<div class="version vid1763 iso6393ixl" data-vid="1763" data-iso6393="ixl">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt2"><span class="content">ALB&#700;AL INUQUL U YOL TI&#700; U U&#700;</span></div><div class="imt1"><span class="content">TIO</span></div><div class="is2"><span class="content">Uva&#700;s toq qootzaqita&#700; ja&#700;l tz&#700;ib&#700;an u u&#700; Tio</span></div><div class="ip"><span class="content">A&#700;etz u u&#700;e uva&#700; Tio ib&#700;ij, tan Tio ib&#700;ij uva&#700; tz&#700;ib&#700;an u u&#700;. A&#700;etz Tioe uva&#700; ch&#700;exex ta&#700;n quB&#700;aal Jesuus ti&#700; ib&#700;en s-txhusul ib&#700; s-k&#700;atza, eche uva&#700; nik tal tu Tio 9.9. Tul xamtich toksa vet quB&#700;aal Jesuus Tio sitxhaq, atz siapoostol ti&#700; ipaxsal inq&#700;a b&#700;a&#700;nla txhaq yol ti&#700; Jesuus, eche uva&#700; nik tal tu Tio 10.1-3. Tul ootzaqimich Tio paqte s-Levii. Tan ech uva&#700;e nik tal tu Kuxh 2.14 tuch&#700; tu Luk 5.27-29. Eche u b&#700;ij Tio, tan: &#8212;Oyal ta&#700;n quB&#700;aal Tiuxh, &#8212;chich tela&#700;pun tu yolb&#700;al evreeo.</span></div><div class="ip"><span class="content">K&#700;uxhetz ye&#700; tal tib&#700; Tio s-tz&#700;ib&#700;an tetz u u&#700;, pet nik ib&#700;en s-qe uva&#700; Tio tz&#700;ib&#700;an. Tan nik tale&#700; uva&#700; ant Tio ch&#700;exex ta&#700;n quB&#700;aal Jesuus uva&#700;s seb&#700;tich ijaqt Tio puaq tetz Rooma te inq&#700;a xaol. Tul: &#8212;Txh&#700;uye&#700;ven s-vi&#700;, &#8212;xe&#700;t quB&#700;aal Jesuus te Tio.</span></div><div class="ip"><span class="content">Ma&#700;tichetz ipal vet pa&#700;l o&#700;va&#700;l to&#700;k&#700;al (85) ya&#700;b&#700; itz&#700;ib&#700;al u u&#700; Tio, tul itz&#700;ib&#700;a ka val u vinaq uva&#700; Papiiasich ib&#700;ij va&#700;t u u&#700;. A&#700; itz&#700;ib&#700;at tu ya&#700;b&#700; 130 ma&#700;tich talal quB&#700;aal Jesuus (m.t.J.). A&#700;etz nik tal tu tu&#700; Papiias uva&#700; Tio tz&#700;ib&#700;an u u&#700; Tio.</span></div><div class="ip"><span class="content">Tul nikat tal Papiias inpaqte uva&#700; tu yolb&#700;al arameeo itz&#700;ib&#700;avat. A&#700;e u yolb&#700;al uva&#700; nikich iyolb&#700;e Tio. Pet xamtel palsal vet tu yolb&#700;al grieego. Tan mamala tijaq imam Israeel nikich yolb&#700;en u yolb&#700;al grieego, k&#700;uxh a&#700;ich u yolb&#700;al latiin ib&#700;o&#700;q&#700;ol vi&#700; jolt inq&#700;a yolb&#700;al vatz inq&#700;a aj Rooma.</span></div><div class="ip"><span class="content">Kamaletz een ex itz&#700;ib&#700;avat Tio u tu&#700; t-tenam Jerusaleen.</span></div><div class="is2"><span class="content">Uva&#700;s toq qootzaqita&#700; kam s-tuul tz&#700;ib&#700;al u u&#700; Tio</span></div><div class="ip"><span class="content">A&#700;etz itz&#700;ib&#700;al u u&#700; Tio tixo&#700;l inq&#700;a ya&#700;b&#700; laval toxk&#700;al (50) tuch&#700; tu laval imutx&#700; (70) m.t.J. A&#700;etz tel vet vinaq laval ya&#700;b&#700; maq ka&#700;viinqil ya&#700;b&#700; ib&#700;en quB&#700;aal Jesuus t-amlika&#700;, tul tz&#700;ib&#700;al u u&#700; Tio. Aloq ye&#700;xhkam nik iyolb&#700;e Tio vijinp kaqaayil inq&#700;a otzotz, inq&#700;a atich txala txhaq tuul u tostiuxh, tuch&#700; vijinp u tostiuxh tu tenam Jerusaleen uva&#700; ex utxhoq tu ya&#700;b&#700; laval imutx&#700; (70). Tan a&#700; tutxh val u mam txh&#700;a&#700;o ta&#700;n inq&#700;a sol aj Rooma tu tenam Jerusaleen tu ya&#700;b&#700; laval imutx&#700; (70). A&#700;etz uva&#700;e ex jinpik vitostiuxh inq&#700;a tij imam Israeel tu tenam Jerusaleen.</span></div><div class="is2"><span class="content">Uva&#700;s toq qootzaqita&#700; kamich taq&#700;on Tio</span></div><div class="ip"><span class="content">Ech nik tale viyolb&#700;al quB&#700;aal Tiuxh tu Tio 9.9 uva&#700; jaqol puaqich Tio tetz Rooma. Tan nikich ijaq Tio puaq te inq&#700;a xaol t-inq&#700;a tal atib&#700;al tal uva&#700; nikich palk inq&#700;a xaol. Ech nikich ib&#700;an Tio, eche nik ib&#700;an inq&#700;a mayul uva&#700; nik jaqon puaq te inq&#700;a xaol t-k&#700;ayib&#700;al jun k&#700;a&#700;y. Aloq a&#700; nik ex taq&#700;vat inq&#700;a mayul u puaq te u atxhol puaq tetz u qutenam. Tul antxh nik txakunk u puaq s-lotxhb&#700;al tetz u tenam paqte. Pet uva&#700; nikich ib&#700;an Tio, tan a&#700; nikich ex taq&#700;vat Tio u puaq te viq&#700;esal uva&#700; iqatzinich tetz iq&#700;exsal opoon u puaq te u mam iq&#700;esal tu mam tenam Rooma. Tul ta&#700;netz koq kuxh nikich ijaq Tio jank&#700;al u puaq uva&#700; b&#700;ek&#700;ich s-te, pet a&#700;l nikich ipalsat pa&#700;l Tio tatxhul u puaq uva&#700; nikich ijaq te inq&#700;a xaol. Tan nikich teesa ka Tio b&#700;iitxhaqul ipuaq s-te. Tan echaqxh nikich motx ib&#700;ane jatva&#700;l inq&#700;a jaqol puaq. Echetz nikich motx ib&#700;enaq vete s-tx&#700;iol iq&#700;ij. Tan mam puaq nikich motx imole&#700;.</span></div><div class="ip"><span class="content">Poro lavalich vet to&#700;k&#700;al (90) ya&#700;b&#700; ye&#700;naqich uloq quB&#700;aal Jesuus vatz tx&#700;ava&#700; (y.u.J.) ixe&#700;t u mam iq&#700;esal tu Rooma ti&#700; tab&#700;il puaq te inq&#700;a tij imam Israeel. Tan tzitzi xe&#700;tik vete&#700; uva&#700;s tole&#700;v vet inq&#700;a mam iq&#700;esal tuch&#700; inq&#700;a isol ti&#700; tel iq&#700;ij junun tenam. A&#700;etz ib&#700;ant tu ya&#700;b&#700; oxva&#700;l imutx&#700; (63) y.u.J., tul ole&#700;v inq&#700;a mam iq&#700;esal ti&#700; tel iq&#700;ij inq&#700;a tij imam Israeel. Tan a&#700; k&#700;aqich ta&#700;n inq&#700;a mam iq&#700;esal itxhej ipuaq ti&#700; junun inq&#700;a tenam.</span></div><div class="ip"><span class="content">Atz va&#700;t k&#700;aqich ta&#700;n uva&#700; la&#700;ich tiq&#700;o b&#700;en inq&#700;a pereexho tu mam tenam Rooma. Tul la&#700;ich b&#700;en ik&#700;ayi vet ti&#700; ib&#700;anax aq&#700;on xe&#700; inva&#700;q aj Rooma. Aya&#700;letz inq&#700;a yaab&#700;la txumb&#700;ale uva&#700; nikich ib&#700;an inq&#700;a iq&#700;esal tu Rooma. Echetz nikich itxhi&#700;an inq&#700;a tij imam Israeele ti&#700; inq&#700;a aj Rooma. Tan tira nikich ik&#700;axb&#700;isal inq&#700;a tij imam Israeel ta&#700;n.</span></div><div class="ip"><span class="content">Tul itzaq&#700;b&#700;eetz vet Tio tok xo&#700;l inq&#700;a aj Rooma ti&#700; ijaqax puaq te inq&#700;a xaol. Xa&#700;tetze nikich ilakp ivi&#700; inq&#700;a tij imam Israeel ti&#700; inq&#700;a jaqol puaq tetz Rooma. Tan tira jitich b&#700;a&#700;n inq&#700;a jaqol puaq s-vatz, eche uva&#700; nik tal tu Luk 3.12-13.</span></div><div class="ip"><span class="content">Pet opoonetz vet inva&#700;l q&#700;ij, tul pal pa&#700;l quB&#700;aal Jesuus tal uva&#700; nikich ijaqvat Tio puaq. Tul pal eloq Tio ta&#700;n quB&#700;aal Jesuus. Tan quB&#700;aal Tiuxh b&#700;anon, tul nal kuxh titz&#700;a vet Tio s-b&#700;a&#700;n. Tul antetz vet Tio ok b&#700;en xo&#700;l kab&#700;laval inq&#700;a tij imam Israeel uva&#700; ich&#700;ex quB&#700;aal Jesuus ti&#700; itxhust tib&#700; s-k&#700;atza. Tul tira taq&#700; vet ka Tio jank&#700;al inq&#700;a yaab&#700;la txumb&#700;al uva&#700; nikich ib&#700;an ti&#700; ijaqax inq&#700;a puaq. Echatetz uva&#700;e ib&#700;an Sakeeo. Tan antichxh jaqol puaq Sakeeo. Tul titz&#700;aat tib&#700; Sakeeo, atz ok vet Sakeeo s-niman tetz Jesuus. Tan ech uva&#700;e nik tal tu Luk 19.2-10. Tul ib&#700;ek&#700; Tio quB&#700;aal Jesuus ti&#700; val u tx&#700;ix uva&#700; ib&#700;an t-totzotz. Ech uva&#700;e nik tal tu Luk 5.27-32. Tul tal vet el Tio inuqul uva&#700; titz&#700;a vet tib&#700; t-inq&#700;a ipa&#700;v, tul txh&#700;uye&#700;v vet ti&#700; quB&#700;aal Jesuus.</span></div><div class="is2"><span class="content">Uva&#700;s toq qootzaqita&#700; kame u taq&#700;il vitxhusun Tio tuul u tu&#700;</span></div><div class="ip"><span class="content">A&#700;etz nikich isa&#700; Tio uva&#700; la&#700;ich b&#700;en inuqul te inq&#700;a tij imam Israeel uva&#700;, a&#700; quB&#700;aal Jesuuse u mam iq&#700;esal, viCh&#700;exo&#700;m quB&#700;aal Tiuxh. A&#700;e u Kriisto, u K&#700;aola uva&#700; b&#700;en s-alam aanima, uva&#700; alelich ka u tuleb&#700;al ta&#700;n quB&#700;aal Tiuxh, uva&#700; txhaqax tzaan xo&#700;l inq&#700;a tij imam Israeel, eche uva&#700; nik tal t-Mikeeas 5.2 tuch&#700; Malakiias 3.1 tuch&#700; Tio 1.21 tuch&#700; tu 12.17-21.</span></div><div class="ip"><span class="content">Tan ka&#700;va&#700;l itx&#700;oltxh ul ib&#700;an quB&#700;aal Jesuus vatz u tx&#700;ava&#700;. Tan va&#700;le uva&#700;, mam iq&#700;esal tetz vatz tx&#700;ava&#700; ul ib&#700;an quB&#700;aal Jesuus xo&#700;l inq&#700;a tij imam Israeel, oq uva&#700; la&#700;ich k&#700;uluxi. Tan ech alel kae tu 2 Samueel 7.16 tuch&#700; tu Danieel 2.44-45. Tul echatxh tal quB&#700;aal Jesuuse t-Tio 23.37-39. Tan tetxhal la&#700;ich ul teesa quB&#700;aal Jesuus inq&#700;a tij imam Israeel tiq&#700;ab&#700; inq&#700;a aj Rooma. Pet ye&#700;l iq&#700;esalil ib&#700;an quB&#700;aal Jesuus, tan ye&#700; k&#700;ulux quB&#700;aal Jesuus ta&#700;n inq&#700;a tij imam Israeel. Xa&#700;tetze tal quB&#700;aal Jesuus uva&#700;s ya&#700;n la&#700; tok quB&#700;aal Jesuus siq&#700;esalil tiib&#700;a inq&#700;a tij imam Israeel uva&#700;s ech la&#700; motx tal ti&#700; isa&#700;ax quB&#700;aal Jesuus s-eche: &#8212;&#161;Chiib&#700;eb&#700;alxh avul s-quxo&#700;l tuch&#700; u tiqle&#700;m quB&#700;aal Tiuxh! &#8212;chaqe. Ech uva&#700;e nik tal tu Tio 23.39.</span></div><div class="ip"><span class="content">Ika&#700;v uva&#700;, ul ijeqb&#700;a ka quB&#700;aal Jesuus vika&#700;v iyol quB&#700;aal Tiuxh ti&#700; ikuyux inq&#700;a pa&#700;v ti&#700; ja&#700;l uva&#700; la&#700; qeon quB&#700;aal Jesuus. Tan ech uva&#700;e nik tal t-Jeremiias 31.31-34 tuch&#700; Tio 26.27. Atz va&#700;t uva&#700; ul ib&#700;an Jesuus, ti&#700; vib&#700;ant iq&#700;esalil tuch&#700; viTiuxhil Tiuxh. Ech uva&#700;e nik tal tu Tio 4.23. Tul nikat tal Danieel, ti&#700; uva&#700; la&#700; toksa quB&#700;aal Tiuxh va&#700;l iq&#700;esal s-jatuxhtu&#700;. Ech uva&#700;e nik tal tu u&#700; Danieel 2.44-45 tuch&#700; 9.24-27 tuch&#700; 12.2-3.</span></div><div class="ip"><span class="content">A&#700;etz nikich isa&#700; Tio paqte uva&#700; la&#700;ich b&#700;en te inq&#700;a tij imam Israeel ti&#700; kam uva&#700; ul tal ka quB&#700;aal Jesuus, atz kam tiq&#700;ol vinuqul inq&#700;a txhusb&#700;al uva&#700; ul tal ka quB&#700;aal Jesuus s-xo&#700;l, ti&#700; ixe&#700;tisal ib&#700;ant quB&#700;aal Tiuxh iq&#700;esalil vatz tx&#700;ava&#700;. Atz tal Tio ti&#700; inq&#700;a mamala kam pal ib&#700;an quB&#700;aal Jesuus ti&#700; ixe&#700;tisal ib&#700;anax viq&#700;esalil. Tul tal Tio paqte ti&#700; vitxhaqt b&#700;en quB&#700;aal Jesuus inq&#700;a motx itxhusa ti&#700; ipaxsal viyolb&#700;al quB&#700;aal Tiuxh.</span></div><div class="is2"><span class="content">Uva&#700;s toq qootzaqita&#700; kam ulb&#700;emal ijatxp ixo&#700;l inq&#700;a yol tu u&#700; Tio</span></div><div class="ip"><span class="content">U u&#700; Tio uva&#700; itz&#700;ib&#700;a ka Tio, tan oxva&#700;len nimla txhaq tanul elna&#700;q inq&#700;a yol uva&#700; nik tal s-tuul ti&#700; kame uva&#700; pal ib&#700;an quB&#700;aal Jesuus vatz u tx&#700;ava&#700;.</span></div><div class="im"><span class="content">1. Tio 1.1&#8212;2.23</span></div><div class="ip"><span class="content">U b&#700;axa nimla tanul yol, tan a&#700; tal Tio ti&#700; u talal quB&#700;aal Jesuus tuch&#700; vine&#700;itb&#700;al quB&#700;aal Jesuus.</span></div><div class="im"><span class="content">2. Tio 3.1&#8212;18.35</span></div><div class="ip"><span class="content">Vika&#700;v nimla tanul yol, tan a&#700; tal Tio ti&#700; inq&#700;a aq&#700;on uva&#700; ib&#700;an quB&#700;aal Jesuus tuulb&#700;al Galileea ti&#700; ipaxsal viyolb&#700;al quB&#700;aal Tiuxh.</span></div><div class="im"><span class="content">3. Tio 19.1&#8212;28.20</span></div><div class="ip"><span class="content">Vitoxv nimla tanul yol, tan a&#700; tal Tio ti&#700; inq&#700;a aq&#700;on uva&#700; ib&#700;an quB&#700;aal Jesuus tu tenam Jerusaleen tuulb&#700;al Judeea. Atz tal Tio paqte ti&#700; jank&#700;al inq&#700;a k&#700;axk&#700;o motx palk quB&#700;aal Jesuus, atz tuch&#700; uva&#700;s titz&#700;e&#700;v vet paqte tetxhal ib&#700;en vet tu amlika&#700;.</span></div><div class="is2"><span class="content">A&#700;etz vajqil inq&#700;a txhusb&#700;al uva&#700; tal quB&#700;aal Jesuus inq&#700;aa uva&#700; itz&#700;ib&#700;a Tio</span></div><div class="ip"><span class="content">Atetz va&#700;t uva&#700; nik ik&#700;utxh u tu&#700; Tio, a&#700;e vajqil nimla tanul inq&#700;a txhusb&#700;al uva&#700; itxaj Tio xo&#700;l jank&#700;al inq&#700;a ul itxhus ka quB&#700;aal Jesuus. Tul antetzxh inq&#700;ae itxhus Tio te inq&#700;a tij imam Israeel. Echetz sotzeb&#700;alich vet k&#700;uul te inq&#700;a tij imam Israeel, tan ye&#700; nikich ib&#700;an vet eela vitxhusu&#700;m quB&#700;aal Jesuus tuch&#700; uva&#700; nikich itxhus inq&#700;a iq&#700;on ivi&#700; tuq&#700;e&#700;yb&#700;al inq&#700;a tij imam Israeel, inq&#700;a atich vatz u tx&#700;ava&#700; tuulb&#700;al uva&#700;s atich quB&#700;aal Jesuus. Tan a&#700; txeyelichaq ta&#700;n ivi&#700; kam uva&#700; nikich itxhusux s-te ta&#700;n inq&#700;a iq&#700;on ivi&#700; u uq&#700;e&#700;yb&#700;al. A&#700;ichetz vet titz&#700;ab&#700;al Tio uva&#700;, a&#700; la&#700;ich inima vet inq&#700;a tij imam Israeel inq&#700;a itxhusu&#700;m quB&#700;aal Jesuus sivatzil inq&#700;a txeyichaq kuxh ta&#700;n.</span></div><div class="im"><span class="content">1. Va&#700;l, a&#700;e, uva&#700; nik tal Tio 5.1&#8212;7.9.</span></div><div class="ip"><span class="content">Tzitzi talvat Tio inuqul ti&#700; kam vet vitxumb&#700;al inq&#700;a xaol la&#700; motx ib&#700;ana, ti&#700; uva&#700; la&#700; ib&#700;ant quB&#700;aal Tiuxh iq&#700;esalil t-taanima.</span></div><div class="im"><span class="content">2. Ika&#700;v, a&#700;e, uva&#700; nik tal Tio 10.1-42.</span></div><div class="ip"><span class="content">Tzitzi talvat Tio ti&#700; vitxhaqt b&#700;en quB&#700;aal Jesuus inq&#700;a nikich itxhus tib&#700; s-k&#700;atza ti&#700; ipaxsal inq&#700;a b&#700;a&#700;nla txhaq yol. Tul taq&#700; quB&#700;aal Jesuus tiqle&#700;m inq&#700;a nikich itxhus tib&#700; s-k&#700;atza ti&#700; ib&#700;anax inq&#700;a kaeb&#700;al aanima, k&#700;utxhb&#700;al tetz uva&#700; nuqxhtu&#700; uva&#700; at tiqle&#700;m quB&#700;aal Jesuus ti&#700; ib&#700;ant iq&#700;esalil ta&#700;n quB&#700;aal Tiuxh. Atz k&#700;utxhb&#700;al tetz uva&#700; nuqxh inq&#700;a itxhusu&#700;m quB&#700;aal Jesuus, atz quB&#700;aal Tiuxh txhaqon quB&#700;aal Jesuus s-xo&#700;l.</span></div><div class="im"><span class="content">3. Itoxv, a&#700;e, uva&#700; nik tal Tio 13.1-52.</span></div><div class="ip"><span class="content">Tzitzi talvat Tio kam tulb&#700;e quB&#700;aal Jesuus talax vib&#700;ant quB&#700;aal Tiuxh iq&#700;esalil xo&#700;l inq&#700;a xaol. Pet txumb&#700;alimal nikich txhusunk quB&#700;aal Jesuus s-ti&#700;. Tan at inq&#700;a yol txumb&#700;alimal nikich talt quB&#700;aal Jesuus ti&#700; kam nikich ib&#700;an quB&#700;aal Jesuus xo&#700;l inq&#700;a xaol. Atz at jolt yol uva&#700; txumb&#700;alimal nikich talt quB&#700;aal Jesuus ti&#700; kam inq&#700;a ya&#700;n la&#700; utxhi. Atz at inq&#700;a yol txumb&#700;alimal nikich talt quB&#700;aal Jesuus ti&#700; kam la&#700; elka&#700;p inq&#700;a xaol uva&#700; la&#700; ib&#700;an quB&#700;aal Tiuxh iq&#700;esalil t-taanima.</span></div><div class="im"><span class="content">4. Ikajv, a&#700;e, uva&#700; nik tal Tio 18.1-35.</span></div><div class="ip"><span class="content">Tzitzi talvat Tio, ti&#700; uva&#700; nikich tal quB&#700;aal Jesuus kam txumb&#700;al la&#700; ik&#700;utxh inq&#700;a iq&#700;on ivi&#700; ti&#700; vib&#700;ant iq&#700;esalil xo&#700;l inq&#700;a niman tetz Jesuus.</span></div><div class="im"><span class="content">5. Ito&#700;v, a&#700;e, uva&#700; nik tal Tio 23.1-39.</span></div><div class="ip"><span class="content">Tzitzi talvat Tio ti&#700; kam uva&#700; tal quB&#700;aal Jesuus uva&#700; jit ech la&#700;ich motx ib&#700;an inq&#700;a nikich itxhus tib&#700; k&#700;atz Jesuus, eche uva&#700; nikich motx ib&#700;an inq&#700;a fariseeo. Tul tal quB&#700;aal Jesuus paqte s-te jab&#700;iste inq&#700;a b&#700;a&#700;n la&#700;ich motx ib&#700;ana.</span></div><div class="im"><span class="content">6. Ivaqaq, a&#700;e, uva&#700; nik tal Tio 24.1&#8212;25.46.</span></div><div class="ip"><span class="content">Tzitzi talvat Tio, ti&#700; uva&#700; tal quB&#700;aal Jesuus topoon inva&#700;l q&#700;ij uva&#700; la&#700;ich ul mam itza&#700;lal tiib&#700;a inq&#700;a itxhaq quB&#700;aal Jesuus, inq&#700;a apoostol, ti&#700; ipaxsal inq&#700;a b&#700;a&#700;nla txhaq yol ti&#700; quB&#700;aal Jesuus. Atz nik tal quB&#700;aal Jesuus paqte ti&#700; vijinp inq&#700;a otzotz, inq&#700;a atich txala txhaq tuul u tostiuxh, atz tuch&#700; vijinp u tostiuxh inpaqte uva&#700; atich tu tenam Jerusaleen. Tul tzitzi talvat quB&#700;aal Jesuus ti&#700; kam la&#700; ib&#700;ana uva&#700;s la&#700; tul quB&#700;aal Jesuus tika&#700;paq, tuch&#700; uva&#700; kam la&#700; ulb&#700;el ik&#700;axb&#700;isal inq&#700;a palsan yol. Atz tzitzi talvat uva&#700; la&#700; ik&#700;ul inq&#700;a niman tetz Jesuus va&#700;l itx&#700;ak k&#700;atz quB&#700;aal Tiuxh.</span></div>
        </div>
    </div>
</div>

ALBʼAL INUQUL U YOL TIʼ U Uʼ
TIO
Uvaʼs toq qootzaqitaʼ jaʼl tzʼibʼan u uʼ Tio
Aʼetz u uʼe uvaʼ Tio ibʼij, tan Tio ibʼij uvaʼ tzʼibʼan u uʼ. Aʼetz Tioe uvaʼ chʼexex taʼn quBʼaal Jesuus tiʼ ibʼen s-txhusul ibʼ s-kʼatza, eche uvaʼ nik tal tu Tio 9.9. Tul xamtich toksa vet quBʼaal Jesuus Tio sitxhaq, atz siapoostol tiʼ ipaxsal inqʼa bʼaʼnla txhaq yol tiʼ Jesuus, eche uvaʼ nik tal tu Tio 10.1-3. Tul ootzaqimich Tio paqte s-Levii. Tan ech uvaʼe nik tal tu Kuxh 2.14 tuchʼ tu Luk 5.27-29. Eche u bʼij Tio, tan: —Oyal taʼn quBʼaal Tiuxh, —chich telaʼpun tu yolbʼal evreeo.
Kʼuxhetz yeʼ tal tibʼ Tio s-tzʼibʼan tetz u uʼ, pet nik ibʼen s-qe uvaʼ Tio tzʼibʼan. Tan nik taleʼ uvaʼ ant Tio chʼexex taʼn quBʼaal Jesuus uvaʼs sebʼtich ijaqt Tio puaq tetz Rooma te inqʼa xaol. Tul: —Txhʼuyeʼven s-viʼ, —xeʼt quBʼaal Jesuus te Tio.
Maʼtichetz ipal vet paʼl oʼvaʼl toʼkʼal (85) yaʼbʼ itzʼibʼal u uʼ Tio, tul itzʼibʼa ka val u vinaq uvaʼ Papiiasich ibʼij vaʼt u uʼ. Aʼ itzʼibʼat tu yaʼbʼ 130 maʼtich talal quBʼaal Jesuus (m.t.J.). Aʼetz nik tal tu tuʼ Papiias uvaʼ Tio tzʼibʼan u uʼ Tio.
Tul nikat tal Papiias inpaqte uvaʼ tu yolbʼal arameeo itzʼibʼavat. Aʼe u yolbʼal uvaʼ nikich iyolbʼe Tio. Pet xamtel palsal vet tu yolbʼal grieego. Tan mamala tijaq imam Israeel nikich yolbʼen u yolbʼal grieego, kʼuxh aʼich u yolbʼal latiin ibʼoʼqʼol viʼ jolt inqʼa yolbʼal vatz inqʼa aj Rooma.
Kamaletz een ex itzʼibʼavat Tio u tuʼ t-tenam Jerusaleen.
Uvaʼs toq qootzaqitaʼ kam s-tuul tzʼibʼal u uʼ Tio
Aʼetz itzʼibʼal u uʼ Tio tixoʼl inqʼa yaʼbʼ laval toxkʼal (50) tuchʼ tu laval imutxʼ (70) m.t.J. Aʼetz tel vet vinaq laval yaʼbʼ maq kaʼviinqil yaʼbʼ ibʼen quBʼaal Jesuus t-amlikaʼ, tul tzʼibʼal u uʼ Tio. Aloq yeʼxhkam nik iyolbʼe Tio vijinp kaqaayil inqʼa otzotz, inqʼa atich txala txhaq tuul u tostiuxh, tuchʼ vijinp u tostiuxh tu tenam Jerusaleen uvaʼ ex utxhoq tu yaʼbʼ laval imutxʼ (70). Tan aʼ tutxh val u mam txhʼaʼo taʼn inqʼa sol aj Rooma tu tenam Jerusaleen tu yaʼbʼ laval imutxʼ (70). Aʼetz uvaʼe ex jinpik vitostiuxh inqʼa tij imam Israeel tu tenam Jerusaleen.
Uvaʼs toq qootzaqitaʼ kamich taqʼon Tio
Ech nik tale viyolbʼal quBʼaal Tiuxh tu Tio 9.9 uvaʼ jaqol puaqich Tio tetz Rooma. Tan nikich ijaq Tio puaq te inqʼa xaol t-inqʼa tal atibʼal tal uvaʼ nikich palk inqʼa xaol. Ech nikich ibʼan Tio, eche nik ibʼan inqʼa mayul uvaʼ nik jaqon puaq te inqʼa xaol t-kʼayibʼal jun kʼaʼy. Aloq aʼ nik ex taqʼvat inqʼa mayul u puaq te u atxhol puaq tetz u qutenam. Tul antxh nik txakunk u puaq s-lotxhbʼal tetz u tenam paqte. Pet uvaʼ nikich ibʼan Tio, tan aʼ nikich ex taqʼvat Tio u puaq te viqʼesal uvaʼ iqatzinich tetz iqʼexsal opoon u puaq te u mam iqʼesal tu mam tenam Rooma. Tul taʼnetz koq kuxh nikich ijaq Tio jankʼal u puaq uvaʼ bʼekʼich s-te, pet aʼl nikich ipalsat paʼl Tio tatxhul u puaq uvaʼ nikich ijaq te inqʼa xaol. Tan nikich teesa ka Tio bʼiitxhaqul ipuaq s-te. Tan echaqxh nikich motx ibʼane jatvaʼl inqʼa jaqol puaq. Echetz nikich motx ibʼenaq vete s-txʼiol iqʼij. Tan mam puaq nikich motx imoleʼ.
Poro lavalich vet toʼkʼal (90) yaʼbʼ yeʼnaqich uloq quBʼaal Jesuus vatz txʼavaʼ (y.u.J.) ixeʼt u mam iqʼesal tu Rooma tiʼ tabʼil puaq te inqʼa tij imam Israeel. Tan tzitzi xeʼtik veteʼ uvaʼs toleʼv vet inqʼa mam iqʼesal tuchʼ inqʼa isol tiʼ tel iqʼij junun tenam. Aʼetz ibʼant tu yaʼbʼ oxvaʼl imutxʼ (63) y.u.J., tul oleʼv inqʼa mam iqʼesal tiʼ tel iqʼij inqʼa tij imam Israeel. Tan aʼ kʼaqich taʼn inqʼa mam iqʼesal itxhej ipuaq tiʼ junun inqʼa tenam.
Atz vaʼt kʼaqich taʼn uvaʼ laʼich tiqʼo bʼen inqʼa pereexho tu mam tenam Rooma. Tul laʼich bʼen ikʼayi vet tiʼ ibʼanax aqʼon xeʼ invaʼq aj Rooma. Ayaʼletz inqʼa yaabʼla txumbʼale uvaʼ nikich ibʼan inqʼa iqʼesal tu Rooma. Echetz nikich itxhiʼan inqʼa tij imam Israeele tiʼ inqʼa aj Rooma. Tan tira nikich ikʼaxbʼisal inqʼa tij imam Israeel taʼn.
Tul itzaqʼbʼeetz vet Tio tok xoʼl inqʼa aj Rooma tiʼ ijaqax puaq te inqʼa xaol. Xaʼtetze nikich ilakp iviʼ inqʼa tij imam Israeel tiʼ inqʼa jaqol puaq tetz Rooma. Tan tira jitich bʼaʼn inqʼa jaqol puaq s-vatz, eche uvaʼ nik tal tu Luk 3.12-13.
Pet opoonetz vet invaʼl qʼij, tul pal paʼl quBʼaal Jesuus tal uvaʼ nikich ijaqvat Tio puaq. Tul pal eloq Tio taʼn quBʼaal Jesuus. Tan quBʼaal Tiuxh bʼanon, tul nal kuxh titzʼa vet Tio s-bʼaʼn. Tul antetz vet Tio ok bʼen xoʼl kabʼlaval inqʼa tij imam Israeel uvaʼ ichʼex quBʼaal Jesuus tiʼ itxhust tibʼ s-kʼatza. Tul tira taqʼ vet ka Tio jankʼal inqʼa yaabʼla txumbʼal uvaʼ nikich ibʼan tiʼ ijaqax inqʼa puaq. Echatetz uvaʼe ibʼan Sakeeo. Tan antichxh jaqol puaq Sakeeo. Tul titzʼaat tibʼ Sakeeo, atz ok vet Sakeeo s-niman tetz Jesuus. Tan ech uvaʼe nik tal tu Luk 19.2-10. Tul ibʼekʼ Tio quBʼaal Jesuus tiʼ val u txʼix uvaʼ ibʼan t-totzotz. Ech uvaʼe nik tal tu Luk 5.27-32. Tul tal vet el Tio inuqul uvaʼ titzʼa vet tibʼ t-inqʼa ipaʼv, tul txhʼuyeʼv vet tiʼ quBʼaal Jesuus.
Uvaʼs toq qootzaqitaʼ kame u taqʼil vitxhusun Tio tuul u tuʼ
Aʼetz nikich isaʼ Tio uvaʼ laʼich bʼen inuqul te inqʼa tij imam Israeel uvaʼ, aʼ quBʼaal Jesuuse u mam iqʼesal, viChʼexoʼm quBʼaal Tiuxh. Aʼe u Kriisto, u Kʼaola uvaʼ bʼen s-alam aanima, uvaʼ alelich ka u tulebʼal taʼn quBʼaal Tiuxh, uvaʼ txhaqax tzaan xoʼl inqʼa tij imam Israeel, eche uvaʼ nik tal t-Mikeeas 5.2 tuchʼ Malakiias 3.1 tuchʼ Tio 1.21 tuchʼ tu 12.17-21.
Tan kaʼvaʼl itxʼoltxh ul ibʼan quBʼaal Jesuus vatz u txʼavaʼ. Tan vaʼle uvaʼ, mam iqʼesal tetz vatz txʼavaʼ ul ibʼan quBʼaal Jesuus xoʼl inqʼa tij imam Israeel, oq uvaʼ laʼich kʼuluxi. Tan ech alel kae tu 2 Samueel 7.16 tuchʼ tu Danieel 2.44-45. Tul echatxh tal quBʼaal Jesuuse t-Tio 23.37-39. Tan tetxhal laʼich ul teesa quBʼaal Jesuus inqʼa tij imam Israeel tiqʼabʼ inqʼa aj Rooma. Pet yeʼl iqʼesalil ibʼan quBʼaal Jesuus, tan yeʼ kʼulux quBʼaal Jesuus taʼn inqʼa tij imam Israeel. Xaʼtetze tal quBʼaal Jesuus uvaʼs yaʼn laʼ tok quBʼaal Jesuus siqʼesalil tiibʼa inqʼa tij imam Israeel uvaʼs ech laʼ motx tal tiʼ isaʼax quBʼaal Jesuus s-eche: —¡Chiibʼebʼalxh avul s-quxoʼl tuchʼ u tiqleʼm quBʼaal Tiuxh! —chaqe. Ech uvaʼe nik tal tu Tio 23.39.
Ikaʼv uvaʼ, ul ijeqbʼa ka quBʼaal Jesuus vikaʼv iyol quBʼaal Tiuxh tiʼ ikuyux inqʼa paʼv tiʼ jaʼl uvaʼ laʼ qeon quBʼaal Jesuus. Tan ech uvaʼe nik tal t-Jeremiias 31.31-34 tuchʼ Tio 26.27. Atz vaʼt uvaʼ ul ibʼan Jesuus, tiʼ vibʼant iqʼesalil tuchʼ viTiuxhil Tiuxh. Ech uvaʼe nik tal tu Tio 4.23. Tul nikat tal Danieel, tiʼ uvaʼ laʼ toksa quBʼaal Tiuxh vaʼl iqʼesal s-jatuxhtuʼ. Ech uvaʼe nik tal tu uʼ Danieel 2.44-45 tuchʼ 9.24-27 tuchʼ 12.2-3.
Aʼetz nikich isaʼ Tio paqte uvaʼ laʼich bʼen te inqʼa tij imam Israeel tiʼ kam uvaʼ ul tal ka quBʼaal Jesuus, atz kam tiqʼol vinuqul inqʼa txhusbʼal uvaʼ ul tal ka quBʼaal Jesuus s-xoʼl, tiʼ ixeʼtisal ibʼant quBʼaal Tiuxh iqʼesalil vatz txʼavaʼ. Atz tal Tio tiʼ inqʼa mamala kam pal ibʼan quBʼaal Jesuus tiʼ ixeʼtisal ibʼanax viqʼesalil. Tul tal Tio paqte tiʼ vitxhaqt bʼen quBʼaal Jesuus inqʼa motx itxhusa tiʼ ipaxsal viyolbʼal quBʼaal Tiuxh.
Uvaʼs toq qootzaqitaʼ kam ulbʼemal ijatxp ixoʼl inqʼa yol tu uʼ Tio
U uʼ Tio uvaʼ itzʼibʼa ka Tio, tan oxvaʼlen nimla txhaq tanul elnaʼq inqʼa yol uvaʼ nik tal s-tuul tiʼ kame uvaʼ pal ibʼan quBʼaal Jesuus vatz u txʼavaʼ.
1. Tio 1.1—2.23
U bʼaxa nimla tanul yol, tan aʼ tal Tio tiʼ u talal quBʼaal Jesuus tuchʼ vineʼitbʼal quBʼaal Jesuus.
2. Tio 3.1—18.35
Vikaʼv nimla tanul yol, tan aʼ tal Tio tiʼ inqʼa aqʼon uvaʼ ibʼan quBʼaal Jesuus tuulbʼal Galileea tiʼ ipaxsal viyolbʼal quBʼaal Tiuxh.
3. Tio 19.1—28.20
Vitoxv nimla tanul yol, tan aʼ tal Tio tiʼ inqʼa aqʼon uvaʼ ibʼan quBʼaal Jesuus tu tenam Jerusaleen tuulbʼal Judeea. Atz tal Tio paqte tiʼ jankʼal inqʼa kʼaxkʼo motx palk quBʼaal Jesuus, atz tuchʼ uvaʼs titzʼeʼv vet paqte tetxhal ibʼen vet tu amlikaʼ.
Aʼetz vajqil inqʼa txhusbʼal uvaʼ tal quBʼaal Jesuus inqʼaa uvaʼ itzʼibʼa Tio
Atetz vaʼt uvaʼ nik ikʼutxh u tuʼ Tio, aʼe vajqil nimla tanul inqʼa txhusbʼal uvaʼ itxaj Tio xoʼl jankʼal inqʼa ul itxhus ka quBʼaal Jesuus. Tul antetzxh inqʼae itxhus Tio te inqʼa tij imam Israeel. Echetz sotzebʼalich vet kʼuul te inqʼa tij imam Israeel, tan yeʼ nikich ibʼan vet eela vitxhusuʼm quBʼaal Jesuus tuchʼ uvaʼ nikich itxhus inqʼa iqʼon iviʼ tuqʼeʼybʼal inqʼa tij imam Israeel, inqʼa atich vatz u txʼavaʼ tuulbʼal uvaʼs atich quBʼaal Jesuus. Tan aʼ txeyelichaq taʼn iviʼ kam uvaʼ nikich itxhusux s-te taʼn inqʼa iqʼon iviʼ u uqʼeʼybʼal. Aʼichetz vet titzʼabʼal Tio uvaʼ, aʼ laʼich inima vet inqʼa tij imam Israeel inqʼa itxhusuʼm quBʼaal Jesuus sivatzil inqʼa txeyichaq kuxh taʼn.
1. Vaʼl, aʼe, uvaʼ nik tal Tio 5.1—7.9.
Tzitzi talvat Tio inuqul tiʼ kam vet vitxumbʼal inqʼa xaol laʼ motx ibʼana, tiʼ uvaʼ laʼ ibʼant quBʼaal Tiuxh iqʼesalil t-taanima.
2. Ikaʼv, aʼe, uvaʼ nik tal Tio 10.1-42.
Tzitzi talvat Tio tiʼ vitxhaqt bʼen quBʼaal Jesuus inqʼa nikich itxhus tibʼ s-kʼatza tiʼ ipaxsal inqʼa bʼaʼnla txhaq yol. Tul taqʼ quBʼaal Jesuus tiqleʼm inqʼa nikich itxhus tibʼ s-kʼatza tiʼ ibʼanax inqʼa kaebʼal aanima, kʼutxhbʼal tetz uvaʼ nuqxhtuʼ uvaʼ at tiqleʼm quBʼaal Jesuus tiʼ ibʼant iqʼesalil taʼn quBʼaal Tiuxh. Atz kʼutxhbʼal tetz uvaʼ nuqxh inqʼa itxhusuʼm quBʼaal Jesuus, atz quBʼaal Tiuxh txhaqon quBʼaal Jesuus s-xoʼl.
3. Itoxv, aʼe, uvaʼ nik tal Tio 13.1-52.
Tzitzi talvat Tio kam tulbʼe quBʼaal Jesuus talax vibʼant quBʼaal Tiuxh iqʼesalil xoʼl inqʼa xaol. Pet txumbʼalimal nikich txhusunk quBʼaal Jesuus s-tiʼ. Tan at inqʼa yol txumbʼalimal nikich talt quBʼaal Jesuus tiʼ kam nikich ibʼan quBʼaal Jesuus xoʼl inqʼa xaol. Atz at jolt yol uvaʼ txumbʼalimal nikich talt quBʼaal Jesuus tiʼ kam inqʼa yaʼn laʼ utxhi. Atz at inqʼa yol txumbʼalimal nikich talt quBʼaal Jesuus tiʼ kam laʼ elkaʼp inqʼa xaol uvaʼ laʼ ibʼan quBʼaal Tiuxh iqʼesalil t-taanima.
4. Ikajv, aʼe, uvaʼ nik tal Tio 18.1-35.
Tzitzi talvat Tio, tiʼ uvaʼ nikich tal quBʼaal Jesuus kam txumbʼal laʼ ikʼutxh inqʼa iqʼon iviʼ tiʼ vibʼant iqʼesalil xoʼl inqʼa niman tetz Jesuus.
5. Itoʼv, aʼe, uvaʼ nik tal Tio 23.1-39.
Tzitzi talvat Tio tiʼ kam uvaʼ tal quBʼaal Jesuus uvaʼ jit ech laʼich motx ibʼan inqʼa nikich itxhus tibʼ kʼatz Jesuus, eche uvaʼ nikich motx ibʼan inqʼa fariseeo. Tul tal quBʼaal Jesuus paqte s-te jabʼiste inqʼa bʼaʼn laʼich motx ibʼana.
6. Ivaqaq, aʼe, uvaʼ nik tal Tio 24.1—25.46.
Tzitzi talvat Tio, tiʼ uvaʼ tal quBʼaal Jesuus topoon invaʼl qʼij uvaʼ laʼich ul mam itzaʼlal tiibʼa inqʼa itxhaq quBʼaal Jesuus, inqʼa apoostol, tiʼ ipaxsal inqʼa bʼaʼnla txhaq yol tiʼ quBʼaal Jesuus. Atz nik tal quBʼaal Jesuus paqte tiʼ vijinp inqʼa otzotz, inqʼa atich txala txhaq tuul u tostiuxh, atz tuchʼ vijinp u tostiuxh inpaqte uvaʼ atich tu tenam Jerusaleen. Tul tzitzi talvat quBʼaal Jesuus tiʼ kam laʼ ibʼana uvaʼs laʼ tul quBʼaal Jesuus tikaʼpaq, tuchʼ uvaʼ kam laʼ ulbʼel ikʼaxbʼisal inqʼa palsan yol. Atz tzitzi talvat uvaʼ laʼ ikʼul inqʼa niman tetz Jesuus vaʼl itxʼak kʼatz quBʼaal Tiuxh.

Phulaphula i Tio ALBʼAL INUQUL U YOL TIʼ U Uʼ