Matiyu 6 的熱門經文

分享

Epa e woma o bora eya, e nya Ashili tukpwei toying, e eze epa e togomo te Ashili, ka o gera epa ee sangsang ai, ayo nya ying kaa pate ma mapapa maana kangza.

Zaa nyimia tana e gare tukpwei toying azaa leere ne, leere yo deya ka ebelo gara le. Konang lengme ya ka ozitǝ ka waya kap ka le.

Azaa nyimi eyang bele oying, tana e gare tukpwei toying azaa epaaka eya lyame, koona eya sa me, koona nangka eyo cǝ madibi ma o amba. Ebeene kala epaolya sang? Aa lepung kangza kala madibi sang?

Nyimia waaza, baya beya angmǝ ka Ashili, ale a nyimi odo o, pate abuudu me o beye angmǝ ka Ate au aaka ata gonta ai ne, aa Ate au ka agonte pate epaaka a eze a suk, ayo taasau.

E beya angmǝ ka Ashili nanna, “Ate aro ozaa shili, a monte leze leo a sangsang. A togomo to de, aa eze epaaka oya yeme me a lerambo leena, nangka ezeze azaa shili.

Nyaro epaolya o ngmeengme.

O pisi ro madinǝ maro, nangka te pisizi andaaka ne ezeze ro madinǝ.

Tana o ale kaaro ara o kedeya ne, o wobe ro a taara te ogomo o bere o buru ona.’

“E pisǝ aromo aaka ne ezeze ying epa eburu, Ate aying o zaa shili yo pisǝ maying’.

Laka na engmeng o zaa shili, neta eza o shebeka koona ne shende kane eke a bengga ne. Pate ka nyimi Ate ying o zaa shili lyeeze ka ne. Ying e kala ne edang sang?

“Tana e kuri tukpwei toying ocǝ a lerambo leena araaka egau kaa orengkaka yo cara wai ne, araaka akǝri neyo pora ka ne lyǝ ne kpwi. Soona e kuri tukpwei toying ocǝ azaa shili, araaka egau ka orengkaka to cara wai ne, araaka kangza, akǝri to lyǝ ka ne eze bekǝri ne. Araaka ocǝ o zene, sanamea lenyong leo zene kangza.

“Ondo wa era wata eza lezara ateakoro leere ne, baya nyimi oyo nyana o yende o yeme o yende, koona o tare o yende o zeele o leere me. Ba era ota tare Ashili kaa emate awere yende ne.”

Nyimia Ashili eze mawake ma owake bejaga nanna, maaka maya arakana o ngmeengme, a leere a ese mai ka ola, shibari ying? Ying ana o dera o kabare kaa Ashili!

Aa bayaa nya ondo odera eyapa, tana o baya o ara oguri wa rose epaaka o ara ore ya eza me ne, adorana nyaza oying itǝ epa esuk. Arakaname Ate aying, ka wa gongte epaaka aya ezaa me aa asuk, wayo taasau akap.

“Ezana a sauwo tana ogole oying orere wa itǝ ogongta a yizi ne. Azaa obena e eza nyimi, eto cǝ o taasa o woma araa Ate aying o zaa shili ne.

“Eeya meke o ngmǝ, tane care mayinu nangka ana o ara ukpwei ezeze ne. Ne care mayinu kane wore aromo bekaana neya eza opate o ngmǝ. Ang dongdong bele oying, ne samba ocǝ o taasa one naname. Aa baaya pate o ngmǝ, kwizǝ mayinu mau, o saane mai manau, adorana tana rosa o bena oya eza o pate o ngmǝ ne. Ate au kaa ta gonta ne, ooka kangza wa gonte pate epaaka a ezeze a suk, wayo taasau.