UMOZHIGO 1
1
Iyi nɛ Agwatana karɛ
1Aka na Agwatana karɛ azuba keeni unyizo nu umozhigo.#Jon 1:1 2Unyizo namɛ bohondo uzawa iyi ye elele, meni na mi iri mu urigeni ofwo elele, ofwo elele kaa shɛ tishi kpirim, ibɛ Mpiala ma Agwatana mo rungo na azuba meni.
Ụjita Uhiiŋ
3Nazhɛ Agwatana hiɛŋ, Go uhioko-uhwaŋna nama, nazhɛ uhioko-uhwaŋna namɛ.#2 Kor 4:6 4Ta Agwatana kwụbɛ maa uhioko-uhwaŋna ata zhɛmɛ, boo bogwu uhioko-uhwaŋna ne tishi. 5Agwatana po uhioko-uhwaŋna izeci maa uwaŋna, boo po tishi izeci maa ụjita. Ụrụmɛ namba, uvwungwa kaa namba, ụjita uhiiŋ ta.
Ụjita uyebi
6Nazhɛ Agwatana hiɛŋ, ga araranga nama na ashashɛ maa e shiri ogwungwu ne meni ma azuba na mu na mɛ cɛnjɛ.#2 Pita 3:5 7Agwatana ga njɛ araranga ata, bee shiri ogwungwu na ashashɛ meni mu na mu namɛ na cɛnjɛ tuta ta araranga ata, ne meni mu na mu namɛ na azuba araranga ata. Yaa shɛ ga gana ata. 8Nazhɛ Agwatana po araranga ata izeci maa tụla. Ụrụmɛ namba, uvwungwa kaa namba, ụjita uyebi ta.
Ụjita Ụtatụ
9Nazhɛ Agwatana hiɛŋ, Ge meni mu na mu namɛ tuta ta azuba mu sutono urubwo uko, maa cɛnjɛ tu hwoo tu banɛ. Yaa shɛ ga gana ata. 10Nazhɛ Agwatana po cɛnjɛ ta ata tu hwoo izeci maa Cɛnjɛ tu unyizo, boo po meni ma ata bee suteni urubwo uko izeci maa Ntokwu. Agwatana kwụbɛ maa i zhɛmɛ.
11Nazhɛ Agwatana hiɛŋ, Ga ambɛ, ni i'w'ɛwɛ ye elele nɛ 'yajɛ izɛgwu keeni inɛɛ nɛ ya 'wala unshɛ na cɛnjɛ. Yaa shɛ ga gana ata. 12Ibɛ po ambɛ unshɛ na cɛnjɛ keeni i'wɛ'wɛ ye elele nɛ 'yajɛ izɛgwu. Agwatana kwụbɛ maa i zhɛmɛ. 13Ụrụmɛ namba, uvwungwa namba, ụjita ụtatụ ta.
Ụjita Uneshi
14Nazhɛ Agwatana hiɛŋ, Ge iyi nɛ ya pana uhioko-uhwaŋna nama na tụla, maa i bogwu uwaŋna nụ ụjita, maa i nama apata iwɛ aka, ti iwɛ ushwo, ti iwɛ uvwaza, ti iwɛ iyi-tuholo keeni iwɛ shiywa. 15Ga i nama apata maa i shɛ uhioko-uhwaŋna na tụla, maa i no hiokono unyizo uhwaŋna. Yaa shɛ ga gana ata. 16Nazhɛ Agwatana njɛ ga iyi i'wɛtwɛ iyebi nɛ ya pana uhioko-uhwaŋna, maa ga inɛ i'wɛtwɛ 'yaga ụhwada iyi-tuholo, maa tuba inɛ gwumwa 'yaga ụhwada iyi-turumono; baa njɛ du mkpasu. 17Agwatana tileni iŋ na tụla ta ata maa i no hiokono unyizo uhwaŋna, 18iwɛ maa i 'yaga ụhwada uwaŋna nụ ụjita, maa i bogwu uhioko-uhwaŋna ne tishi, Agwatana kwụbɛ maa i zhɛmɛ. 19Ụrụmɛ namba, uvwungwa namba, ụjita uneshi ta.
Ụjita Utana
20Nazhɛ Agwatana hiɛŋ, Ge iyi-uumwa swoswoswo shini ne meni, ga shanụnụ shɛ na hila na azuba. 21Agwatana karɛ sasana edegbe a'wụtụ, a na zweni ni itekwu ɛtɛ, ti iyi-uumwa swoswoswo nɛ ya nda bulama, nɛ shini na amɛ meni, ta shanụnụ swoswoswo, Agwatana kwụbɛ maa i zhɛmɛ. 22Nazhɛ Agwatana peni iŋ uwebiye hwɛɛ, bɛɛ hiɛŋ, Ge iyi-uumwa nɛ zweni ne meni na mata duwa maa i shini itekwu. Bɛɛ hiɛŋ, Ga shanụnụ shɛ na kaana ufwugwo tugombo na cɛnjɛ tu unyizo. 23Ụrụmɛ namba, uvwungwa kaa namba, ụjita utana ta.
Ụjita Ucihiŋ
24Nazhɛ Agwatana hiɛŋ, Ge iyi-uumwa swoswoswo nama na cɛnjɛ, ibɛ shɛ iyimabiga, ti iyi nɛ yo hombilo, ti isundɛ ehilo. Yaa shɛ ga gana ata. 25Agwatana karɛ iyi-uumwa swoswoswo, ti iyimabiga, ti iyi ye elele nɛ yo hombilo na cɛnjɛ, Agwatana kwụbɛ maa i zhɛmɛ.
26Nazhɛ Agwatana hiɛŋ, Mizha tɛ njɛ ma bụtụ nụ ụsụbwa tu, maa ma tụ sụba, aba zhɛ a 'yaga ụhwada ijɛnɛ, ta shanụnụ, ti iyimabiga, ti iyi cɛnjɛ kpaaŋ keeni iyi nɛ yo hombilo na cɛnjɛ.#1 Kor 11:7
27Gabata Agwatana karɛ ga butubwenyi ne biyikwo a na sụbɛ bụ ni ikɛnyi ibwɛ.#Umoz 5:1,2; Mat 19:4; Mak 10:6; Kolo 3:10; Jem 3:9 28Nazhɛ Agwatana peni aŋ uwebiye, bɛɛ hiɛŋ, Na mata ma miaụŋ duwa maa hi na kaana ufwugwo, iwɛ maa ajalalo hiŋ shini unyizo ga, maa hi leshegeji uŋ. 'Yaga ma ụhwada ijɛnɛ, na shanụnụ keeni iyi nɛ ya hwungwa nɛ ya nda bulama na cɛnjɛ tu unyizo. 29Nazhɛ Agwatana hiɛŋ, N hi peni i'wɛ'wɛ ye elele nɛ ya 'wala nɛ 'yajɛ izɛgwu na amɛ ibɛ, iyimɛyɛ hiŋ tɛ. 30N hi peni isundɛ ehilo ye elele, ti iyi elele nɛ yo hombilo keeni shanụnụ she elele, ta ambɛ, ta abụba i'wɛ'wɛ maa hi na ya. Yaa shɛ ga gana ata. 31Agwatana kwụbɛ iyi elele nɛ baa njɛ maa i zhɛmɛ tebiye. Ụrụmɛ namba, uvwungwa namba, ụjita ucihiŋ ta.
Àwon tá yàn lọ́wọ́lọ́wọ́ báyìí:
UMOZHIGO 1: RBT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Rubassa Bible © Bible Society of Nigeria, 2008
UMOZHIGO 1
1
Iyi nɛ Agwatana karɛ
1Aka na Agwatana karɛ azuba keeni unyizo nu umozhigo.#Jon 1:1 2Unyizo namɛ bohondo uzawa iyi ye elele, meni na mi iri mu urigeni ofwo elele, ofwo elele kaa shɛ tishi kpirim, ibɛ Mpiala ma Agwatana mo rungo na azuba meni.
Ụjita Uhiiŋ
3Nazhɛ Agwatana hiɛŋ, Go uhioko-uhwaŋna nama, nazhɛ uhioko-uhwaŋna namɛ.#2 Kor 4:6 4Ta Agwatana kwụbɛ maa uhioko-uhwaŋna ata zhɛmɛ, boo bogwu uhioko-uhwaŋna ne tishi. 5Agwatana po uhioko-uhwaŋna izeci maa uwaŋna, boo po tishi izeci maa ụjita. Ụrụmɛ namba, uvwungwa kaa namba, ụjita uhiiŋ ta.
Ụjita uyebi
6Nazhɛ Agwatana hiɛŋ, ga araranga nama na ashashɛ maa e shiri ogwungwu ne meni ma azuba na mu na mɛ cɛnjɛ.#2 Pita 3:5 7Agwatana ga njɛ araranga ata, bee shiri ogwungwu na ashashɛ meni mu na mu namɛ na cɛnjɛ tuta ta araranga ata, ne meni mu na mu namɛ na azuba araranga ata. Yaa shɛ ga gana ata. 8Nazhɛ Agwatana po araranga ata izeci maa tụla. Ụrụmɛ namba, uvwungwa kaa namba, ụjita uyebi ta.
Ụjita Ụtatụ
9Nazhɛ Agwatana hiɛŋ, Ge meni mu na mu namɛ tuta ta azuba mu sutono urubwo uko, maa cɛnjɛ tu hwoo tu banɛ. Yaa shɛ ga gana ata. 10Nazhɛ Agwatana po cɛnjɛ ta ata tu hwoo izeci maa Cɛnjɛ tu unyizo, boo po meni ma ata bee suteni urubwo uko izeci maa Ntokwu. Agwatana kwụbɛ maa i zhɛmɛ.
11Nazhɛ Agwatana hiɛŋ, Ga ambɛ, ni i'w'ɛwɛ ye elele nɛ 'yajɛ izɛgwu keeni inɛɛ nɛ ya 'wala unshɛ na cɛnjɛ. Yaa shɛ ga gana ata. 12Ibɛ po ambɛ unshɛ na cɛnjɛ keeni i'wɛ'wɛ ye elele nɛ 'yajɛ izɛgwu. Agwatana kwụbɛ maa i zhɛmɛ. 13Ụrụmɛ namba, uvwungwa namba, ụjita ụtatụ ta.
Ụjita Uneshi
14Nazhɛ Agwatana hiɛŋ, Ge iyi nɛ ya pana uhioko-uhwaŋna nama na tụla, maa i bogwu uwaŋna nụ ụjita, maa i nama apata iwɛ aka, ti iwɛ ushwo, ti iwɛ uvwaza, ti iwɛ iyi-tuholo keeni iwɛ shiywa. 15Ga i nama apata maa i shɛ uhioko-uhwaŋna na tụla, maa i no hiokono unyizo uhwaŋna. Yaa shɛ ga gana ata. 16Nazhɛ Agwatana njɛ ga iyi i'wɛtwɛ iyebi nɛ ya pana uhioko-uhwaŋna, maa ga inɛ i'wɛtwɛ 'yaga ụhwada iyi-tuholo, maa tuba inɛ gwumwa 'yaga ụhwada iyi-turumono; baa njɛ du mkpasu. 17Agwatana tileni iŋ na tụla ta ata maa i no hiokono unyizo uhwaŋna, 18iwɛ maa i 'yaga ụhwada uwaŋna nụ ụjita, maa i bogwu uhioko-uhwaŋna ne tishi, Agwatana kwụbɛ maa i zhɛmɛ. 19Ụrụmɛ namba, uvwungwa namba, ụjita uneshi ta.
Ụjita Utana
20Nazhɛ Agwatana hiɛŋ, Ge iyi-uumwa swoswoswo shini ne meni, ga shanụnụ shɛ na hila na azuba. 21Agwatana karɛ sasana edegbe a'wụtụ, a na zweni ni itekwu ɛtɛ, ti iyi-uumwa swoswoswo nɛ ya nda bulama, nɛ shini na amɛ meni, ta shanụnụ swoswoswo, Agwatana kwụbɛ maa i zhɛmɛ. 22Nazhɛ Agwatana peni iŋ uwebiye hwɛɛ, bɛɛ hiɛŋ, Ge iyi-uumwa nɛ zweni ne meni na mata duwa maa i shini itekwu. Bɛɛ hiɛŋ, Ga shanụnụ shɛ na kaana ufwugwo tugombo na cɛnjɛ tu unyizo. 23Ụrụmɛ namba, uvwungwa kaa namba, ụjita utana ta.
Ụjita Ucihiŋ
24Nazhɛ Agwatana hiɛŋ, Ge iyi-uumwa swoswoswo nama na cɛnjɛ, ibɛ shɛ iyimabiga, ti iyi nɛ yo hombilo, ti isundɛ ehilo. Yaa shɛ ga gana ata. 25Agwatana karɛ iyi-uumwa swoswoswo, ti iyimabiga, ti iyi ye elele nɛ yo hombilo na cɛnjɛ, Agwatana kwụbɛ maa i zhɛmɛ.
26Nazhɛ Agwatana hiɛŋ, Mizha tɛ njɛ ma bụtụ nụ ụsụbwa tu, maa ma tụ sụba, aba zhɛ a 'yaga ụhwada ijɛnɛ, ta shanụnụ, ti iyimabiga, ti iyi cɛnjɛ kpaaŋ keeni iyi nɛ yo hombilo na cɛnjɛ.#1 Kor 11:7
27Gabata Agwatana karɛ ga butubwenyi ne biyikwo a na sụbɛ bụ ni ikɛnyi ibwɛ.#Umoz 5:1,2; Mat 19:4; Mak 10:6; Kolo 3:10; Jem 3:9 28Nazhɛ Agwatana peni aŋ uwebiye, bɛɛ hiɛŋ, Na mata ma miaụŋ duwa maa hi na kaana ufwugwo, iwɛ maa ajalalo hiŋ shini unyizo ga, maa hi leshegeji uŋ. 'Yaga ma ụhwada ijɛnɛ, na shanụnụ keeni iyi nɛ ya hwungwa nɛ ya nda bulama na cɛnjɛ tu unyizo. 29Nazhɛ Agwatana hiɛŋ, N hi peni i'wɛ'wɛ ye elele nɛ ya 'wala nɛ 'yajɛ izɛgwu na amɛ ibɛ, iyimɛyɛ hiŋ tɛ. 30N hi peni isundɛ ehilo ye elele, ti iyi elele nɛ yo hombilo keeni shanụnụ she elele, ta ambɛ, ta abụba i'wɛ'wɛ maa hi na ya. Yaa shɛ ga gana ata. 31Agwatana kwụbɛ iyi elele nɛ baa njɛ maa i zhɛmɛ tebiye. Ụrụmɛ namba, uvwungwa namba, ụjita ucihiŋ ta.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Rubassa Bible © Bible Society of Nigeria, 2008