Luk 8
8
Olketa woman hu save helpem Jisas
1Nao bihaen olketa samting ya, Jisas hemi go long evri taon an evri vilij long provins ya fo talemaot disfala Gudnius abaotem kingdom blong God. An tuelfala disaepol blong hem 2an#Matiu 27:55-56; Mak 15:40-41; Luk 23:49. samfala woman tu olketa go wetem hem. An olketa woman ya nao, Jisas hemi bin mekem olketa fo gudbaek moa from olketa ravis devol an enikaen siknis. Wanfala nao hemi Meri wea hemi stap kam long taon long Magdala, wea Jisas bin raosim sevenfala devol from hem. 3An narawan hemi Joana, hu hemi waef blong Kusa hu hemi save lukaftarem olketa bisnis blong King Herod Antipas. An wanfala moa, nem blong hem Susana, wetem plande woman moa. An olketa woman ya, olketa save helpem Jisas an olketa disaepol blong hem wetem olketa samting wea olketa garem.
Tokpiksa abaotem olketa sid
(Matiu 13:1-9; Mak 4:1-9)
4Nao plande pipol nao olketa gohed fo kam from evri taon, wea olketa kam hipap raonem Jisas. So taem ya, Jisas hemi gohed nao fo talem wanfala tokpiksa long olketa, wea hemi sei,
5“Wanfala man hemi go fo plantem olketa sid blong wit long gaden blong hem. Taem hemi torowem olketa sid ya, samfala sid olketa foldaon long rod, an olketa pipol olketa step antap long olketa sid ya nomoa, an olketa bed tu olketa kam an kaikaim finis nomoa. 6An samfala long olketa sid ya olketa foldaon long graon wea hemi stap antap long bikfala ston, an olketa grou kam bat kuiktaem tu olketa dae moa from hemi drae tumas. 7An samfala moa long olketa sid ya, olketa foldaon long ples wea rut blong nilagras hemi stap long hem. An nilagras ya hemi grou kam wetem olketa wit ya tu, an go-go hemi stopem olketa wit fo no grou nao. 8Bat samfala sid olketa foldaon long gudfala graon nao, so olketa grou gudfala wea olketa garem 100 frut long evriwan.”
An Jisas hemi finisim toktok blong hem olsem moa, “Eniwan hu hemi garem ia, hemi mas heremgud toktok ya nao.”
Wanem mekem Jisas yusim olketa tokpiksa
(Matiu 13:10-17; Mak 4:10-12)
9Nao olketa disaepol blong Jisas olketa askem hem wanem nao mining blong disfala tokpiksa ya. 10Bat#Aesaea 6:9-10. Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”
Mining blong tokpiksa abaotem sid
(Matiu 13:18-23; Mak 4:13-20)
11An Jisas hemi sei moa, “Mining blong disfala tokpiksa hemi olsem ya, disfala sid ya hemi olsem toktok blong God nao ya. 12An olketa sid wea olketa foldaon long rod, hemi olsem taem olketa pipol olketa herem toktok ya, bat Seitan hemi kam an hemi tekemaot toktok ya from maen blong olketa, mekem olketa no save biliv an God hemi no save sevem olketa. 13An olketa sid wea olketa foldaon long graon wea hemi stap antap long bikfala ston nao, hemi olsem taem olketa pipol olketa herem toktok ya, an olketa tekem an hapi wetem, bat hemi no go dip insaet long maen blong olketa nomoa. Olketa biliv fo lelebet taem nomoa, an taem hadtaem hemi kam, olketa lusim go evrisamting nao. 14An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa. 15Bat olketa sid wea olketa foldaon long gudfala graon nao, hemi olsem taem olketa pipol olketa herem toktok ya, an olketa gohed fo kipim long maen blong olketa wea hemi gud an hemi stret fogud. An olketa gohed olsem, go-go olketa garem gudfala frut long olketa nao.”
Samfala samting abaotem olketa tokpiksa
(Mak 4:21-25)
16An#Matiu 5:15; Luk 11:33. Jisas hemi sei moa, “No eniwan hemi save laetem kam lam an haedem andanit long baket o putum andanit long bed. Bat hemi mas putum antap long ples blong hem nao, mekem olketa pipol wea olketa kam insaet long haos ya olketa save lukim laet blong hem ya.
17“So#Matiu 10:26; Luk 12:2. hemi olsem tu long enisamting wea hemi staphaed distaem, bae hemi save kamaot long klia ples nomoa ya. An enisamting wea olketa haedem, bae olketa pipol save luksave long hem nomoa taem hemi kamaot long klia ples.
18“So#Matiu 25:29; Luk 19:26. bikos hemi olsem, yufala mas heremgud, bikos eniwan wea hemi garem save finis, bae God hemi givim hem samfala moa. Bat eniwan wea hemi no garem save ya, nomata lelebet save dat hemi garem, God bae hemi tekemaot from hem nomoa.”
Tru famili blong Jisas
(Matiu 12:46-50; Mak 3:31-35)
19Long taem ya nomoa, mami wetem olketa brata blong Jisas olketa kam fo lukim hem, bat olketa nating save go kolsap long hem nao bikos plande pipol tumas i hipap raonem hem ya. 20Nao olketa pipol ya olketa talem long Jisas olsem, “Mami blong yu wetem olketa brata blong yu olketa stanap aotsaet ya, an olketa laekem tumas fo lukim yu.”
21Bat Jisas hemi tok olsem, “Olketa hu i herem toktok blong God an duim wanem God hemi laekem olketa fo duim, olketa ya nao mami blong mi an olketa brata blong mi.”
Jisas garem paoa fo stopem win an wev
(Matiu 8:23-27; Mak 4:35-41)
22Nao long wanfala taem, Jisas hemi go insaet long wanfala bot wetem olketa disaepol blong hem an hemi sei, “Yumi katkros go long narasaet long leik ya.” So olketa sel go nao, 23an taem olketa katkros go long leik ya nomoa, Jisas hemi slip nao. Go-go nao bikfala win hemi blou kamdaon long leik ya an bot ya hemi stat fo fulap wetem wata go-go olketa kolsap singdaon nao. 24Nao olketa disaepol olketa go an wekapem Jisas, an olketa sei, “!Masta, Masta! Kolsap yumi dae nao.”
Nao Jisas hemi stanap an hemi tokstrong long win ya an olketa wev ya, an semtaem nomoa, win ya hemi stop nao an wata ya hemi kuaet moa. 25An Jisas hemi talem olketa disaepol olsem, “?Waswe, wea nao biliv blong yufala?”
Bat olketa fraet an sapraes tumas nao an olketa askem olketa seleva olsem, “?Maewat, watkaen man nao ya? !Hemi tokstrong long win an olketa wev an tufala save obeim hem nomoa!”
Jisas garem paoa ovarem olketa devol
(Matiu 8:28-34; Mak 5:1-20)
26Olketa gohed fo katkros long leik ya, go-go olketa kasem eria long Gerasa#8:26 “Gerasa” Samfala olfala kopi long Luk olketa sei, “Gadara” o “Gegesa”. nao, wea hemi stap long narasaet long leik long Galili. 27Taem Jisas hemi go long soa, hemi mitim wanfala man blong taon ya wea samfala devol stap long hem. Longtaem nao man ya hemi nating werem eni kaleko an hemi nating stap insaet long eni haos tu. Bat hemi bin stap kam long olketa kev wea olketa putum bodi blong man dae long hem. 28-29An plande taem nao devol ya hemi bin kam strong long man ya. Nomata olketa bin taemapem han an lek blong hem long sen an olketa putum olketa man fo gadem hem, hemi save brekem nomoa olketa sen ya. An devol ya hemi mekem man ya fo go an stap long olketa drae eria nao. Taem hemi lukim Jisas nomoa, hemi singaot bikfala an hemi nildaon long frant blong hem. An Jisas hemi tokstrong long ravis devol ya fo kamaot from man ya nao. So man ya hemi singaot bikfala olsem, “!Ei Jisas, San Blong God Antap! ?Bae yu waswe long mi ya? Plis, mi askem yu, yu no spoelem mi.”
30Nao Jisas hemi askem hem, “?Hu nao nem blong yu?”
Nao man ya hemi sei, “Nem blong mi nao Bikfala Seksin.” Hemi talem olsem bikos plande devol tumas nao olketa stap long hem. 31An olketa gohed fo krae long Jisas fo no raosim olketa fo godaon long hel#8:31 “hel” Ples wea olketa devol olketa stap prisin long hem. Long langguis long Grik hemi sei,“hol wea hemi barava dip tumas”.
32Nao long wanfala hil wea hemi kolsap nomoa, plande pikpik nao olketa gohed fo kaikai long hem. An olketa devol ya olketa krae long Jisas fo hemi mas letem olketa fo go insaet long olketa pikpik ya, so hemi letem olketa nao. 33An olketa devol ya olketa kamaot from man ya nomoa, an olketa go insaet long olketa pikpik ya nao. An evri pikpik ya olketa resis godaon long saet hil wea hemi had tumas fo godaon long hem, an olketa foldaon insaet long leik ya an olketa evriwan i dae nao.
34Taem olketa man hu i lukaftarem olketa pikpik, olketa lukim wanem hemi hapen, olketa ranawe nao, an olketa talemaot nius ya long taon ya an long olketa ples raonem taon ya moa. 35So olketa pipol olketa kam nao fo lukim wanem hemi hapen ya. An taem olketa kasem Jisas, olketa lukim man ya wea Jisas hemi raosim olketa devol from hem. Man ya hemi sidaon kolsap long lek blong Jisas. An hemi werem olketa kaleko, an tingting blong hem tu hemi stret nao distaem. So olketa pipol ya olketa fraet nao. 36An olketa wea i lukim finis hao Jisas hemi mekem disfala man hu hemi garem olketa devol ya fo gudbaek moa, olketa gohed nao fo stori abaotem diswan fo olketa pipol. 37Long taem ya nomoa, evriwan wea olketa stap long eria ya long Gerasa, olketa askem Jisas nao fo goawe from olketa, bikos olketa barava fraet fogud. So Jisas hemi go insaet long bot ya, an hemi lusim olketa moa. 38Nao disfala man wea olketa devol bin goaot from hem, hemi askem Jisas olsem, “Mi laek go wetem yu.”
Bat Jisas hemi stopem man ya, an hemi tok olsem long hem, 39“Yu gobaek long hom blong yu an yu talem olketa pipol abaotem olketa samting wea God hemi bin duim fo yu.”
So man ya hemi go long evri ples insaet long taon ya, an hemi talemaot olketa samting wea Jisas hemi bin duim fo hem.
Jisas garem paoa fo mekem gele blong Jaeras fo laefbaek moa
(Matiu 9:18-26; Mak 5:21-43)
40Taem Jisas hemi gobaek kasem moa long narasaet long leik ya, plande pipol nao olketa weit fo mitim hem. 41Long semtaem ya nomoa, wanfala man, nem blong hem Jaeras, hemi kam. Man ya hemi wanfala lida blong preahaos long ples ya. Hemi kam an nildaon long frant blong Jisas, an hemi askem hem fo go long haos blong hem. 42Man hemi duim olsem, bikos gele blong hem ya hemi kolsap dae nao. An gele ya, hem nao wanfala pikinini blong hem nomoa an hemi kolsap tuelfala yia nao.
Nao taem Jisas hemi stat fo wakabaot go nomoa, plande pipol tumas nao olketa pus strong fo kam long hem. 43An wanfala woman tu hemi stap, wea hemi bin sik long blad fo tuelfala yia nao. Hemi lusim finis evri seleni blong hem long olketa dokta,#8:43 “Hemi lusim finis evri seleni blong hem long olketa dokta” Samfala olfala kopi long Luk olketa no garem disfala toktok. bat no eniwan hemi save hao fo mekem hem fo gudbaek moa. 44Woman ya hemi wakabaot kam bihaen long Jisas, an hemi tasim en long kaleko blong hem nao. An semtaem nomoa, siknis ya hemi finis nao. 45Nao Jisas hemi ask olsem, “?Hu nao hemi tasim mi?”
Taem ya, evriwan talem olketa no duim, an Pita hemi sei, “Masta, plande pipol tumas nao olketa hipap raonem yu, an olketa gohed fo pus strong fo kam long yu.”
46Bat Jisas hemi sei, “Samwan nao hemi tasim mi ya. Mi filim wea paoa blong mi hemi mekem samwan fo gudbaek moa.” 47Nao taem woman ya hemi luksave dat hemi no save staphaed, hemi barava seksek fogud nao, an hemi kam an nildaon long frant blong Jisas. Nao long frant blong olketa pipol ya, woman ya hemi talemaot long Jisas waswe nao hemi tasim kaleko blong hem. An hemi talemaot tu, dat semtaem hemi tasim hem nomoa, sik blong hem hemi barava finis from hem nao. 48Nao Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa.”
49Taem Jisas hemi gohed yet fo toktok, wanfala man wea hemi stap kam long haos blong Jaeras, hemi kam kasem olketa nao. An hemi tok olsem long Jaeras, “!Ei, gele blong yu hemi dae finis nao! Yu no mekem Tisa fo hadwaka moa.”
50Taem Jisas hemi herem diswan nomoa, hemi sei long Jaeras olsem nao, “Yu no wari tumas bat yu mas biliv long paoa blong mi nomoa, an bae gele ya hemi laefbaek moa.”
51Nao taem Jisas hemi kasem haos blong Jaeras, hemi stopem olketa pipol fo no go insaet long haos wetem hem. Bat Pita an Jon an Jemes wetem mami an dadi blong gele ya nomoa, Jisas hemi letem olketa fo go insaet long haos ya wetem hem. 52Nao olketa evri pipol olketa gohed fo krae an singaot bikfala tumas fo gele ya, so Jisas hemi sei, “Yufala no krae tumas olsem. Gele ya hemi no dae, hemi slip nomoa ya.”
53Bat olketa pipol ya olketa laf long Jisas bikos olketa save dat gele ya hemi dae finis nao. 54Bat Jisas hemi go insaet an hemi holem han blong gele ya, an hemi sei, “Smolfala gele, yu getap nao.” 55Nao win blong hem hemi kambaek, an semtaem tu hemi stanap. An Jisas hemi talem olketa fo givim kaikai long hem. 56Nao mami an dadi blong gele ya, tufala barava sapraes tumas nao. Bat Jisas hemi tokstrong long olketa fo no stori long eniwan abaotem wanem hemi hapen.
Đang chọn:
Luk 8: SIDC
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Pijin Catholic Bible © Bible Society of the South Pacific, 2008.
Luk 8
8
Olketa woman hu save helpem Jisas
1Nao bihaen olketa samting ya, Jisas hemi go long evri taon an evri vilij long provins ya fo talemaot disfala Gudnius abaotem kingdom blong God. An tuelfala disaepol blong hem 2an#Matiu 27:55-56; Mak 15:40-41; Luk 23:49. samfala woman tu olketa go wetem hem. An olketa woman ya nao, Jisas hemi bin mekem olketa fo gudbaek moa from olketa ravis devol an enikaen siknis. Wanfala nao hemi Meri wea hemi stap kam long taon long Magdala, wea Jisas bin raosim sevenfala devol from hem. 3An narawan hemi Joana, hu hemi waef blong Kusa hu hemi save lukaftarem olketa bisnis blong King Herod Antipas. An wanfala moa, nem blong hem Susana, wetem plande woman moa. An olketa woman ya, olketa save helpem Jisas an olketa disaepol blong hem wetem olketa samting wea olketa garem.
Tokpiksa abaotem olketa sid
(Matiu 13:1-9; Mak 4:1-9)
4Nao plande pipol nao olketa gohed fo kam from evri taon, wea olketa kam hipap raonem Jisas. So taem ya, Jisas hemi gohed nao fo talem wanfala tokpiksa long olketa, wea hemi sei,
5“Wanfala man hemi go fo plantem olketa sid blong wit long gaden blong hem. Taem hemi torowem olketa sid ya, samfala sid olketa foldaon long rod, an olketa pipol olketa step antap long olketa sid ya nomoa, an olketa bed tu olketa kam an kaikaim finis nomoa. 6An samfala long olketa sid ya olketa foldaon long graon wea hemi stap antap long bikfala ston, an olketa grou kam bat kuiktaem tu olketa dae moa from hemi drae tumas. 7An samfala moa long olketa sid ya, olketa foldaon long ples wea rut blong nilagras hemi stap long hem. An nilagras ya hemi grou kam wetem olketa wit ya tu, an go-go hemi stopem olketa wit fo no grou nao. 8Bat samfala sid olketa foldaon long gudfala graon nao, so olketa grou gudfala wea olketa garem 100 frut long evriwan.”
An Jisas hemi finisim toktok blong hem olsem moa, “Eniwan hu hemi garem ia, hemi mas heremgud toktok ya nao.”
Wanem mekem Jisas yusim olketa tokpiksa
(Matiu 13:10-17; Mak 4:10-12)
9Nao olketa disaepol blong Jisas olketa askem hem wanem nao mining blong disfala tokpiksa ya. 10Bat#Aesaea 6:9-10. Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”
Mining blong tokpiksa abaotem sid
(Matiu 13:18-23; Mak 4:13-20)
11An Jisas hemi sei moa, “Mining blong disfala tokpiksa hemi olsem ya, disfala sid ya hemi olsem toktok blong God nao ya. 12An olketa sid wea olketa foldaon long rod, hemi olsem taem olketa pipol olketa herem toktok ya, bat Seitan hemi kam an hemi tekemaot toktok ya from maen blong olketa, mekem olketa no save biliv an God hemi no save sevem olketa. 13An olketa sid wea olketa foldaon long graon wea hemi stap antap long bikfala ston nao, hemi olsem taem olketa pipol olketa herem toktok ya, an olketa tekem an hapi wetem, bat hemi no go dip insaet long maen blong olketa nomoa. Olketa biliv fo lelebet taem nomoa, an taem hadtaem hemi kam, olketa lusim go evrisamting nao. 14An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa. 15Bat olketa sid wea olketa foldaon long gudfala graon nao, hemi olsem taem olketa pipol olketa herem toktok ya, an olketa gohed fo kipim long maen blong olketa wea hemi gud an hemi stret fogud. An olketa gohed olsem, go-go olketa garem gudfala frut long olketa nao.”
Samfala samting abaotem olketa tokpiksa
(Mak 4:21-25)
16An#Matiu 5:15; Luk 11:33. Jisas hemi sei moa, “No eniwan hemi save laetem kam lam an haedem andanit long baket o putum andanit long bed. Bat hemi mas putum antap long ples blong hem nao, mekem olketa pipol wea olketa kam insaet long haos ya olketa save lukim laet blong hem ya.
17“So#Matiu 10:26; Luk 12:2. hemi olsem tu long enisamting wea hemi staphaed distaem, bae hemi save kamaot long klia ples nomoa ya. An enisamting wea olketa haedem, bae olketa pipol save luksave long hem nomoa taem hemi kamaot long klia ples.
18“So#Matiu 25:29; Luk 19:26. bikos hemi olsem, yufala mas heremgud, bikos eniwan wea hemi garem save finis, bae God hemi givim hem samfala moa. Bat eniwan wea hemi no garem save ya, nomata lelebet save dat hemi garem, God bae hemi tekemaot from hem nomoa.”
Tru famili blong Jisas
(Matiu 12:46-50; Mak 3:31-35)
19Long taem ya nomoa, mami wetem olketa brata blong Jisas olketa kam fo lukim hem, bat olketa nating save go kolsap long hem nao bikos plande pipol tumas i hipap raonem hem ya. 20Nao olketa pipol ya olketa talem long Jisas olsem, “Mami blong yu wetem olketa brata blong yu olketa stanap aotsaet ya, an olketa laekem tumas fo lukim yu.”
21Bat Jisas hemi tok olsem, “Olketa hu i herem toktok blong God an duim wanem God hemi laekem olketa fo duim, olketa ya nao mami blong mi an olketa brata blong mi.”
Jisas garem paoa fo stopem win an wev
(Matiu 8:23-27; Mak 4:35-41)
22Nao long wanfala taem, Jisas hemi go insaet long wanfala bot wetem olketa disaepol blong hem an hemi sei, “Yumi katkros go long narasaet long leik ya.” So olketa sel go nao, 23an taem olketa katkros go long leik ya nomoa, Jisas hemi slip nao. Go-go nao bikfala win hemi blou kamdaon long leik ya an bot ya hemi stat fo fulap wetem wata go-go olketa kolsap singdaon nao. 24Nao olketa disaepol olketa go an wekapem Jisas, an olketa sei, “!Masta, Masta! Kolsap yumi dae nao.”
Nao Jisas hemi stanap an hemi tokstrong long win ya an olketa wev ya, an semtaem nomoa, win ya hemi stop nao an wata ya hemi kuaet moa. 25An Jisas hemi talem olketa disaepol olsem, “?Waswe, wea nao biliv blong yufala?”
Bat olketa fraet an sapraes tumas nao an olketa askem olketa seleva olsem, “?Maewat, watkaen man nao ya? !Hemi tokstrong long win an olketa wev an tufala save obeim hem nomoa!”
Jisas garem paoa ovarem olketa devol
(Matiu 8:28-34; Mak 5:1-20)
26Olketa gohed fo katkros long leik ya, go-go olketa kasem eria long Gerasa#8:26 “Gerasa” Samfala olfala kopi long Luk olketa sei, “Gadara” o “Gegesa”. nao, wea hemi stap long narasaet long leik long Galili. 27Taem Jisas hemi go long soa, hemi mitim wanfala man blong taon ya wea samfala devol stap long hem. Longtaem nao man ya hemi nating werem eni kaleko an hemi nating stap insaet long eni haos tu. Bat hemi bin stap kam long olketa kev wea olketa putum bodi blong man dae long hem. 28-29An plande taem nao devol ya hemi bin kam strong long man ya. Nomata olketa bin taemapem han an lek blong hem long sen an olketa putum olketa man fo gadem hem, hemi save brekem nomoa olketa sen ya. An devol ya hemi mekem man ya fo go an stap long olketa drae eria nao. Taem hemi lukim Jisas nomoa, hemi singaot bikfala an hemi nildaon long frant blong hem. An Jisas hemi tokstrong long ravis devol ya fo kamaot from man ya nao. So man ya hemi singaot bikfala olsem, “!Ei Jisas, San Blong God Antap! ?Bae yu waswe long mi ya? Plis, mi askem yu, yu no spoelem mi.”
30Nao Jisas hemi askem hem, “?Hu nao nem blong yu?”
Nao man ya hemi sei, “Nem blong mi nao Bikfala Seksin.” Hemi talem olsem bikos plande devol tumas nao olketa stap long hem. 31An olketa gohed fo krae long Jisas fo no raosim olketa fo godaon long hel#8:31 “hel” Ples wea olketa devol olketa stap prisin long hem. Long langguis long Grik hemi sei,“hol wea hemi barava dip tumas”.
32Nao long wanfala hil wea hemi kolsap nomoa, plande pikpik nao olketa gohed fo kaikai long hem. An olketa devol ya olketa krae long Jisas fo hemi mas letem olketa fo go insaet long olketa pikpik ya, so hemi letem olketa nao. 33An olketa devol ya olketa kamaot from man ya nomoa, an olketa go insaet long olketa pikpik ya nao. An evri pikpik ya olketa resis godaon long saet hil wea hemi had tumas fo godaon long hem, an olketa foldaon insaet long leik ya an olketa evriwan i dae nao.
34Taem olketa man hu i lukaftarem olketa pikpik, olketa lukim wanem hemi hapen, olketa ranawe nao, an olketa talemaot nius ya long taon ya an long olketa ples raonem taon ya moa. 35So olketa pipol olketa kam nao fo lukim wanem hemi hapen ya. An taem olketa kasem Jisas, olketa lukim man ya wea Jisas hemi raosim olketa devol from hem. Man ya hemi sidaon kolsap long lek blong Jisas. An hemi werem olketa kaleko, an tingting blong hem tu hemi stret nao distaem. So olketa pipol ya olketa fraet nao. 36An olketa wea i lukim finis hao Jisas hemi mekem disfala man hu hemi garem olketa devol ya fo gudbaek moa, olketa gohed nao fo stori abaotem diswan fo olketa pipol. 37Long taem ya nomoa, evriwan wea olketa stap long eria ya long Gerasa, olketa askem Jisas nao fo goawe from olketa, bikos olketa barava fraet fogud. So Jisas hemi go insaet long bot ya, an hemi lusim olketa moa. 38Nao disfala man wea olketa devol bin goaot from hem, hemi askem Jisas olsem, “Mi laek go wetem yu.”
Bat Jisas hemi stopem man ya, an hemi tok olsem long hem, 39“Yu gobaek long hom blong yu an yu talem olketa pipol abaotem olketa samting wea God hemi bin duim fo yu.”
So man ya hemi go long evri ples insaet long taon ya, an hemi talemaot olketa samting wea Jisas hemi bin duim fo hem.
Jisas garem paoa fo mekem gele blong Jaeras fo laefbaek moa
(Matiu 9:18-26; Mak 5:21-43)
40Taem Jisas hemi gobaek kasem moa long narasaet long leik ya, plande pipol nao olketa weit fo mitim hem. 41Long semtaem ya nomoa, wanfala man, nem blong hem Jaeras, hemi kam. Man ya hemi wanfala lida blong preahaos long ples ya. Hemi kam an nildaon long frant blong Jisas, an hemi askem hem fo go long haos blong hem. 42Man hemi duim olsem, bikos gele blong hem ya hemi kolsap dae nao. An gele ya, hem nao wanfala pikinini blong hem nomoa an hemi kolsap tuelfala yia nao.
Nao taem Jisas hemi stat fo wakabaot go nomoa, plande pipol tumas nao olketa pus strong fo kam long hem. 43An wanfala woman tu hemi stap, wea hemi bin sik long blad fo tuelfala yia nao. Hemi lusim finis evri seleni blong hem long olketa dokta,#8:43 “Hemi lusim finis evri seleni blong hem long olketa dokta” Samfala olfala kopi long Luk olketa no garem disfala toktok. bat no eniwan hemi save hao fo mekem hem fo gudbaek moa. 44Woman ya hemi wakabaot kam bihaen long Jisas, an hemi tasim en long kaleko blong hem nao. An semtaem nomoa, siknis ya hemi finis nao. 45Nao Jisas hemi ask olsem, “?Hu nao hemi tasim mi?”
Taem ya, evriwan talem olketa no duim, an Pita hemi sei, “Masta, plande pipol tumas nao olketa hipap raonem yu, an olketa gohed fo pus strong fo kam long yu.”
46Bat Jisas hemi sei, “Samwan nao hemi tasim mi ya. Mi filim wea paoa blong mi hemi mekem samwan fo gudbaek moa.” 47Nao taem woman ya hemi luksave dat hemi no save staphaed, hemi barava seksek fogud nao, an hemi kam an nildaon long frant blong Jisas. Nao long frant blong olketa pipol ya, woman ya hemi talemaot long Jisas waswe nao hemi tasim kaleko blong hem. An hemi talemaot tu, dat semtaem hemi tasim hem nomoa, sik blong hem hemi barava finis from hem nao. 48Nao Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa.”
49Taem Jisas hemi gohed yet fo toktok, wanfala man wea hemi stap kam long haos blong Jaeras, hemi kam kasem olketa nao. An hemi tok olsem long Jaeras, “!Ei, gele blong yu hemi dae finis nao! Yu no mekem Tisa fo hadwaka moa.”
50Taem Jisas hemi herem diswan nomoa, hemi sei long Jaeras olsem nao, “Yu no wari tumas bat yu mas biliv long paoa blong mi nomoa, an bae gele ya hemi laefbaek moa.”
51Nao taem Jisas hemi kasem haos blong Jaeras, hemi stopem olketa pipol fo no go insaet long haos wetem hem. Bat Pita an Jon an Jemes wetem mami an dadi blong gele ya nomoa, Jisas hemi letem olketa fo go insaet long haos ya wetem hem. 52Nao olketa evri pipol olketa gohed fo krae an singaot bikfala tumas fo gele ya, so Jisas hemi sei, “Yufala no krae tumas olsem. Gele ya hemi no dae, hemi slip nomoa ya.”
53Bat olketa pipol ya olketa laf long Jisas bikos olketa save dat gele ya hemi dae finis nao. 54Bat Jisas hemi go insaet an hemi holem han blong gele ya, an hemi sei, “Smolfala gele, yu getap nao.” 55Nao win blong hem hemi kambaek, an semtaem tu hemi stanap. An Jisas hemi talem olketa fo givim kaikai long hem. 56Nao mami an dadi blong gele ya, tufala barava sapraes tumas nao. Bat Jisas hemi tokstrong long olketa fo no stori long eniwan abaotem wanem hemi hapen.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Pijin Catholic Bible © Bible Society of the South Pacific, 2008.