GENESIS 10
10
Dagiti Putputot ni Noe.
1Dagitoy ngarud dagiti caputotan dagiti lallaki nga annac ni Noe, nga isuda Sem, Cam, ken Jafet: ket cadacuada nagtaud dagiti lallaki nga annac iti calpasan ti layus.
2 #
1 Cron. 1:5. Eze. 38:1-6. Dagiti lallaki nga annac ni Jafet: ni Gomer, ken Magog, ken Madai, ken Javan, ken Tubal, ken Mesec, ken Tiras.
3Ket dagiti lallaki nga annac ni Gomer: ni Ascenez, ken Rifat, ken Togorma.
4Ket dagiti lallaki nga annac ni Javan: ni Elisa, ken #Sal. 72:10. Eze. 38:13.Tarsis, ken #Num. 24:24. Isa. 23:1. Dan. 11:30.Cetim, ken Dodanim.
5Dagitoy ti nacabingbingayan dagiti #Isa. 11:11. Jer. 2:10. Sof. 2:11.purpuro dagiti pagpagarian iti dagdagada, tunggal maysa cas iti pagsasaona, mayannurot cadagiti familiada, cadagiti pagpagarianda.
6Ket #1 Cron. 1:8.dagiti lallaki nga annac ni Cam: ni Cus, ken Mizraim, ken Fut, ken Canaan.
7Ket dagiti lallaki nga annac ni Cus: ni Seba, Hevila, ken Sabta, Raama, ken Sabteca; ket dagiti lallaki nga annac ni Raama: ni Saba ken Dedan.
8Ket ni Cus pinutotna ni Nimrod: daytoy ti nangrugian ti naidamdamag iti kinamannacabalin iti daga.
9Isu maysa a mannacabalin a mangnganup idi iti imatang ni Jehova: gapu a masasao, Cas ken Nimrod a mannacabalin a mangnganup iti imatang ni Jehova.
10Ket ti nangrugian ti pagarianna idi ti #Gen. 11:9.Babel, ken Erac, ken Acad, ken Calne, iti #Gen. 11:2.daga a Sinnaar.
11Nanipud iti dayta a daga, napan iti Assur, ket binangonna ti Ninive, ken Rehobot-ir, ken Cale,
12Ken ti Resen a nagbaetan ti Ninive ken Cale (isu met laeng ti dackel a ili).
13Ket ni Mizraim pinutotna ni Ludim, ken Anamin, ken Lahabim, ken Naftuhim,
14Ken Patrusim, ken Casluhim, #1 Cron. 1:12.(isu a nagtaudan dagiti Filisteos), ken #Deut. 2:23. Jer. 47:4. Amos 9:7.Caftorim.
15Ket ni #Gen. 15:18-21.Canaan pinutotna ni Sidon, nga inauna nga anacna, ken ni Jet,
16Ken ti Jebuseo, ken ti Ammorreo, ken ti Gergaseo,
17Ken ti Heveo, ken ti Arceo, ken ti Cineo,
18Ken ti Arvadeo, ken ti Semareo, ken ti Hamoteo: ket iti calpasanna nagwaras dagiti familia dagiti Cananeo.
19Ket ti beddeng ti Cananeo naglayon nanipud iti Sidon, no cas agturongda iti Gerar, agingga iti Gaza: no cas agturongca iti Sodoma ken Gomorra ken Adma ken Seboim, agpapan iti Lasa.
20Dagitoy dagiti lallaki nga annac ni Cam, cas cadagiti familiada, mayannurot cadagiti pagsasaoda, cadagiti dagdagada, cadagiti pagpagarianda.
21Ket ken Sem, nga ama dagiti amin nga annac ni Jeber, nga cacaen ni Jafet, kencuana met nagtaud dagiti putputot.
22 #
1 Cron. 1:17. Dagiti lallaki nga annac ni Sem: ni Elam, ken Assur, ken Arfajad, ken Lud ken Aram.
23Ket dagiti lallaki nga annac ni Aram: da Uz, ken Hul, ken Geter, ken Mas.
24Ket ni Arfajad pinutotna ni #Gen. 11:12. Luc. 3:35, 36.Selah; ket ni Selah pinutotna ni Jeber.
25 #
1 Cron. 1:19. Ket ken Jeber naiputot ti dua nga annac a lallaki: ti nagan ti maysa Peleg; ta cadagiti aldawna nabingay ti daga; ket ti nagan ti lalaki a cabsatna Joctan.
26Ket ni Joctan pinutotna ni Almodad, ken Selef, ken Hazarmavet, ken Jera,
27Ken ni Hadoram, ken Uzal, ken Dicla.
28Ken ni Obal, ken Abimael, ken Saba,
29Ken ni #1 Ar. 9:28; 10:11.Ofir, ken Havila, ken Jobab; amin dagitoy isuda idi dagiti lallaki nga annac ni Joctan.
30Ket ti nagnaedanda idi nanipud Mesa, no cas agturongca iti Sefar a bantay ti daya.
31Dagitoy isuda dagiti lallaki nga annac ni Sem, mayannurot iti familiada, cadagiti pagsasaoda, cadagiti dagdagada, cadagiti pagpagarianda.
32Dagitoy dagiti familia dagiti lallaki nga annac ni Noe, a mayannurot cadagiti caputotanda, cadagiti pagpagarianda: #Gen. 9:19.ket cadagitoy nabingay dagiti pagpagarian iti daga iti calpasan ti layus.
Currently Selected:
GENESIS 10: TB1973
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Ti Biblia © 1973 Philippine Bible Society