Matio 6
6
Ntí lélɔg ńnáa mmó mbwó pàte mmó
1Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́. 2Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b. 3Tá á gʉa ná gu, mbà ɔ̀ lɔɔn ńge ńná nkáb mbwó pàte mmó, ɔ̀ pɔ́ɔn légÿo tà mbòŋ shǔ gù zsé. 4À cʉa pú’u, ámmó gie ɔ̀ náa, à gwɔ́ pɔ́ tsɛ̀ɛ ntsèm, Tá gù Ssé gẅie à gyá mmó gie mé náa tsɛ̀ɛ ntsèm, à gÿo ńtsɔ́’ɔ fà’a jú.
Ntí lesẅiŋté Ssé
5Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b. 6Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú. 7Pi lɔɔn ne sẅíŋte Ssé, tà pi gɔɔn nò té zá’a pàa pá’ pʉ̀a pie é té Ssé zsé, pɔ́ kwaŋ pɔ́ ngie pɔ́ ge gɔɔn nò tɛ’ tá Ssé jú’. 8Tà pi fʉ̀’ʉ wɔ́b, á nue Tá gẅi à ne ńzsé mmó gie á ne ńzága mbwó pi, tà pi gwaa lúɔ á ne ńzsé.
9Pi lɔɔn ne sẅíŋte Ssé pi gɔɔn ngie:
Tá weg, gù gẅie ɔ́ɔ tÿǒ lepwó.
Gÿo pʉ̀a mesoŋ zsé ngie ee ndà’ gú ńgwɔ́ Ssé.
10Gÿo lefùɔ shú tó.
Gÿo mé ne ńjú’u ncwò gú ndùmo ssé tsetsá’, pá’ mé ne jú’u tÿǒ lepwó.
11Náa yég mmó léjÿó gie á ge ku’u ná peg nà lyɛ̌’ɔɔn,
12lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.
13Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].
14Áa pú’u, ńgwɔ́ gie pi lɔɔn ńzɔɔn ńdege mefʉa petsɔ́ pʉ̀a, tá mbà Tá gẅi gẅie aa tÿǒ lepwó ge gÿo lege mí gí. 15Tá’ pi lɔɔn ńké tè lege mefʉa petsɔ́ pʉ̀a wɔ́, mbà Tá gẅi těen nge gÿo lege mí gí wɔ́
Lekwoŋ kwoŋ ńnéŋe nzyè
16Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b. 17Tá ńgʉa ná gù, mbà ɔ̀ lɔɔn ne ńnéŋe nzyè lésẅíŋte Ssé, ɔ̀ sɔg shÿó gú, ésyɛbɛ twó jú. 18À cʉa pú’u, àtsɔ̌ nyìŋ le zsé ngie ɔ̀ ne ńnéŋe nzyè lésẅíŋte Ssé wɔ́. Tá gù gíle yé gẅie mé té gyá yé wɔ́ zɔ zsé. Yé gẅie à ne ńgyá mmó gie ɔ̀ gÿo lelyěen ge gÿo tsɔ́’ɔ fà’ jú.
Pi le’e shúm tʉ̀ nzẅìŋ sí lejʉ́ŋ Ssé
(Lukase 12.33-34)
19Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa. 20Pi cú’te shúm tʉ̀ nzẅìŋ sí pɔ́ lejʉ́ŋ Ssé, áa jʉ’ó àsɔ́ɔn pɔ́ vɛkɔ́ɔn té mmó cʉŋte. Metsǒŋ piŋ ńké tè ku’u lépwɔ́’ ndá ńkaa mmó wɔ́.
21Á nue eshúm tʉ̀ nzẅìŋ shú lɔɔn ńgwɔ́ nzɔ̌ wɔ́, mbà ntʉ́m gú ge gwɔ́ pɔ́ jʉ’ó.
Lejÿɔ́g nyìŋ aa lâm gẅie à lɔgɔ ńgyá jʉ’
22Menÿɔ́g mú ee mbwó gù ńgwɔ́ pá’ lâm gẅie ɔ̀ lɔgɔ ńgyá jʉ’, menÿɔ́g mú lɔɔn tè síŋ, mbà ɔ̀ ge gyá jʉ’ mboŋó. 23Tá menÿɔ́g mú piŋ ńgwɔ́ tà síŋ, mbà ɔ̀ ge cʉ́’ gwɔ́ pɔ́ tsɛ̀ɛ nzěm. Nÿɔ́g mú gwɔ́ tà síŋ pá’ mé gɔɔn lɔɔn, mbà ɔ̀ ge cʉ́’ gwɔ́ pɔ́ tsɛ̀ɛ mwòon nzém.
Á poŋo lézáb ntʉ́m nà Ssé
(Lukase 16.13)
24À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.
25Mèŋ n dɔgɔ shwóŋó gẅi ngie: Tà pi ńnéŋe ḿbú’u mbùm gí ngie peg ge pfɛ́ɛ kɔ́, peg ge lɔg ntse nzɔ̌ é núu? Peg ge lɔg nzsǒ nzɔ̌ ma’a? Gẅi le gwɔ́ wó tè cʉa shúm léjÿó wɔ̂? Mbùm nyìŋ piŋ tè gwɔ́ mmó tʉ̀ nzẅìŋ ńcʉa menzsǒ wɔ́? 26Pi líe meshʉ́ŋ tá ńgyá, pɔ́ ee ntě ḿbye mmó wɔ́, ńké tě ńdaga shúm ńnáa ndá wɔ́, pɔ́ té ntaŋ gẅiin, e Ssé gẅie aa tÿǒ lepwó zɔ jÿɔ̀gɔ wɔ́b. Pi ee mbwó Ssé ńgwɔ́ mmó tʉ̀ nzẅìŋ ńcʉa meshʉ́ŋ. 27Àwɔ̌ aa ná pi gẅie ńgwɔ́ á seen ńdɔg pɔ́ pá’ à pǔ’ mbùm ye, ńku’u lékẅi’i tà’a lyɛ̌’ nà melyɛ’ɛ́ lá’ mé?
28Tà pi pú’u mbùm gí nà nò menzsǒ mélà’a kɔ́? Pi líe metôtǒ mie ee nà legǐ nká’ ńgyá. Legǐ aa ntě fa’a fà’ wɔ́, ńké tě ḿbá’a menzsǒ wɔ́. 29Tà mèŋ n ké shwóŋó gẅí, legǐ à ma’ nzsǒ tà mbà fùɔ Salomo la lá’ ńgwɔ́ nà we legú’ ntsèm ntsèm, à tè lá’ ḿma’ nzsǒ tà é pòŋ pá’ yɔ̀b wɔ́ 30Tà Ssé lɔɔn ḿma’ nzsǒ mbòŋo á nà legǐ gẅie à zɔ́gɔ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Á gwɔ́ pɔ́ ngie: Pi té záb ntʉ́m nà Ssé fʉ̀’ ntsèm wɔ́. 31Tà pi gíŋe ḿbú’ mbùm gi, ńgɔɔn ngie mé ge pfɛ́ɛ kɔ́? Mé ge lɔg ntse nzɔ̌ é núu? Mé ge lɔg nzsǒ nzɔ̌ é ma’a? 32Pàte zsé Ssé zɔ̌ ńnéŋe ńgẅiin yɛ̌ ntí nkwaŋá. Á gʉa ná pi, mbà Tá gẅi Ssé zsé shúm sie é ge kẅéte gẅí. 33Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i. 34Pú’u la, tà pi pú’ mbùm gi ná nò lyɛ’ɛ́ lá’ jǔɔ. Àlyɛ’ɛ́ lá’ jǔɔ, a ge gÿo tó lâ mé menò. Yɛ̌ ngɔ́’ wɔ́ ku’u nà yé lyɛ’ɛ́ lá’.
Àwon tá yàn lọ́wọ́lọ́wọ́ báyìí:
Matio 6: NGBM
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Nouveau Testament en Ngienboum © Alliance Biblique du Cameroun, 2007.
Matio 6
6
Ntí lélɔg ńnáa mmó mbwó pàte mmó
1Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́. 2Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b. 3Tá á gʉa ná gu, mbà ɔ̀ lɔɔn ńge ńná nkáb mbwó pàte mmó, ɔ̀ pɔ́ɔn légÿo tà mbòŋ shǔ gù zsé. 4À cʉa pú’u, ámmó gie ɔ̀ náa, à gwɔ́ pɔ́ tsɛ̀ɛ ntsèm, Tá gù Ssé gẅie à gyá mmó gie mé náa tsɛ̀ɛ ntsèm, à gÿo ńtsɔ́’ɔ fà’a jú.
Ntí lesẅiŋté Ssé
5Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b. 6Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú. 7Pi lɔɔn ne sẅíŋte Ssé, tà pi gɔɔn nò té zá’a pàa pá’ pʉ̀a pie é té Ssé zsé, pɔ́ kwaŋ pɔ́ ngie pɔ́ ge gɔɔn nò tɛ’ tá Ssé jú’. 8Tà pi fʉ̀’ʉ wɔ́b, á nue Tá gẅi à ne ńzsé mmó gie á ne ńzága mbwó pi, tà pi gwaa lúɔ á ne ńzsé.
9Pi lɔɔn ne sẅíŋte Ssé pi gɔɔn ngie:
Tá weg, gù gẅie ɔ́ɔ tÿǒ lepwó.
Gÿo pʉ̀a mesoŋ zsé ngie ee ndà’ gú ńgwɔ́ Ssé.
10Gÿo lefùɔ shú tó.
Gÿo mé ne ńjú’u ncwò gú ndùmo ssé tsetsá’, pá’ mé ne jú’u tÿǒ lepwó.
11Náa yég mmó léjÿó gie á ge ku’u ná peg nà lyɛ̌’ɔɔn,
12lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.
13Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].
14Áa pú’u, ńgwɔ́ gie pi lɔɔn ńzɔɔn ńdege mefʉa petsɔ́ pʉ̀a, tá mbà Tá gẅi gẅie aa tÿǒ lepwó ge gÿo lege mí gí. 15Tá’ pi lɔɔn ńké tè lege mefʉa petsɔ́ pʉ̀a wɔ́, mbà Tá gẅi těen nge gÿo lege mí gí wɔ́
Lekwoŋ kwoŋ ńnéŋe nzyè
16Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b. 17Tá ńgʉa ná gù, mbà ɔ̀ lɔɔn ne ńnéŋe nzyè lésẅíŋte Ssé, ɔ̀ sɔg shÿó gú, ésyɛbɛ twó jú. 18À cʉa pú’u, àtsɔ̌ nyìŋ le zsé ngie ɔ̀ ne ńnéŋe nzyè lésẅíŋte Ssé wɔ́. Tá gù gíle yé gẅie mé té gyá yé wɔ́ zɔ zsé. Yé gẅie à ne ńgyá mmó gie ɔ̀ gÿo lelyěen ge gÿo tsɔ́’ɔ fà’ jú.
Pi le’e shúm tʉ̀ nzẅìŋ sí lejʉ́ŋ Ssé
(Lukase 12.33-34)
19Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa. 20Pi cú’te shúm tʉ̀ nzẅìŋ sí pɔ́ lejʉ́ŋ Ssé, áa jʉ’ó àsɔ́ɔn pɔ́ vɛkɔ́ɔn té mmó cʉŋte. Metsǒŋ piŋ ńké tè ku’u lépwɔ́’ ndá ńkaa mmó wɔ́.
21Á nue eshúm tʉ̀ nzẅìŋ shú lɔɔn ńgwɔ́ nzɔ̌ wɔ́, mbà ntʉ́m gú ge gwɔ́ pɔ́ jʉ’ó.
Lejÿɔ́g nyìŋ aa lâm gẅie à lɔgɔ ńgyá jʉ’
22Menÿɔ́g mú ee mbwó gù ńgwɔ́ pá’ lâm gẅie ɔ̀ lɔgɔ ńgyá jʉ’, menÿɔ́g mú lɔɔn tè síŋ, mbà ɔ̀ ge gyá jʉ’ mboŋó. 23Tá menÿɔ́g mú piŋ ńgwɔ́ tà síŋ, mbà ɔ̀ ge cʉ́’ gwɔ́ pɔ́ tsɛ̀ɛ nzěm. Nÿɔ́g mú gwɔ́ tà síŋ pá’ mé gɔɔn lɔɔn, mbà ɔ̀ ge cʉ́’ gwɔ́ pɔ́ tsɛ̀ɛ mwòon nzém.
Á poŋo lézáb ntʉ́m nà Ssé
(Lukase 16.13)
24À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.
25Mèŋ n dɔgɔ shwóŋó gẅi ngie: Tà pi ńnéŋe ḿbú’u mbùm gí ngie peg ge pfɛ́ɛ kɔ́, peg ge lɔg ntse nzɔ̌ é núu? Peg ge lɔg nzsǒ nzɔ̌ ma’a? Gẅi le gwɔ́ wó tè cʉa shúm léjÿó wɔ̂? Mbùm nyìŋ piŋ tè gwɔ́ mmó tʉ̀ nzẅìŋ ńcʉa menzsǒ wɔ́? 26Pi líe meshʉ́ŋ tá ńgyá, pɔ́ ee ntě ḿbye mmó wɔ́, ńké tě ńdaga shúm ńnáa ndá wɔ́, pɔ́ té ntaŋ gẅiin, e Ssé gẅie aa tÿǒ lepwó zɔ jÿɔ̀gɔ wɔ́b. Pi ee mbwó Ssé ńgwɔ́ mmó tʉ̀ nzẅìŋ ńcʉa meshʉ́ŋ. 27Àwɔ̌ aa ná pi gẅie ńgwɔ́ á seen ńdɔg pɔ́ pá’ à pǔ’ mbùm ye, ńku’u lékẅi’i tà’a lyɛ̌’ nà melyɛ’ɛ́ lá’ mé?
28Tà pi pú’u mbùm gí nà nò menzsǒ mélà’a kɔ́? Pi líe metôtǒ mie ee nà legǐ nká’ ńgyá. Legǐ aa ntě fa’a fà’ wɔ́, ńké tě ḿbá’a menzsǒ wɔ́. 29Tà mèŋ n ké shwóŋó gẅí, legǐ à ma’ nzsǒ tà mbà fùɔ Salomo la lá’ ńgwɔ́ nà we legú’ ntsèm ntsèm, à tè lá’ ḿma’ nzsǒ tà é pòŋ pá’ yɔ̀b wɔ́ 30Tà Ssé lɔɔn ḿma’ nzsǒ mbòŋo á nà legǐ gẅie à zɔ́gɔ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Á gwɔ́ pɔ́ ngie: Pi té záb ntʉ́m nà Ssé fʉ̀’ ntsèm wɔ́. 31Tà pi gíŋe ḿbú’ mbùm gi, ńgɔɔn ngie mé ge pfɛ́ɛ kɔ́? Mé ge lɔg ntse nzɔ̌ é núu? Mé ge lɔg nzsǒ nzɔ̌ é ma’a? 32Pàte zsé Ssé zɔ̌ ńnéŋe ńgẅiin yɛ̌ ntí nkwaŋá. Á gʉa ná pi, mbà Tá gẅi Ssé zsé shúm sie é ge kẅéte gẅí. 33Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i. 34Pú’u la, tà pi pú’ mbùm gi ná nò lyɛ’ɛ́ lá’ jǔɔ. Àlyɛ’ɛ́ lá’ jǔɔ, a ge gÿo tó lâ mé menò. Yɛ̌ ngɔ́’ wɔ́ ku’u nà yé lyɛ’ɛ́ lá’.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Nouveau Testament en Ngienboum © Alliance Biblique du Cameroun, 2007.