Pomulanya 2 的熱門經文

分享

Wali etu semo sabanya naka pei tau langkai damampiyaika pa’anya pasi indonya pei dasiwaka pei tau we’a to mawali indo nu ananya. Wali to langkai pasi to we’a etu damawali samboko.

Wali yako etu i Pue Yawe magombo wo’u mangkonong tau langkai etu to sanganya i Adam, Ia manganto’o, “Taa matao ane tau langkai si’i ojo ia ngkalionya, wali see naka Aku damangikaka ia samba’a yunu to masipato mangansawang ia.” Etu semo songka i mPue Yawe, pei ri katawanya Ia mangika palaong etu Ia mangkeni ruyu samparia binatang pasi samparia tonsi to Ia roomo mangika yako ri awu ntana. Samparia binatang pasi tonsi etu Ia mangangkeni resi tau langkai see ia semo damangansanga. Wali i Adam ia mangansanga samparia binatang pasi tonsi. Pasi sanga to iwaikanya resi binatang pasi tonsi samba’a pei samba’a ri tempo etu, etu semo sanganya.

Wali yako etu i Pue Yawe Ia mangoko awu ntana pei yako ri awu ntana etu Ia mangika samba’a tau langkai. Panewa ojo pangikaNya tau etu, Ia mangansinoataka nosaNya ri engo ntau etu see ia datuwu. Ewa wetu naika i mPue Yawe mampaponosa tau etu.

Wali ojo pangkita i Adam tau we’a etu, ia manganto’o, “O gete! Si’i yunungku to masipato kojo apa ia wukunya yako ri wukungku pasi ia wombonya yako ri wombongku. Ia darato’oka tau we’a apa ia raika yako tau langkai.” Etu semo to nato’oka i Adam.

Wali i Pue Allah mampasisala eo kapitu etu pei mampakabae batuanginya. Ia manganto’o eo etu Iaja puenya. Naka pei Ia manganto’o ewa wetu apa ri eo etu semo Ia mandoo yako samparia palaong to inikaNya tempo Ia mampapowali samparia anu to re’e.

Wali tempo etu tau samboko etu paka lambe pei nempo ewa see sira dua taa mangepe mea samba’a pei samba’a.