ԾՆՈՒՆԴՔ Գլուխ Բ

Գլուխ Բ

1 Եւ կատարեցան երկինք եւ երկիր եւ ամենայն զարդ նոցա։ 2Եւ կատարեաց Աստուած յաւուրն #2։2 Եբր. եւթներորդիվեցերորդի զգործս իւր զոր արար, եւ հանգեաւ յաւուրն եւթներորդի յամենայն գործոց իւրոց զոր արար։ 3Եւ օրհնեաց Աստուած զօրն եւթներորդ եւ սրբեաց զնա, զի ի նմա հանգեաւ յամենայն գործոց իւրոց զոր սկսաւ առնել Աստուած։

4Այս #2։4 Եբր. են ծնունդքէ գիր արարածոց՝՝ երկնի եւ #2։4 Եբր. երկրի, յորժամ արարան նոքա,երկրի յաւուր յորում արար Աստուած զերկինս եւ զերկիր։ 5Եւ զամենայն բանջար վայրի՝ մինչչեւ լեալ էր ի վերայ երկրի, եւ զամենայն խոտ վայրի մինչչեւ բուսեալ էր, զի չեւ եւս էր տեղացեալ Տեառն Աստուծոյ ի վերայ երկրի. եւ մարդ չէր որ գործէր զերկիր։ 6Բայց #2։6 Եբր. շոգիաղբեւր ելանէր յերկրէ եւ ոռոգանէր զամենայն երեսս երկրի։ 7Եւ ստեղծ Տէր Աստուած զմարդն հող յերկրէ. եւ փչեաց #2։7 Եբր. յռնգունսյերեսս նորա շունչ կենդանի, եւ եղեւ մարդն հոգի կենդանի։

8Եւ տնկեաց #2։8 Եբր. Տէր Աստուած դրախտԱստուած զդրախտն՝՝ յԵդեմ ընդ արեւելս, եւ եդ անդ զմարդն զոր ստեղծ։ 9Եւ բուսոյց եւս Տէր Աստուած յերկրէ զամենայն ծառ գեղեցիկ ի տեսանել եւ քաղցր ի կերակուր, եւ զծառն կենաց ի մէջ դրախտին, եւ զծառն գիտելոյ զգիտութիւն բարւոյ եւ չարի։ 10Եւ գետ ելանէր յԵդեմայ ոռոգանել զդրախտն. եւ անտի բաժանի ի չորս առաջս։ 11Անուն միումն Փիսովն. նա է որ պատէ զամենայն երկիրն Եւիլատայ, անդ ուր ոսկին է։ 12Եւ ոսկի երկրին այնորիկ ազնիւ. եւ անդ է սուտակն եւ ակն դահանակ։ 13Եւ անուն գետոյն երկրորդի Գեհովն. նա պատէ զամենայն երկիրն #2։13 Եբր. ՔուշայԵթովպացւոց։ 14Եւ գետն երրորդ՝ Տիգրիս, նա է որ երթայ #2։14 Կամ յարեւելսյանդիման Ասորեստանի։ Եւ գետն չորրորդ Եփրատէս։ 15Եւ առ Տէր Աստուած զմարդն զոր արար, եւ եդ զնա ի դրախտին #2։15 Եբր. Եդեմայփափկութեան գործել զնա եւ պահել։ 16Եւ պատուիրեաց Տէր Աստուած Ադամայ եւ ասէ. Յամենայն ծառոց որ է ի դրախտիդ՝ ուտելով կերիցես։ 17Բայց ի ծառոյն գիտութեան բարւոյ եւ չարի՝ մի՛ ուտիցէք, զի յորում աւուր #2։17 Եբր. ուտիցես ի նմանէուտիցէք ի նմանէ՝՝ մահու #2։17 Եբր. մեռանիցիսմեռանիցիք։

18Եւ ասաց Տէր Աստուած. Ոչ է բարւոք մարդոյդ միայն լինել, #2։18 Եբր. արարիցարասցուք դմա օգնական ըստ դմա։ 19Եւ ստեղծ եւս Տէր Աստուած #2։19 Եբրայեցին յաւելու՝ ի հողոյզամենայն գազանս վայրի եւ զամենայն թռչունս երկնից. եւ ած զնոսա առ Ադամ տեսանել զինչ կոչեսցէ զնոսա. եւ ամենայն շնչոյ կենդանւոյ զինչ եւ անուանեաց Ադամ, այն անուն է նորա։ 20Եւ կոչեաց Ադամ անուանս ամենայն անասնոց, եւ ամենայն թռչնոց երկնից, եւ ամենայն գազանաց վայրի. բայց Ադամայ ոչ գտաւ օգնական նման նմա։ 21Եւ արկ Տէր Աստուած թմբրութիւն ի վերայ Ադամայ, եւ ննջեաց. եւ առ մի ի կողից նորա եւ ելից ընդ այնր մարմին։ 22Եւ շինեաց Տէր Աստուած զկողն զոր առ յԱդամայ ի կին, եւ ած զնա առ Ադամ։ 23Եւ ասէ Ադամ. Այս այժմիկ ոսկր յոսկերաց իմոց եւ մարմին ի մարմնոյ իմմէ. սա կոչեսցի #2։23 Եբր. ԻշշաԿին, զի #2։23 Եբր. իշյառնէ #2։23 ՅԵբր. պակասէիւրմէ առաւ։ 24Վասն այնորիկ թողցէ այր զհայր իւր եւ զմայր իւր, եւ երթիցէ զհետ կնոջ իւրոյ, եւ եղիցին երկուքն ի մարմին մի։ 25Եւ էին երկոքեան մերկ, Ադամ եւ կին իւր, եւ ոչ ամաչէին։

Àwon tá yàn lọ́wọ́lọ́wọ́ báyìí:

ԾՆՈՒՆԴՔ Գլուխ Բ: ԳՐԲ1895

Ìsàmì-sí

Pín

Daako