Iivesi zeBhayibhile ezithandwayo ezisuka Matiyə̈ 7

Share

«Nyë yükû rə ânyë a zadje rə̂ sə̈ nyê. Nyë pü rə ânyë kə̂ gboadje rə̂. Nyë gʉ̈gʉ manda ânyë a kroadje rə̂ sə̈ nyê.

Bëte akrə ndə̂ tche yûkû rə, a âzadje rə̂ sə̈ tchë. Akrə ndə̂ tche pû rə, tchê gboadje rə̂. Akrə ndə̂ tche gʉ̂gʉ manda, a âkroadje rə̂ sə̈ tchë.

«Ârə̂ kä, akrə ndə̂ tche djê pö ndə̂ mê to rə̂ âtə, ânyë kə̈ mbô rə gundə̂sə̂ apö lâme, tche wä batə̂ ngâ köchë ndə̂ küma yê wâ lanə̈, ânyë kə̈ mbô nda ndə̂ yê pâ täme.

«Rə gbɛ̂ ndə̂ nyë nyîndə̂ nə̈ pä azü mbo rə̂ tə̂ nyê, nyë mbö ndjë rə̂ la tə̂ nyê tə̂ andjê. Rə lâme kä ndə̂ ndïɛ̈ ndə̂ Möyîze la a-Mbëtï ndə̂ a-earə̂ ndə̂ma Ndjapä yûkû nə̈.»

Manda ndə̂ akrə li tâ ânyë kə̂ wa la tchîsûwu wä kpîɛ̂kpîɛ̂ rə̂. Köbo nə̈ pötə̂ yê pö ëtâ. Azü ndə̂ andjë gbo köbo nə̈ lâme ngbâbo-a.»

«Äwäpä nyë li lə̂ kpîɛ̂kpîɛ̂ manda nə̈, bëte âdə akrə âli lə̂ gbölö manda nə̈, dëkë köbo kuzü kä ndə̂ tche zâ rə̂. Kpûlû azü lï lə̂ gbölö manda nə̈ lâme tə̂ gbölösə̂nə̈.

Käko ndjë, nyënyê ndə̂ nyë wâtə̂ angbongbo azü, nyë wünsə̂ kə̂ kʉ atchôtchô arə sə̈ abechë ndə̂ nyê. Käko Bha nyê ndə̂ tche sə̂ bhâ lafô kʉadje atchôtchô arə tə̂ gbölösə̂nə̈ sə̈ azü ndə̂ andjë yûkû nə̈ tchânə̂ yê!

«Nyë wäbô ngbanga wâ lə̂ küma angâ nyê-ê, ânyë Ndjapä wabô ndjë ngbanga wâ lə̂ küma nyê-ê. Ndjapä âwadje ngbanga lə̂ küma nyê batə̂ rə̂ ndə̂ nyê wa ngbanga lə̂ küma azü. Rə ndə̂ nyê kʉ rə lə̂nə̈ sə̈ angâ nyê kä ndə̂ a kʉadje ndjë rə la rə̂ sə̈ nyê.

Akrə ndə̂ tche djê pö ndə̂ mê to rə̂ âtə, ânyë kə̈ mbôâbô rə mbô gundə̂sə̂ apö lâme, tche wä batə̂ ngâ ngbɨ̈lə̈ köchë ndə̂ tche mbô nda ndə̂ yê pâ woye.

Bëte giamâ kä ndə̂ mo wûn kütû bë ndə̂ âwâ lə̂ la ngâ zə̈, ânyë kə̈ wûn-âbô gbölö yö ndə̂ âwâ lə̂ la zə̈ wûn-î? Atöko kä ndə̂ mo tô rə̂ sə̈ ngâ zə̈ päkëdə̂: ‹Sə gii më tchôâkra bë ndə̂ âwâ lə̂ la zə̈ âtə›, ânyë momö ndə̂ zə̈ nə̈, mo wûn-âbô gbölö yö wûn ndə̂ âwâ lə̂ la zə̈ lâme?

«La nyê gbö tə̂ angbongbo a-earə̂ ndə̂ma Ndjapä. Andjë yü kpoto ɛ̈bro-ngbaga ânyë kə̂ nə pu nyê, dëkë andjë wätə̂ angbongbo azâgôâ. Nyê wun-adje sə̈ azü nə̈ lâme lə̂ köbosə̂ kə̂ le ndə̂ andjê. Akrə kʉ̂loabô lêlê vînye pâ abë ndə̂ âwâ la chi-a, âdəndjë rə̂ ndə̂ akrə kʉlo ndjë fîge pâ ayö-chi tee-a.

Tchôtchô yö lë tchôtchô lêlê nə̈, ânyë ngbongbo yö le ngbongbo lêlê nə̈.

Tchôtchô yö wâbo ndə̂kə̂ le ngbongbo lêlê yö-a, âdəndjë ngâ ngbongbo yö wâbo ndə̂kə̂ le tchôtchô lêlê yö-a.

Ayö gbɛ̂ ndə̂ âlêâbô lê tə̂ tchôtchô nə̈, a kuadje rə̂ kə̂ yi rə̂ âtə̂lə̂ wo.