Simuluho 4
4
Kaine ni Abele
1Adama a zibana ni musal'a hae Eva, mi a itwala. A pepa mwana wa mushimani, mi a li, “Ka tuso ya Muñ'a Bupilo ni fumani mwana wa mushimani.” Cwale a mu beya libizo la Kaine. 2Mwamulahonyana, a pepa munyan'a hae Abele. Abele a ba mulisana. Haili Kaine, yena, a ba mulimi. 3Ha ku se ku fitile nako, Kaine a nga kwa lico z'a n'a kutuzi ku tiseza Muñ'a Bupilo mpo. 4#Maheb 11.4 Hamulaho, Abele a tisa lifolofolo za maizibulo mwa mulaka wa hae, a li bulaya, a nga lisuzo, mi a eza mpo ka lona. Muñ'a Bupilo a tabela Abele ni mpo ya hae. 5Kono h'a si ka amuhela Kaine ni mpo ya hae. Kaine a halifa, mi pata ya hae ya tala mañonde kabakala ku nyema. 6Muñ'a Bupilo kih'a li ku Kaine, “U nyemeziñi? Kiñi ha u na ni mañonde mwa pata? 7Kambe n'o ezize hande, kambe wa menya. Kono kakuli u ezize ze maswe, sibi si swana ni sibatana se si ku bubamezi, si litezi ku ku tula. Si bata ku ku busa, kono u swanezi ku si tula.”
8 #
But 10.3;
Mat 23.35; Luk 11.51; 1 Joa 3.12 Kaine kih'a li ku munyan'a hae Abele, “A lu yema-yeme.” Ha ba se ba li kwa naheñi, Kaine a fetuhela munyan'a hae mi a mu bulaya.
9Muñ'a Bupilo a buza Kaine, a li, “Munyan'a hao Abele u kai?”
Yena a alaba, a li, “Ha ni zibi. Kana ki na ya lukela ku tokomela munyan'a ka, nji?”
10 #
Maheb 12.24
Cwale Muñ'a Bupilo a li, “Kiñi ha u ezize nto ye maswe cwana? Ni lilelwa ki mali a munyan'a hao fafasi. 11U se u kutilwe, mi u ta lelekwa mwa lifasi le li atamisize mulomo ili ku nwa mali a munyan'a hao a zwa mwa lizoho la hao. 12Ha u ta lima lico, lifasi ha li na ku ku meliseza zona hande. Ha u na ku ba ni munzi sakata. U ta ba feela muyambaeli fafasi.”
13Kaine a li ku Muñ'a Bupilo, “Mulatu wo u tata hahulu. 14Cwale wa ni leleka mwa sibaka se, ni fapil'a hao. Ha ni na ku ba ni munzi sakata, ni ta yambaela feela mwa naha, mi ya ta ni fumana kaufela u ta ni bulaya.”
15Kono Muñ'a Bupilo a mu alaba, a li, “Batili. Mañi ni mañi ya ta bulaya Kaine u ta fiwa mulatu o ekelizwe hasupile kwa butuna.” Cwalehe Muñ'a Bupilo a beya liswayo fa pata ya Kaine, kuli mañi ni mañi ya ta katana ni yena a si ke a mu bulaya. 16Cwale Kaine a zwa ku Muñ'a Bupilo mi a y'o pila mwa naha ye bizwa Node, kwa upa wa Edeni.
Lusika lwa Kaine
17Kaine a kopana ni musal'a hae, mi musali a itwala. A pepa mwana wa mushimani, mi a bizwa Enoke. Kaine kih'a yaha munzi, mi a u beya libizo la mwan'a hae Enoke. 18Enoke a pepa Iradi. Iradi a pepa Mehujaele, Mehujaele a pepa Metusaele mi Metusaele a pepa Lameke. 19Lameke a nyala libali. Wa pili n'a bizwa Ada, mi wa bubeli n'a bizwa Zila. 20Ada a pepa Jabali, yena kukw'a ba ba inanga mwa litende ha ba nze ba lisa likomu. 21Libizo la munyan'a hae ne li Jubali, yena kukw'a baopeli ba ba liza lipala ni lihalepa. 22Zila a pepa Tubali-Kaine, yena kukw'a mambuti ba ba tula lisipi za mishobo-shobo ku eza lika za mifuta-futa. Kaizel'a Tubali-Kaine ne li Naama. 23Lameke a li kwa basali ba hae,
“Ada ni wena Zila, basali ba ka,
mu ni teeleze.
Ni bulaile mutu kakuli u ni natile,
mi ni bulaile mushimani
kakuli u ni utwisize butuku.
24 #
Mat 18.22
Mañi ni mañi ya ka nata Kaine
mulatu wa hae u ta ekezwa hasupile,
kwa butuna,
kono ya ka ni nata,
u ta ekelezwa hamashumi a supile
ka a supile kwa butuna.”
Lusika lwa Seta
25Adama a kopana ni musal'a hae hape, mi a pepa mushimani. Eva kih'a li,
“Mulimu u ni file mwana wa mushimani ku yolisa Abele, ya bulailwe ki Kaine.” Mi a mu beya libizo la Seta. 26Seta a pepa mwana wa mushimani mi a mu beya libizo la Enoshi. I n'e li ka yona nako yeo batu ha ba kala ku lapela libizo la Muñ'a Bupilo.
Lozi Interconfessional Bible, Catholic Edition © Bible Society of Zambia, 2009.
Simuluho 4
4
Kaine ni Abele
1Adama a zibana ni musal'a hae Eva, mi a itwala. A pepa mwana wa mushimani, mi a li, “Ka tuso ya Muñ'a Bupilo ni fumani mwana wa mushimani.” Cwale a mu beya libizo la Kaine. 2Mwamulahonyana, a pepa munyan'a hae Abele. Abele a ba mulisana. Haili Kaine, yena, a ba mulimi. 3Ha ku se ku fitile nako, Kaine a nga kwa lico z'a n'a kutuzi ku tiseza Muñ'a Bupilo mpo. 4#Maheb 11.4 Hamulaho, Abele a tisa lifolofolo za maizibulo mwa mulaka wa hae, a li bulaya, a nga lisuzo, mi a eza mpo ka lona. Muñ'a Bupilo a tabela Abele ni mpo ya hae. 5Kono h'a si ka amuhela Kaine ni mpo ya hae. Kaine a halifa, mi pata ya hae ya tala mañonde kabakala ku nyema. 6Muñ'a Bupilo kih'a li ku Kaine, “U nyemeziñi? Kiñi ha u na ni mañonde mwa pata? 7Kambe n'o ezize hande, kambe wa menya. Kono kakuli u ezize ze maswe, sibi si swana ni sibatana se si ku bubamezi, si litezi ku ku tula. Si bata ku ku busa, kono u swanezi ku si tula.”
8 #
But 10.3;
Mat 23.35; Luk 11.51; 1 Joa 3.12 Kaine kih'a li ku munyan'a hae Abele, “A lu yema-yeme.” Ha ba se ba li kwa naheñi, Kaine a fetuhela munyan'a hae mi a mu bulaya.
9Muñ'a Bupilo a buza Kaine, a li, “Munyan'a hao Abele u kai?”
Yena a alaba, a li, “Ha ni zibi. Kana ki na ya lukela ku tokomela munyan'a ka, nji?”
10 #
Maheb 12.24
Cwale Muñ'a Bupilo a li, “Kiñi ha u ezize nto ye maswe cwana? Ni lilelwa ki mali a munyan'a hao fafasi. 11U se u kutilwe, mi u ta lelekwa mwa lifasi le li atamisize mulomo ili ku nwa mali a munyan'a hao a zwa mwa lizoho la hao. 12Ha u ta lima lico, lifasi ha li na ku ku meliseza zona hande. Ha u na ku ba ni munzi sakata. U ta ba feela muyambaeli fafasi.”
13Kaine a li ku Muñ'a Bupilo, “Mulatu wo u tata hahulu. 14Cwale wa ni leleka mwa sibaka se, ni fapil'a hao. Ha ni na ku ba ni munzi sakata, ni ta yambaela feela mwa naha, mi ya ta ni fumana kaufela u ta ni bulaya.”
15Kono Muñ'a Bupilo a mu alaba, a li, “Batili. Mañi ni mañi ya ta bulaya Kaine u ta fiwa mulatu o ekelizwe hasupile kwa butuna.” Cwalehe Muñ'a Bupilo a beya liswayo fa pata ya Kaine, kuli mañi ni mañi ya ta katana ni yena a si ke a mu bulaya. 16Cwale Kaine a zwa ku Muñ'a Bupilo mi a y'o pila mwa naha ye bizwa Node, kwa upa wa Edeni.
Lusika lwa Kaine
17Kaine a kopana ni musal'a hae, mi musali a itwala. A pepa mwana wa mushimani, mi a bizwa Enoke. Kaine kih'a yaha munzi, mi a u beya libizo la mwan'a hae Enoke. 18Enoke a pepa Iradi. Iradi a pepa Mehujaele, Mehujaele a pepa Metusaele mi Metusaele a pepa Lameke. 19Lameke a nyala libali. Wa pili n'a bizwa Ada, mi wa bubeli n'a bizwa Zila. 20Ada a pepa Jabali, yena kukw'a ba ba inanga mwa litende ha ba nze ba lisa likomu. 21Libizo la munyan'a hae ne li Jubali, yena kukw'a baopeli ba ba liza lipala ni lihalepa. 22Zila a pepa Tubali-Kaine, yena kukw'a mambuti ba ba tula lisipi za mishobo-shobo ku eza lika za mifuta-futa. Kaizel'a Tubali-Kaine ne li Naama. 23Lameke a li kwa basali ba hae,
“Ada ni wena Zila, basali ba ka,
mu ni teeleze.
Ni bulaile mutu kakuli u ni natile,
mi ni bulaile mushimani
kakuli u ni utwisize butuku.
24 #
Mat 18.22
Mañi ni mañi ya ka nata Kaine
mulatu wa hae u ta ekezwa hasupile,
kwa butuna,
kono ya ka ni nata,
u ta ekelezwa hamashumi a supile
ka a supile kwa butuna.”
Lusika lwa Seta
25Adama a kopana ni musal'a hae hape, mi a pepa mushimani. Eva kih'a li,
“Mulimu u ni file mwana wa mushimani ku yolisa Abele, ya bulailwe ki Kaine.” Mi a mu beya libizo la Seta. 26Seta a pepa mwana wa mushimani mi a mu beya libizo la Enoshi. I n'e li ka yona nako yeo batu ha ba kala ku lapela libizo la Muñ'a Bupilo.
Lozi Interconfessional Bible, Catholic Edition © Bible Society of Zambia, 2009.