Mixtec Diuxi-Tilantongo - 2001 Edition (NT) Non-Drama

Mixtec Diuxi-Tilantongo - 2001 Edition (NT)

<div class="version vid719 iso6393xtd" data-vid="719" data-iso6393="xtd">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">N&#8209;tunda&#42892;a Jes&#250;s uxi uu se dakua&#42892;a&#8209;ia xa nkada koio&#8209;s tniu Ianyuux</div><div class="p"> 1Nu n&#8209;xika k&#616;u, te n&#8209;nadataka &#241;a&#42892;a Jes&#250;s uxi uu da&#241;a, se dakua&#42892;a &#241;a&#42892;a&#8209;ia, te n&#8209;kida&#8209;ia xa n&#8209;kine&#42892;e&#8209;da xaloko &#241;u&#42892;u anu &#241;ayiu. D&#616;uni n&#8209;kida&#8209;ia xa ndadava&#42892;a koio&#8209;da &#241;ayiu ka tna&#42892;a dava&#42892;a nga kue&#42892;e. 2Du&#42892;a xnani n&#616;n uxi uu da&#241;a, se n&#8209;tunda&#42892;a &#241;a&#42892;a Jes&#250;s: Se ki&#42892;na nuu nani Sim&#243;n. D&#616;uni nani&#8209;s&#616; Spedru. &#407;nka&#8209;s kuu Ndrixi, &#241;ani Sim&#243;n. &#407;nka&#8209;s kuu Jacobo xi&#42892;in &#241;ani&#8209;s Sua, se ka kuu da&#42892;ya y&#616;&#616; Zebedeo. 3&#407;nka&#8209;s nani Slipe &#616;nka&#8209;s nani Stolo, &#616;nka&#8209;s nani Tomaxi. Da&#241;a nani Steu. Se xijan tvini nandajan gobierno n&#8209;xo kuu&#8209;da. &#407;nka&#8209;s nani Jacobo, da&#42892;ya y&#616;&#616; Alfeo. &#407;nka&#8209;s nani Tadeo. 4&#407;nka&#8209;s nani Sim&#243;n, se n&#8209;y&#616;tna&#42892;a nuu partido Cananista. &#407;nka&#8209;s nani Judas Iscariote, se n&#8209;kida xa tn&#616;&#616; juxtixia Jes&#250;s. 5N&#8209;ta&#42892;u tniu&#8209;ia nuu&#8209;da ntdaa&#8209;da nax kada koio&#8209;da, te n&#8209;tunda&#42892;a &#241;a&#42892;a&#8209;ia. N&#8209;ja&#42892;an&#8209;ia:</div><div class="p">&#8212;Maxku j&#616;&#42892;&#616;n koio&#8209;n nuu io &#241;ayiu &#241;a ka kuu &#241;ayiu Israel, ni maxku ku j&#616;&#42892;&#616;n koio&#8209;n &#241;uu Samaria. 6Naa xa j&#616;&#42892;&#616;n&#8209;n ijan dakua&#42892;a koio&#8209;n &#241;ayiu Israel ya. &#209;ayiu Israel ka kuu n&#225; ka kuu tkachi n&#8209;ka xita. 7Ja&#42892;an koio&#8209;n nuu &#241;ayiu nuu j&#616;&#42892;&#616;n koio&#8209;n xa vax kuyatni k&#616;u taxnuni Ianyuux nuu &#241;ayiu &#241;u&#241;ayiu. 8Ndadava&#42892;a koio&#8209;n &#241;ayiu ka ku&#42892;u. Nadandoto koio&#8209;n &#241;ayiu n&#8209;ka xi&#42892;&#237;. Ndadava&#42892;a&#8209;n &#241;ayiu ka tna&#42892;a kue&#42892;e te&#42892;yu &#241;&#616;&#616;. Kine&#42892;e koio&#8209;n xaloko x&#241;u&#42892;u anu dava ka &#241;ayiu. Ndadava&#42892;a du&#42892;a nga&#8209;n &#241;ayiu chi n&#8209;kida du&#42892;a nga Ianyuux xa kua&#42892;a kada koio&#8209;n xijan. 9Maxku dake&#233; koio&#8209;n tvini kuu oro, ni tvini kuu plata, ni tvini kuu cobre kanana xndandee dujun ka&#42892;a&#8209;n. 10Maxku kane&#42892;e koio&#8209;n jayate&#8209;n. Maxku kane&#42892;e koio&#8209;n &#616;nka da&#42892;ma xi&#42892;in &#616;nka tayu ndixa xa nadama&#8209;n. Maxku kane&#42892;e&#8209;n karruti&#8209;n. Maxku kane&#42892;e&#8209;n ntdaa xijan, chi ta&#42892;u &#241;ayiu kidatniu kuu xa ni&#42892;i&#8209;i xa kaxi xa ko&#42892;o&#8209;i. 11Hora na xee&#8209;n &#616;&#616;n &#241;uu ka&#42892;nu a &#616;&#616;n &#241;uu luchi, te nduku koio&#8209;n nuu ndexu io &#616;&#616;n &#241;ayiu va&#42892;a. Ve&#42892;e &#241;ayiu ijan, ndoo koio&#8209;n; maxku dama&#8209;n ve&#42892;e ndoo koio&#8209;n. 12Hora na k&#616;u&#8209;n ve&#42892;e jan, te ja&#42892;an&#8209;n: &#8220;Va&#42892;a nga ta&#42892;u kuu koio&#8209;n.&#8221; 13Nux ta&#42892;u &#241;ayiu kuu xa kutuu vii kutuu va&#42892;a&#8209;i, daa kutuu&#8209;i. Nux &#241;a&#42892;a, mee ni&#8209;n kutuu vii kutuu va&#42892;a xaxe&#42892;e tnu&#42892;u n&#8209;ka ja&#42892;an&#8209;n. 14Nux io &#616;&#616;n ve&#42892;e a &#616;&#616;n &#241;uu &#241;ayo &#241;ayiu n&#8209;ka xeka &#241;a&#42892;a, ni &#241;ayo&#8209;i n&#8209;xo nini tnu&#42892;u&#8209;n, ndee koio&#8209;n. N&#616;ni ndee&#8209;n ve&#42892;e a &#241;uu ijan k&#616;d&#616; koio&#8209;n xe&#42892;e&#8209;n xa na kee &#241;uyaka xa na kunde&#42892;a &#241;ayiu ijan xa n&#8209;kida&#8209;i kuechi. 15Na ja&#42892;an ndaa&#8209;r xa nda&#42892;u ka ya&#42892;a &#241;ayiu &#241;uu ijan dada &#241;ayiu n&#8209;xio Sodoma xi&#42892;in Gomorra k&#616;u na ndadandaa Ianyuux kuechi &#241;ayiu &#241;u&#241;ayiu.</div><div class="p"> 16&#700;Tunda&#42892;a &#241;a&#42892;a&#8209;r xa j&#616;&#42892;&#616;n&#8209;n &#241;uu ijan na j&#616;&#42892;&#616;n tkachi nuu io lobo, te cuedado koo koio&#8209;n. Vivo koo koio&#8209;n n&#225; vivo koo, te d&#616;uni ku kuu&#8209;n n&#225; kuu data xa &#241;a tuu nax kida&#8209;t&#616;. 17J&#616;n ndeka &#241;a&#42892;a &#241;ayiu nuu juxtixia ka kidandaa kuechi &#241;ayiu Israel, te jan&#241;a&#42892;a&#8209;s chirri&#243;n &#241;&#616;&#616; xiti ve&#241;u&#42892;u kuechi; xijan kuu xa cuedado koo koio&#8209;n. 18J&#616;n ndeka &#241;a&#42892;a&#8209;s nuu se kuu gobernador romano xi&#42892;in nuu se ka taxnuni ka. Ntdaa xijan kada &#241;a&#42892;a koio&#8209;s xaxe&#42892;e&#8209;r xi&#42892;in xaxe&#42892;e xa kakune&#42892;e &#241;a&#42892;a&#8209;n nuu&#8209;s xi&#42892;in nuu &#241;ayiu &#241;a ka kuu &#241;ayiu Israel. 19Na kandeka &#241;a&#42892;a&#8209;s j&#616;&#42892;&#616;n nuu juxtixia, maxku kundu ini&#8209;n, chi hora ijan kachitnu&#42892;u &#241;a&#42892;a Ianyuux xa ja&#42892;an koio&#8209;n nuu&#8209;s. 20&#209;adu ndo&#42892;o kani ini tnu&#42892;u ja&#42892;an&#8209;n chi Esp&#237;ritu Ianyuux kachitnu&#42892;u &#241;a&#42892;a hora ijan tnu&#42892;u ja&#42892;an koio&#8209;n nuu se ijan. 21Se io &#241;ani, datuu&#8209;s &#241;ani&#8209;s te ka&#42892;ni &#241;a&#42892;a koio juxtixia. Se ka kuu taa, datuu&#8209;s da&#42892;ya&#8209;s. &#209;ayiu ka kuu da&#42892;ya, ndandita&#8209;i nuu tad&#616;&#42892;&#616;&#8209;i, te ka&#42892;ni &#241;a&#42892;a koio&#8209;i. 22Jini u&#42892;u &#241;a&#42892;a ntdaa &#241;ayiu xaxe&#42892;e xa ka kukanu ini &#241;a&#42892;a&#8209;n. Nux dani na ku jandixa &#241;a&#42892;a koio&#8209;n te ma kande ini &#241;a&#42892;a&#8209;n, k&#616;u na ndixi&#8209;r dananita&#42892;u &#241;a&#42892;a&#8209;r. 23Hora na kada u&#42892;u &#241;a&#42892;a &#241;ayiu &#616;&#616;n &#241;uu, kunu koio&#8209;n. J&#616;&#42892;&#616;n&#8209;n &#616;nka ntuku &#241;uu. Na ja&#42892;an ndaa&#8209;r xa ma ndexio&#8209;n ntdaa &#241;uu Israel, te ndixi&#8209;r.</div><div class="p"> 24&#700;&#209;ayo &#241;ayiu y&#616;&#42892;&#616; xkuela tu&#42892;a ka dada maestru&#8209;i. D&#616;uni &#241;ayo &#241;ayiu xinokuechi kunuu ka dada xto&#42892;o&#8209;i. 25Se dakua&#42892;a &#241;a&#42892;a maestru&#8209;s, io&#8209;s xinotu&#42892;a na n&#8209;xinotu&#42892;a maestru&#8209;s, te n&#8209;kuu; ma kutu&#42892;a ka&#8209;s dada maestru&#8209;s. Dani se xinokuechi, io&#8209;s xee ku kuu&#8209;s n&#225; kuu xto&#42892;o&#8209;s, te n&#8209;kuu; ma ya&#42892;a nduu &#241;a&#42892;a&#8209;s. Kuu&#8209;r n&#225; kuu se kuu taa nukee nuve&#42892;e&#8209;s. Nux ka ja&#42892;an &#241;ayiu xa taa jan kuu Kui&#42892;na nani Beelzeb&#250;, naka familia&#8209;s ma ku jan tnu&#42892;u &#241;ayiu ijan.</div><div class="p"> 26&#700;Maxku yu&#42892;u koio&#8209;n xa kada &#241;a&#42892;a &#241;ayiu, chi xa na&#42892;i ka kida&#8209;i tuu na xee k&#616;u. Xee k&#616;u jini koio &#616;nka &#241;ayiu nax n&#8209;ka kida&#8209;i. 27Xa na&#42892;i ja&#42892;an&#8209;r xakuaa xiti &#616;&#616;n cuartu, na xee k&#616;u ja&#42892;an koio ndo&#42892;o nuu kanda, te teku koio &#241;ayiu. Xa n&#8209;ja&#42892;an ni&#42892;ni&#8209;r do&#42892;o&#8209;n, xee kana koio&#8209;n d&#616;k&#616; ve&#42892;e. 28Maxku yu&#42892;u koio&#8209;n nuu se ka&#42892;ni &#241;a&#42892;a, chi &#241;a tuu nax kada&#8209;s anu&#8209;n. Yu&#42892;u koio nuu Ia danaa anu&#8209;n xi&#42892;in &#241;&#616;&#616;&#8209;n andea. 29Xaku ni tvini ya&#42892;u k&#616;t ka kuu gorri&#243;n. Juini &#241;atu ya&#42892;u&#8209;t, ko &#241;ayo&#8209;t jungava nux &#241;a juini Ianyuux. 30Daa ka kuu mee&#8209;n, chinuu &#241;a&#42892;a Ianyuux ntdaa&#8209;n. Nde idi d&#616;k&#616;&#8209;n, n&#8209;ka&#42892;u&#8209;ia. 31Xijan kuu xa maxku yu&#42892;u koio&#8209;n. Yodo ka ya&#42892;u&#8209;n &#616;&#616;n &#616;&#616;n&#8209;n dada kue&#42892;e gorri&#243;n.</div><div class="p"> 32&#700;&#209;ayiu ka ja&#42892;an jundu kuu&#8209;r nuu dava ka &#241;ayiu, dani ru&#42892;u, ja&#42892;an&#8209;r xa xini&#8209;r&#8209;y&#616; nuu Taa&#8209;ro Ianyuux, Ia tuu and&#616;u. 33&#209;ayiu na ja&#42892;an xa &#241;a ka xini &#241;a&#42892;a&#8209;i nuu dava ka &#241;ayiu, d&#616;uni ja&#42892;an&#8209;r xa &#241;a xini&#8209;r&#8209;y&#616; nuu Taa&#8209;ro Ianyuux, Ia tuu and&#616;u.</div><div class="p"> 34&#700;Maxku kani ini koio&#8209;n xa n&#8209;kixee&#8209;r xa kutuu vii kutuu va&#42892;a koio&#8209;n xi&#42892;in dava ka &#241;ayiu chi nukuita&#8209;i ka&#42892;ni &#241;a&#42892;a&#8209;i xi&#42892;in espada 35xaxe&#42892;e xa tuku jandixa koio&#8209;n. Xaxe&#42892;e xijan kada u&#42892;u &#241;a&#42892;a &#241;ayiu &#241;uu&#8209;n. Se kuu da&#42892;ya, kada u&#42892;u&#8209;s taa&#8209;s xaxe&#42892;e xa tuku jandixa taa&#8209;s. &#209;&#225; kuu da&#42892;ya, kada u&#42892;u&#8209;&#241;a d&#616;&#42892;&#616;&#8209;&#241;a xaxe&#42892;e xa tuku jandixa d&#616;&#42892;&#616;&#8209;&#241;a. &#209;&#225; kuu xanu, kada u&#42892;u&#8209;&#241;a didido&#8209;&#241;a xaxe&#42892;e xa tuku jandixa&#8209;&#241;a. 36Jini u&#42892;u tna&#42892;a &#241;ayiu &#616;&#616;n ni kee &#616;&#616;n ni ve&#42892;e. 37Nux kukajan ini ka &#241;ayiu taa&#8209;i a d&#616;&#42892;&#616;&#8209;i dada ru&#42892;u, &#241;atu natau xa kandeka tna&#42892;a&#8209;r xi&#42892;in&#8209;i. Dani nux kukajan ini ka&#8209;i da&#42892;ya y&#616;&#616;&#8209;i a da&#42892;ya d&#616;&#42892;&#616;&#8209;i dada ru&#42892;u &#241;atu natau xa kandeka tna&#42892;a&#8209;r xi&#42892;in&#8209;i. 38Nux &#241;a io tu&#42892;a&#8209;n xa ku&#250; koio&#8209;n kuenda k&#616;u se doko curuxi&#8209;s xa nkuitakaa dika&#8209;s n&#225; io tu&#42892;a ru&#42892;u, ma kuu xa kandeka tna&#42892;a&#8209;ro. 39&#209;ayiu &#241;a ka juini xa ku&#250;&#8209;i xaxe&#42892;e&#8209;r, j&#616;&#42892;&#616;n anu&#8209;i andea, ko &#241;ayiu na ku&#250; xaxe&#42892;e&#8209;r, kutuu&#8209;i xi&#42892;in Ianyuux n&#616;kava n&#616;kuita and&#616;u.</div><div class="p"> 40&#700;Nux na xe ini &#241;a&#42892;a &#241;ayiu ndo&#42892;o, dani xe ini &#241;a&#42892;a&#8209;i ru&#42892;u. &#209;ayiu xe ini &#241;a&#42892;a ru&#42892;u, d&#616;uni xe ini&#8209;i Ia n&#8209;tunda&#42892;a &#241;a&#42892;a xa vaa&#8209;r. 41&#209;ayiu xe ini se ja&#42892;an tnu&#42892;u Ianyuux nuu &#241;ayiu xaxe&#42892;e xa kuu&#8209;s se ja&#42892;an tnu&#42892;u&#8209;ia nuu&#8209;i, ni&#42892;i&#8209;i ta&#42892;u&#8209;i n&#225; ni&#42892;i se ijan ta&#42892;u&#8209;s. Dani &#241;ayiu xe ini se kida xava&#42892;a xaxe&#42892;e xa kuu&#8209;s seva&#42892;a, ni&#42892;i&#8209;i ta&#42892;u&#8209;i n&#225; ni&#42892;i se ijan ta&#42892;u&#8209;s. 42&#209;ayiu na ju&#241;a&#42892;a nga xa ju&#241;a&#42892;a nga&#8209;i &#241;ayiu kunda&#42892;u kukee xndijun &#241;a&#42892;a ru&#42892;u xaxe&#42892;e xa kuu&#8209;i &#241;ayiu xndijun &#241;a&#42892;a, xandaa xakuiti ni&#42892;i &#241;ayiu ijan ta&#42892;u&#8209;i juini idii yaxi ndute naju&#241;a&#42892;a&#8209;i&#8209;y&#616; &#8212;kuu Jes&#250;s, n&#8209;ja&#42892;an&#8209;ia.</div>
 </div>
 </div>
</div>

Nu n‑xika kɨu, te n‑nadataka ñaꞌa Jesús uxi uu daña, se dakuaꞌa ñaꞌa‑ia, te n‑kida‑ia xa n‑kineꞌe‑da xaloko ñuꞌu anu ñayiu. Dɨuni n‑kida‑ia xa ndadavaꞌa koio‑da ñayiu ka tnaꞌa davaꞌa nga kueꞌe. Duꞌa xnani nɨn uxi uu daña, se n‑tundaꞌa ñaꞌa Jesús: Se kiꞌna nuu nani Simón. Dɨuni nani‑sɨ Spedru. Ɨnka‑s kuu Ndrixi, ñani Simón. Ɨnka‑s kuu Jacobo xiꞌin ñani‑s Sua, se ka kuu daꞌya yɨɨ Zebedeo. Ɨnka‑s nani Slipe ɨnka‑s nani Stolo, ɨnka‑s nani Tomaxi. Daña nani Steu. Se xijan tvini nandajan gobierno n‑xo kuu‑da. Ɨnka‑s nani Jacobo, daꞌya yɨɨ Alfeo. Ɨnka‑s nani Tadeo. Ɨnka‑s nani Simón, se n‑yɨtnaꞌa nuu partido Cananista. Ɨnka‑s nani Judas Iscariote, se n‑kida xa tnɨɨ juxtixia Jesús. N‑taꞌu tniu‑ia nuu‑da ntdaa‑da nax kada koio‑da, te n‑tundaꞌa ñaꞌa‑ia. N‑jaꞌan‑ia:
—Maxku jɨꞌɨn koio‑n nuu io ñayiu ña ka kuu ñayiu Israel, ni maxku ku jɨꞌɨn koio‑n ñuu Samaria. Naa xa jɨꞌɨn‑n ijan dakuaꞌa koio‑n ñayiu Israel ya. Ñayiu Israel ka kuu ná ka kuu tkachi n‑ka xita. Jaꞌan koio‑n nuu ñayiu nuu jɨꞌɨn koio‑n xa vax kuyatni kɨu taxnuni Ianyuux nuu ñayiu ñuñayiu. Ndadavaꞌa koio‑n ñayiu ka kuꞌu. Nadandoto koio‑n ñayiu n‑ka xiꞌí. Ndadavaꞌa‑n ñayiu ka tnaꞌa kueꞌe teꞌyu ñɨɨ. Kineꞌe koio‑n xaloko xñuꞌu anu dava ka ñayiu. Ndadavaꞌa duꞌa nga‑n ñayiu chi n‑kida duꞌa nga Ianyuux xa kuaꞌa kada koio‑n xijan. Maxku dakeé koio‑n tvini kuu oro, ni tvini kuu plata, ni tvini kuu cobre kanana xndandee dujun kaꞌa‑n. Maxku kaneꞌe koio‑n jayate‑n. Maxku kaneꞌe koio‑n ɨnka daꞌma xiꞌin ɨnka tayu ndixa xa nadama‑n. Maxku kaneꞌe‑n karruti‑n. Maxku kaneꞌe‑n ntdaa xijan, chi taꞌu ñayiu kidatniu kuu xa niꞌi‑i xa kaxi xa koꞌo‑i. Hora na xee‑n ɨɨn ñuu kaꞌnu a ɨɨn ñuu luchi, te nduku koio‑n nuu ndexu io ɨɨn ñayiu vaꞌa. Veꞌe ñayiu ijan, ndoo koio‑n; maxku dama‑n veꞌe ndoo koio‑n. Hora na kɨu‑n veꞌe jan, te jaꞌan‑n: “Vaꞌa nga taꞌu kuu koio‑n.” Nux taꞌu ñayiu kuu xa kutuu vii kutuu vaꞌa‑i, daa kutuu‑i. Nux ñaꞌa, mee ni‑n kutuu vii kutuu vaꞌa xaxeꞌe tnuꞌu n‑ka jaꞌan‑n. Nux io ɨɨn veꞌe a ɨɨn ñuu ñayo ñayiu n‑ka xeka ñaꞌa, ni ñayo‑i n‑xo nini tnuꞌu‑n, ndee koio‑n. Nɨni ndee‑n veꞌe a ñuu ijan kɨdɨ koio‑n xeꞌe‑n xa na kee ñuyaka xa na kundeꞌa ñayiu ijan xa n‑kida‑i kuechi. Na jaꞌan ndaa‑r xa ndaꞌu ka yaꞌa ñayiu ñuu ijan dada ñayiu n‑xio Sodoma xiꞌin Gomorra kɨu na ndadandaa Ianyuux kuechi ñayiu ñuñayiu.
ʼTundaꞌa ñaꞌa‑r xa jɨꞌɨn‑n ñuu ijan na jɨꞌɨn tkachi nuu io lobo, te cuedado koo koio‑n. Vivo koo koio‑n ná vivo koo, te dɨuni ku kuu‑n ná kuu data xa ña tuu nax kida‑tɨ. Jɨn ndeka ñaꞌa ñayiu nuu juxtixia ka kidandaa kuechi ñayiu Israel, te janñaꞌa‑s chirrión ñɨɨ xiti veñuꞌu kuechi; xijan kuu xa cuedado koo koio‑n. Jɨn ndeka ñaꞌa‑s nuu se kuu gobernador romano xiꞌin nuu se ka taxnuni ka. Ntdaa xijan kada ñaꞌa koio‑s xaxeꞌe‑r xiꞌin xaxeꞌe xa kakuneꞌe ñaꞌa‑n nuu‑s xiꞌin nuu ñayiu ña ka kuu ñayiu Israel. Na kandeka ñaꞌa‑s jɨꞌɨn nuu juxtixia, maxku kundu ini‑n, chi hora ijan kachitnuꞌu ñaꞌa Ianyuux xa jaꞌan koio‑n nuu‑s. Ñadu ndoꞌo kani ini tnuꞌu jaꞌan‑n chi Espíritu Ianyuux kachitnuꞌu ñaꞌa hora ijan tnuꞌu jaꞌan koio‑n nuu se ijan. Se io ñani, datuu‑s ñani‑s te kaꞌni ñaꞌa koio juxtixia. Se ka kuu taa, datuu‑s daꞌya‑s. Ñayiu ka kuu daꞌya, ndandita‑i nuu tadɨꞌɨ‑i, te kaꞌni ñaꞌa koio‑i. Jini uꞌu ñaꞌa ntdaa ñayiu xaxeꞌe xa ka kukanu ini ñaꞌa‑n. Nux dani na ku jandixa ñaꞌa koio‑n te ma kande ini ñaꞌa‑n, kɨu na ndixi‑r dananitaꞌu ñaꞌa‑r. Hora na kada uꞌu ñaꞌa ñayiu ɨɨn ñuu, kunu koio‑n. Jɨꞌɨn‑n ɨnka ntuku ñuu. Na jaꞌan ndaa‑r xa ma ndexio‑n ntdaa ñuu Israel, te ndixi‑r.
ʼÑayo ñayiu yɨꞌɨ xkuela tuꞌa ka dada maestru‑i. Dɨuni ñayo ñayiu xinokuechi kunuu ka dada xtoꞌo‑i. Se dakuaꞌa ñaꞌa maestru‑s, io‑s xinotuꞌa na n‑xinotuꞌa maestru‑s, te n‑kuu; ma kutuꞌa ka‑s dada maestru‑s. Dani se xinokuechi, io‑s xee ku kuu‑s ná kuu xtoꞌo‑s, te n‑kuu; ma yaꞌa nduu ñaꞌa‑s. Kuu‑r ná kuu se kuu taa nukee nuveꞌe‑s. Nux ka jaꞌan ñayiu xa taa jan kuu Kuiꞌna nani Beelzebú, naka familia‑s ma ku jan tnuꞌu ñayiu ijan.
ʼMaxku yuꞌu koio‑n xa kada ñaꞌa ñayiu, chi xa naꞌi ka kida‑i tuu na xee kɨu. Xee kɨu jini koio ɨnka ñayiu nax n‑ka kida‑i. Xa naꞌi jaꞌan‑r xakuaa xiti ɨɨn cuartu, na xee kɨu jaꞌan koio ndoꞌo nuu kanda, te teku koio ñayiu. Xa n‑jaꞌan niꞌni‑r doꞌo‑n, xee kana koio‑n dɨkɨ veꞌe. Maxku yuꞌu koio‑n nuu se kaꞌni ñaꞌa, chi ña tuu nax kada‑s anu‑n. Yuꞌu koio nuu Ia danaa anu‑n xiꞌin ñɨɨ‑n andea. Xaku ni tvini yaꞌu kɨt ka kuu gorrión. Juini ñatu yaꞌu‑t, ko ñayo‑t jungava nux ña juini Ianyuux. Daa ka kuu mee‑n, chinuu ñaꞌa Ianyuux ntdaa‑n. Nde idi dɨkɨ‑n, n‑kaꞌu‑ia. Xijan kuu xa maxku yuꞌu koio‑n. Yodo ka yaꞌu‑n ɨɨn ɨɨn‑n dada kueꞌe gorrión.
ʼÑayiu ka jaꞌan jundu kuu‑r nuu dava ka ñayiu, dani ruꞌu, jaꞌan‑r xa xini‑r‑yɨ nuu Taa‑ro Ianyuux, Ia tuu andɨu. Ñayiu na jaꞌan xa ña ka xini ñaꞌa‑i nuu dava ka ñayiu, dɨuni jaꞌan‑r xa ña xini‑r‑yɨ nuu Taa‑ro Ianyuux, Ia tuu andɨu.
ʼMaxku kani ini koio‑n xa n‑kixee‑r xa kutuu vii kutuu vaꞌa koio‑n xiꞌin dava ka ñayiu chi nukuita‑i kaꞌni ñaꞌa‑i xiꞌin espada xaxeꞌe xa tuku jandixa koio‑n. Xaxeꞌe xijan kada uꞌu ñaꞌa ñayiu ñuu‑n. Se kuu daꞌya, kada uꞌu‑s taa‑s xaxeꞌe xa tuku jandixa taa‑s. Ñá kuu daꞌya, kada uꞌu‑ña dɨꞌɨ‑ña xaxeꞌe xa tuku jandixa dɨꞌɨ‑ña. Ñá kuu xanu, kada uꞌu‑ña didido‑ña xaxeꞌe xa tuku jandixa‑ña. Jini uꞌu tnaꞌa ñayiu ɨɨn ni kee ɨɨn ni veꞌe. Nux kukajan ini ka ñayiu taa‑i a dɨꞌɨ‑i dada ruꞌu, ñatu natau xa kandeka tnaꞌa‑r xiꞌin‑i. Dani nux kukajan ini ka‑i daꞌya yɨɨ‑i a daꞌya dɨꞌɨ‑i dada ruꞌu ñatu natau xa kandeka tnaꞌa‑r xiꞌin‑i. Nux ña io tuꞌa‑n xa kuú koio‑n kuenda kɨu se doko curuxi‑s xa nkuitakaa dika‑s ná io tuꞌa ruꞌu, ma kuu xa kandeka tnaꞌa‑ro. Ñayiu ña ka juini xa kuú‑i xaxeꞌe‑r, jɨꞌɨn anu‑i andea, ko ñayiu na kuú xaxeꞌe‑r, kutuu‑i xiꞌin Ianyuux nɨkava nɨkuita andɨu.
ʼNux na xe ini ñaꞌa ñayiu ndoꞌo, dani xe ini ñaꞌa‑i ruꞌu. Ñayiu xe ini ñaꞌa ruꞌu, dɨuni xe ini‑i Ia n‑tundaꞌa ñaꞌa xa vaa‑r. Ñayiu xe ini se jaꞌan tnuꞌu Ianyuux nuu ñayiu xaxeꞌe xa kuu‑s se jaꞌan tnuꞌu‑ia nuu‑i, niꞌi‑i taꞌu‑i ná niꞌi se ijan taꞌu‑s. Dani ñayiu xe ini se kida xavaꞌa xaxeꞌe xa kuu‑s sevaꞌa, niꞌi‑i taꞌu‑i ná niꞌi se ijan taꞌu‑s. Ñayiu na juñaꞌa nga xa juñaꞌa nga‑i ñayiu kundaꞌu kukee xndijun ñaꞌa ruꞌu xaxeꞌe xa kuu‑i ñayiu xndijun ñaꞌa, xandaa xakuiti niꞌi ñayiu ijan taꞌu‑i juini idii yaxi ndute najuñaꞌa‑i‑yɨ —kuu Jesús, n‑jaꞌan‑ia.

Feti si San Mateo 10