GENESIS 13
13
Abram ye Lot Ediaŋade
1NDIEN Abram oto ke Egypt ɔdɔk, enye ye ŋwan esie, ye kpukpru se inyenede enye, ye Lot ŋko, aka ke edem usuk. 2Abram onyuŋ odobi ke ufɔk esie, ke ufene, ye ke silver, ye ke gold. 3Ekem, nte enye otode ke edem usuk asaŋa ke usuŋ esie, enye osin Beth-el, ke ebiet oro tent esie okodude do akpa, ke ufɔt Beth-el ye Ai; 4Ke ebiet itie uwa oro enye akanamde do akpa ini: ndien Abram okot Jehovah ke enyiŋ do.
5Lot emi asaŋade ye Abram, onyuŋ enyene erɔŋ, ye enaŋ, ye tent. 6Ndien isɔŋ oro ikemke mmɔ, nte eduŋde ɔtɔ kiet: koro inyene mmɔ ewakde, mmɔ inyuŋ ikwe nte eduŋde ɔtɔ kiet. 7Ekem mme ekpeme ufene Abram, ye mme ekpeme ufene Lot etɔhɔ utɔk. Mme Canaanite ye mme Perizzite enyuŋ eduŋ ke isɔŋ ke ini oro. 8Ndien Abram ɔdɔhɔ Lot, ete, Mbɔk, kuyak utɔk odu ke ufɔt mi ye afo, ye ke ufɔt mme ekpeme ufene mi ye mme ekpeme ufene fo; koro nnyin idide nditɔ ete kiet. 9Nte ofuri isɔŋ inaŋa fi ke iso? Dianare ye ami, mbɔk; afo ama aka ke ubɔk ufien, ndien nyeka ke ubɔk nnasia; edi afo ama aka nnasia, ndien nyeka ufien.
10Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar. 11Ndien Lot emek ofuri una isɔŋ Jordan ke idem esie; ndien Lot adaha ke edem usiaha utin: mmɔ enyuŋ edianare kiet ye eken. 12Abram etie ke isɔŋ Canaan, Lot onyuŋ etie ke obio una-isɔŋ oro, onyuŋ owuk tent esiemɔ osim Sodom. 13Ndien nditɔ Sodom edediɔk, mmɔ edue Jehovah eti eti. 14Ndien Jehovah ɔdɔhɔ Abram, ke Lot ama akadianare ye enye, ete, Kam menere enyin fo nyuŋ tɔŋɔ ke ebiet emi afo odude nyuŋ se edere, ye usuk, ye ufien, 15ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi. 16Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde. 17Daha ke enyɔŋ saŋa ke isɔŋ emi, ke uniɔŋ esie, ye ke ubara esie: koro ndade enye nnɔ fi.
18Ndien Abram ɔwɔrɔ iduŋ, ndien edi ediduŋ ke ɔtɔwɔk eto Mamre, emi odude ke Hebron, onyuŋ anam itie uwa do ɔnɔ Jehovah.
Currently Selected:
GENESIS 13: ENA
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Efik Old Bible With Sectional Headings © Bible Society of Nigeria, 2013, 2019.
GENESIS 13
13
Abram ye Lot Ediaŋade
1NDIEN Abram oto ke Egypt ɔdɔk, enye ye ŋwan esie, ye kpukpru se inyenede enye, ye Lot ŋko, aka ke edem usuk. 2Abram onyuŋ odobi ke ufɔk esie, ke ufene, ye ke silver, ye ke gold. 3Ekem, nte enye otode ke edem usuk asaŋa ke usuŋ esie, enye osin Beth-el, ke ebiet oro tent esie okodude do akpa, ke ufɔt Beth-el ye Ai; 4Ke ebiet itie uwa oro enye akanamde do akpa ini: ndien Abram okot Jehovah ke enyiŋ do.
5Lot emi asaŋade ye Abram, onyuŋ enyene erɔŋ, ye enaŋ, ye tent. 6Ndien isɔŋ oro ikemke mmɔ, nte eduŋde ɔtɔ kiet: koro inyene mmɔ ewakde, mmɔ inyuŋ ikwe nte eduŋde ɔtɔ kiet. 7Ekem mme ekpeme ufene Abram, ye mme ekpeme ufene Lot etɔhɔ utɔk. Mme Canaanite ye mme Perizzite enyuŋ eduŋ ke isɔŋ ke ini oro. 8Ndien Abram ɔdɔhɔ Lot, ete, Mbɔk, kuyak utɔk odu ke ufɔt mi ye afo, ye ke ufɔt mme ekpeme ufene mi ye mme ekpeme ufene fo; koro nnyin idide nditɔ ete kiet. 9Nte ofuri isɔŋ inaŋa fi ke iso? Dianare ye ami, mbɔk; afo ama aka ke ubɔk ufien, ndien nyeka ke ubɔk nnasia; edi afo ama aka nnasia, ndien nyeka ufien.
10Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar. 11Ndien Lot emek ofuri una isɔŋ Jordan ke idem esie; ndien Lot adaha ke edem usiaha utin: mmɔ enyuŋ edianare kiet ye eken. 12Abram etie ke isɔŋ Canaan, Lot onyuŋ etie ke obio una-isɔŋ oro, onyuŋ owuk tent esiemɔ osim Sodom. 13Ndien nditɔ Sodom edediɔk, mmɔ edue Jehovah eti eti. 14Ndien Jehovah ɔdɔhɔ Abram, ke Lot ama akadianare ye enye, ete, Kam menere enyin fo nyuŋ tɔŋɔ ke ebiet emi afo odude nyuŋ se edere, ye usuk, ye ufien, 15ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi. 16Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde. 17Daha ke enyɔŋ saŋa ke isɔŋ emi, ke uniɔŋ esie, ye ke ubara esie: koro ndade enye nnɔ fi.
18Ndien Abram ɔwɔrɔ iduŋ, ndien edi ediduŋ ke ɔtɔwɔk eto Mamre, emi odude ke Hebron, onyuŋ anam itie uwa do ɔnɔ Jehovah.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Efik Old Bible With Sectional Headings © Bible Society of Nigeria, 2013, 2019.