YA-SFADOCI JRNE 10 的熱門經文

分享

Inv grgimotakv mvtv biawv, wakv wvhsi manvwvhi gimotagi, macimi nsiwaci, macimi mvciludwrgaci : ni bir wvhsi manvwvhi nihki bonvmuwrci lanvwawewa, macimi manvwvhi mrli bonvmuwrci ini.

Neiv inv uwasi gahcitvwvhrtv magefhi : inv uwasi gahcitvwvhrtv u sagifatvwvhi u ta lanvwawewa nihi magefhi.

Ni magefamvki u nodrnrwv ni ta sihsimowa, chena ni wrkumrki, macimi ni nakvla-goki nihki

chena ni melrki goqa-lrqvsi lanvwawewa; chena mvtv-lrqvsi iv iqinvmoki, macimi mvtv wiyafv wah ni lacigi uci qvqvtanvhi nihi.

Neiv ini sqrta; qahqi wiyafv ilani nelv uci becfrta, wah wrpvnashofu inv, chena wah becfa macimi luhfa, macimi wa mkv wvhtvhpvh wihfanici.

Neiv inv uwasi gahcitvwvhrtv magefhi; chena ni wrkumrki ni nhvlwrfewanvki, macimi ni nhvl-wrfewanvki ni wrkumagoki

N’ Uhfv, mviahci melitv nihi, vlikv msi-ilafi notv jrivhki; macimi mvtv wiyafv kvtvwi-ilafi wvhsi inv Ufimv u lacigi uci qvqvtanrci nihi. Neiv chena inv Ufimv ni nakudwepa.

datapilvhi yasi inv Ufimv wrkumici, macimi ni wrkumv inv Ufimv; chena ni sagifatvwrki ni ta lanvwawewa nihki magefvki.

Mvtv wiyafv ni mvmrqv ini, wakv pasiqi neiv ini ni sagifatu. Ni bonv wrsikvgi wvhsi sagifadoiv ini, macimi ni bonv wrsikvgi wvhsi mvmaiv ini nuhgi. Yomv tapigamowa n’ Uhfv n’ utvtanv.

Jesise waciganvhi u talvhi nuhgi, Tapilo, tapilo, gi talapwv nelv, neiv ini u sqrdamwv nihki magefvki.

Hinv ya-lolatv, macimi mvtv gahcitvwvhrtv, mvtv nihi magefhi nhvlwrfewani, u ta Irpvmrli nili mwhawvli biali, chena u nvkvlvhi nihi magefhi, macimi usimu, macimi inv mwhawv u mvmpwvhi nihi, chena u Ifwalkvwvhi nihi

Tapilo, tapilo, gi talapwv nelv, Inv mvtv mi sqrta waci becfrtv ini u wvghowa-nwv nihki magefvki, wakv pvivgilv Irqv udrfiwa, yonv grgimotakv inv macimi jekuniwahfi.