Maruku 2 的熱門經文

分享

Ho manga demo gea woihene de o Yesusu Una ma hirete wapaluhu onangika wato, “Nako o nyawa yomalega de yafikiri ato ko yopopanyakeua, ona gea ko yomahibauua ona yohou-hourika. Masara o nyawa abe yomahioriki naga de manga panyakeoka ona gea yosanangi yoperelu o duduhunu yohou-hourino. Ho Ngohi naa toboa ko ma titiua tahoko ona gea abe yomaetongo manga wowango ato yototiaioka. Masara ona abe yomahioriki nagahi de manga howonokahi Ma Jouika, ona gea tahoko la yoporetika manga howono gea.”

Ho ka de o Yesusu wamake manga ngongaku gea de witemo wolugu-luguika wato, “Ahi ngofaka, ani howono Ma Jouika naa Ngohi takokiofioka.”

De ahao o Yesusu wodogo wahitararono wato, “Ma dodihiraino de Ma Jou wohikatingaka o wange moi la o minggu moi ma moi naga o Hiaini ma wange. De hokogea wodiai la o nyawa yamake ma owa genangino. Masara ko mangaleua ma titi watulaada o nyawa la onangino de yahiutumu o Hiaini ma wangeika.

Iwiaoino masara ko idadiua iwihiadono o Yesusika angamoi o nyawa genangoka yowoeholi. Ho iwihidoa daku o tau ma poretiye. De ahao o tau ma katu agoraka o Yesusu ai lokuiye, de wolugu-lugu gea iwihidowora ka ma moi de ai nanao, ho iwihiguti daea o Yesusu ai himanguku.

Ho naa tomahitaana abe Ngohi naa o Nyawa ma Ngofaka abe o Horogaka de tauku toboa masara o nyawaino tomaboa. Abe Ngohi naa de ahi kuahaka ma gou-goungu o duniaka la hiadono ka idadi taofi o nyawa manga howono Ma Jouika. De gea itaana nako tihuloko la womomiki de una ka idadi womaloiki.” Ho gea o Yesusu wotemo onangika ibooto de ahao wolugu-luguikali wotemoli wato, “Ho naa ngonaika tonihuloko la ngona nomomikoka, de ani nanao nagoraka de ka idadi nolio ani tauika.”

Masara Ngohi naa naga de ahi kuahaka ho hiadono ngaro totemo wolugu-luguika tato, ‘Ani howono taofioka,’ eko ngaro totemo tato ‘Nomomiki de ani nanao nagoraka de nomaloiki,’ ma ka idadi mata-mata.

De una wolugu-lugu ka dau de womahiburahiye, de ai nanao wagoraka de wohupu manga himangoka de waika. De o nyawa manga ngoe genangoka duru yokokiheranga hiadono Ma Jou iwihigiriiri. De yomakoketemo ato, “Ko ma moiuahi ma datoro abe hokonaa ngone hamake!”