लःअय एटाअ जाईतकु लगाव ताहिनोआकु। आपे आली सिरमा रिनी बाबा पाड़ीआय, ची आपे के नोःआँ कुन जिनीस रअः दरकार एदनाअ। 33आपे जामा तरअः पहिल परमेसर आला राईज आउर हुनी आला धरम रअः खोजाईर रे ताहिनपे, आउर आपे के होना जामा जिनीस नेकान गी भेटाव कोआ। 34गापा रअः आलपे फिकिर के, गापा रेनअः फिकिर अपन के खुदे का-कामी पड़ाव कोआ। तिसिंग रअः दुख तिसिंग लःअय ढेरा।
Đang chọn:
संत.मत्ती 6: ASR
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2023 NLCI CC BY-NC-ND 4.0
संत.मत्ती 6
6
धरम कामी आउर दान
1 #
सं.मत्ती 23:5
“चौंचित ताहिन पे, होड़कु के दे-देखाव लःअय अपन धरम रअः काम आलपे कामी के। कोवान दो अपन सिरमा रिनी बाबा तरअः एतान बानी होः एरपे नामेआ।
2“जब आपे दान एमा कुआपे, दो नोःआँ रअः डिगरी आलपे हुमाअ चिकुके, ढोंगीकु बिनती ओड़ाअ आउर खिरकी रे निकाने आकुगी, जेकर से ची होड़कु हुंकू आला बड़ाई याकु। ईङ आपे के सचे कंहड़ीओ दिपीईंग, ची हुंकू अपन बानी नाम चुकाव नाकु। 3बकिर जब आपे दान एमा कुआपे, दो आपे आला जोम तीः कामीयाय, होना के कोंजरा तीः आलु पाड़ी चाही। 4आम आला दान उकु ताहिनोअ चाही। आउर आपे आली बाबा जे उकु केते दान एमेआपे जामा के नेलेआय, हुनी आपे के होना रअः बानी एमा केपेआय।
परभु आला बिनती
(संत.लुकास 11:2–4)
5 #
सं.लुका 18:10–14
“ढोंगीकु लकान आलपे बिनती के, हुंकू के बिनती ओड़ाअ रे आउर चौक रे तिंगु केते, बि-बिनती बेस आदा कुआ, जेकर से हुंकू के होड़ नेल कु, ईङ आपे के सचे बेताः दिपीईंग, हुंकू अपन बानी पहिल रेगी नाम चुकाव नाकु। 6जब आम बिनती याम, दो अपन कुड़िया रे सेन केते दुवार जापुःड केमे, आउर दनांग रे अपन बाबा तरअः बिनती में, आम आली बाबा जे दनांग रे कामी लअः के नेलेआय। आम के होना रअः बानी एमा केमेआय।
7“बि-बिनती बेरा, एटाअ जाईतकु लकान जिलींग-जिलींग आलपे बिनती के, एता लःअय ची जिलींग-जिलींग बिनती रे सुनवाई हुयाआ सोंचायाकु। 8हुंकू लकान आलपे बनाव कोअ। एता लःअय ची आपे को-कोय तरअः पहिल रेगी आम आली बाबा पाड़ी आय, ची आम के एतान-एतान रअः दरकार एदनाअ। 9दो आपे नोःआँ लकान बिनती पे,
“‘ए आले आली सिरमा रे ताहिनोई बाबा,
आम आला नुमू रअः बड़ाई हुयाअः।
10आम आला राईज हिजोअ,
आम आला मरजी, जे लकान सिरमा रे पुरायोआ, हिकान गी ओत रे होः पुरा हुयाअः।
11तिसिंग आले के दिन भाईर रअः जोजोम लःअय एममे।
12आउर जे लकान आले अपन गुनाहगारकु के छमा तद कुआले।
हिना लकान गी आम होः आले के होः छमा लेमे।
13आउर आले के परीकछा रे आलुम पड़ाव ची केले,
बकिर आले के बुराई तरअः बंचाव लेमे।’
14 #
सं.मर 11:25,26 “जदि आपे एटाअकु आला गुनाह के छमा यापे, दो आपे आली सिरमा रिनी बाबा होः आपे के छमा केपेआय। 15जदि आपे एटाअ होड़कु के कापे छमा कुआ, दो आपे आली सिरमा रिनी बाबा होः आपे आला गुनाह के एरे छमाया।
उपास
16“जब आपे उपासेआपे दो ढोंगीकु लकान मेःड-मुहांड़ नुर केते आलपे उपास के। हुंकू अपन मेःड-मुहांड़ मुरझाव तआकु, जेकर से ची होड़ समझअकु, हुंकू उपास तदाकु, ईङ आपे के सचे बेताअः दिपीईङ, हुंकू अपन बानी नाम चुकाव नाकु। 17जब आपे उपासेआपे, दो अपन बोहोअ रे सुनूम ओजाः गेपे आउर मेःड-मुहांड़ आबुनेपे, 18जेकर से होड़कु के कोवान बकिर आपे आली बाबा जे दनांग रे एदानिया, नोःआँ पता चलाअ ची आपे उपास दापे, आपे आली बाबा जे दनांग ओना केहोः नेलेआय, आपे के होना रअः बानी एम केआय।
सिरमा रेनअः धन
(संत.लुकास 12:33,34)
19 #
याकु 5:2,3 “अपन लःअय ओत रे धन आलपे जवार के, जे एड़े चितयाआ आउर घुन जोमेआकु, आउर चोर दुवार टोकरा केते चोरेआकु। 20बकिर अपन लःअय सिरमा रे धन जवारेपे, जे एड़े ना चितयाआ आउर ना घुन जोमेआकु, आउर चोर दुवार टोकरा केते चो-चोर काकु दड़ीआ। 21एता लःअय ची जे एड़े आपे आला धन एदनाअ, हिनाःड़े आपे आला मन तापे होः ताहिकोआ।
होड़ो रअः मरसल
(संत.लुकास 11:34–36)
22“होड़ो रअः ढिबरी मेःड हेके। जदि आम आला मेःड बेसा, दो आम आला गोटा होड़ो ताम मरसल ताहिकोआ, 23बकिर आम आला मेःड गादुस एदनाआ, दो आम आला गोटा होड़ो ताम अंधार कोआ। हिना लःअय जे आम एड़े मरसल एदनाअ, जदि हिना अंधारा दो होना अंधार इकिन घुंज-घुंज कोआ!
परमेसर आउर धन
(संत.लुकास 16:13; 12:22–31)
24“जाहें होड़ बनहोंड़ गोमके के सेवा-सुसार इरकु दड़ीआ, एता लःअय ची हुनी मिहोंड़ के बिदोड़ आउर एटाई के दुलार कियाय, चाहे मिहोंड़ लोः मिलाव ताही कोआय, आउर एटाई के घींड़ कियाय, आपे परमेसर आउर खरचा बनार के से-सेवा एरपे दड़ीआ।
25“हिना लःअय ईङ आपे के बेताअः दिपीईंग, ची अपन जीव लःअय एतान होः आलपे फिकिर के, ची आबु एतान जोम नुयाँबु, आउर अपन होड़ो लःअय एतान सोलोंगेआबु? एतान जिनगी घोटो तरअः आउर होड़ो गेन्दरअ तरअः बाईढ़ के कनोआँ? 26सिरमा रिनकु ओड़े के नेल कुपे, हुंकू हेरे आकु ना दो ईरे-आकु, आउर ना दो पोटोम रे दोहोयाकु, सेरे होः आपे आली सिरमा रिनी बाबा हुंकू के जोजोम लःअय एमा कुआय, हुंकू तरअः किमती कनेपेआ एतान? 27आपे रे ओके एदानिया जाहें चिन्ता केते अपन उमाईर के मि-घड़ीक लःअय बढ़ाव दाड़ीआय?
28“आउर गेन्दरअ लःअय एतान फिकिरे आपे? बुरु रेनअः बाहा के नेलेपे, होना एता लकान हरायोआ, होना ना दो कामीयाय ना रोगेआय। 29#1 राजा 10:4–7; 2 इति 9:3–6सेरे होः ईङ आपे के बिसवास चिः दिपीईङ, ची सुलेमान अपन पुरा ठाठ-माठ रे होना मेसे मियांड-मिन बराबईर सो-सोलोंग काय सोलोंग ताही लआ। 30ए थोड़हे बि-बिसवासकु, ओत रअः बीर तिसिंग भाईर एदनाअ आउर गापा सेंगेल रे लो केआकु, जदि परमेसर होना के नोःआँ लकान सपड़ायाय, दो हुनी आपे के एता लःअय एरे सोलोंगोअ पेआ?
31“हिना लःअय नोःआँ कंहड़ी यअते, ‘आलपे फिकिर के ची ईङ एतान जोम नुयीङ? आउर सोलोंगेआ?’ 32नोःआँ जामा जिनीस के नानाम लःअय एटाअ जाईतकु लगाव ताहिनोआकु। आपे आली सिरमा रिनी बाबा पाड़ीआय, ची आपे के नोःआँ कुन जिनीस रअः दरकार एदनाअ। 33आपे जामा तरअः पहिल परमेसर आला राईज आउर हुनी आला धरम रअः खोजाईर रे ताहिनपे, आउर आपे के होना जामा जिनीस नेकान गी भेटाव कोआ। 34गापा रअः आलपे फिकिर के, गापा रेनअः फिकिर अपन के खुदे का-कामी पड़ाव कोआ। तिसिंग रअः दुख तिसिंग लःअय ढेरा।
Đang chọn:
:
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2023 NLCI CC BY-NC-ND 4.0