Luˇkaꞈ 17 的熱門經文

分享

Kʼoeˇ naˇ, tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ gʼoꞈ-iˇ-awˬ. Nawˇ jah-eu jeˬ nawˬ-ahˇ bi taˬ leˇ-euˬ meh.”

Tiˬ nah laꞈ kʼoeˇ tehꞈ-ehˇ shiꞈ poˆ keuˆ ni aˬ yawꞈ nawˬ-ahˇ mˇ lehˬ-awˇ, shiꞈ poˆ luꞈ nawˇ jawˇ gaˇ laˇ-awˇ, ‘Ngaˇ iˬ baˇ noeˬ poˆ-euˬ ma’ lehˇ ehˇ laˇ naˇ, shiꞈ poˆ luꞈ nawˇ iˬ baˇ ya pyehˬ nehˬ meh.”

Aˬ yawꞈ maꞈ laꞈ kʼoeˇ tiˬ gʼaˬ-aˬ, yawˬ ha-euˬ naˇ gawˇ taˬ leˇ-euˬ gaˇ ya mawˇ ngeh, yaw kʼaˆ-ehˇ guˇ guˇ-ehˇ Miˬyehˇ-ahˇ ja ceuˬ-eu laꞈ kʼoeˇ, naˇ kʼah paw paˇ gʼoꞈ kʼoꞈ laˇ-euˬ meh. Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Naw maꞈ yahˇ-awˇ dehꞈ-awˬ. “Nawˬ-euˬ mehˇ nmˇ nawˬ-ahˇ mˇ lehˬ naˇ, yaw kʼaˆ kʼaˆ-ehˇ mehˬ nehˬ-awˬ. Aˬ yawꞈ iˬ baˇ noeˬ poˆ naˇ, aˬ yawꞈ-ahˇ iˬ baˇ pyehˬ nehˬ-awˬ.

Yeˬsuˇ ehˇ-eu, “Muiˬ laˇ shawˇ laˇ-euˬ dawˬ tawˆ luꞈ tseˇ gʼaˬ maˬ ngeuˇ-a loˇ. Gʼoeˬ gʼaˬ aˬ gaˇ iˇ taˬ.

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Yawˬ ha-euˬ saꞈ laˇ dehꞈ-eu jeˬ za nya ni kʼaˇ leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ smˬ-iˇ tehꞈ-a. Ehˇ kʼawꞈ, yawˬ ha-euˬ saꞈ laˇ dehꞈ-eu jeˬ smˬ-euˬ tsawˇ haˬ-aˬ, saꞈ laˇ dehꞈ-eu jeˬ za tehꞈ-a.

Yeˬsuˇ aˬyawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Aˬ cawˬ iˬ baˇ mˇ ni muˇ juˇ juˇ-eu jeˬ keuˆ le-eu yaw duˬ baw meh. Ehˇ kʼawꞈ, aˬ cawˬ iˬ baˇ mˇ ni jahˇ-eu gʼaˬ ya noeˬ shaˬ dui dui tehꞈ-a. Tsawˇ haˬ kʼoeˇ gʼaˬ neh zaˬ yaw nyiˇ heu deuˬ laꞈ kʼoeˇ tiˬ gʼaˬ na-ahˇ iˬ baˇ mˇ ni bi jahˇ-eu naˆ maˬ tseˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ paꞈ tawꞈ-awˇ, iˬ ma laˆ shaˆ-ahˇ biˬ puꞈ nehˬ naˇ, aˬ yawꞈ gʼaˇ duˬ muiˬ dzehˬ tehꞈ-a.

Noˇaˬ-euˬ ziˇ-ahˇ keuˆ le-euˬ jeˬ, Tsawˇhaˬ-euˬ Zaˬmaˇ-euˬ aˇ nah-ahˇ paˇ keuˆ le tehꞈ-a. Noˇaˬ saˇ baoˬ laꞈ kʼoeˇ uˇ leˇ-awˇ, aˬ yawꞈ maꞈ-ahˇ iˇ cuꞈ dahˬ pymˬ sehꞈ jiˇ-euˬ aˇ nah kʼoeˇ nah-ahˇ keuˆ ni, aˬ yawꞈ maꞈ dzaˬ-awˇ dawˇ-awˇ, miˬ zaˬ laˬ smˇ miˇ iˇ-eu maˬ tsehˆ leˇ-a.