Iivesi zeBhayibhile ezithandwayo ezisuka I‐Kesodusi 10

Share

WANDULA UYEHOVA wati ku‐Mosesi: Yiya ku‐Faro; ngokuba ndiyenze nzima intliziyo yake, nentliziyo yezicaka zake, ukuze ndibeke lemiqondiso yam pakati kwabo; nokuze ubalise ezindlebeni zonyana wako, nezonyana wonyana wako, oko ndikwenzileyo e‐Jipete, nemiqondiso endiyimisileyo pakati kwabo; nize nazi nkuba ndi NGUYEHOVA.

Wandula wati UYEHOVA ku‐Mosesi: Yolula isandla sako ngasezulwini, kuze kubeko ubumnyama pezu kwelizwe le‐Jipete, kude kuveke ubumnyama. Wasuka u‐Mosesi wolula isandla sake ngasezulwini; kwaza kwabako ubumnyama obubungqingqwa kulo lonke ilizwe le‐Jipete imihla yamitatu: ababonana, kanjako akasuka mntu endaweni yake, ngaleyomihla mitatu: kanti kulo lonke usapo luka‐Sirayeli bekuko ukukanya emakayeni alo.

Wasuka u‐Mosesi wolula intonga yake pezu kwelizwe le‐Jipete, waza UYEHOVA wazisa umoya wasempumalanga pezu kwelozwe, yonke leyomini nabo bonke obobusuku; kwati kwakusa, umoya wasempumalanga wazisa inkumbi. Zaza inkumbi zenyuka pezu kwalo lonke ilizwe le‐Jipete, zapumla kuyo yonke imida yase‐Jipete, into enzima kunene; ngapambili kuzo bekungeko nkumbi ezingako zinjengazo ezo, nasemva kwazo akusayi kubako ezinjalo.