Лука 23

23
Рим чагырыкчы Пилаттың мурнунда
(Мф. 27:1-2, 11-14; Мк. 15:1-5; Ин. 18:28-30)
1 # Лк. 3:1; 13:1; Аж.-ч. 3:13; 4:27; 1 Тим. 6:13Оон олар шупту туруп келгеш, Иисусту Пилатка хүлээдип бергеш, 2# Аж.-ч. 17:7 || Лк. 20:25Ону мынчаар буруудадып эгелээннер: «Бо кижи бистиң чонувусту үймээнче күткүп турарын тодараттывыс. Ол Бодун Христос азы Хаан мен деп чарлап, императорга үндүрүг төлээн херээ чок дээр-дир».
3 # Мф. 2:2Пилат ынчан Оон айтырган: «Сен – иудей хаан сен бе?»
Иисус аңаа: «Силер бодуңар ынча дидиңер» – деп харыылаан.
4 # Ин. 18:38; 19:4; Евр. 4:15Пилат ынчан Бурганның дээди бараалгакчыларынга база чонга мынча дээн: «Бо кижини буруудадыр кандыг-даа чылдагаан тыппас-тыр мен».
5Ынчалза-даа олар негеп-ле турган: «Ол бүгү Иудеяга Бодунуң өөредиин тарадып, чонну үймээнче ыдалап тур, баштай Галилеяга эгелеп алгаш, ам мында келгени бо-дур».
Иродтуң мурнунда
6Пилат ону дыңнап кааш: «Ол Галилея чурттуг кижи бе?» – деп айтырган. 7# Лк. 3:1; 9:7Оон Пилат Иисустуң Иродка чагырткан девискээрден келгенин билип алгаш, ол үеде база-ла Иерусалимге келген турган Иродче Ону чорудупкан. 8# Лк. 9:9Ирод Иисусту көрүп кааш, аажок өөрээн, чүге дээрге шагдан бээр Ону көрүксээн чүве-дир. Ол Иисустуң дугайында хөйнү дыңнаан база Ооң кандыг-бир кайгамчык чүүл кылырын көөр деп идегеп турган. 9Ирод Аңаа хөй-ле айтырыглар салган, ынчалза-даа Иисус харыылаваан. 10Бурганның дээди бараалгакчылары болгаш ном-хоойлу тайылбырлакчылары аңаа турарын уламчылап, Ону бар шаа-биле буруудадып-ла турганнар. 11А Ирод бодунуң шериглери-биле кады Иисусту мага хандыр дорамчылап база кочулап алгаш, Аңаа каас-коя хеп кедиргеш, Пилатче дедир чорудупкан. 12Пилат биле Ирод ол хүнден эгелээш, аразында өңнүк-тала апарганнар, а ооң мурнунда көрүшпес дайзыннар турган чүве-дир.
Иисустуң өлүмге шииттиргени
(Мф. 27:15-26; Мк. 15:6-15; Ин. 18:39–19:16)
13Пилат Бурганның дээди бараалгакчыларын, даргаларны база чонну чыгдыргаш, 14оларга мынча дээн: «Силер меңээ бо кижини, чонну үймээнче күткүп турар-дыр дээш, эккелдиңер. Ынчаарга мен силер бүгүдениң мурнунга Ону байысаагаш, Аңаа онаап турар буруудадыышкыннарыңарны бадыткапкы дег кандыг-даа барымдаа тыппадым. 15Ирод база-ла Ону буруулуг деп санавайн, дедир чорудупкан болду. Ону өлүрүп шаажылаар хире кандыг-даа чүвени Ол кылбаан дээрзин көрүп тур силер. 16-17Ынчангаш Ону кезеткеш, салыптарым ол-дур»#23:16-17 Өске бурунгу сөзүглелдерде бо сөстерге «А Пилат Хосталыышкын байырлалын таварыштыр бир херектенни чоннуң күзели-биле хостап бээр ужурлуг турган» деп сөстерни немээн (Мф. 27:13; Мк. 15:6 көр)..
18Ынчан бүгү улус, чаңгыс кижи дег, алгыржы берген: «Аңаа – өлүм! Биске Варавваны хостап бериңер!» 19Варавва дээрге хоорайга үймээн үндүрген дээш база өлүрүкчү чорук дээш кара-бажыңнаткан турган кижи чүве-дир. 20А Пилат Иисусту салып чорудуптарын күзээш, база катап үнүн бедидип, чугаа кылган. 21Ындыг-даа болза, олар алгыржып-ла турган: «Ону хере шавыңар! Ону хере шавыңар!»
22Пилат үшкү удаа оларга мынча дээн: «Бо кижи кандыг кемниг херек үүлгеткенил? Ону өлүрүп шиитки дег кандыг-даа буруу тыппадым. Мен Ону кезеткеш, салыптарым ол-дур!» 23Ынчалза-даа олар бар шаа-биле алгыржып, Иисусту хере шаварын негеп туруп бергеннер. Чыылган улустуң#23:23 Өске бурунгу сөзүглелдерде бо сөске «База Бурганның дээди бараалгакчыларының» деп сөстерни немээн. алгы-кышкызы кедерей бээрге, 24Пилат оларның негелдезин күүседип бээрин шиитпирлээн. 25Ол чыылган улустуң дилээн ёзугаар үймээн үндүрген дээш база өлүрүкчү чорук дээш кара-бажыңнаткан Варавваны хостап салгаш, а Иисусту оларның күзелин ёзугаар шаажылаар кылдыр чөпшээрээн.
Иисустуң хере шаптырганы
(Мф. 27:32-44; Мк. 15:21-32; Ин. 19:17-27)
26Шериглер Иисусту шаажылаары-биле аппар чорааш, шөлдерден чанып орган Киринея чурттуг Симон деп кижиге таварышкаш, ону тудуп алганнар. Олар аңаа белдир-ыяшты чүктеткеш, ону Иисустуң соондан көдүрүп чедиреринче албадапканнар. 27Мөөң чон Иисусту эдерип чоруп орган. Чон аразында Ол дээш кажыыдап, ыглап-сыктаан дыка хөй херээжен улус турган. 28Иисус оларже эргилип келгеш, мынча дээн: «Иерусалимниң херээженнери, Мээң ажыым ажып ыглашпаңар! Ооң орнунга боттарыңар дээш база ажы-төлүңер дээш ыглажыңар. 29# Мк. 13:17; Лк. 21:23Чүге дээрге улустуң: „Үре-төл чок, кажан-даа божуваан болгаш эмер чаш ажы-төлү чок херээжен кижилер амыр-чыргалдыг“ – деп чугаалай бээри үе кел чыдар-дыр. 30# Ос. 10:8; Ажыд. 6:16Улус ынчан дагларга: „Бисче кээп дүжүңер“ база тейлерге: „Бисти дуглай дүжүңер!“ – дижи бээр. 31# Иез. 20:47Ногаан ыяшты безин ынчаар аажылап турар болганда, кургаг ыяшты канчап кааптар деп?»
32Ооң-биле кады шаажылаар дээш, ийи дерзии херектенни аппар чорааннар. 33Баш сөөгү деп адаар черге чедип келгеш, орта Иисусту база херектеннерни: бирээзин Ооң оң талазында, өскезин – солагай талазында белдир-ыяштарга хере шаап кааннар. 34# Аж.-ч. 7:60 || Ыд. ыр. 21:19[Иисус мынча дээн: «Ачай! Оларны өршээ, чүнү кылып турарын билбес улус-тур».]#23:34 Эң бүзүрелдиг грек сөзүглелдерде бо сөстер таварышпайн турар. А шериглер Ооң идик-хевин, кымның чүнү алырын үлүг тыртып шиитпирлээш, үлежип алганнар. 35# Иса. 42:1; Лк. 9:35 || Ин. 10:18Чыылган чон көрүп турган. А оларның даргалары Иисусту: «Өскелерни камгалап турган де! Бир эвес Ол Бурганның шилип алган Христозу болза, Бодун Боду камгалазын!» – деп кочулап турганнар.
36Шериглер база чедип келгеш, Аңаа ажыг виноград арагазы берип, Ону дора көрүп: 37«Сен – иудей хаан болзуңза, Бодуңну Бодуң камгалап ал!» – деп турганнар. 38Иисустуң кырынга: «Бо – иудей хаан-дыр» – деп бижиктиг самбыражыгаш#23:38 Өске бурунгу сөзүглелдерде бо сөстерге «Грек, латин болгаш еврей дылдарга бижээн» деп сөстерни немээн (Ин. 19:20 көр). азып каан чүве-дир.
39Хере шаптырган херектеннерниң бирээзи Ону: «Сен Христос болдуң чоп, Бодуңну база бисти камгала!» – деп бак сөглеп турган.
40А өскези эжин соксадып, мынча дээн: «Бургандан кортпазың ол бе? Бодуң база ындыг шииткел алганыңны бода! 41# Лк. 23:4; Евр. 4:15Бистиң шииттиргенивис чөптүг болгай, үүлгеткен херээвистиң кем-буруузу ол хире-дир, а Ол багай чүнү-даа кылбаан-дыр». 42Оон ол Иисуска мынча дээн: «Иисус, Хаан болуп, чагырып келгеш, мени база сактып кээп көрүңерем».
43Иисус аңаа мынча деп харыылаан: «Алыс шынны сеңээ чугаалап тур мен: бөгүн-не Мээң-биле кады дываажаңга#23:43 Дываажаң – Бурганга шынчы улустуң өлүм соонда турар чыргалдыг оранын ынча дээн (2 Кор. 12:4; Ажыд. 2:7 көр). турар сен».
Иисустуң өлүмү
(Мф. 27:45-56; Мк. 15:33-41; Ин. 19:28-30)
44 # Ам. 8:9Хүн үнгенден бээр алдыгы шактан тоску шакка чедир чер кырын дүмбей караңгы шыва апкан. 45# Хост. 26:33; Лев. 16:2Хүн караа көзүлбестей берген, Бурганның өргээзиниң иштинде аскан көжеге ийи чара орлуп калган. 46# Ыд. ыр. 30:6; Аж.-ч. 7:59Иисус: «Ачай! Амы-тынымны Сээң холуңга хүлээдип тур мен» – дыңзыг үн-биле алгырыпкан. Ону чугаалааш, амы-тыны үстү берген. 47Чүс шериг баштыңчызы бүгү болган чүүлдү көргеш, Бурганны алдаржыткаш: «Бо кижи ылап-ла актыг, чөптүг-шынныг турган-дыр!» – дээн.
48 # Лк. 18:13Аңаа чыглып келген бүгү улус база болган чүүлдү көргеш, качыгдал илередип, хөректерин шанчып, тарап чанып эгелээн. 49# Лк. 8:2А Иисусту билир чораан шупту улус база Галилеядан бээр Ону эдерип келген херээжен кижилер ырадыр туруп алгаш, ол бүгүнү хайгаарап турганнар.
Иисусту орнукшутканы
(Мф. 27:57-61; Мк. 15:42-47; Ин. 19:38-42)
50-51Ол черге Иосиф деп аттыг, Иудеяның Аримафея#23:50-51 Аримафея – бо болза Эрги Чагыг-керээде (1 Хаан. 1:1) Раматаим деп адаттырган суур. хоорайдан келген бир кижи турган. Ол болза дээди иудей Чөвүлелдиң кежигүнү, буянныг база чөптүг-шынныг, Бурганның Чагыргазының кээрин манап чоруур кижи чүве-дир. Иосиф дээди иудей Чөвүлелдиң Иисусту өлүрер деп шиитпир хүлээп аарынга-даа, ооң херектеринге-даа киришпейн барган. 52Ол кижи Пилатка келгеш, Иисустуң мага-бодун дилеп алган.#23:52 Еврей чаңчыл ёзугаар, чок болган кижини мөчээн хүнүнде ажаар ужурлуг, артында-ла пятницаның кежээзинде суббота, амыр-дыш хүнү, эгелей бээр. Оон аңгыда Ы. х. к. 21:22-23 ёзугаар, хере шаптырган кижиниң мага-бодун ол-ла хүн дүжүргеш, ажаар ужурлуг турган. 53# Иса. 53:9Иосиф Ооң мага-бодун дүжүргеш, чуга пөс-биле ораагаш, хаяда оя каккан, мынчага дээр кымны-даа орнукшутпаан чевег-куйга орнукшудуп каан.
54Ол хүн пятница турган, амыр-дыш хүнү үнүп орган#23:54 Еврейлерниң шак-үе санаашкынын ёзугаар чаа хүннүң эгезин хүн ашкан соонда санап эгелээр турган.. 55Галилеядан Иисус-биле кады келген херээжен кижилер Иосифти эдерип чеде бергеш, чевег-куйну база Ооң мага-бодун канчаар салганын көрүп алганнар. 56# Хост. 20:10; Ы. х. к. 5:14Оон ээп келгеш, чаагай чыттыг үстер биле чаар чүүлдерни белеткеп алганнар. Ыдыктыг хоойлунуң айытканын ёзугаар амыр-дыш хүнүн олар дыштанып эрттирген.

Àwon tá yàn lọ́wọ́lọ́wọ́ báyìí:

Лука 23: Ы.Б.2025

Ìsàmì-sí

Pín

Daako

None

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀