متّی 24 的熱門經文

分享

اَتے دُنیاں اِچ بُرائی دے وَدھ وَنڄن نال لوکیں دی مُحبّت ٹھر ویسی۔ پَر جیرھا آخر تَئیِں اِیمان اُتے قائم رَہسی اُونکُوں چُھٹکارا مِلسی۔

اَتے اَسمان دی بادشاہی دی خُوشخبری دا پرچار ساری دُنیاں اِچ کیتا ویسی تاں جو سارے لوکیں کیتے گواہی تِھیوے اِیندے بعد ای دُنیاں دا اَنت تھیسی۔“

تُساں جنگاں اَتے جنگیں دیاں افواہیں سُݨسو پَر وِٻلائے نہ کیوں جو دُنیاں ختم تھِیوَن کنُوں پہلے اِنہیں ڳالھیں دا تھِیوَن ضرور ہے۔

قوماں ہِک ٻئے نال جنگ کریسِن اَتے بادشاہیاں ہِک ٻئے تے چڑھائی کریسِن اَتے جاہ جاہ تے کال پوسِن اَتے زلزلے آسِن۔ پَر ایہ سب کُجھ ایویں ہوسی جیویں پِیڑیں دے دَرد دا شروع ہوندا۔

اَسمان اَتے زمین ختم تھی ویسِن پَر میݙیاں ڳالھیں ہمیشاں تَئیِں قائم رَہسِن۔“

کیوں جو ٻَہُوں لوک میݙا ناں گھِن تے آسِن اَتے آکھسِن،’مَیں مسِیحا ہاں‘ اَتے او ٻَہُوں لوکیں کُوں گُمراہ کریسِن۔

وَل لوک تُہاکُوں پکڑویسِن، تنگ کریسِن اَتے قتل کر ݙیسِن، میݙے پیروکار ہووَن دی وجہ کنُوں سارے لوک تُہاݙے نال نفرت کریسِن۔ اُوں ویلے ٻَہُوں لوک اپݨے اِیمان کنُوں پِھر ویسِن، اَتے ہِک ݙُوجھے کُوں دُشمن دے حوالے کریسِن، اَتے ہِک ٻئے کنُوں نفرت کریسِن۔ ٻَہُوں کُوڑے نبی اُٹھی کھڑسِن اَتے ٻَہُوں سارے لوکیں کُوں گُمراہ کریسِن۔

یِسُوع جواب ݙِتا، ”خبردار رَہو کُوئی تُہاکُوں گُمراہ نہ کر ݙیوے۔

اِیں کیتے تُساں وی ہر ویلے تیار رَہو کیوں جو مَیں اُوں ویلے اَوساں جݙّاں تُہاکُوں پتا وی نہ ہوسی۔“

اِیں کیتے سُڄاک رہو کیوں جو تُساں نَئیِں ڄاݨدے جو تُہاݙا خُداوند کیرھے ݙینہہ اَؤسی۔

وَل یِسُوع آکھیا، ”اِنہیں دا کہیں کُوں وی پتا کَینی جو ایہ کیرھے ݙینہہ یا کیرھے لحظے تھی ویسِن نہ اَسمان دے فرِشتئیِں اَتے نہ پُتر کُوں پَر صرف اَسمانی باپ کُوں پتا ہے۔

کیوں جو اُوں ویلے کُوڑے مسِیحا اَتے کُوڑے مسیحا اُٹھی کھڑسِن جیرھے وَݙّے وَݙّے نِشان اَتے عجیب کَم ݙیکھسِن تاں جو چُݨے ہوئے لوکیں کُوں وی گمراہ کر ݙیوَݨ۔

جیویں نُوح دے زمانے اِچ تھِیا ہا، اِبنِ‌آدم یعنی میݙا آوَݨا وی اُونویں ای ہوسی۔ کیوں جو طوفان آوَݨ کنُوں پہلے تَئیِں لوک کھندے پیندے اَتے شادیاں پئے کریندے ہَن جے تَئیِں نُوح ٻیڑے اِچ نہ ٻَہہ ڳیا۔ اَتے جے تَئیِں طوفان سارئیں لوکیں کُوں لوڑھ نہ ڳیا اُوں ویلے تَئیِں آوَݨ والی مُصیبت دے بارے اِچ او لوک نہ ڄاݨدے ہَن اِیویں ای میݙا آوَݨ ہوسی۔