MARIKUS 7
7
Nyoey yi lɛ, rì Ɓɛ̀fàrìzyɛŋ rì Yeesus ɓi kìɓan ki ɓisyɔ̀ɔ̀ ɓi ɓɛseŋi ɓaa
(Mt. 15:1-9)
1Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ɓɛ pɛsɛ̀ngày a Yorisalɛm ɓɛ taŋzɛ̀ngà Yeesus a nyòò, 2ɓɛ ghɛn di ɓɛ̀yilàg ɓii ɓɛdɛŋ ɓɛɛ ɗiɗi ɓyom, ɓyàg ri tìfin, yɛɛ lɔɔ lɛ, kɛ̀ɛ̀ kìsòo ɓyàg. 3Kɔm̀ lɛ Ɓɛ̀fàrìzyɛŋ rì Ɓɛ̀yudɛ̀n ɓɛ̀cèm ɓaa ɗi ɓi ɓiɗilàg di ɓɛ ka soò ɓi ɓyàg lɛ syeesyee, lɛ ɓɛɛ̀ ɓèŋɓeŋ kìsyɔ̀ɔ̀ ki ɓɛseŋi ɓaa. 4Ɓɛ kilàg tì lɛ, ì ɓɛ sughiì fyèè, ɓɛ yin lɛ ɓɛ ɗi ɓìɗilàg di ɓɛ ka sogtɛn ɓi, yɛ̀ɛ kìsyɔ̀ɔ̀ ki righerɛ̀n ɗyaa kɛɛ̀ kɔ̀nkɔ̀n. Ɓɛ roodii tì rì ɓìcèlì ɓidɛŋ, fɛ lɛ yɛ̀ɛ rìsòò ɗi ɓɛɓeŋ, rì rìsòò ɗi bèè, ɗì rìsòò ɗì tìgheŋ ti bɔŋ. 5Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ tɔkà Yeesus lɛ: Ɓisuucɛ nnɛ ɓɛ̀yilàg ɓɔɔ ɓɛ kiì ɓi yɛ̀ɛ ɓìsyɔ̀ɔ̀ ɓi ɓɛseŋi ɓìs ɓyɛɛ kpaakpàà, yɛ̀ɛ ɓɛɛ̀ ɗiɗi ɓyom kɛ̀ɛ̀ kìsòo ɓyàg? 6Nni Yeesus à ɓàkà ɓɔ lɛ: Mìni ɓum ɓɛ, fyɛɛ̀fyɛɛ̀ ɓi ŋwɔm ìghèy ɓi ɗùm, Ezayii à kpaaghà lɔŋ saaɗ ɓi kìɓan kin, fɛlɛ yɛ̀ɛ ki rì kì kànɛn lɛ: Ɓumɓɛ ɓi kìlɔ̀ŋ ki ɓɛɛ̀ ɓɔɔɓɔgsì lɔŋ mɛ ɓi ŋwɔm aɗyoo, mɛ̀rem maa mɛ̀ kɛɛ̀ wuɓsɛn mɛ; 7ɓɛɛ̀ yooyogsì cààmɛ̀n kaa lɛ ɓɛɛ̀ ɓɔɔɓɔgsì mɛ̀, lɛ dɔgtɛ̀n yi ɓɛɛ̀ rèrèsì yi ri lɔŋ ɓisyɔ̀ɔ̀ ɓi ɓum. 8Nni Yeesus à ɓɔ̀ɓtìghà lɛ: Ɓì càri ɓìdɔ̀gsɛna ɓi Bɛ̀ll lɛ ɓìsyɔ̀ɔ̀ ɓi ɓum ɓyɛɛ̀ɓi ɓì foŋi ǹto miì! 9À kpaatì ɓɔ lɛ: Ɓì naŋi ɓìdɔ̀gsɛna ɓi Bɛ̀ll ɓisuu ɓisyɔ̀ɔ̀ ɓin! 10Lɛ Moyis à kpaaghà lɛ: Mum a nyaàsi seŋi ɓɛɛ jɛɛ, rì tì lɛ ŋwaànɛ à nyɔ̀mɛɛ seŋi nsoò lɛ jɛɛ, à ghɛ̀ɛ̀sɛɛ lɛ ɓɛ wey nyi. 11Kìɓan kìfog mìnii ti ɓi kpaaghì lɛ: Ì ŋwaà kalii seŋi nsoò lɛ jɛɛ lɛ, gàɓ ì com ìnɛ màa rì lɛ ǹghɛɓsì wɔ̀ rì yɔ̀ ì rì kɔ̀rìɓaŋ. Yɛɛ lɔɔ lɛ com ki ɓɛ mɛ pègsɛn lɛ ɓɛɛ cogtɛn Bɛ̀ll, 12i mum à kpaa fɔlɔɔ, mìnii càɗ nyi lɛ kɛ̀ɛ ghɛɓsi ti seŋi, nsoò lɛ jɛɛ. 13Fɔlɔɔ anɛ̀n à rì yɛɛ lɔɔ lɛ, ɓi yooyogsì jɛ̀ɛ̀ ì Bɛ̀ll rì ɓìsyɔ̀ɔ̀ ɓin ɓi ɓyaà ceècèèsɛ̀n; ɓi ki ti ɓì kìlàg tì ɓìɓan ɓidɛŋ lɛɛ̀gwey fɔlɔɔ yɛ̀ɛ ɓiǹ. 14Nni Yeesus à reŋìghà tì gùl ì ɓum, à kpaa ɓɔ lɛ: Mìniìcèm ramina mɛ̀reè, ɓi wog com ki ǹkpaakpaa minì. 15Com kìcèm ki mum à ɗii ki kɛǹ nyi ɓi ɗùm ki yin lɛ ki foŋ nyi kìsyeg ɓi nyòò; kìɓan kifog com ki ki pɛsɛɛ yì mum ɓi ɗùm, kɛɛ ri lɛ ki foŋ nyi kìsyeg ɓi nyòò. 16Ŋwaànɛ à rì rì mɛ̀reè, mɛ lɛ à wog, à wog. 17Yɛ̀ɛ à ɗiŋìghà ɓi naa, gwìy yɛ̀ kɛɛ̀ wuɓsɛn tì nyi, nni ɓɛ̀yilàg ɓii ɓɛ tɔkà nyi azi anɛ ɓi dàɗkì ìnɛn. 18À kalì ɓɔ lɛ: Mìni girig ɓi rì yɛɛ lɔɔ kɛ̀ɛ̀ ɗyomzɛ̀n yɛ̀ɛ ɓi woogh ɓi lɛ, com kìcèm ki mum à ɗii, ki kɛǹ nyì ɓi ɗùm ki yin lɛ ki foŋ nyi kìsyeg ɓi nyòò; 19ɓisuulɛ com kiŋcèm kì yin nyi ɓiì kɛ̀nkɛni ɓi ǹɗem, kɛɛ̀ kɛ̀nkɛn lɔŋ nyi ɓi ɗùm, ki sɛn, ki kpaŋ di à kɛ̀ɛ cog. Yeesus à kpaaghà yɛɛ lɔɔ lɛ ɓìɗilàg ɓìcèm ɓi rì kɛ̀ɛ̀ kìsyeg. 20À kpaatìghà lɛ: Com ki ki kpaŋiì ɓi mum kɛɛ ri lɛ ki foŋ nyi kìsyèg ɓi nyoo, 21ɓisuulɛ lɔŋ ɓi ɗùm ɗì mum rì ɓi ǹɗem wii nnɛ ɓìɓeɓtàg ɓi mɛyitì, rì rìɓàmɓà, rì wii, rì ǹwolɛ̀n, 22rì tìsɔ̀mɔ̀g, rì kìsee ki ikum, rì kìɓeɓtàg ki ǹɗem, rì mɛ̀ghèy, rì kìɓùùsì, rì m̀mììghrɛ̀n, rì tìfena rì kalɛn, rì kìyèg ki ɗyomzɛ̀n ɓi ti ɓi ɓalàg yì. 23Ɓìɓeɓtàg ɓi ɓiɓan ɓyɛɛ̀ ɓalag yi mum ɓi ǹɗem, ɓi ki fogi nyi kìsyeg ɓi nyòò.
Giɓ anɛ a Kanaaŋ
(Mt. 15:21-28)
24Yeesus à pɛ̀sɛ̀ngà ɓì jàŋ inɛ̀n à kɛ̀n ɓi kìlànà ki zi ki bàn ì Tiir ì ɓaghà wɔɔ. Fɔɔnnɛ à kɔ̀rìghà a mɛɛ mɛdɛŋ, lɛ à kɔ̀ngà ɓì lɛ ɓɛɛ yi lɛ à rì wɔɔ, kìɓan kifog à ɓaghà ɓi lɛ à kɔ̀rì nyamzɛn. 25Ɓisuulɛ giɓ adɛŋ ànɛ gɔ̀n yìì ì ɓaghà rì kìɓeɓtàg kì nghay, a wokày Yeesus ɓi rìkem, à yù nyi kì kpìi a mɛ̀kòò; 26giɓ ancèm ànɛn à ɓaghà ǹkèn a giɓ, a yalɛ̀ngà a Fenisii, ɓi kìlɔ̀ŋ ki Sirii, à tɔkà Yeesus lɛ a naɓ kìɓeɓtàg ki nghay ki gɔ̀n yìì ì ɓaghà rì kɔ. 27Yeesus à ɓàg nyi lɛ: Ka càra ɓɔɓti ɓɛɛ ɗi ɓɛɛ wuri, lɛ ki ghɛɛ̀sɛɛ ɓi lɛ ɓɛɛ teɗ ɓìɗilàg ɓi ɓɔɓti, ɓɛɛ fa rì ɓɔn ɓɛ bu. 28Giɓ anɛ̀n à pɛ̀ɛ̀zì nyi lɛ: Ɛ̀ɛ̀ Kan! ù kalii miì, wɔ̀lɛ, ɓɔn ɓɛ bu ɓɛɛ̀ ɗilag bubùɓ yi ɓɔɓti ɓɛ raàsii a teɓèrè zi. 29Yeesus à kpaa min nyi lɛ: Ɓì jɛ̀ɛ̀ ìnɛ ù kpaa ìnɛ̀n, kɛ̀na, kìɓeɓtàg ki ǹghay ki pɛsɛɛ gɔ̀n yɔ̀ɔ̀ ɓi nyòò. 30Yɛ̀ɛ̀ à sukà, à tanɛ̀n gɔ̀n yìì ǹnɔ̀nɔŋiyɛn ɓi ɓyomɓilɔ̀ŋ, ɗi kìɓeɓtàg ki ǹghay ki mɛ pɛ̀sɛn yɔ̀ ɓi nyòò.
Yeesus à wɔ̀ɔ̀zii ŋwaànɛ à ɓaghà rì ɓɛ̀lɔg, nyi tì mùm-mùm
31Yeesus à pɛ̀sɛ̀ngà ɓi kìlànà ki zi ki bàn ì Tiir ì ɓaghà wɔɔ à fyee à Sidɔŋ, a syàà kìlɔ̀ŋ ki bàn ǹtɛ̀ɗ lɛ a sugti ɓi bèn ì rìɓày ànɛ a Galile. 32Ɓɛ yughày nyi rì lɔlɔg adɛŋ ànɛ à yighà ɓi ritòòghrɛ̀n, ɓɛ ɓɔŋzàg nyi lɛ a saagh ŋwaànɛ̀n ɓyàg ɓi nyòò. 33Yeesus à tekà ŋwaànɛ̀n à kɛ̀n ɗi nyi daŋdarààŋ, à ràɓsɛ̀n ɓumɓɛ ɓɛ ɓaghà wɔɔ, à purì nyi ɓɔn ì ɓyàg ɓi mɛ̀reè, à ki teɗ tityɛɛ tii, à kòm rìlemàg ɗi ŋwaànɛ̀n miì. 34Ajɛ̀m ìnɛn, nni à ɓegsìghà mis aɗyoo, à fɛmzɛ̀n, à kpaa lɛ: Èfata! Yɛɛ lɔɔ lɛ, ŋwàrɛn. 35Fɔɔnnɛ mɛ̀reè mɛ ŋwaànɛ̀n mɛ ghaskà kì ŋwàrɛɛ, rìlemàg ɗii ɗi fumɓɛ̀n, à tumɛ̀n rìtòtòg lɛ tɛntɛ̀ɛ̀n. 36Yeesus à rɔ̀gsɛ̀ngà ɓɔ lɛ ɓɛ̀ kɛɛ̀ kpaa mum kìɓan kiǹ, kìɓan kifog, ɓɔɔ kikìghà lɛ, di Yeesus a rɔ̀gsɛ̀n ɓɔ fɔlɔɔ, di ɓɔɔ̀ sààti ɓɔlɛ. 37Ɓum ɓɛ kuuràkà lɛɛ̀gwey, ɓɛ ki kpaakpaa lɛ: Ɓìɓan ɓìcèm ɓi a kìkì ɓi ri lɛ syeesyee. A kìki lɛ, ɓɛ̀lɔlɔg ɓɛɛ woòghrɛn, ɓɛ̀mùm-mùm ɓɛ toòghrɛ̀n.
Đang chọn:
MARIKUS 7: BAFNT
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bafia Nouveau Testament © Bible Society of Cameroon, 2019.
MARIKUS 7
7
Nyoey yi lɛ, rì Ɓɛ̀fàrìzyɛŋ rì Yeesus ɓi kìɓan ki ɓisyɔ̀ɔ̀ ɓi ɓɛseŋi ɓaa
(Mt. 15:1-9)
1Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ɓɛ pɛsɛ̀ngày a Yorisalɛm ɓɛ taŋzɛ̀ngà Yeesus a nyòò, 2ɓɛ ghɛn di ɓɛ̀yilàg ɓii ɓɛdɛŋ ɓɛɛ ɗiɗi ɓyom, ɓyàg ri tìfin, yɛɛ lɔɔ lɛ, kɛ̀ɛ̀ kìsòo ɓyàg. 3Kɔm̀ lɛ Ɓɛ̀fàrìzyɛŋ rì Ɓɛ̀yudɛ̀n ɓɛ̀cèm ɓaa ɗi ɓi ɓiɗilàg di ɓɛ ka soò ɓi ɓyàg lɛ syeesyee, lɛ ɓɛɛ̀ ɓèŋɓeŋ kìsyɔ̀ɔ̀ ki ɓɛseŋi ɓaa. 4Ɓɛ kilàg tì lɛ, ì ɓɛ sughiì fyèè, ɓɛ yin lɛ ɓɛ ɗi ɓìɗilàg di ɓɛ ka sogtɛn ɓi, yɛ̀ɛ kìsyɔ̀ɔ̀ ki righerɛ̀n ɗyaa kɛɛ̀ kɔ̀nkɔ̀n. Ɓɛ roodii tì rì ɓìcèlì ɓidɛŋ, fɛ lɛ yɛ̀ɛ rìsòò ɗi ɓɛɓeŋ, rì rìsòò ɗi bèè, ɗì rìsòò ɗì tìgheŋ ti bɔŋ. 5Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ tɔkà Yeesus lɛ: Ɓisuucɛ nnɛ ɓɛ̀yilàg ɓɔɔ ɓɛ kiì ɓi yɛ̀ɛ ɓìsyɔ̀ɔ̀ ɓi ɓɛseŋi ɓìs ɓyɛɛ kpaakpàà, yɛ̀ɛ ɓɛɛ̀ ɗiɗi ɓyom kɛ̀ɛ̀ kìsòo ɓyàg? 6Nni Yeesus à ɓàkà ɓɔ lɛ: Mìni ɓum ɓɛ, fyɛɛ̀fyɛɛ̀ ɓi ŋwɔm ìghèy ɓi ɗùm, Ezayii à kpaaghà lɔŋ saaɗ ɓi kìɓan kin, fɛlɛ yɛ̀ɛ ki rì kì kànɛn lɛ: Ɓumɓɛ ɓi kìlɔ̀ŋ ki ɓɛɛ̀ ɓɔɔɓɔgsì lɔŋ mɛ ɓi ŋwɔm aɗyoo, mɛ̀rem maa mɛ̀ kɛɛ̀ wuɓsɛn mɛ; 7ɓɛɛ̀ yooyogsì cààmɛ̀n kaa lɛ ɓɛɛ̀ ɓɔɔɓɔgsì mɛ̀, lɛ dɔgtɛ̀n yi ɓɛɛ̀ rèrèsì yi ri lɔŋ ɓisyɔ̀ɔ̀ ɓi ɓum. 8Nni Yeesus à ɓɔ̀ɓtìghà lɛ: Ɓì càri ɓìdɔ̀gsɛna ɓi Bɛ̀ll lɛ ɓìsyɔ̀ɔ̀ ɓi ɓum ɓyɛɛ̀ɓi ɓì foŋi ǹto miì! 9À kpaatì ɓɔ lɛ: Ɓì naŋi ɓìdɔ̀gsɛna ɓi Bɛ̀ll ɓisuu ɓisyɔ̀ɔ̀ ɓin! 10Lɛ Moyis à kpaaghà lɛ: Mum a nyaàsi seŋi ɓɛɛ jɛɛ, rì tì lɛ ŋwaànɛ à nyɔ̀mɛɛ seŋi nsoò lɛ jɛɛ, à ghɛ̀ɛ̀sɛɛ lɛ ɓɛ wey nyi. 11Kìɓan kìfog mìnii ti ɓi kpaaghì lɛ: Ì ŋwaà kalii seŋi nsoò lɛ jɛɛ lɛ, gàɓ ì com ìnɛ màa rì lɛ ǹghɛɓsì wɔ̀ rì yɔ̀ ì rì kɔ̀rìɓaŋ. Yɛɛ lɔɔ lɛ com ki ɓɛ mɛ pègsɛn lɛ ɓɛɛ cogtɛn Bɛ̀ll, 12i mum à kpaa fɔlɔɔ, mìnii càɗ nyi lɛ kɛ̀ɛ ghɛɓsi ti seŋi, nsoò lɛ jɛɛ. 13Fɔlɔɔ anɛ̀n à rì yɛɛ lɔɔ lɛ, ɓi yooyogsì jɛ̀ɛ̀ ì Bɛ̀ll rì ɓìsyɔ̀ɔ̀ ɓin ɓi ɓyaà ceècèèsɛ̀n; ɓi ki ti ɓì kìlàg tì ɓìɓan ɓidɛŋ lɛɛ̀gwey fɔlɔɔ yɛ̀ɛ ɓiǹ. 14Nni Yeesus à reŋìghà tì gùl ì ɓum, à kpaa ɓɔ lɛ: Mìniìcèm ramina mɛ̀reè, ɓi wog com ki ǹkpaakpaa minì. 15Com kìcèm ki mum à ɗii ki kɛǹ nyi ɓi ɗùm ki yin lɛ ki foŋ nyi kìsyeg ɓi nyòò; kìɓan kifog com ki ki pɛsɛɛ yì mum ɓi ɗùm, kɛɛ ri lɛ ki foŋ nyi kìsyeg ɓi nyòò. 16Ŋwaànɛ à rì rì mɛ̀reè, mɛ lɛ à wog, à wog. 17Yɛ̀ɛ à ɗiŋìghà ɓi naa, gwìy yɛ̀ kɛɛ̀ wuɓsɛn tì nyi, nni ɓɛ̀yilàg ɓii ɓɛ tɔkà nyi azi anɛ ɓi dàɗkì ìnɛn. 18À kalì ɓɔ lɛ: Mìni girig ɓi rì yɛɛ lɔɔ kɛ̀ɛ̀ ɗyomzɛ̀n yɛ̀ɛ ɓi woogh ɓi lɛ, com kìcèm ki mum à ɗii, ki kɛǹ nyì ɓi ɗùm ki yin lɛ ki foŋ nyi kìsyeg ɓi nyòò; 19ɓisuulɛ com kiŋcèm kì yin nyi ɓiì kɛ̀nkɛni ɓi ǹɗem, kɛɛ̀ kɛ̀nkɛn lɔŋ nyi ɓi ɗùm, ki sɛn, ki kpaŋ di à kɛ̀ɛ cog. Yeesus à kpaaghà yɛɛ lɔɔ lɛ ɓìɗilàg ɓìcèm ɓi rì kɛ̀ɛ̀ kìsyeg. 20À kpaatìghà lɛ: Com ki ki kpaŋiì ɓi mum kɛɛ ri lɛ ki foŋ nyi kìsyèg ɓi nyoo, 21ɓisuulɛ lɔŋ ɓi ɗùm ɗì mum rì ɓi ǹɗem wii nnɛ ɓìɓeɓtàg ɓi mɛyitì, rì rìɓàmɓà, rì wii, rì ǹwolɛ̀n, 22rì tìsɔ̀mɔ̀g, rì kìsee ki ikum, rì kìɓeɓtàg ki ǹɗem, rì mɛ̀ghèy, rì kìɓùùsì, rì m̀mììghrɛ̀n, rì tìfena rì kalɛn, rì kìyèg ki ɗyomzɛ̀n ɓi ti ɓi ɓalàg yì. 23Ɓìɓeɓtàg ɓi ɓiɓan ɓyɛɛ̀ ɓalag yi mum ɓi ǹɗem, ɓi ki fogi nyi kìsyeg ɓi nyòò.
Giɓ anɛ a Kanaaŋ
(Mt. 15:21-28)
24Yeesus à pɛ̀sɛ̀ngà ɓì jàŋ inɛ̀n à kɛ̀n ɓi kìlànà ki zi ki bàn ì Tiir ì ɓaghà wɔɔ. Fɔɔnnɛ à kɔ̀rìghà a mɛɛ mɛdɛŋ, lɛ à kɔ̀ngà ɓì lɛ ɓɛɛ yi lɛ à rì wɔɔ, kìɓan kifog à ɓaghà ɓi lɛ à kɔ̀rì nyamzɛn. 25Ɓisuulɛ giɓ adɛŋ ànɛ gɔ̀n yìì ì ɓaghà rì kìɓeɓtàg kì nghay, a wokày Yeesus ɓi rìkem, à yù nyi kì kpìi a mɛ̀kòò; 26giɓ ancèm ànɛn à ɓaghà ǹkèn a giɓ, a yalɛ̀ngà a Fenisii, ɓi kìlɔ̀ŋ ki Sirii, à tɔkà Yeesus lɛ a naɓ kìɓeɓtàg ki nghay ki gɔ̀n yìì ì ɓaghà rì kɔ. 27Yeesus à ɓàg nyi lɛ: Ka càra ɓɔɓti ɓɛɛ ɗi ɓɛɛ wuri, lɛ ki ghɛɛ̀sɛɛ ɓi lɛ ɓɛɛ teɗ ɓìɗilàg ɓi ɓɔɓti, ɓɛɛ fa rì ɓɔn ɓɛ bu. 28Giɓ anɛ̀n à pɛ̀ɛ̀zì nyi lɛ: Ɛ̀ɛ̀ Kan! ù kalii miì, wɔ̀lɛ, ɓɔn ɓɛ bu ɓɛɛ̀ ɗilag bubùɓ yi ɓɔɓti ɓɛ raàsii a teɓèrè zi. 29Yeesus à kpaa min nyi lɛ: Ɓì jɛ̀ɛ̀ ìnɛ ù kpaa ìnɛ̀n, kɛ̀na, kìɓeɓtàg ki ǹghay ki pɛsɛɛ gɔ̀n yɔ̀ɔ̀ ɓi nyòò. 30Yɛ̀ɛ̀ à sukà, à tanɛ̀n gɔ̀n yìì ǹnɔ̀nɔŋiyɛn ɓi ɓyomɓilɔ̀ŋ, ɗi kìɓeɓtàg ki ǹghay ki mɛ pɛ̀sɛn yɔ̀ ɓi nyòò.
Yeesus à wɔ̀ɔ̀zii ŋwaànɛ à ɓaghà rì ɓɛ̀lɔg, nyi tì mùm-mùm
31Yeesus à pɛ̀sɛ̀ngà ɓi kìlànà ki zi ki bàn ì Tiir ì ɓaghà wɔɔ à fyee à Sidɔŋ, a syàà kìlɔ̀ŋ ki bàn ǹtɛ̀ɗ lɛ a sugti ɓi bèn ì rìɓày ànɛ a Galile. 32Ɓɛ yughày nyi rì lɔlɔg adɛŋ ànɛ à yighà ɓi ritòòghrɛ̀n, ɓɛ ɓɔŋzàg nyi lɛ a saagh ŋwaànɛ̀n ɓyàg ɓi nyòò. 33Yeesus à tekà ŋwaànɛ̀n à kɛ̀n ɗi nyi daŋdarààŋ, à ràɓsɛ̀n ɓumɓɛ ɓɛ ɓaghà wɔɔ, à purì nyi ɓɔn ì ɓyàg ɓi mɛ̀reè, à ki teɗ tityɛɛ tii, à kòm rìlemàg ɗi ŋwaànɛ̀n miì. 34Ajɛ̀m ìnɛn, nni à ɓegsìghà mis aɗyoo, à fɛmzɛ̀n, à kpaa lɛ: Èfata! Yɛɛ lɔɔ lɛ, ŋwàrɛn. 35Fɔɔnnɛ mɛ̀reè mɛ ŋwaànɛ̀n mɛ ghaskà kì ŋwàrɛɛ, rìlemàg ɗii ɗi fumɓɛ̀n, à tumɛ̀n rìtòtòg lɛ tɛntɛ̀ɛ̀n. 36Yeesus à rɔ̀gsɛ̀ngà ɓɔ lɛ ɓɛ̀ kɛɛ̀ kpaa mum kìɓan kiǹ, kìɓan kifog, ɓɔɔ kikìghà lɛ, di Yeesus a rɔ̀gsɛ̀n ɓɔ fɔlɔɔ, di ɓɔɔ̀ sààti ɓɔlɛ. 37Ɓum ɓɛ kuuràkà lɛɛ̀gwey, ɓɛ ki kpaakpaa lɛ: Ɓìɓan ɓìcèm ɓi a kìkì ɓi ri lɛ syeesyee. A kìki lɛ, ɓɛ̀lɔlɔg ɓɛɛ woòghrɛn, ɓɛ̀mùm-mùm ɓɛ toòghrɛ̀n.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bafia Nouveau Testament © Bible Society of Cameroon, 2019.