Mataio 5 的熱門經文

分享

E leai se isi na te tutuina se molī ma fa‘apulou i le tanoa, ‘ae tu‘u lava i luga o lona tulaga; ‘ina ‘ia fa‘amalamalamaina ai tagata uma i totonu o le fale. ‘Ia fa‘apenā fo‘i ‘ona susulu atu lo ‘outou malamalama i luma o tagata; ‘ina ‘ia va‘aia e i latou a ‘outou galuega lelei, ma vivi‘i atu ai i lo ‘outou Tamā o i le lagi.

“O ‘outou o le malamalama o le lalolagi. E lē mafai ‘ona fa‘aliloina le ‘a‘ai e tu i le mauga.

‘Amu‘ia ē e loto mamā, auā e iloa atu e i latou le Atua.

‘Amu‘ia ē e fia ‘a‘ai ma fia inu i le amiotonu auā e fa‘amalilieina i latou.

A ‘ou te fai atu a‘u ‘iā te ‘outou, ‘ia ‘outou alolofa i o ‘outou fili, ma tatalo mo ē o lo‘o fa‘asauā ‘iā te ‘outou

‘Amu‘ia ē ‘ua latou iloa lo latou matitiva fa‘aleagaga, auā e fai mo latou le Mālō o le lagi.

‘Amu‘ia ē e fa‘atupuina le filemū, auā e ta‘ua i latou o atali‘i o le Atua.

‘Amu‘ia ē e fa‘anoanoa, auā e fa‘amafanafanaina i latou.

‘Amu‘ia i latou e sauāina ‘ona o le amiotonu, auā e fai mo latou le Mālō o le lagi.

‘Amu‘ia ē e alolofa atu, auā e alofaina mai i latou.

“ ‘Amu‘ia ‘outou pe a ‘upuleagaina ma fa‘asauāina, pe tu‘ua‘iina pepelo ‘outou i mea leaga uma ‘ona o a‘u. ‘Ia ‘outou ‘oli‘oli ma fiafia, auā e tele lo ‘outou taui i le lagi; auā na fa‘apea fo‘i ‘ona fa‘asauāina e i latou perofeta na muamua ‘iā te ‘outou.

‘Amu‘ia ē e agamalū auā e fai mo latou le nu‘u.

“O ‘outou o le masima o le lalolagi. ‘Ae ‘āfai e māgalo le masima, o le ā ‘ea se mea e mafai ‘ona toe fa‘a‘o‘ona ai? ‘Ua lē toe i ai sona aogā, na o le tia‘i i fafo ma soli ai e tagata.

O lenei, ia ‘ato‘atoa lo ‘outou lelei, ia pei o lo ‘outou Tamā o i le lagi e ‘ato‘atoa ‘ona lelei o ia.

Peita‘i, ‘āfai o lau tali o le ioe, fai atu, ‘Ioe.’ ‘Āfai fo‘i o lau tali o le leai, fai atu, ‘Leai.’ O nisi ‘upu e toe fa‘aopoopo atu i ai, o ‘upu ia e tupu mai i manatu leaga.

“ ‘Ua ‘outou fa‘alogo fo‘i na fai mai, ‘E taui le mata i le mata, ma le nifo i le nifo.’ A ‘ou te fai atu ‘iā te ‘outou, ‘aua tou te tete‘e atu i le leaga. ‘Āfai ‘ua po e se isi lou alāfau taumatau, ia liliu atu fo‘i i ai ma le isi alāfau.

‘Āfai e tosina oe i le agasala i lou mata taumatau, e sili la ‘ona sali ‘ese ma lafoa‘i. Auā e lelei pe a lafoa‘i se vaega o lou tino, ‘ae leaga pe a lafoa‘iina lou tino ‘atoa i Kena. ‘Āfai fo‘i e tosina oe i le agasala i lou lima taumatau, e sili ‘ona tipi ‘ese ma lafoa‘i; auā e lelei pe a lafoa‘i se vaega o lou tino, ‘ae leaga pe a lafoa‘iina lou tino ‘atoa i Kena.