MAT 5 的熱門經文

分享

Ba ɓatl masǝɓi gip pitila kan dǝ zupka na bar gal da'a. Ama ba ne ti den ba dǝmi gǝsi, kan ar bi mbarǝm kǝ bomi kup cirtǝni. Untu ma, za ni dǝ cirtǝn gin cir cina dǝ mbarǝme, kǝ dǝ wu shin mbuni mbap gin ra, arni wi ɗǝɗa Ba gin kǝ to yamka.

<<Kǝn nǝra wule cirtǝn kar mbarǝm den kaar atli. Bǝn tu kan tu to den tudu kawo, ba mani ghundǝr gǝska da'a.

Mǝn ghol mbatl ni'e munju mbatl gǝzǝn ra ngǝlan gwa. Wi shin Yami.

Mǝn ghol mbatl ni'e munju ba kum guzum na lam pi argon tu kan dlat ni ar ra gwa. Yam ba laa'i wur tu na argon tu wu ndu gwa.

Ama a yari ine, ndu ni mǝn nge gini. Shirǝm ni na Yam den mǝn kumi in dli.

<< Mǝn ghol mbatl ni'e munju kan mom na ɗattǝn gǝzǝn gip ruhu gwa. Mulki kǝ Yamo gwazin ni.

Mǝn ghol mbatl ni'e mǝn sitin gip dlom kǝ ɗiri dǝmi zhǝlili. Baa la wur bi mimir kǝ Yami.

Mǝn ghol mbatl ni'e munju ra na dun mbatl gwa. Yam ba iɗa'i wur mbatli.

Mǝn ghol mbatl ni'e munju kan ba kumi wur dli den bi pitǝn dlat gwa. Mulki kǝ Yamo gwazin ni.

Mǝn ghol mbatl ni'e munju ra na guna ger gwa. Yam ba kum guna gǝzǝni.

Kǝn mǝn ghol mbatl ni wokoci tu mbarǝm ba zage ine, wu kumi in dli, wu pa ne in ko gonge ɗasi tu te gamka den kǝn mǝn kopi gǝn ni gwa. Untuni wu kumi dli ga mǝn yari shirǝm kǝ Yam munju kan ra kapǝn kǝn gwa. Gyatl ni kǝ pini ghol mbatl na naari, domici argon tu Yam baa bi in to yamkawo ar naari. Untuni wu kumi dli ga mǝn yari shirǝm kǝ Yam munju kan ra kapǝn kǝn gwa.

Mǝn ghol mbatl ni'e munju kan pali gam gǝzǝnka atli gwa. Atl kundǝrǝndlip baa dǝm gwazini.

<<Kǝn nǝra wule mas gip duniya. Mas ni julkawo, na unun ba pali tǝmtǝn gǝs we? Ar ina mbap kǝ pi da'a, se dǝ shotika, dǝ mbarǝm desika.

Ra'untuwo, dǝm ni na laai kandatu Ba gin kǝ to yamka ra na laa'i gwa.

Kup argon tu ki yariwo, ar dlǝr den <Aan> ko <o'o.> Ar ni man untuwo kar Mǝn ɗasi tu ni ɗǝli.

<<Kǝ kum yari terka'e, <ger den am kǝ ger ni, shin ngapo den am kǝ shin ni.> Ama a yari in'e bakǝ nge ni mbarǝm mǝn ɗasi tu da'a. Gon ni ɓe'i ankayama den gǝskǝm gi kǝ shimliwo, bali ti nǝmi pa'e.

Ger gǝ kǝ shimli ni ba kem ki kǝ pi warwat pitǝno, ɗǝli kǝ laka. Ar ba mani'i dǝ kǝti kǝ dli gi gon liika, na dǝ la dli gi kup te gip utuka. Am gi kǝ shimli ni ba kem ki kǝ pi warwat pitǝno, tlo kǝ laka. Ar ba mani'i dǝ kǝti kǝ dli gi gon liika, na dǝ la dli gi kup te gip utuka.