Maafiù 10
10
Anyùùŋ màŋjɛ̀wɛ̀ zììyà jɛ̀wɛ̀ tìyèè Jisɛ̀ nyaŋ
(Mài 3.13-19; Luù 6.12-16)
1Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ anyùùŋ maŋjɛ̀wɛ, e kìlà aŋ sùngà wo nyùnɔ̀ɔŋ gbiŋ kuwa e sàaŋ wɔ̀. 2Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ. 3Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀, 4wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.
E tòmò anyùùŋ màŋjɛ̀wɛ̀ Zììyà Jɛ̀wɛ̀ tìyèe nyàŋ
(Mài 6.7-13; Luù 9.1-6)
5Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà. 6Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go. 7Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’ 8Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo. 9Ɓɔ̀ nìŋ koà è gòoò, è kaiŋ fua, ɔ̀ɔ̀ è nɛɛnɛŋ màŋ jifaiŋ màŋ sùà. 10Ɓɔ̀ nìŋ koà wɔ̀ŋ ɓùù nyuùŋ hɔ̀mɔɔŋ è kàaiŋ nɛ̀ sùà, ɓɔ̀ nìŋ koà wɔ̀ŋ kùmà joo, ɓɔ̀ nìŋ koà màŋ ba joo, ɔ̀ɔ̀ kè kuù kàaiŋ. Anyuùŋ tòmo kuwa aŋ yɛ̀mɛ̀ e pààwa nyiŋ nɛ̀ wèè e tòmoɛ̀ àŋ naŋ nyɛ̀nɛ̀ŋ lɛ.
11“Sèè nìŋ kɔ̀à ko jawa ɔ̀ɔ̀ ko vàa gbiŋ, kɔ̀àiŋ niŋ kamè wo nyùnɔ̀ɔŋ do nàŋ nyimèè wèè woiŋ jàà kùàŋ dìì wɔ, yèè nɔ̀ìŋ ko nɛ̀ɛ̀uŋ niìŋ e jeeè sùà niŋ yèwà ko jawa bi. 12Sèè nìŋ kɔ̀à ko gboo gbiŋ, wòoìŋ nààŋ, ‘Ke jii fàa nɔ̀ŋ ko gboo yaà.’ 13Sèè anyùùŋ nyaŋ ko gboo wii àŋ jààìŋ kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ jeè ko gboo bi. Kɛɛ sèè anyùùŋ nyaŋ ko gboo wii gòiŋ jàà kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ kɛɛ̀ ko nɛ̀ɛ̀iŋ niìŋ. 14Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi. 15Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.
E keì nyìngaà yaà hinie lɛ̀
(Mài 13.9-13; Luù 21.12-17)
16“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ. 17Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì. 18Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ. 19Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ. 20Esaɓù kɛ̀, maŋ mìè gbòa màŋ nìŋ do nàŋ nɔ̀ɔ̀ŋ gbuuye màŋ, maŋ naàŋ yìwìè kò nɛ̀ɛ̀iŋ niìŋ. Nìŋ do nàŋ wòò e yèɛ wo Jìnàŋ Dèdaiŋ nɔɔ̀ŋ ko àìjɛnɛ̀ŋ naiŋ woò lɛ.
21“Anyùùŋ do nàŋ mààŋ aŋ wùìya nyiŋ nyàŋ wèè aŋ nyiŋ jìwà, e kìlà aŋ kɛ̀ɛ̀ kòmaŋ do nàŋ mààŋ aŋ jɔ̀à nyiŋ nyàŋ wèè aŋ nyiŋ jìwà. Aŋ jɔ̀à do nàŋ gììyè anyuùŋ kòmaŋ nyiŋ nyàŋ maŋhɛɛ aŋ nyɛ̀nɛ̀ŋ aŋ nyiŋ jìwà. 22Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè. 23Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.
24“Wo kààjɔa kuwà è gààŋ wò do nìàŋ wò kààmɔɔuŋ nɔɔ̀ŋ, e kìlà wo ɗo kuwà è gààŋ wò do nìàŋ wò kɛ̀ɛ̀nɛuŋ nɔɔ̀ŋ. 25Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.
Ɓòò mùŋ naŋ ɓɛ̀nɛ̀ŋ dùaŋ
(Luù 12.2-7)
26“Weètii ɓɔ̀ nìŋ dùàŋ ànyùùŋ. E nɛ̀ɛŋ gbiŋ yaà naàŋ ko nyɛɛnɛŋ lɛ̀, è do nàŋ fòlò ke fòolà, e kìlà anyùùŋ do nàŋ nyìmè e nɛ̀ɛŋ gbiŋ yaà ke gbùnuo sùà lɛ janjai. 27E nɛ̀ɛŋ gbiŋ mìŋ woàìŋ ke nyìwìɛ sùà lɛ, wòoiŋ niŋ maŋ gɔɛɛ janjai, e kìlà e nɛ̀ɛŋ gbiŋ nìŋ naŋ kòmò mìŋ naiŋ woò maŋ wɛwɛɛ sùà lɛ, jòwaìŋ ke saaŋ dìmɛ̀ niŋ ɓaayè ebò bi. 28Ɓɔ̀ nìŋ dùàŋ ànyùùŋ nyaŋ jiwe ke kpùnaàŋ nyaŋ, kɛɛ eɓìèmàŋjɛ̀wɛ̀ tii aŋ fè ɓɛ̀nɛ̀ŋ jìwà wɔ̀ŋ nyììŋ jinàaŋ. Kɛɛ dùaìŋ wo Dayà, wo yèɔ pɔɔpɔ̀ɔ̀ ke kpùnaàŋ yaà wɔŋ nyììŋ jinàaŋ ko jàhamaŋ wɔ̀. 29Àŋ maàŋ aŋ dùùm nyɛ̀ɛ̀ tìyèe wèè ke kàpàà guùŋ. Kɛɛ wo Dèdaiŋ nɔɔ̀ŋ ko àìjɛnɛ̀ŋ nyìmàŋ e teengaà wò bà guùŋ gbiŋ pɛɛ sɔɔ ko dììnaŋ lɛ̀. 30Sèè è nɔ̀ŋ wèè muàŋ, e ɗì duum nɛ̀ pɛɛ ko ɗì muìŋ è yaà kpɛ̀nɛŋ niŋ. 31E jùù ɓɔ̀ è nyɛ̀nɛ̀iŋ, nìŋ kuwa sɔ̀ngɔ e nìàŋ aŋ duùm nyɛɛ̀ zimgbe.
Anyuùŋ haawè yèè anyùùŋ nyaŋ nààŋ gò hààwè Kulaì nyaŋ
(Luù 12.8, 9)
32“Anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ àŋ yaà aŋ bàimbà nyaŋ, miàŋ pɛɛ mìŋ do wa nàwèè nàŋ wòò ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ kɛ̀ àŋ yaà anyùùŋ màŋjɛ̀wɛ̀im. 33Kɛɛ anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ aŋ nyimààìm nyaŋ, miàŋ pɛɛ mìŋ do wa nàwèè nàŋ woò mìàŋ miŋ nyimààŋ nyìŋ ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ.
Wo Jisɛ̀ naŋ hìɛ̀ŋ e kpàànè kpaane anyùùŋ fèemàŋ, kɛɛ e fè kè jii fàa
(Luù 12.51-53; 14.26, 27)
34“Ɓɔ̀ nìŋ gongò kɛ̀ mìŋ naŋ hnè wèè ka hìàŋ ke jii fàa koɓɛ̀ anyùùŋ nyaŋ e ɗuunyaàŋ, mìŋ naŋ hnè wèè ka hìàŋ e kpàànè kpaane. 35Mìŋ naŋ hnè wèè ka nyɛ̀nɛ̀ŋ aŋ jɔ̀àfelaa aŋ gììyà aŋ dèda nyiŋ nyàŋ maŋhɛɛ, aŋ jɔ̀àjɔùŋ aŋ gììyà aŋ yèye nyiŋ nyàŋ maŋhɛɛ, aŋ jàwèjɔ̀à aŋ gììyà aŋ nemaaŋ nyiŋ nyàŋ maŋhɛɛ. 36Aŋ jòò sɛ̀tanàum nyàŋ do nàŋ fòlò ke kpòò muàŋ biɛ̀ sùà.
37“Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. 38Sèè nìŋ go ɓèmè wɔŋ vànèkpaaiŋ nɔɔ̀ŋ yèè naŋ dè kè kpèè miɛ̀ŋ màŋjɛ̀wɛ, kɛ̀ niŋ fè tɛ̀ɛ̀ wèè naŋ nɔ̀ŋ anyùùŋ màŋjɛ̀wɛ̀im. 39Wo nyùnɔ̀ɔŋ gbiŋ kamàŋ ɗewe wèè wo jòèyè wɔŋ nyiiuŋ nɔɔ̀ŋ wɔ, wɔ̀ŋ douŋ nàŋ gbɛ̀nɛ̀ŋ wèè julɔfɔ. Kɛɛ wo nyùnɔ̀ɔŋ gbiŋ naim haawè yèè wò naŋ nyimèè wèè wo fà wèè esaɓù mɛ̀ wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.
E jìwààjɛ̀wɛ̀
(Mài 9.41)
40“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì. 41Wo nyùnɔ̀ɔŋ gbiŋ naŋ jàà wo wɛ̀ijì kùàŋ dìì wɔ, esaɓù kɛ̀ wò nyùùŋ wii wò yaà wo kèèlà Dayà, wò do naŋ yɛ̀mɛ̀ e jìwààjɛ̀wɛ̀ guùŋ nɛ̀ wò wɛ̀ijìɔ dò naŋ yɛmɛ̀ lɛ. Wo nyùnɔ̀ɔŋ gbiŋ jaa wo nyùùŋ tɔ̀ɔ̀nyaàŋ kùàŋ dìì wɔ, esaɓù kɛ̀ wo nyùùŋ wii wò yaà e tɔ̀ɔ̀nyaàŋ, wò do naŋ yɛ̀mɛ̀ e jìwààjɛ̀wɛ̀ guùŋ nɛ wo nyùùŋ tɔ̀ɔ̀nyaàaŋ do nàŋ yɛmɛ̀ lɛ. 42Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”
Àwon tá yàn lọ́wọ́lọ́wọ́ báyìí:
Maafiù 10: WFESD
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Gola New Testament Translation and Literacy Project © Bible Society in Liberia, 2019.
Maafiù 10
10
Anyùùŋ màŋjɛ̀wɛ̀ zììyà jɛ̀wɛ̀ tìyèè Jisɛ̀ nyaŋ
(Mài 3.13-19; Luù 6.12-16)
1Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ anyùùŋ maŋjɛ̀wɛ, e kìlà aŋ sùngà wo nyùnɔ̀ɔŋ gbiŋ kuwa e sàaŋ wɔ̀. 2Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ. 3Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀, 4wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.
E tòmò anyùùŋ màŋjɛ̀wɛ̀ Zììyà Jɛ̀wɛ̀ tìyèe nyàŋ
(Mài 6.7-13; Luù 9.1-6)
5Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà. 6Kɛɛ kɔ̀àìŋ nɔŋ koɓɛ̀ anyùùŋ nyaŋ ko Ezɔ̀ɛ̀, aŋ yè nyaŋ naŋ fè Dayà jɛwɛ nyàŋ, esaɓù kɛ̀ àŋ yaà mààŋ aŋ ɓaawaa naŋ go. 7Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’ 8Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo. 9Ɓɔ̀ nìŋ koà è gòoò, è kaiŋ fua, ɔ̀ɔ̀ è nɛɛnɛŋ màŋ jifaiŋ màŋ sùà. 10Ɓɔ̀ nìŋ koà wɔ̀ŋ ɓùù nyuùŋ hɔ̀mɔɔŋ è kàaiŋ nɛ̀ sùà, ɓɔ̀ nìŋ koà wɔ̀ŋ kùmà joo, ɓɔ̀ nìŋ koà màŋ ba joo, ɔ̀ɔ̀ kè kuù kàaiŋ. Anyuùŋ tòmo kuwa aŋ yɛ̀mɛ̀ e pààwa nyiŋ nɛ̀ wèè e tòmoɛ̀ àŋ naŋ nyɛ̀nɛ̀ŋ lɛ.
11“Sèè nìŋ kɔ̀à ko jawa ɔ̀ɔ̀ ko vàa gbiŋ, kɔ̀àiŋ niŋ kamè wo nyùnɔ̀ɔŋ do nàŋ nyimèè wèè woiŋ jàà kùàŋ dìì wɔ, yèè nɔ̀ìŋ ko nɛ̀ɛ̀uŋ niìŋ e jeeè sùà niŋ yèwà ko jawa bi. 12Sèè nìŋ kɔ̀à ko gboo gbiŋ, wòoìŋ nààŋ, ‘Ke jii fàa nɔ̀ŋ ko gboo yaà.’ 13Sèè anyùùŋ nyaŋ ko gboo wii àŋ jààìŋ kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ jeè ko gboo bi. Kɛɛ sèè anyùùŋ nyaŋ ko gboo wii gòiŋ jàà kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ kɛɛ̀ ko nɛ̀ɛ̀iŋ niìŋ. 14Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi. 15Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.
E keì nyìngaà yaà hinie lɛ̀
(Mài 13.9-13; Luù 21.12-17)
16“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ. 17Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì. 18Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ. 19Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ. 20Esaɓù kɛ̀, maŋ mìè gbòa màŋ nìŋ do nàŋ nɔ̀ɔ̀ŋ gbuuye màŋ, maŋ naàŋ yìwìè kò nɛ̀ɛ̀iŋ niìŋ. Nìŋ do nàŋ wòò e yèɛ wo Jìnàŋ Dèdaiŋ nɔɔ̀ŋ ko àìjɛnɛ̀ŋ naiŋ woò lɛ.
21“Anyùùŋ do nàŋ mààŋ aŋ wùìya nyiŋ nyàŋ wèè aŋ nyiŋ jìwà, e kìlà aŋ kɛ̀ɛ̀ kòmaŋ do nàŋ mààŋ aŋ jɔ̀à nyiŋ nyàŋ wèè aŋ nyiŋ jìwà. Aŋ jɔ̀à do nàŋ gììyè anyuùŋ kòmaŋ nyiŋ nyàŋ maŋhɛɛ aŋ nyɛ̀nɛ̀ŋ aŋ nyiŋ jìwà. 22Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè. 23Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.
24“Wo kààjɔa kuwà è gààŋ wò do nìàŋ wò kààmɔɔuŋ nɔɔ̀ŋ, e kìlà wo ɗo kuwà è gààŋ wò do nìàŋ wò kɛ̀ɛ̀nɛuŋ nɔɔ̀ŋ. 25Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.
Ɓòò mùŋ naŋ ɓɛ̀nɛ̀ŋ dùaŋ
(Luù 12.2-7)
26“Weètii ɓɔ̀ nìŋ dùàŋ ànyùùŋ. E nɛ̀ɛŋ gbiŋ yaà naàŋ ko nyɛɛnɛŋ lɛ̀, è do nàŋ fòlò ke fòolà, e kìlà anyùùŋ do nàŋ nyìmè e nɛ̀ɛŋ gbiŋ yaà ke gbùnuo sùà lɛ janjai. 27E nɛ̀ɛŋ gbiŋ mìŋ woàìŋ ke nyìwìɛ sùà lɛ, wòoiŋ niŋ maŋ gɔɛɛ janjai, e kìlà e nɛ̀ɛŋ gbiŋ nìŋ naŋ kòmò mìŋ naiŋ woò maŋ wɛwɛɛ sùà lɛ, jòwaìŋ ke saaŋ dìmɛ̀ niŋ ɓaayè ebò bi. 28Ɓɔ̀ nìŋ dùàŋ ànyùùŋ nyaŋ jiwe ke kpùnaàŋ nyaŋ, kɛɛ eɓìèmàŋjɛ̀wɛ̀ tii aŋ fè ɓɛ̀nɛ̀ŋ jìwà wɔ̀ŋ nyììŋ jinàaŋ. Kɛɛ dùaìŋ wo Dayà, wo yèɔ pɔɔpɔ̀ɔ̀ ke kpùnaàŋ yaà wɔŋ nyììŋ jinàaŋ ko jàhamaŋ wɔ̀. 29Àŋ maàŋ aŋ dùùm nyɛ̀ɛ̀ tìyèe wèè ke kàpàà guùŋ. Kɛɛ wo Dèdaiŋ nɔɔ̀ŋ ko àìjɛnɛ̀ŋ nyìmàŋ e teengaà wò bà guùŋ gbiŋ pɛɛ sɔɔ ko dììnaŋ lɛ̀. 30Sèè è nɔ̀ŋ wèè muàŋ, e ɗì duum nɛ̀ pɛɛ ko ɗì muìŋ è yaà kpɛ̀nɛŋ niŋ. 31E jùù ɓɔ̀ è nyɛ̀nɛ̀iŋ, nìŋ kuwa sɔ̀ngɔ e nìàŋ aŋ duùm nyɛɛ̀ zimgbe.
Anyuùŋ haawè yèè anyùùŋ nyaŋ nààŋ gò hààwè Kulaì nyaŋ
(Luù 12.8, 9)
32“Anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ àŋ yaà aŋ bàimbà nyaŋ, miàŋ pɛɛ mìŋ do wa nàwèè nàŋ wòò ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ kɛ̀ àŋ yaà anyùùŋ màŋjɛ̀wɛ̀im. 33Kɛɛ anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ aŋ nyimààìm nyaŋ, miàŋ pɛɛ mìŋ do wa nàwèè nàŋ woò mìàŋ miŋ nyimààŋ nyìŋ ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ.
Wo Jisɛ̀ naŋ hìɛ̀ŋ e kpàànè kpaane anyùùŋ fèemàŋ, kɛɛ e fè kè jii fàa
(Luù 12.51-53; 14.26, 27)
34“Ɓɔ̀ nìŋ gongò kɛ̀ mìŋ naŋ hnè wèè ka hìàŋ ke jii fàa koɓɛ̀ anyùùŋ nyaŋ e ɗuunyaàŋ, mìŋ naŋ hnè wèè ka hìàŋ e kpàànè kpaane. 35Mìŋ naŋ hnè wèè ka nyɛ̀nɛ̀ŋ aŋ jɔ̀àfelaa aŋ gììyà aŋ dèda nyiŋ nyàŋ maŋhɛɛ, aŋ jɔ̀àjɔùŋ aŋ gììyà aŋ yèye nyiŋ nyàŋ maŋhɛɛ, aŋ jàwèjɔ̀à aŋ gììyà aŋ nemaaŋ nyiŋ nyàŋ maŋhɛɛ. 36Aŋ jòò sɛ̀tanàum nyàŋ do nàŋ fòlò ke kpòò muàŋ biɛ̀ sùà.
37“Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. 38Sèè nìŋ go ɓèmè wɔŋ vànèkpaaiŋ nɔɔ̀ŋ yèè naŋ dè kè kpèè miɛ̀ŋ màŋjɛ̀wɛ, kɛ̀ niŋ fè tɛ̀ɛ̀ wèè naŋ nɔ̀ŋ anyùùŋ màŋjɛ̀wɛ̀im. 39Wo nyùnɔ̀ɔŋ gbiŋ kamàŋ ɗewe wèè wo jòèyè wɔŋ nyiiuŋ nɔɔ̀ŋ wɔ, wɔ̀ŋ douŋ nàŋ gbɛ̀nɛ̀ŋ wèè julɔfɔ. Kɛɛ wo nyùnɔ̀ɔŋ gbiŋ naim haawè yèè wò naŋ nyimèè wèè wo fà wèè esaɓù mɛ̀ wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.
E jìwààjɛ̀wɛ̀
(Mài 9.41)
40“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì. 41Wo nyùnɔ̀ɔŋ gbiŋ naŋ jàà wo wɛ̀ijì kùàŋ dìì wɔ, esaɓù kɛ̀ wò nyùùŋ wii wò yaà wo kèèlà Dayà, wò do naŋ yɛ̀mɛ̀ e jìwààjɛ̀wɛ̀ guùŋ nɛ̀ wò wɛ̀ijìɔ dò naŋ yɛmɛ̀ lɛ. Wo nyùnɔ̀ɔŋ gbiŋ jaa wo nyùùŋ tɔ̀ɔ̀nyaàŋ kùàŋ dìì wɔ, esaɓù kɛ̀ wo nyùùŋ wii wò yaà e tɔ̀ɔ̀nyaàŋ, wò do naŋ yɛ̀mɛ̀ e jìwààjɛ̀wɛ̀ guùŋ nɛ wo nyùùŋ tɔ̀ɔ̀nyaàaŋ do nàŋ yɛmɛ̀ lɛ. 42Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Gola New Testament Translation and Literacy Project © Bible Society in Liberia, 2019.