Luki 20
20
Isa yamɔri koe
1Lun do, Isa be mɔgɛnu kawandila Ala batu bon banba butɔ, a be kibaru ɲinma lakela anu ma. Sarika lakela kuntigenu anun sariya karamɔgɛnu, anun kayibanu tagata a taran ɲɔ, 2anu ka a fɔ a ye: «I be kɛ koenu mala yamɔre min na, a fɔ mɔ ye. Ɲɔmɔ le ka kɛ yamɔre don i bolo?» 3Isa ka anu jaabi, a ko: «Nde tugun ni wo maɲininka kuma dɔndɔ la: 4Yaya tota malasuwɛ min mala je tɔ, Ala le ka a yamɔri ba ka mɔgɛnu? Wo wo fɔ n ɲɛ.» 5Anu tagata ɲɔgɔn yen, anu ko: «Ka mɔ ko: Ala le ka a yamɔri, a si mɔ maɲininka le, fen min ka a ma mɔ ma laa ale Yaya la. 6Ka mɔ mɛn ko: mɔgɛnu le ka a yamɔri, jama bɛ si mɔ mabun kure la han ka mɔ faga, bayi anu bɛ be laaren, Yaya mu nabiyonmɛ le la.» 7Wo butɔ, anu ka Isa jaabi, anu ko aa anu ma a lɔn min ka Yaya yamɔri. 8Isa ka a fɔ anu ye, a ko: «Awa, n be kɛ koenu mala yamɔre min na, nde tugun te a fɔ wo ye.»
Suntu kantala koroŋɛnu la ko taale
9Wo kɔma, Isa fɔlɔta kɛ taale sala jama ye, a ko: «Kaye do ka sunte labɔɔ, a ka rɛsɛn lɔgenu ki. A ka sunte taaku walila donu la, alako anu ni a tɔnɛ do dii a ma. Wo kɔma a bɔɔta, a tagata to jamanɛ do tɔ, a mɛta ɲɔ han. 10Rɛsɛn deŋɛ bɔɔ tɛmuɛ to keta, a ka a la jon dɔndɔ lasanba suntu walilanu ma, alako anu ni a tɛŋɛ don a bolo. Kɔnɔ walilanu ka wo botege anu ka a talasaagi a bolo tɛsɛŋɛ la. 11Kaye mɛn ka joŋɛ do tugun nasanba. Anu ka wo tugun botege anu ka a fɛɛya, anu ka a talasaagi a bolo tɛsɛŋɛ la. 12A mɛn ka a sabaɲɔgɛ lasanba. Anu ka wo tugun mabaa anu ka a lafili. 13Wo butɔ, suntu tige ko: ‹N si fen ma? Awa, n be n na den kayireŋɛ min makanuren han, n si wolo lasanba; tumado anu te suusɛ magala wo kan na.› 14Kɔnɔ suntu walilanu to ka a yen nala, anu be a fɔla ɲɔgɔn ye, anu ko: ‹Kɛ deŋɛ le be naala mala a baaba kɛɛ jiganná la. Wo mɔ ni a faga, alako kɛɛ ni ma wo mɔ tɛŋɛ la.› 15Wo butɔ, anu ka a labɔɔ sunte tɔ, anu ka a lafili, anu ka a faga.»
Wo kɔma, Isa ko jama ma: «Suntu tige si fen de ma wo suntu walilanu la? 16N ni a fɔ wo ye: a si naa wo walilanu faga, a ni naa sunte taaku mɔgɔ gbɛtɛnu la.» Jama to ka wo kuma mɔɛ, anu ko: «Ala kana wo ma feu!»
17Kɔnɔ Isa ka a ɲa sɔ jama la, a ka a fɔ anu ye, a ko: «Wo butɔ, kuma min be sɛbɛren Jaburu tɔ, wo be fasarila kama la? Kitabue ko:
‹Bon sɔlanu ka kure min aɲɛ,
wolo be maren boŋɛ fondoma sigi kure la.› # 20:17 Jaburu, sora 118, haaya 22 fɛlɛ. »
18Isa mɛn ko: «Mɔgɔ min tini boe wo kure ma, a si wo tigi makati. Wo kure tugun tini boe min ma, a si wo tigi muɲunkun.» 19Sariya karamɔgɛnu anun sarika lakela kuntigenu ka a lɔn ka a fɔla Isa be wo taale saren ande le ye. Wo butɔ, anu ka Isa bita fɛrɛ ɲini fɔlɔ kisanna, kɔnɔ anu be kilanden jama la.
Duute dii koe
20Sariya karamɔgɛnu anun sarika lakela kuntigenu tota Isa kɔrɔsila. Wo butɔ, anu ka mɔgɛnu kii, anu ni a janfa. Wonu be anu yɛtɛ maren iko mɔgɔ telendeŋɛnu, adun anu be diren Isa bitala a la kuma la. Wo butɔ, kuntigenu si nɔ a tola dugu mansa sagoe tɔ, a ni to a la yamɔre nun a la nɔɛ kɔtɔ. 21Anu ka a maɲininka, anu ko: «Karamɔgɔ, mɔ ka a lɔn i la kuma be telenden de, anun i la mɔgɔ lakaraŋɛ, i mɛn te mɔgɔ bɔɔ mɔgɔ tɔ. I be mɔgɛnu karanna Ala la kila la tɔɲa le la. 22Wo butɔ, duute dii koe Rɔmu mansa banba ma, a bɛnta mɔ ni a dii ba, ka a ma bɛn mɔ ni a dii?» 23Kɔnɔ Isa ka a lɔn anu be diren a janfala, a ka a fɔ anu ye, a ko: 24«Wo nafulu kolo dɔndɔ yita n na.» A mɛn ko: «Ɲɔmɔ le ɲakɔtɔ nun a tɔgɛ be kɛ nafule ma?» Anu ka a jaabi, anu ko: «Rɔmu mansa banba le mu.» 25A ko anu ma: «Awa, wo ni Rɔmu mansa banba tɛŋɛ dii Rɔmu mansa banba le ma. Wo ni Ala tugun tɛŋɛ dii Ala le ma.» 26Anu ma nɔ Isa bitala a la kuma la jama ɲala. A la kuma jaabire ka anu makaabɛ han anu ka anu mɔdɛ.
Sadusinu la ɲininkare
27Diina mɔgɛ donu be ɲɔ, minnu tɔgɔ Sadusinu. Wonu ko aa ka mɔgɛ fagata a te wuli bitugun. Wonu donu tagata Isa maɲininka, 28anu ko: «Karamɔgɔ, annabi Musa ka wo mɔ yamɔri Taureta tɔ, a ko aa ka i kɔtɔ kayima fagata, a ka a la muse to, wo ma den sɔtɔ a ye, aa i si i kɔtɔ la wo muse jigan de fute la, alako ka a si deŋɛ sɔtɔ i kɔtɔ ye.#20:28 Taureta Musa, kitabu looluɲɔgɛ, sora 25, haaya 5 fɛlɛ. 29Awa, den kayireŋɛ wɔrɔwila le tota kaye do bolo. A la den fɔlɛ ka muse futu. A fagata, a ma den to. 30Den filaɲɔgɛ tugun ka wo muse jigan, ale tugun fagata, a ma den to. 31Den sabaɲɔgɛ tugun ka a jigan. A mata ɲɔgɔnna le wo den wɔrɔwila bɛ ye dɔndɔ dɔndɔ: anu bɛ fagata anu ma den to. 32Wo tanbi kɔma, muse tugun fagata. 33Wo butɔ, kɛ kayi wɔrɔwila tɔ, muse si ma ɲɔmɔ tɛŋɛ la ka fagabaganu be lawulila lun min na? Kaa, a ma sigi le anu wɔrɔwila bɛ ye dɔndɔ dɔndɔ?»
34Isa ka anu jaabi, a ko: «Mɔgɛnu be fute mala dunuya yan: kaye ni muse futu, muse ni sigi kaye ye. 35Kɔnɔ sinan aligiyama, a te ma ɲɔgɔnna: Ala be mɔgɛ minnu masubɛren, a si wonu lawuli le fagabaganu tɛma, anu ni arijanna masɔtɔ, kɔnɔ kaye te muse futu ɲɔ, muse tugun te sigi kaye ye. 36Anu tini lawuli faga tɔ, a si beeya ko Ala la deŋɛnu yati le mu anu la. Wo butɔ, anu si to iko malekanu, anu te nɔ fagala bitugun. 37Fagabaga tawuli koe, annabi Musa yɛtɛ tugun ka wolo yita mɔ la. Ta be bapɛ min tɔ, a be wo tarigue sɛbɛren ka min na, a be Marige Alatala tɔgɛ yitaren, a ko: Iburahima la Ala, Isiyaka la Ala, anun Yaguba la Ala. #20:37 Taureta Musa, kitabu filaɲɔgɛ, sora 3, haaya 15 fɛlɛ. 38Awa, Ala bele maren fagabaganu le la Ala la, fɔ mɔgɔ balureŋɛnu. Wo ma a yen, han bi anu saba bɛ be baluren Ala ye#20:38 Adun Musa jamanɛ, wo nabiyonmɛ saba bɛ fagata bima, kɔnɔ anu be baluren Ala ye..» 39Sariya karamɔgɛ donu ka Isa jaabi: «Karamɔgɔ, i bata tɔɲa fɔ.» 40Wo kɔma, anu ma suusɛ a maɲininkala fenfen na bitugun.
Dauda nun Ala la mɔgɔ masubɛreŋɛ
41Isa mɛn ka anu maɲininka, a ko: «Mɔgɛnu be a fɔla fenna Ala la mɔgɔ masubɛreŋɛ mu mansa Dauda bɔnsɛ do le la? 42Wo ka a lɔn Dauda yɛtɛ ka a sɛbɛ Jaburu kitabue tɔ, a ko:
Marige Alatala ka a fɔ n Marige ye:
‹Ile na sigi n bolo ɲinma tɔ,
43 han n ni i jaguenu bita,
n ni anu ma i kɛnsɔfeŋɛ la. # 20:43 Jaburu, sora 110, haaya 1 ›
44Awa, Dauda yɛtɛ to ka a fɔ Ala la mɔgɔ masubɛreŋɛ ma ‹Marige›, wo butɔ, a si nɔ mala mansa Dauda bɔnsɛ la kama le?»
I mɛnni koe sariya karamɔgɛnu ma
45Isa ka kuma do fɔ a la talibenu ye, jama bɛ be a tolomasɔren a la, a ko: 46«Wo ni wo yɛtɛ mɛnni sariya karamɔgɛnu la ko ma: wonu la anu matagamanna, doroki banba be lajigiren anu ma, wolo di anu ye; a sɔgɔ si anu bita mɔgɛnu ni anu kɔntɔn jama be madɛnna ka min na; anu tini don kawandi ma boŋɛ butɔ, anu ni sigidula ɲini safa ɲatɔnɛŋɛnu tɔ; ka mɔgɛnu ka anu kele dɔmɔ dɔmɔ koe la, anu ni taga sigi mɔgɔbanu sigidula. 47Anu be furuɲa musenu bolofeŋɛnu bɛ dɔmɔla, anu mɛn be wagati yanfama mala Ala mataraŋɛ la iko anu be Ala kanuren de. Wo butɔ, anu si ɲagankata bɛlɛma doni le min fisa doenu tɛŋɛ ko.»
Àwon tá yàn lọ́wọ́lọ́wọ́ báyìí:
Luki 20: MOG
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luki 20
20
Isa yamɔri koe
1Lun do, Isa be mɔgɛnu kawandila Ala batu bon banba butɔ, a be kibaru ɲinma lakela anu ma. Sarika lakela kuntigenu anun sariya karamɔgɛnu, anun kayibanu tagata a taran ɲɔ, 2anu ka a fɔ a ye: «I be kɛ koenu mala yamɔre min na, a fɔ mɔ ye. Ɲɔmɔ le ka kɛ yamɔre don i bolo?» 3Isa ka anu jaabi, a ko: «Nde tugun ni wo maɲininka kuma dɔndɔ la: 4Yaya tota malasuwɛ min mala je tɔ, Ala le ka a yamɔri ba ka mɔgɛnu? Wo wo fɔ n ɲɛ.» 5Anu tagata ɲɔgɔn yen, anu ko: «Ka mɔ ko: Ala le ka a yamɔri, a si mɔ maɲininka le, fen min ka a ma mɔ ma laa ale Yaya la. 6Ka mɔ mɛn ko: mɔgɛnu le ka a yamɔri, jama bɛ si mɔ mabun kure la han ka mɔ faga, bayi anu bɛ be laaren, Yaya mu nabiyonmɛ le la.» 7Wo butɔ, anu ka Isa jaabi, anu ko aa anu ma a lɔn min ka Yaya yamɔri. 8Isa ka a fɔ anu ye, a ko: «Awa, n be kɛ koenu mala yamɔre min na, nde tugun te a fɔ wo ye.»
Suntu kantala koroŋɛnu la ko taale
9Wo kɔma, Isa fɔlɔta kɛ taale sala jama ye, a ko: «Kaye do ka sunte labɔɔ, a ka rɛsɛn lɔgenu ki. A ka sunte taaku walila donu la, alako anu ni a tɔnɛ do dii a ma. Wo kɔma a bɔɔta, a tagata to jamanɛ do tɔ, a mɛta ɲɔ han. 10Rɛsɛn deŋɛ bɔɔ tɛmuɛ to keta, a ka a la jon dɔndɔ lasanba suntu walilanu ma, alako anu ni a tɛŋɛ don a bolo. Kɔnɔ walilanu ka wo botege anu ka a talasaagi a bolo tɛsɛŋɛ la. 11Kaye mɛn ka joŋɛ do tugun nasanba. Anu ka wo tugun botege anu ka a fɛɛya, anu ka a talasaagi a bolo tɛsɛŋɛ la. 12A mɛn ka a sabaɲɔgɛ lasanba. Anu ka wo tugun mabaa anu ka a lafili. 13Wo butɔ, suntu tige ko: ‹N si fen ma? Awa, n be n na den kayireŋɛ min makanuren han, n si wolo lasanba; tumado anu te suusɛ magala wo kan na.› 14Kɔnɔ suntu walilanu to ka a yen nala, anu be a fɔla ɲɔgɔn ye, anu ko: ‹Kɛ deŋɛ le be naala mala a baaba kɛɛ jiganná la. Wo mɔ ni a faga, alako kɛɛ ni ma wo mɔ tɛŋɛ la.› 15Wo butɔ, anu ka a labɔɔ sunte tɔ, anu ka a lafili, anu ka a faga.»
Wo kɔma, Isa ko jama ma: «Suntu tige si fen de ma wo suntu walilanu la? 16N ni a fɔ wo ye: a si naa wo walilanu faga, a ni naa sunte taaku mɔgɔ gbɛtɛnu la.» Jama to ka wo kuma mɔɛ, anu ko: «Ala kana wo ma feu!»
17Kɔnɔ Isa ka a ɲa sɔ jama la, a ka a fɔ anu ye, a ko: «Wo butɔ, kuma min be sɛbɛren Jaburu tɔ, wo be fasarila kama la? Kitabue ko:
‹Bon sɔlanu ka kure min aɲɛ,
wolo be maren boŋɛ fondoma sigi kure la.› # 20:17 Jaburu, sora 118, haaya 22 fɛlɛ. »
18Isa mɛn ko: «Mɔgɔ min tini boe wo kure ma, a si wo tigi makati. Wo kure tugun tini boe min ma, a si wo tigi muɲunkun.» 19Sariya karamɔgɛnu anun sarika lakela kuntigenu ka a lɔn ka a fɔla Isa be wo taale saren ande le ye. Wo butɔ, anu ka Isa bita fɛrɛ ɲini fɔlɔ kisanna, kɔnɔ anu be kilanden jama la.
Duute dii koe
20Sariya karamɔgɛnu anun sarika lakela kuntigenu tota Isa kɔrɔsila. Wo butɔ, anu ka mɔgɛnu kii, anu ni a janfa. Wonu be anu yɛtɛ maren iko mɔgɔ telendeŋɛnu, adun anu be diren Isa bitala a la kuma la. Wo butɔ, kuntigenu si nɔ a tola dugu mansa sagoe tɔ, a ni to a la yamɔre nun a la nɔɛ kɔtɔ. 21Anu ka a maɲininka, anu ko: «Karamɔgɔ, mɔ ka a lɔn i la kuma be telenden de, anun i la mɔgɔ lakaraŋɛ, i mɛn te mɔgɔ bɔɔ mɔgɔ tɔ. I be mɔgɛnu karanna Ala la kila la tɔɲa le la. 22Wo butɔ, duute dii koe Rɔmu mansa banba ma, a bɛnta mɔ ni a dii ba, ka a ma bɛn mɔ ni a dii?» 23Kɔnɔ Isa ka a lɔn anu be diren a janfala, a ka a fɔ anu ye, a ko: 24«Wo nafulu kolo dɔndɔ yita n na.» A mɛn ko: «Ɲɔmɔ le ɲakɔtɔ nun a tɔgɛ be kɛ nafule ma?» Anu ka a jaabi, anu ko: «Rɔmu mansa banba le mu.» 25A ko anu ma: «Awa, wo ni Rɔmu mansa banba tɛŋɛ dii Rɔmu mansa banba le ma. Wo ni Ala tugun tɛŋɛ dii Ala le ma.» 26Anu ma nɔ Isa bitala a la kuma la jama ɲala. A la kuma jaabire ka anu makaabɛ han anu ka anu mɔdɛ.
Sadusinu la ɲininkare
27Diina mɔgɛ donu be ɲɔ, minnu tɔgɔ Sadusinu. Wonu ko aa ka mɔgɛ fagata a te wuli bitugun. Wonu donu tagata Isa maɲininka, 28anu ko: «Karamɔgɔ, annabi Musa ka wo mɔ yamɔri Taureta tɔ, a ko aa ka i kɔtɔ kayima fagata, a ka a la muse to, wo ma den sɔtɔ a ye, aa i si i kɔtɔ la wo muse jigan de fute la, alako ka a si deŋɛ sɔtɔ i kɔtɔ ye.#20:28 Taureta Musa, kitabu looluɲɔgɛ, sora 25, haaya 5 fɛlɛ. 29Awa, den kayireŋɛ wɔrɔwila le tota kaye do bolo. A la den fɔlɛ ka muse futu. A fagata, a ma den to. 30Den filaɲɔgɛ tugun ka wo muse jigan, ale tugun fagata, a ma den to. 31Den sabaɲɔgɛ tugun ka a jigan. A mata ɲɔgɔnna le wo den wɔrɔwila bɛ ye dɔndɔ dɔndɔ: anu bɛ fagata anu ma den to. 32Wo tanbi kɔma, muse tugun fagata. 33Wo butɔ, kɛ kayi wɔrɔwila tɔ, muse si ma ɲɔmɔ tɛŋɛ la ka fagabaganu be lawulila lun min na? Kaa, a ma sigi le anu wɔrɔwila bɛ ye dɔndɔ dɔndɔ?»
34Isa ka anu jaabi, a ko: «Mɔgɛnu be fute mala dunuya yan: kaye ni muse futu, muse ni sigi kaye ye. 35Kɔnɔ sinan aligiyama, a te ma ɲɔgɔnna: Ala be mɔgɛ minnu masubɛren, a si wonu lawuli le fagabaganu tɛma, anu ni arijanna masɔtɔ, kɔnɔ kaye te muse futu ɲɔ, muse tugun te sigi kaye ye. 36Anu tini lawuli faga tɔ, a si beeya ko Ala la deŋɛnu yati le mu anu la. Wo butɔ, anu si to iko malekanu, anu te nɔ fagala bitugun. 37Fagabaga tawuli koe, annabi Musa yɛtɛ tugun ka wolo yita mɔ la. Ta be bapɛ min tɔ, a be wo tarigue sɛbɛren ka min na, a be Marige Alatala tɔgɛ yitaren, a ko: Iburahima la Ala, Isiyaka la Ala, anun Yaguba la Ala. #20:37 Taureta Musa, kitabu filaɲɔgɛ, sora 3, haaya 15 fɛlɛ. 38Awa, Ala bele maren fagabaganu le la Ala la, fɔ mɔgɔ balureŋɛnu. Wo ma a yen, han bi anu saba bɛ be baluren Ala ye#20:38 Adun Musa jamanɛ, wo nabiyonmɛ saba bɛ fagata bima, kɔnɔ anu be baluren Ala ye..» 39Sariya karamɔgɛ donu ka Isa jaabi: «Karamɔgɔ, i bata tɔɲa fɔ.» 40Wo kɔma, anu ma suusɛ a maɲininkala fenfen na bitugun.
Dauda nun Ala la mɔgɔ masubɛreŋɛ
41Isa mɛn ka anu maɲininka, a ko: «Mɔgɛnu be a fɔla fenna Ala la mɔgɔ masubɛreŋɛ mu mansa Dauda bɔnsɛ do le la? 42Wo ka a lɔn Dauda yɛtɛ ka a sɛbɛ Jaburu kitabue tɔ, a ko:
Marige Alatala ka a fɔ n Marige ye:
‹Ile na sigi n bolo ɲinma tɔ,
43 han n ni i jaguenu bita,
n ni anu ma i kɛnsɔfeŋɛ la. # 20:43 Jaburu, sora 110, haaya 1 ›
44Awa, Dauda yɛtɛ to ka a fɔ Ala la mɔgɔ masubɛreŋɛ ma ‹Marige›, wo butɔ, a si nɔ mala mansa Dauda bɔnsɛ la kama le?»
I mɛnni koe sariya karamɔgɛnu ma
45Isa ka kuma do fɔ a la talibenu ye, jama bɛ be a tolomasɔren a la, a ko: 46«Wo ni wo yɛtɛ mɛnni sariya karamɔgɛnu la ko ma: wonu la anu matagamanna, doroki banba be lajigiren anu ma, wolo di anu ye; a sɔgɔ si anu bita mɔgɛnu ni anu kɔntɔn jama be madɛnna ka min na; anu tini don kawandi ma boŋɛ butɔ, anu ni sigidula ɲini safa ɲatɔnɛŋɛnu tɔ; ka mɔgɛnu ka anu kele dɔmɔ dɔmɔ koe la, anu ni taga sigi mɔgɔbanu sigidula. 47Anu be furuɲa musenu bolofeŋɛnu bɛ dɔmɔla, anu mɛn be wagati yanfama mala Ala mataraŋɛ la iko anu be Ala kanuren de. Wo butɔ, anu si ɲagankata bɛlɛma doni le min fisa doenu tɛŋɛ ko.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀