Matʉyo 5 的熱門經文

分享

Ŋkhoʼyɛ́ pe něb lámbo nɛ́, pé pe tíí tsi túŋ pó, ntsʉʼmbé pé tíí ndúŋú tswə́d, kɛ́ʼɛ́ ŋgâ a kiʼa ŋkɔŋɔ pɔŋ pɛ́ pɔ́b ndáb náá nɛ́. A ke mbé nɛ́ njʉ́ a zɔŋɔ ŋgâ ŋkaʼmɔ́ɔ́ yúŋ yáŋa síŋ pumésɔŋ, kɛ́ʼɛ́ ŋgâ pɔ́b zhʉ́ pwófaʼ yúŋ ye sʉ́ʼʉ, fɛ́ ŋgúʼune pwó Tɛd wúŋ wɛ́ a pépéé nɛ́.»

Puŋ ŋkaʼmɔ́ɔ́ mvémvé. Tɛɛmbɛ mbɛ́lʉ́ŋ yɛ́ a ndúŋú ŋkə́ŋ nɛ́ pe zhibi pó.

Mbéne sʉ́ʼʉ pwó pɔŋ pɛ́ ndzɔʼ yɔ́b yáŋme nɛ́, ŋkyé ŋgâ pɔ́b ŋkʉ́yó njʉ́ Mboʼmvé.

Mbéne sʉ́ʼʉ pwó pɔŋ pɛ́ ndzyê ŋgerɛ́ŋged tsé ndzí wɔ́b nɛ́, ŋkyé ŋgâ pɔ́b ŋkʉ́yó ndzɔ́rɔ́.

Ŋgɛ́ mbɛ ne mo, mə səŋɛ wúŋ ŋgâ puŋ kʉ́yé ghaŋákepeŋe puŋ, mbó ntsɛ́ʼɛ́mboʼmvé ŋkyé pɔŋ pɛ́ pɔ́b záá wúŋ ne ŋgəʼó nɛ́

«Mbéne sʉ́ʼʉ pwó pɔŋ pɛ́ pɔ́b zɛ́ ndzó ndzɔʼ yɔ́b ŋgâ pɔ́b tséʼé cyó yɔ́b nɛ́ po, ŋkyé ŋgâ Nofɔŋ Mboʼmvé pɛ́ɛ́ ne pɔ́b.

Mbéne sʉ́ʼʉ pwó pɔŋ pɛ́ pɔ́b zhyɛ́ ŋgâ mbúru pé nɛ́, ŋkyé ŋgâ pé ŋkʉ́yó fú wɔ́b ne pɔ́ŋ Mboʼmvé.

Mbéne sʉ́ʼʉ pwó pɔŋ púrúme ŋkyé ŋgâ ndúŋú tsetsáʼ ŋkʉ́yó mbɛɛ ne pɔ́b

Mbéne sʉ́ʼʉ pwó pɔŋ pɛ́ pé záá wɔ́b ne ŋgəʼo ŋkyé no ŋgerɛ́ŋged nɛ́, ŋkyé ŋgâ Nofɔŋ Mboʼmvé pɛ́ɛ́ ne pɔ́b.

Mbéne sʉ́ʼʉ pwó pɔŋ pɛ́ pɔ́b tséʼé tsaaghəghəŋ nɛ́, ŋkyé ŋgâ pé ŋkʉ́yó tsaaghəghəŋ yɔ́b.

Mbéne sʉ́ʼʉ ne puŋ ŋkhoʼyɛ́ pé tó wúŋ, ndzáá wúŋ ne ŋgəʼo, mbó tíí paŋ tó puŋ ndúŋú ŋkɔŋɔ mbziʼe no kəpɔŋ náá, ne tíí ya nɛ́. Puŋ tséʼé ndebéne pwɛ ŋgyíne ŋkyé ŋgâ ntsɔʼfaʼ yúŋ ghɛmbɛ ye kəkwéʼe pépéé! A ké mbé tsʉŋtsʉ́ŋ njʉ́ pé kɛ záá ghaŋátsɔ́kpaŋató Mboʼmvé pɛ pɔ́b kɛ pě mbé nɛ́, ne ŋgəʼo nɛ́.»

Mbéne sʉ́ʼʉ pwó pɔŋ pɛ́ pɔ́b tsé ŋkhɔ nɛ́, ŋkyé ŋgâ pɔ́b ŋkʉ́yó ntsɛ́ʼɛ́ tsúbɔ́ ndzɔʼ.

Yěsô ké mbó ntsó ŋgâ: «Puŋ nsé ndúŋú tsetsáʼ. A pɛ́ɛ́ yɛ́ nsé psyé ŋkʉ̌ne mé nɛ́, mbǒ á mbó mbɛ nsé pé níŋ? A tséʼé cyó ghəbe ŋkʉ́rʉ́ pó. Pé máʼ wé mvé, pɔŋ nebe ne kpee.

Ŋgɛ ŋkhú ne puŋ, puŋ ke ŋgɛ mbɛ yúŋ yaŋmé, njʉ́ Tɛd wúŋ wɛ́ pépéé nɛ́, yaŋmé nɛ́.»

Ŋkhoʼyɛ́ puŋ tsé səŋɛ nɛ́, puŋ ke tsɔ̌ ndaʼ ŋgâ: “Ɔ́ŋɔ́” kii ŋgâ “ŋgáŋ.” Ŋkɔŋɔ meno pɛ́ pe pfǐ ndúŋú náá nɛ́, twɔ̌ pwó Ŋukəpɔŋ.»

Yěsô ntsó ŋkʉ́rʉ́ ŋgâ: «Puŋ kɛ zóʼ pe ntsó ŋgâ: “Ŋɔŋ tɔʼɔ mbzítíí wo, wo ke ntɔʼɔ ye, ntsɔ́ʼ sɔŋ wo, wo ke ntsɔʼɔ ye.” Ŋgɛmbɛ ne mo, mə səŋɛ wúŋ ŋgâ puŋ ndɛ tsé ntʉŋɔ síŋ ŋgyɛ̌no kəpɔŋ. A pɛ́ɛ́ yɛ́ ŋkhoʼyɛ́ ŋɔŋ gbíí pwó ndzó ntəŋé wo ye maʼ nɛ́, po nyoʼ cyó ndzaʼye pwó ye.

A pɛ́ɛ́ yɛ́, a zhyɛ́ mbzítíí wo ye maʼ ŋgâ wo sháŋa nɛ́, fiʼ ntúbú, maʼa wé taŋa sesɛ. Ŋkyé ŋgâ a kuʼɛ́ pwó wo ne mbzyéne taʼ ywoʼɔ́mbəb wo, ntsɛ́ɛ́ yɛ́ ŋkɔŋɔ ywoʼɔ́mbəb pó náá mbɛ́ yóʼó, wo kuŋɔ ndzó píí mɔ́ɔ́ nɛ́. A pɛ́ɛ́ yɛ́, a zhyɛ́ pwó wo ye maʼ ŋgâ wo sháŋa nɛ́, tséé wé, máʼ taŋa sesɛ. Ŋkyé ŋgâ a kuʼɛ́ pwó wo ne mbzyéne taʼ ywoʼɔ́mbəb wo, ntsɛ́ɛ́ yɛ́ ŋkɔŋɔ ywoʼɔ́mbəb pó náá mbɛ́ yóʼó, wo kuŋɔ ndzó píí mɔ́ɔ́ nɛ́.»