Matiye 6 的熱門經文

分享

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

ꞌNoje rɔ-si mba ndɔ gə bara ang mba ndɔ gə bara to gə lo-e dang ja tɔ. Ngaɓa kɔr gə ɓogəne asə kəm ndɔ gə ɓogəne ja tɔ.

Gəl-e gə ne ɓa m-pa m-ar-si na: ꞌNoje rɔ-si mba kisi kəm baa ɔji dɔ nekusa ta-si ang nəm ɓa, mba kubuje gə a kulaje rɔ-si gə ang tɔ. Kaw kəm baa nday nekusa nəm, darɔ dəw kara nday kubu nəm tɔ.

Ngaa ꞌi le logə a kaw dəji Luba nama, andə kəy lə-i, kudu ta ɗəw ta-i gə bugum, ngaɓa dəji bɔ-ije Luba lokiya gə, ɗaa bɔ-ije gə to nje ko neje lokiya gə le a kuga dɔ ji-i.

Oje pa dəji Luba gə a dəji-je le ɓa nee: Bɔ-sijee gə isi mə dara gə, May kar ri-i to ɓədə gə losang-ɛ; May kar ɗe o̰ ɓe dɔ si gə Kar dəwje gə dɔ nangə nee ꞌɗa mə njigi lə-i to gə ꞌɗa ne dara be.

Ar-si nekusa ta-si gə ɓogəne

Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr tar-ɛ dɔ nje gə ɗa gə sijee kṵra̰y be tɔ.

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

To gə ɓo ɔrəje tar kal tar lə dəwje dɔ-je gə nama, Bɔ-sijee gə isi dara kara a kɔr tar kal tar dɔ sisəy gə tɔ.

Oje əlje gə d-aw d-ḭ gə bagəje taar ngaa ꞌdubu ne ang nəm, d-unja ne ang nəm, ngaɓa dam lə-je kara godo nəm ja, ngaa Bɔ-sijee gə dara ar-je ne d-usa. Sisəy ꞌmayje undaje əlje ang wa?

ꞌƁərəje nekingaje lə-si umje dɔ nangə nee ang, na to lo gə sɔlɔlɔje gə ɔgəɓar d-aw tuji neje kəne nəm ɓa nje ɓogoje kara d-aw cɛdə ta kəyje d-aw ɓogo nəm tɔ, be ɓa may kar-si ꞌɓərəje nekingaje lə-si umje dara, lo gə sɔlɔlɔ ose ɓɔgəɓar a tuji ne kəne ang, ngaɓa nje ɓogoje kara d-a kasə cɛdə ta kəyje kəne ang nəm tɔ. Mba lo gə nekinga lə-i to kəne ja ɓa, mə-i a to kəne.

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

To gə ɓo mu gə to ne gə ce mə ndɔɔ gə ɓogəne baa ngaɓa bara nama a pər a ko̰ ɓa ɓo Luba ula-a kubu le se, Luba asə kula sisəy kubu ang wa? Njeməkəngəje!

Ngaa logə un ne ar dəw, nama ar ji gəl-i gərə ne gə ji kɔl-i ɗa ang. Be ɓa Luba gə o ne gə ar lokiya gə le a kuga dɔ ji-i.

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam. Ngaa ꞌi le, logə ꞌtɔl mə-i ɓo ɗaa, ꞌndəm ubu gə əndə ngaɓa togo kəm-i, mba kar dəwje ꞌgərə to gə ꞌtɔl mə-i ɓo ang, ngaa mba Bɔ-ije gə isi lokiya gə, be ɓa Bɔ-ije Luba gə o-i lokiya gə le, a kuga dɔ ji-i.