Лука 17
17
Гунагьин курарихъасна хъугъувелдихъас
1Ӏисайи учин ученикарис пуная:
– Гунагьин курар акьас инсандин темехӀер гьемишан хьасе. Амма язукъ э гунагьвелар акьас тӀемехӀер хъучарта инсандин. 2Сасра инсандин темехӀер хъучартая инсандис идже хьаси, гардандиъ ихьуна рагӀун гъванна, уч хӀуьлиъ ихьухаб. 3Хъуттурфен гьа, эхӀттият акье! Нагагь ве ччуччу гунагьвел акьухаб, маркьа уп гис, нагагь учин гунагь учин гардандиъ фацухаб, гъил гъушен гилас. 4Нагагь са ягъан арайиъ, чвас ги еригелай гунагьин курар акьучира, хаб гъил гъушен агъай еригелай чваалди адичира, чун гъил гъушен гилас.
5Вакилари пуная Ӏисайис:
– Алтухъ акье че хъугъувел!
6Ӏисайи пуная гебурис:
– Нагагь чвахъ са бицӀи удун дехӀера хъугъувел хъаячин, чвафас пас хьасе тутун кӀуранис: «МерӀера хъай аттархьуна, хӀуьлигӀ кегъучӀ!» – ге кӀур чвас мутӀеӀ хьасе.
ЛукӀар суман чунна ухь
7– Белекин чвакес гьинахъ хьунара хъая чве хуппур дарка, я чве хӀуппар ухӀа лукӀ. ЛукӀ хуйиас адегуна, вун пасев гис: «ТегӀди экьве суфрайихъ!»? 8Дузди уп, вун гис пастту: «ХӀезур акье зас Ӏуьшанттара, мухуригьанна гьайхьуна, гьуруц загь, зун ӀуьтӀуна, ухуна ккиркӀвасттегьен, хуппай вун ӀуьтӀен, ух». 9Вун чухсагъул пасттавахи лукӀус, учи акьуна ккандея кар акьухаб? 10Гьегиштти чунна э, чун акьуна кканде кар, чун акьугуна, уп: «Чин лукӀар дала дава, чин чаал але бурджлу кар э акьунаф».
Кабкар кея инсанар сагъ акьуная
11Ӏиса вей хьуная Ерусалимдиди, Самари дерейинна Галилея дерейин арайиъ ая рекъуьас. 12Са хӀуриди гӀачаверегуна, Ӏисайис гьучархьуная кабкари алацӀуна йицӀу инсан. Вархал гъузуна, 13гьавайикес пуная гебури:
– Ӏиса! МегӀелим! Ӏегвал ухь чин!
14Гебур агуф, Ӏисайи пуная:
– Ушуна агваракь чун маллабурис. Гебур ушуная, рекъуьъ сагъ хьуная гебур. 15Гебурикес са инсан, уч сагъ хьуна агуф, хаб алдаркуна адиная, гьавайикес Аллагьдис шукура аркьай. 16Ге ккерхьуна Ӏисайин лекарикк, чухсагъул пуная Ӏисайис. Ге инсан хьуная Самари дерейиас.
17Ӏисайи гис пуная:
– Чун джалла йицӀудара сагъ хьунду? Ппай аме ерчӀуд нахьи? 18Тебурикес садра хаб адиндава Аллагьдис шукур акьас, са гьеме сасра халкьдин инсан дала? 19Ӏисайи пуная гис:
– Гъайшина ях, ве хъугъувелди вун ухӀуне.
Мус хьасе Аллагьдин Паччагьвел
20Фарисеяри хабар гъушуная Ӏисайифас, мус хьасе пуна Аллагьдин Паччагьвел. Ӏисайи джуваб йиная гебурис:
– Аллагьдин Паччагьвел уларилди аргвафттава. 21Сайира пасттава: «Магьа ме мисаъ ая!» я «Тисаъ ая!» Аллагьдин Паччагьвел чве юркӀураъ ая.
22Ӏисайи ученикарис пуная:
– Хъучадесе гишттин вахтт, чвас са ягъа хьунара Инсандин КӀиркӀ агвас кканди ахьасе, амма чвас Ге агвасттава. 23Чвас пасе: «Тагьа гьо тисаъ ая!» я «Магьа мисаъ ая!» Хъумугъа гебурихъ, мева гебурихъай. 24Заварин са кӀилихъас джуьре кӀилихъди ича цӀарп суман, адесе Инсандин КӀиркӀ, Учин ягъ хъучадегуна. 25Сагелай Ге ацӀуна гӀезабарикк ккихуна ккандея, ме гьалдин инсанари Ге кьабул акьасттава. 26НухӀдин вахттунира, фиштти айуйичин, гьегиштти Инсандин КӀиркӀан вахттунира хьасе: 27инсанари Ӏелдира хьуная, ухайра, хумбара аркьай хьуная, шуварисра вей хьуная. Гиштти ахьуная НухӀ учин хьеттилас вере хулади ачушу ягъасттегьен, хаб кӀилди джилил хьед алгъархьуна, джалла инсанар кӀиная. 28Гьегиштти хьуная Лут агъаттин вахттарира: инсанари Ӏелдира хьуная, ухайра, ариш вариш аркьайра, тум узайра, хулар алихьайра; 29амма Лут Садамдиас ушу ягъа, завариас цӀанна гъван угъуна, джалла инсанар кӀиная. 30Гьегиштти хьасе Инсандин КӀиркӀ аде ягъара.
31Те ягъа хулагъил але инсан, учин шейъер гъушанас хулади аладайдирай! Хуйиъ ая инсанна, хаб алдаркуна дайдирай. 32Лут агъа инсандин хьир кӀвал акье. 33Учин Ӏуьмур ухӀас алучӀу инсанди, учин Ӏуьмур пуч акьасе; учин Ӏуьмур Аллагьдил аманат акьу инсанди, учин Ӏуьмур ухӀасе. 34Зун чвас дузди агъая, те Ӏуьшуй са ахуникк Ӏуд ккеячин, сад гъасе, сад атасе; 35рагӀуъ кьур ругӀай Ӏу хьир аяхаб, са хьир гъасе, сад атасе. 36Хуйиъ Ӏу инсан аяхаб, сад файшуна, сад атасе!
37Ученикари хабар гъушуная Ӏисайифас:
– Нандиъ хьасе ле кар, ХӀаф?
Ӏисайи джуваб йиная:
– ХьиликӀи яхв нандиъ аячин къаджарарисра хабар вереф э.
Currently Selected:
Лука 17: AGU
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Библия тарджума аркьа институт, Москва, 2005
Лука 17
17
Гунагьин курарихъасна хъугъувелдихъас
1Ӏисайи учин ученикарис пуная:
– Гунагьин курар акьас инсандин темехӀер гьемишан хьасе. Амма язукъ э гунагьвелар акьас тӀемехӀер хъучарта инсандин. 2Сасра инсандин темехӀер хъучартая инсандис идже хьаси, гардандиъ ихьуна рагӀун гъванна, уч хӀуьлиъ ихьухаб. 3Хъуттурфен гьа, эхӀттият акье! Нагагь ве ччуччу гунагьвел акьухаб, маркьа уп гис, нагагь учин гунагь учин гардандиъ фацухаб, гъил гъушен гилас. 4Нагагь са ягъан арайиъ, чвас ги еригелай гунагьин курар акьучира, хаб гъил гъушен агъай еригелай чваалди адичира, чун гъил гъушен гилас.
5Вакилари пуная Ӏисайис:
– Алтухъ акье че хъугъувел!
6Ӏисайи пуная гебурис:
– Нагагь чвахъ са бицӀи удун дехӀера хъугъувел хъаячин, чвафас пас хьасе тутун кӀуранис: «МерӀера хъай аттархьуна, хӀуьлигӀ кегъучӀ!» – ге кӀур чвас мутӀеӀ хьасе.
ЛукӀар суман чунна ухь
7– Белекин чвакес гьинахъ хьунара хъая чве хуппур дарка, я чве хӀуппар ухӀа лукӀ. ЛукӀ хуйиас адегуна, вун пасев гис: «ТегӀди экьве суфрайихъ!»? 8Дузди уп, вун гис пастту: «ХӀезур акье зас Ӏуьшанттара, мухуригьанна гьайхьуна, гьуруц загь, зун ӀуьтӀуна, ухуна ккиркӀвасттегьен, хуппай вун ӀуьтӀен, ух». 9Вун чухсагъул пасттавахи лукӀус, учи акьуна ккандея кар акьухаб? 10Гьегиштти чунна э, чун акьуна кканде кар, чун акьугуна, уп: «Чин лукӀар дала дава, чин чаал але бурджлу кар э акьунаф».
Кабкар кея инсанар сагъ акьуная
11Ӏиса вей хьуная Ерусалимдиди, Самари дерейинна Галилея дерейин арайиъ ая рекъуьас. 12Са хӀуриди гӀачаверегуна, Ӏисайис гьучархьуная кабкари алацӀуна йицӀу инсан. Вархал гъузуна, 13гьавайикес пуная гебури:
– Ӏиса! МегӀелим! Ӏегвал ухь чин!
14Гебур агуф, Ӏисайи пуная:
– Ушуна агваракь чун маллабурис. Гебур ушуная, рекъуьъ сагъ хьуная гебур. 15Гебурикес са инсан, уч сагъ хьуна агуф, хаб алдаркуна адиная, гьавайикес Аллагьдис шукура аркьай. 16Ге ккерхьуна Ӏисайин лекарикк, чухсагъул пуная Ӏисайис. Ге инсан хьуная Самари дерейиас.
17Ӏисайи гис пуная:
– Чун джалла йицӀудара сагъ хьунду? Ппай аме ерчӀуд нахьи? 18Тебурикес садра хаб адиндава Аллагьдис шукур акьас, са гьеме сасра халкьдин инсан дала? 19Ӏисайи пуная гис:
– Гъайшина ях, ве хъугъувелди вун ухӀуне.
Мус хьасе Аллагьдин Паччагьвел
20Фарисеяри хабар гъушуная Ӏисайифас, мус хьасе пуна Аллагьдин Паччагьвел. Ӏисайи джуваб йиная гебурис:
– Аллагьдин Паччагьвел уларилди аргвафттава. 21Сайира пасттава: «Магьа ме мисаъ ая!» я «Тисаъ ая!» Аллагьдин Паччагьвел чве юркӀураъ ая.
22Ӏисайи ученикарис пуная:
– Хъучадесе гишттин вахтт, чвас са ягъа хьунара Инсандин КӀиркӀ агвас кканди ахьасе, амма чвас Ге агвасттава. 23Чвас пасе: «Тагьа гьо тисаъ ая!» я «Магьа мисаъ ая!» Хъумугъа гебурихъ, мева гебурихъай. 24Заварин са кӀилихъас джуьре кӀилихъди ича цӀарп суман, адесе Инсандин КӀиркӀ, Учин ягъ хъучадегуна. 25Сагелай Ге ацӀуна гӀезабарикк ккихуна ккандея, ме гьалдин инсанари Ге кьабул акьасттава. 26НухӀдин вахттунира, фиштти айуйичин, гьегиштти Инсандин КӀиркӀан вахттунира хьасе: 27инсанари Ӏелдира хьуная, ухайра, хумбара аркьай хьуная, шуварисра вей хьуная. Гиштти ахьуная НухӀ учин хьеттилас вере хулади ачушу ягъасттегьен, хаб кӀилди джилил хьед алгъархьуна, джалла инсанар кӀиная. 28Гьегиштти хьуная Лут агъаттин вахттарира: инсанари Ӏелдира хьуная, ухайра, ариш вариш аркьайра, тум узайра, хулар алихьайра; 29амма Лут Садамдиас ушу ягъа, завариас цӀанна гъван угъуна, джалла инсанар кӀиная. 30Гьегиштти хьасе Инсандин КӀиркӀ аде ягъара.
31Те ягъа хулагъил але инсан, учин шейъер гъушанас хулади аладайдирай! Хуйиъ ая инсанна, хаб алдаркуна дайдирай. 32Лут агъа инсандин хьир кӀвал акье. 33Учин Ӏуьмур ухӀас алучӀу инсанди, учин Ӏуьмур пуч акьасе; учин Ӏуьмур Аллагьдил аманат акьу инсанди, учин Ӏуьмур ухӀасе. 34Зун чвас дузди агъая, те Ӏуьшуй са ахуникк Ӏуд ккеячин, сад гъасе, сад атасе; 35рагӀуъ кьур ругӀай Ӏу хьир аяхаб, са хьир гъасе, сад атасе. 36Хуйиъ Ӏу инсан аяхаб, сад файшуна, сад атасе!
37Ученикари хабар гъушуная Ӏисайифас:
– Нандиъ хьасе ле кар, ХӀаф?
Ӏисайи джуваб йиная:
– ХьиликӀи яхв нандиъ аячин къаджарарисра хабар вереф э.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Библия тарджума аркьа институт, Москва, 2005