Matyu 2 的熱門經文

分享

Ket ito nakadateng da iyan nga baley, imuneg da, ket nasingen da ya ebbing se̍ e̍ Marya nga ina na. Ket nagparintumeng da ngarud nga nagdayaw ito ebbing. Ket kalpasan na, linukatan da diya nagpayan da ka sagut da, se̍ da sinagutan ya ebbing ka balituc, nabangug nga mapooran, se̍ sapsapu nga mirra.

Ket ya ili nga Be̍tle̍he̍m iya prubinsiya nga Hudya, itu ya nakaiyanakan ne̍ Je̍sus ito panagturay ne̍ Ari He̍rude̍s. Ket itun nga timpu, uwed da met toley nga inumbe̍t ka ili nga He̍rusale̍m nga naggayat ka daya. Mamasirib met didi maipanggep kadiya bitbituwen. Ket nagdamdamag da nga kinunen da, “Awac ya edyan niya ebbing nga naiyanac nga ari diya Hudyu? Ta nasingen mi ngamin ya bituwen na nga nagparang enna daya, itu nga inumbe̍t kami nga agdayaw kuma igina,” kunen da.

Ket ito nasingen da to bituwen, napalaus ngarud ya anggem dan.

Ket ito simoli da ito ili da, sabali ya dinalan dan, gapu ta uwed nipakaemmu ne̍ Apu Diyus igida iya pasmeg da nga madi da nga sumolsoli iya edyan ne̍ Ari He̍rude̍sin. Ito nakapanaw dito gan-gannaet tin, uwed met isa nga anghe̍l niya Apu nga nagparang e̍ Huse̍ iya pasmeg na. Ket kinunen nito anghe̍l, “Bumangun kan, ta italew mu diya agina, nga mawe̍ kayu enna E̍hiptu win. Agedyan kayu ngarud antuni agingga nga ibagac nga sumoli kayu ennidi. Ta ipasapul nad ne̍ Ari He̍rude̍s ya ebbing, tasun patayen na,” kunen na.