ลามูลา 2 的熱門經文

分享

กะฆีเตอ_ โซะ กีลากี นะ ตีงัน เอด อาโปก นะ ญา_ นะ ปี ดูโดะ_ บือซามา บือซูโงฮ-ซูโงฮ_ ฌางัน บีนี นะ ญา. กะฆีเตอ_ กูญา กือดูวา_ นะ ฌาดี ญาวา ซือตือปัจ.

กะฆีเตอ_ ตูฮัด บือซัยํ เดะ อาตัซ_ มือเลา จะ_ “นู กีลากี อีนี นะ ดูโดะ ซืออูรัก เตอ_ เตด บาฌิ. กู นะ บูวัจ บรี อาดา กาวัด มือนูโลก ฌาดี ฆู นะ ญา”_ ญา จะ.

เดะ อารี อีตู_ ตูฮัด บือซัยํ เดะ อาตัซ_ ญา อาเมด ฮาบู ตานัฮ มาแรฮ_ กือปัน บูวัจ ฌาดี ซือมียา_ ญา รือฆู เดะ ลูบัก ฮีโดก นะ ซือมียา อีตู_ บรี ญา บือเลฮ บือญาวา_ บือเลฮ ฮีโดะ. กะฆีเตอ_ ซือมียา อีตู ฌาดี บือนา นู ฮีโดะ ดัฮ.

กะฆีเตอ_ กีลากี อีตู_ มือเลา จะ_ “นี เลอ_ ฌาดี ตูลัก นู มาแรฮ_ ดาตัก เดะ ตูลัก นะ กู. นี เลอ_ ฌาดี ลูลู นู มาแรฮ_ ดาตัก เดะ ลูลู นะ กู. กะฆีเตอ เลอ_ นะ ตืองะ บรี ปือนามา จะ_ นีบีนี กรานา ญา เตอ_ กือนา อาเมด มาแรฮ_ ดาตัก เดะ กีลากี ดัฮ”_ ญา จะ.

กะฆีเตอ_ ตูฮัด ญา บรี ซือลามัจ กะ อารี ตูโฌฮ_ ตืองะ ฌาดี อารี นู บาฌิ. กรานา เดะ อารี อีตู เลอ_ ญา บราดู บือกรือฌา นะ ญา_ นู ญา บือเลฮ บือฌาดี บือนา อีนี_ ซือมูฮา ดัฮ.

กะฆีเตอ_ กีลากี อีตู_ ฌางัน บีนี นะ ญา เตอ_ กูญา ดูโดะ ญักตือลาญัก_ ฮอย เตด บือจือและ-จือและ เลอ.