ยอห์น 6 的熱門經文

分享

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หยื่อเอ่ แลแค แว เด๊อ จอแปแหร่ นอแฮ อา เออเนอ.”

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

เก่ หม่า เน๊อ แวเพ เด๊อ อา นอแฮ แวเออ เตเพร เก่ นอแฮ อู เด๊อ แวโอ่ โต่ เฮ๊เนอ, อู จว๊าเบ๊ เด๊อ แว โอ่ เตเพร่ว โต่. แกแย เด๊อ อา แฮ เด๊อ แวโอ่ เต๊เห่เนอ, แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เตอเนอ ปา.

เมเตเฮ๊เรอ จอแปแหร่ อาเหล่เอ่ หม่าแหน่ หม่า อา โอ่ เด๊อ ม๊อขุ ตาแล เร๊อ อา เด๊อะเป่ แกแย เห่ขุพู๊ ซิปล่อเซอเพร เนอเตเพร เฮ๊อ,” อา เฮ๊ เหย่ซี ฮู๊เนอ.

แว หม่า เหล่เอ่ เด๊อ อา เด๊อะ อู ซิปล่อเซอเพร.

แบ่เจ่ เหย่ซู่ พย๊า ค๊อมู เออเต๊เห่ เร๊อ อา เฮ๊บุ๊ยเฮ๊เตอเรอแถ่ จอแปแหร่. โทเรอ อา เด๊อะตา เร๊อ อา โคเจ่ เต๊เห่ เร๊อ เหย่ซี เด๊อะตาแฮเง เป่ลอ เร๊อ แกแย โอ่แนโอ่ เบ๊อะเนอ เต๊เห่. อา พย๊า เต๊วฮู๊ปีตี๊ เออ เนอเบ่ เร๊อ อา เม แซ่เกอ ฮู๊ ค๊อมูเนอ. เร๊อ แกแย เออเต๊เห่ อา ซิเอ่ เกอ เจ๊อ บ๋า เตเนอ อา พย๊าเอ่ แลแค เจ๊อ. เบ๊อะเหย่ซี เอ่ก๊อโอบา ลอโทเฮ๊อ ปว๋า เตเพร เบ๊อะเนอ, แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “พย๊าดว้าปล๊อ ลอคยา เหล่เอ่ โอ่เล๊อแก เนอเต๊เห่, นอโอ่แกเล๊อ เด แต่เหม่,” อา เฮ๊ เหย่ซี ฮู๊เนอ.

เบ๊อะเหย่ซี แคจว๊าโต่ เฮ๊อ แงกิโล หม่าโต่เรอ กิโลโซซว๊า เบ๊อะเนอ, เหย่ซี แม๊เถอะ แบ่เจ่ เหย่ซู่ จว๊า เด๊อ เทอขุ เร๊อ แฮผื่อโต เหย่ซี ส่อเกลอ. เร๊อ เหย่ซี ซิอิเช ต๊อหร่อเซ๊ ลอปลี เจ๊อ ลูเหล่. เร๊อ แบ่เจ่ เหย่ซู่ เฮ๊ เหย่ซี เน๊อ, “แวแพ๊! ซิอิเช แลแค แต่เหม่.”