Chiv Keeb 13 的熱門經文

分享

Taag nrho lub tebchaws kws koj pum nuav kuv yuav muab pub rua koj hab koj caaj ceg moog ib txhws.

Thaus Lauj ncaim Aplaa lawm, Yawmsaub has rua Aplaa tas, “Koj tsaa muag saib ntawm lub chaw kws koj nyob nuav moog rua saab peg saab nraag saab nub tuaj saab nub poob.

Kuv yuav ua kuas koj caaj ceg coob yaam le tej moov aav, leejtwg suav txheeb tej moov aav txhad le suav txheeb koj caaj ceg.

Aplaa txhad has rua Lauj tas, “Tsw xob ca ib sws caav sws tshe hab tsw xob ca koj cov tub qhe yug tsaj hab kuv cov tub qhe yug tsaj sws caav sws tshe, tsua qhov ib yog tej txwv tub.

Aplaa txhad tshais tsev ntaub lug nyob ze cov ntoo xeeb ntawm Maale kws nyob ntawm Heploo, hab nwg ua ib lub thaaj rua Yawmsaub hov ntawd.

Lauj tsaa muag saib mas pum tas lub taj ntawm ntug dej Yalatee moog txug lub moos Xau‑a muaj dej zoo txhua qhov ib yaam le Yawmsaub lub vaaj hab ib yaam le Iyi tebchaws. Nuav yog ua ntej kws Yawmsaub tsw tau ua kuas lub moos Xauntoo hab lub moos Kaumaula puam tsuaj.