Matio 16
16
Pà farisay lâ pà sadukay ne ńzɛ́te tà’a nò mmɔɔn mmɔɔn
(Malékuse 8.11-13; Lukase 12.54-56)
1Pà *farisay lâ pà *sadukay tó ńzẅí’ ncwò Yěsô, ńzɛ́te yé ngie à nyɛɛ wɔ́b liŋé gie á la’te ngie Ssé zɔ túmo yé. 2Yěsô tsɔ́’ɔ mbwó pɔ́b ngie: Á gʉa ncwò nzém gẅie lefaŋ é selé ḿbaŋ pi gɔɔn ngie: Njÿó ge lʉ́a àlyɛ’ɛ́ lá’ zɔ́g ḿboŋ. 3Á gwɔ́ mba’ámba’ gẅie lefaŋ é pǎŋ sîŋ sǐŋ pi gɔɔn ngie: Àlyɛ’ɛ́ lá’ té ge zɔ́g poŋ wɔ́. Pi gwɔ́ tà ńdíe lefaŋ, ńgwóon ńzsé pá’ àlyɛ’ɛ́ lá’ ge gÿo gwɔ́ pú’u, tá ńgʉa nà shúm sie e Ssé ne ńnyɛɛ fʉ̀’ɔɔn pi tè zsé mmó gie sɛ̌ shúm lɔgɔ ńgɔɔn wɔ́ mélà’a kɔ́? 4Pʉ̀a pie ee tsɛ̀ɛ njyó fʉ’ɔɔn pie ée pʉ̀a tepòŋ, ḿbiŋ ńké ne ńtʉʉ twó mbwó Ssé tʉ ne ńzɛ́te ngie: Mèŋ n nyɛɛ liŋé. Tá mé té ge nyɛɛ wɔ́b tsɔ́ mmó wɔ́, tà ńdí ndà’ nò gie á la gÿo Jonase. Yěsô gɔɔn pú’u, ńnyé wɔ́b jʉ’ó ńgʉa.
Mvòŋ pà farisay lâ pà sadukay
(Malékuse 8.14-21)
5 *Ngàŋa kwò Yěsô gÿo ńtúm letʉŋ yɔ́b, ńgwaa túm, ńdege té pí mbelég. 6Yěsô gÿo ne ńgɔɔn né pɔ́b ngie: Pi laga twó gí, ḿbɔ́ɔn *mvòŋ pʉ̀a *farisay lâ pʉ̀a *sadukay. 7*Ngàŋa kwò yé jú’, ńdeen ńké ne ńgɔɔn tsetsɛ̀ɛ pɔ́b ngie, ndyɛ̌’ à gɔɔn pɛ́’ɛ, mélà’mie pege ně ńdege té pí mbelég#16.7 Pɔ́ kwaŋa pá’ɔɔn, mélà’mie mé ee lá’ pɔ́b ńdɔg mvòŋ nyɛte mbelég. . 8Yěsô zsé pá’ pɔ́ ne ńkwaŋa pú’u, ńgɔɔn né pɔ́b ngie: Pi tè záb ntʉ́m ná mèŋ mboŋó wɔ́. Pi kwaŋa pɔ́ nò mbelég gie pi tè gẅiin mélà’a kɔ́? 9Pi lɔgɔ ḿbú ńnyé pɔ́ tè zsě nò gwáa? Ńzsé ngie pi kaa kímte mbelég yá mbu’ú ntʉ̀a, pá’ mèŋ n ka lɔg ńjÿɔ́g mbàŋa ntsá’ tʉ̀a la wɔ́ kěen? Pi laa lyɛ̌’ó pá’a ńdag mekèm, é kẅɛ metúŋ meshÿɔ́’ɔ léen, 10ńzsé ngie pi kaa kímte mbelég yá mbu’ú sɔɔn mbʉ́a, pá’ mèŋ n ka lɔg ńjÿɔ́g mbàŋa ntsá’ lekùɔ la wɔ́ keen? Pi laa lyɛ̌’ó pá’a ńdág mekèm, é kẅɛ metúŋ meshÿɔ́’ɔ léen. 11Á piŋ ńgÿo lêkɔ́, pi tè jú’ ngie mèŋ n tě ńgɔɔn nò nà mbelég wɔ́? Mèŋ n giŋé ńgɔɔn ngie: Pi pɔ́ɔn *mvòŋ pà *farisay lâ pà *sadukay. 12*Ngàŋa kwò Yěsô leen ńké ńjú’ ngie, á kě tě ńgɔɔn ngie pɔ́ pɔ́ɔn *mvòŋ lɔg ńcwoŋte mbelég wɔ́. Á kě ńgɔɔn pɔ́ ngie pɔ́ pɔ́ɔn mmó gie pà *farisay lâ pà *sadukay zí’i pʉ̀a.
Piɛ kyǎg ngie Yěsô aa Nzà’nkÿo
(Malékuse 8.27-30; Lukase 9.18-21)
13Yěsô gʉa tà ńkúu Sezare gẅie Filib lɔ̌ɔn sá’a, ńzɛ́te *ngàŋa kwò yé ngie: Àlá’ áa pá’ɔɔn ńne ńgɔɔn ngie: *Míŋ Nyìŋ aa wɔ̌? 14Pɔ́ pÿɛ ngie: Etsɔ́ pʉ̀a ne ńgɔɔn ngie: Ɔ̀ɔ Jâŋ Mbabtis, petsɔ́ ne ńgɔɔn ngie: Ɔ̀ɔ *Elîɛ, petsɔ́ ne ńgɔɔn yɔ́b ngie: Ɔ̀ɔ Yeremi, petsɔ́ ne ńgɔɔn yɔ́b ngie: Ɔ̀ɔ tsɔ̌ tà’ nà pà *ntsẅì nkʉ̀ Ssé. 15Yěsô zɛ́te wɔ́b ngie: Kwà’ pi gí gɔɔn ngie mèŋ n gee wɔ̌? 16Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó. 17Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú. 18N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́. 19Mèŋ n ge gÿo ná metsɔ́’ɔ lélɔg ńtsɔ́’ nzsè *lefùɔ Ssé á mbwó gù. Àmmó gie ɔ̀ ge gÿo lʉ’ʉ ndùmo ssé tsetsá’, mé gÿo ńdʉ’ʉ tÿǒ lepwó. Àmmó gie ɔ̀ ge zẅíŋe á ndùmo ssé tsetsá’ mé ge gÿo zẅíŋe tÿǒ lepwó. 20Yěsô gɔɔn pú’u, ńdeen ńké ńtsẅiŋe *ngàŋa kwò yé ngie, tà pɔ́ kím tà nyìŋ ndyɛ̀’ɛ zsé ngie aa *Nzà’nkÿo.
Yěsô ne mbÿe pá’ á ge gÿo kwe piŋ zím
(Malékuse 8.31 à 9.1; Lukase 9.22-27)
21Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá. 22Piɛ leen ńké ńtóŋo yé ntsem, ńzye lékaga yé, ńgɔɔn né yé ngie: Cʉ̀apʉ̀a, tà Ssé zẅíŋ yɛ̌ ntí nò gÿo gú! Ńgwɔ́ á le gwɔ́ pú’u wɔ́. 23Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.
Á poŋ ngàŋa kwò Yěsô zẅíŋe lékwé pá’ yé
24Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ. 25Nyìŋ gẅie á ge zɔɔn fa’a lépɔ́ɔn we le gwɔ́, zɔɔ nyìŋ gẅie à ge pyé we le gwɔ́ wó ŋwɛ́. Tá’ nyìŋ gẅie à kě ḿbyé we le gwɔ́ wó mélà’ mɔ́ɔn, mbà wɛ̌ nyìŋ ge lá’ gwɔ́ wɔ́. 26Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?
27Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé. 28Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.
Àwon tá yàn lọ́wọ́lọ́wọ́ báyìí:
Matio 16: NGBM
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Nouveau Testament en Ngienboum © Alliance Biblique du Cameroun, 2007.
Matio 16
16
Pà farisay lâ pà sadukay ne ńzɛ́te tà’a nò mmɔɔn mmɔɔn
(Malékuse 8.11-13; Lukase 12.54-56)
1Pà *farisay lâ pà *sadukay tó ńzẅí’ ncwò Yěsô, ńzɛ́te yé ngie à nyɛɛ wɔ́b liŋé gie á la’te ngie Ssé zɔ túmo yé. 2Yěsô tsɔ́’ɔ mbwó pɔ́b ngie: Á gʉa ncwò nzém gẅie lefaŋ é selé ḿbaŋ pi gɔɔn ngie: Njÿó ge lʉ́a àlyɛ’ɛ́ lá’ zɔ́g ḿboŋ. 3Á gwɔ́ mba’ámba’ gẅie lefaŋ é pǎŋ sîŋ sǐŋ pi gɔɔn ngie: Àlyɛ’ɛ́ lá’ té ge zɔ́g poŋ wɔ́. Pi gwɔ́ tà ńdíe lefaŋ, ńgwóon ńzsé pá’ àlyɛ’ɛ́ lá’ ge gÿo gwɔ́ pú’u, tá ńgʉa nà shúm sie e Ssé ne ńnyɛɛ fʉ̀’ɔɔn pi tè zsé mmó gie sɛ̌ shúm lɔgɔ ńgɔɔn wɔ́ mélà’a kɔ́? 4Pʉ̀a pie ee tsɛ̀ɛ njyó fʉ’ɔɔn pie ée pʉ̀a tepòŋ, ḿbiŋ ńké ne ńtʉʉ twó mbwó Ssé tʉ ne ńzɛ́te ngie: Mèŋ n nyɛɛ liŋé. Tá mé té ge nyɛɛ wɔ́b tsɔ́ mmó wɔ́, tà ńdí ndà’ nò gie á la gÿo Jonase. Yěsô gɔɔn pú’u, ńnyé wɔ́b jʉ’ó ńgʉa.
Mvòŋ pà farisay lâ pà sadukay
(Malékuse 8.14-21)
5 *Ngàŋa kwò Yěsô gÿo ńtúm letʉŋ yɔ́b, ńgwaa túm, ńdege té pí mbelég. 6Yěsô gÿo ne ńgɔɔn né pɔ́b ngie: Pi laga twó gí, ḿbɔ́ɔn *mvòŋ pʉ̀a *farisay lâ pʉ̀a *sadukay. 7*Ngàŋa kwò yé jú’, ńdeen ńké ne ńgɔɔn tsetsɛ̀ɛ pɔ́b ngie, ndyɛ̌’ à gɔɔn pɛ́’ɛ, mélà’mie pege ně ńdege té pí mbelég#16.7 Pɔ́ kwaŋa pá’ɔɔn, mélà’mie mé ee lá’ pɔ́b ńdɔg mvòŋ nyɛte mbelég. . 8Yěsô zsé pá’ pɔ́ ne ńkwaŋa pú’u, ńgɔɔn né pɔ́b ngie: Pi tè záb ntʉ́m ná mèŋ mboŋó wɔ́. Pi kwaŋa pɔ́ nò mbelég gie pi tè gẅiin mélà’a kɔ́? 9Pi lɔgɔ ḿbú ńnyé pɔ́ tè zsě nò gwáa? Ńzsé ngie pi kaa kímte mbelég yá mbu’ú ntʉ̀a, pá’ mèŋ n ka lɔg ńjÿɔ́g mbàŋa ntsá’ tʉ̀a la wɔ́ kěen? Pi laa lyɛ̌’ó pá’a ńdag mekèm, é kẅɛ metúŋ meshÿɔ́’ɔ léen, 10ńzsé ngie pi kaa kímte mbelég yá mbu’ú sɔɔn mbʉ́a, pá’ mèŋ n ka lɔg ńjÿɔ́g mbàŋa ntsá’ lekùɔ la wɔ́ keen? Pi laa lyɛ̌’ó pá’a ńdág mekèm, é kẅɛ metúŋ meshÿɔ́’ɔ léen. 11Á piŋ ńgÿo lêkɔ́, pi tè jú’ ngie mèŋ n tě ńgɔɔn nò nà mbelég wɔ́? Mèŋ n giŋé ńgɔɔn ngie: Pi pɔ́ɔn *mvòŋ pà *farisay lâ pà *sadukay. 12*Ngàŋa kwò Yěsô leen ńké ńjú’ ngie, á kě tě ńgɔɔn ngie pɔ́ pɔ́ɔn *mvòŋ lɔg ńcwoŋte mbelég wɔ́. Á kě ńgɔɔn pɔ́ ngie pɔ́ pɔ́ɔn mmó gie pà *farisay lâ pà *sadukay zí’i pʉ̀a.
Piɛ kyǎg ngie Yěsô aa Nzà’nkÿo
(Malékuse 8.27-30; Lukase 9.18-21)
13Yěsô gʉa tà ńkúu Sezare gẅie Filib lɔ̌ɔn sá’a, ńzɛ́te *ngàŋa kwò yé ngie: Àlá’ áa pá’ɔɔn ńne ńgɔɔn ngie: *Míŋ Nyìŋ aa wɔ̌? 14Pɔ́ pÿɛ ngie: Etsɔ́ pʉ̀a ne ńgɔɔn ngie: Ɔ̀ɔ Jâŋ Mbabtis, petsɔ́ ne ńgɔɔn ngie: Ɔ̀ɔ *Elîɛ, petsɔ́ ne ńgɔɔn yɔ́b ngie: Ɔ̀ɔ Yeremi, petsɔ́ ne ńgɔɔn yɔ́b ngie: Ɔ̀ɔ tsɔ̌ tà’ nà pà *ntsẅì nkʉ̀ Ssé. 15Yěsô zɛ́te wɔ́b ngie: Kwà’ pi gí gɔɔn ngie mèŋ n gee wɔ̌? 16Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó. 17Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú. 18N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́. 19Mèŋ n ge gÿo ná metsɔ́’ɔ lélɔg ńtsɔ́’ nzsè *lefùɔ Ssé á mbwó gù. Àmmó gie ɔ̀ ge gÿo lʉ’ʉ ndùmo ssé tsetsá’, mé gÿo ńdʉ’ʉ tÿǒ lepwó. Àmmó gie ɔ̀ ge zẅíŋe á ndùmo ssé tsetsá’ mé ge gÿo zẅíŋe tÿǒ lepwó. 20Yěsô gɔɔn pú’u, ńdeen ńké ńtsẅiŋe *ngàŋa kwò yé ngie, tà pɔ́ kím tà nyìŋ ndyɛ̀’ɛ zsé ngie aa *Nzà’nkÿo.
Yěsô ne mbÿe pá’ á ge gÿo kwe piŋ zím
(Malékuse 8.31 à 9.1; Lukase 9.22-27)
21Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá. 22Piɛ leen ńké ńtóŋo yé ntsem, ńzye lékaga yé, ńgɔɔn né yé ngie: Cʉ̀apʉ̀a, tà Ssé zẅíŋ yɛ̌ ntí nò gÿo gú! Ńgwɔ́ á le gwɔ́ pú’u wɔ́. 23Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.
Á poŋ ngàŋa kwò Yěsô zẅíŋe lékwé pá’ yé
24Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ. 25Nyìŋ gẅie á ge zɔɔn fa’a lépɔ́ɔn we le gwɔ́, zɔɔ nyìŋ gẅie à ge pyé we le gwɔ́ wó ŋwɛ́. Tá’ nyìŋ gẅie à kě ḿbyé we le gwɔ́ wó mélà’ mɔ́ɔn, mbà wɛ̌ nyìŋ ge lá’ gwɔ́ wɔ́. 26Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá’ á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́? À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?
27Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé. 28Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Nouveau Testament en Ngienboum © Alliance Biblique du Cameroun, 2007.