Matie 6:16-18

Yezo apa ya: “Ngoi mɛ se ĩ kɛ̃ tɛngɔ ye so vɔrɔngɔ Nzapa ko, ta ĩ du na vundu nga ma awa poroso ma. Ala ndogbe lɛ la, so fangɔ na azi zu ya, ani kɛ̃ tɛngɔ ye so vɔrɔngɔ Nzapa. Mbi pa hɛ̃ ĩ ti bɛta tɛnɛ ya, ala pia alua mbana gɛrɛ la wɛ. Kanda na ngoi ko la mɔ kɛ̃ tɛ mɔ tɛngɔ ye so vɔrɔngɔ Nzapa ko, kpo lɛ mɔ, mɔ sua nga kwa li mɔ, ya ta azi ahĩnga ya, mɔ kɛ̃ tɛngɔ ye ma. Ko bo To mɔ kɔi mɛ so ndo ko, lo mɛ ta andohũ lo ma ko, lo hĩnga ya, mɔ kɛ̃ tɛngɔ ye. Ko gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.”