Secunnu Matteu 5 的熱門經文

分享

Nè s’ adduma la lucerna, e si metti sutta lu munneddu, ma supra lu cannileri, pri fari lustru a chiddi, chi sunnu ntra la casa. Accussì risblennissi la vostra luci avanti a l’ omini: acciocchì vidissiru li vostri operi boni, e glorificassiru lu vostru Patri, chi è ntra li celi.

Vui siti la luci di lu munnu. Nun si pò ammucciari na città, ch’ è supra un munti.

Beati chiddi, chi sù puri di cori: pirchì iddi vidrannu a Diu.

Beati chiddi, chi hannu fami, e siti di giustizia: pirchì iddi sarrannu saziati.

Iu però vi dicu: Amati li vostri nnimici, fati beni a chiddi, chi v’ hannu odiatu: e pregati pri chiddi, chi v’ hannu persequitatu, e calunniatu

Beati li poviri di spiritu: pirchì per iddi è lu regnu di li celi.

Beati li pacifici: pirchì iddi sarrannu chiamati figghi di Diu.

Beati li mansueti: pirchì iddi possedirrannu la terra.

Beati chiddi, chi patinu pri la giustizia: pirchì d’ iddi è lu regnu di li celi.

Beati li misiricurdiusi: pirchì ad iddi si usirrà misiricordia.

Sarriti beati, quannu vi mmalidirrannu, e vi persequitirrannu, e dirrannu cu minzogna ogni mali contra vuautri, pri causa mia: Rallegrativi, e giubilati, giacchì granni è lu vostru premiu in celu: accussì puru foru persequitati li profeti prima di vui.

Beati chiddi, chi chiancinu: pirchì iddi sarrannu cunsulati.

Vui siti lu sali di la terra. Giacchì si lu sali perdi la so forza, cu chi si putrà iddu risalari? Allura nun varrà cchiù nenti, forchì pri jittarisi, ed essiri calpistatu di l’ omini.

Siati addunca vui perfetti, siccomu lu Patri vostru celesti è perfettu.

Ma sia lu vostru parrari, sì, sì: no, no: giacchì cchiù di chistu è malu.

Aviti ntisu, ca è statu dittu: Occhiu pri occhiu, denti pri denti. Iu però vi dicu, nun resistiti, a lu mali: ma si qualcunu ti percoti ntra la mascidda dritta, projicci l’ autra.

Ca si lu to occhiu drittu ti scannalia, scippatillu, e jettalu luntanu di tia: pirchì ti cunveni megghiu, chi unu di li toi membri pirissi, chi tuttu lu to corpu sia jettatu ntra l’ infernu. E si la to manu dritta ti scannalia, tagghiatilla, e jettala luntanu di tia: pirchì ti cunveni megghiu, ca unu di li toi membri pirissi, chi tuttu lu to corpu fussi jettatu ntra l’ infernu.