Mark 13
13
Jesus Uqautigigaa Suksraunġiqsauniksraŋa Aŋaiyyuvikpaum
(Matthew 24.1-2; Luke 21.5-6)
1Tavra Jesus aniñiaqtillugu aŋaiyyuvikpaŋmiñ, iḷaŋat iḷitchitquraŋisa uqallaŋaruq ilaanun kamatchakłuni, Iḷisaurrii, tautukkich, qanutun kamanaqtigirut makua uyaġaich. Qanutun qiñiyunaqtigirut init aŋaiyyuvikpaŋmi. 2Tavra Jesus kiuŋagaa, Tautukpigich tamatkua kamanaqtuat init aŋaiyyuvikpaŋmi? Kisiŋŋuqtaqaġumiñaitchuq uyaqqagnik qaliġiiksuagnik ulġutauniaŋitchuagnik.
Iłuiḷḷiuġutit Nagliksaaqtirrusiallu
(Matthew 24.3-14; Luke 21.7-19)
3Tavra Jesus aquppiŋaruq iġġiani Olives qiñiqługu aŋaiyyuvikpak. Peter-lu James-lu John-lu Andrew-lu ullautiŋarut ilaanun iñuiġman. 4Uqallauttutigut qakugu tamatkua piñiaqpat? Suna suli iḷitchuqłiutauniaqpa iluqaġmiŋ tamatkua nalautkaqsikpata?
5Tavra Jesus uqautirraqsiŋagai, Qaunagisitchi. Iñuŋmun sagluqipkaġnasi. 6Qanuq iñugiaktuat iñuich qaiñiaqtut uvaŋauŋŋuaqtuat uqaġlutiŋ, Uvaŋa Christ-guruŋa, aasii iñugiaktuat sagluqilugich. 7Tusaaguvsi aŋuyaktuanik qanitkaluaqpata naagga uŋasikkaluaqpata iłuiḷḷiuġutiginagich. Tamatkua piruksraurut, aglaan sivuniġiŋitkaat isuksraq tikiññiḷugu. 8Nunauruat aŋuyagniaqtut allanun nunauruanun. Suli umialiqaqtuat aŋuyagniaqtut allanun umialiqaqtuanun. Nunasuli aularaġaġniaqtuq sumipayaaq, iñuiḷḷu paniġniaqtut niqaiḷḷiuġlutiŋ. Tamarra tamatkua aullaqisaaŋich isumaaġutit piruksrauruat Christ-guruaq qaiŋaiñŋaan.
9 #
Mt 10.17-20; Lk 12.11, 12. Aasii qaunagiyumausi ilivsiññun, qanuq aitchuutiginiaġaasi uqaqsitaaġviŋñun, suli Jew-guruat aŋaiyyuviŋiññi anaullaqtauniaqtusi, suli qaġġirrauraġaġniaqtusi sivuġaŋiññun atanaurallu umialgiḷḷu pisigiluŋa, ilivsi quliaqtuaġumiñaqsiḷusi tusaayugaaġiksuanik iliŋiññun. 10Christ-guruaq qaiŋaiñŋaan, tusaayugaaġiksuaq alġaqsruutauqqaaqtuksrauruq iñupayaanun. 11Tavraasii tigutaaqpasi, aullautilusi uqaqsitaaġviŋñun, uŋiarrisaqaġnasi sivuani piviksram sunik uqaluksravsiññik. Uqaġnaqsikpasi uqaġumausi qanupayaaq uqaluksriusiavsiññik tavraġuqpan. Qanuq uqaluginiakkasi ilivsi uqalugiŋitkisi, aglaan uqaluksriusiaġiniaġisi Ilitqusiġiksuamiñ. 12Tavra iñuich aniqatitiŋ aitchuutiginiaġaich tuqutautqulugich. Suli tainnatun aapauruam iġñini. Suli miqłiqtut makivsaallaktaġniaqtut aŋayuqaamiŋnun, aasii tuqutillugich. 13#Mt 10.22.Suli uumigitchiġñiaqtusi iñupayaaniñ pisigiluŋa, aasii iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.
Naġġutchautiqpak
(Matthew 24.15-28; Luke 21.20-24)
14 #
Dn 9.27; 11.31; 12.11. Taiguaqtuaq iñuk ukuniŋa kaŋiqsiḷi. Tautukkuvsiuŋ naġġutchagnapiaġataqtuaq salumaiḷḷisauluni inillaummiruaq aŋaiyyuvikpaŋmi iniksraġiŋisamiñi, tamatkua iñuuruat Judea-mi pigruġlich iġġiñun. 15#Lk 17.31.Iñuksuli aniiqsuaqtuaq iglumi qaaŋani iñaviqqutchiġñani atqaġluni saagaksraisuqsaġluni sumik iglumi iḷuaniñ. 16Aasiivsauq iñuk nautchiaqaġviŋmi savaktuaq iglumiñuŋnani saakkiutiyaqtuġuglugu annuġaani. 17Taipkua uvlut tikitpata, yaqhiikkaluaq aġnaq siŋaiyauniġumi, miqłiqtuuraqaqtuaġlu piḷgusiŋaitchuanik. 18Aŋaiyyutitchi pigruġniksraqsi ukiukuaquŋiḷḷugu. 19#Dn 12.1; Rev 7.14.Taipkunanikiataŋ uvluni iñuich nagliksaałhamaaġniaqtut qaŋapaŋmiñ God-im qaŋa savaŋmagu nuna. Aasii tainnatun nagliksaaqtigitqikkumiñaiñmiut aquagun taavruma. 20Aasii Atanġum iñukłiḷaaŋisuaqpagich taipkua uvlut, kiñaliqaa iñuuyumiñaitchuq. Aglaan pisigilugich God-im piksraqtaani, ilaan iñukłiḷaaġniaġai uvlut.
21Tavraasii iñuum uqallautikpasi, Tautuksiuŋ, uvva Christ, naagga, Tautuksiuŋ, ikaniittuq, ukpiġinagu, 22qanuq Christ-guŋŋuaqtuat, uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik. 23Aglaan nipuŋaitchitchi ilivsi. Kilikkivsi sivuani supayaanik piŋaiñŋaisa.
Qaiñiksraŋa Iġñiŋata Iñuum
(Matthew 24.29-31; Luke 21.25-28)
24 #
Is 13.10; Jl 2.10, 31; 3.15; Rev 6.12;
Is 13.10; Ez 32.7. Tavra taipkunani uvluni, pianikpan taamna iłuiḷḷiuġutiqpak, siqiñiq taaksiñiaqtuq, tatqiġḷu qaummaġiŋaiġñiaqtuq. 25#Is 34.4; Rev 6.13; Jl 2.10.Suli uvluġiat katagniaqtut, suli qaummatit siḷamiittuat uniuqtinniaqtut inimiŋniñ. 26#Dn 7.13; Rev 1.7.Tavra iñuich tautugniaġaat Iġñiŋa Iñuum qairuaq nuvuyani kamanaqtuamik suaŋŋatiqaġluni qaumaniqaġluniḷu. 27Tavra tiliñiaġai isaġuliŋni, aasii katillugich atautchimun ilaan piksraqtaani sumiḷḷiqaa nunapayauraniñ.
Iḷisaksraq Fig Napaaqtumiñ
(Matthew 24.32-35; Luke 21.29-33)
28Fig-nik siiġñaqaqtuamiñ napaaqtumiñ iḷitchisitchi. Qisiqsiutiŋi qituglimmata, akutuqpalivḷuniḷu iḷisimarusi upinġaam qallisilaaŋanik. 29Tavra ilivsi tainnatuttauq, tautukkuvsigik tamatkua nalaurraqsikpata, iḷisimaniaqtusi Iġñiŋa Iñuum qallisilaaŋanik, qallipiaġataqtilaaŋanik. 30Iḷumun uqallautigivsi, ukua iñuich tuquanigniaŋitchut, iluqaisa tamatkua nalaunŋaunnagich. 31Qiḷaglu nunalu piiġñiaqtuk, aglaan uqalutka piiġumiñaitchut.
Iñupayauram Nalugaa Uvluq Ikarraġlu
(Matthew 24.36-44)
32 #
Mt 24.36. Iñupayaam nalugaa taimña uvluq ikarraġlu tamatkua nalaurviksrautaat. Isaġulgich unnii qiḷaŋmiittuat, Iġñiġuvlu nalugaat. Aapam kisimi iḷisimagaa. 33Qaunakkutitchi, quviqtaiḷisitchiḷu, qanuq iḷisimaŋitchusi qakugu taimña uvluq tikisilaaksraŋanik. 34#Lk 12.36-38.Qanuq Iġñiŋa Iñuum ittuq iñuktun uŋasiksuamun iglauruatun. Qimaaqsikamiuŋ igluni kivgani savaaksriḷḷaaŋagai, suli piraksriqł̣ugu upkuamik qaunaksri quviqtaiḷitquvlugu utiqtilaaksramiñun. 35Quviqtaiḷisitchiḷi, qanuq iḷisimaŋitchusi qakugu atanġa iglum qaiñiaqtilaaŋanik, tanuġaksiruami, naagga unnuaq qitiqqaqpan, naagga qauyasiaqsikpan, naagga uvlaami. 36Iḷaanni qaił̣ł̣agluni siñiktillusi qaiviaqtuq. 37Aasii uqallautiga ilivsiññun, uqallausiġigiga iluqaiññun, Quviqtaiḷisitchi.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 13
13
Jesus Uqautigigaa Suksraunġiqsauniksraŋa Aŋaiyyuvikpaum
(Matthew 24.1-2; Luke 21.5-6)
1Tavra Jesus aniñiaqtillugu aŋaiyyuvikpaŋmiñ, iḷaŋat iḷitchitquraŋisa uqallaŋaruq ilaanun kamatchakłuni, Iḷisaurrii, tautukkich, qanutun kamanaqtigirut makua uyaġaich. Qanutun qiñiyunaqtigirut init aŋaiyyuvikpaŋmi. 2Tavra Jesus kiuŋagaa, Tautukpigich tamatkua kamanaqtuat init aŋaiyyuvikpaŋmi? Kisiŋŋuqtaqaġumiñaitchuq uyaqqagnik qaliġiiksuagnik ulġutauniaŋitchuagnik.
Iłuiḷḷiuġutit Nagliksaaqtirrusiallu
(Matthew 24.3-14; Luke 21.7-19)
3Tavra Jesus aquppiŋaruq iġġiani Olives qiñiqługu aŋaiyyuvikpak. Peter-lu James-lu John-lu Andrew-lu ullautiŋarut ilaanun iñuiġman. 4Uqallauttutigut qakugu tamatkua piñiaqpat? Suna suli iḷitchuqłiutauniaqpa iluqaġmiŋ tamatkua nalautkaqsikpata?
5Tavra Jesus uqautirraqsiŋagai, Qaunagisitchi. Iñuŋmun sagluqipkaġnasi. 6Qanuq iñugiaktuat iñuich qaiñiaqtut uvaŋauŋŋuaqtuat uqaġlutiŋ, Uvaŋa Christ-guruŋa, aasii iñugiaktuat sagluqilugich. 7Tusaaguvsi aŋuyaktuanik qanitkaluaqpata naagga uŋasikkaluaqpata iłuiḷḷiuġutiginagich. Tamatkua piruksraurut, aglaan sivuniġiŋitkaat isuksraq tikiññiḷugu. 8Nunauruat aŋuyagniaqtut allanun nunauruanun. Suli umialiqaqtuat aŋuyagniaqtut allanun umialiqaqtuanun. Nunasuli aularaġaġniaqtuq sumipayaaq, iñuiḷḷu paniġniaqtut niqaiḷḷiuġlutiŋ. Tamarra tamatkua aullaqisaaŋich isumaaġutit piruksrauruat Christ-guruaq qaiŋaiñŋaan.
9 #
Mt 10.17-20; Lk 12.11, 12. Aasii qaunagiyumausi ilivsiññun, qanuq aitchuutiginiaġaasi uqaqsitaaġviŋñun, suli Jew-guruat aŋaiyyuviŋiññi anaullaqtauniaqtusi, suli qaġġirrauraġaġniaqtusi sivuġaŋiññun atanaurallu umialgiḷḷu pisigiluŋa, ilivsi quliaqtuaġumiñaqsiḷusi tusaayugaaġiksuanik iliŋiññun. 10Christ-guruaq qaiŋaiñŋaan, tusaayugaaġiksuaq alġaqsruutauqqaaqtuksrauruq iñupayaanun. 11Tavraasii tigutaaqpasi, aullautilusi uqaqsitaaġviŋñun, uŋiarrisaqaġnasi sivuani piviksram sunik uqaluksravsiññik. Uqaġnaqsikpasi uqaġumausi qanupayaaq uqaluksriusiavsiññik tavraġuqpan. Qanuq uqaluginiakkasi ilivsi uqalugiŋitkisi, aglaan uqaluksriusiaġiniaġisi Ilitqusiġiksuamiñ. 12Tavra iñuich aniqatitiŋ aitchuutiginiaġaich tuqutautqulugich. Suli tainnatun aapauruam iġñini. Suli miqłiqtut makivsaallaktaġniaqtut aŋayuqaamiŋnun, aasii tuqutillugich. 13#Mt 10.22.Suli uumigitchiġñiaqtusi iñupayaaniñ pisigiluŋa, aasii iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.
Naġġutchautiqpak
(Matthew 24.15-28; Luke 21.20-24)
14 #
Dn 9.27; 11.31; 12.11. Taiguaqtuaq iñuk ukuniŋa kaŋiqsiḷi. Tautukkuvsiuŋ naġġutchagnapiaġataqtuaq salumaiḷḷisauluni inillaummiruaq aŋaiyyuvikpaŋmi iniksraġiŋisamiñi, tamatkua iñuuruat Judea-mi pigruġlich iġġiñun. 15#Lk 17.31.Iñuksuli aniiqsuaqtuaq iglumi qaaŋani iñaviqqutchiġñani atqaġluni saagaksraisuqsaġluni sumik iglumi iḷuaniñ. 16Aasiivsauq iñuk nautchiaqaġviŋmi savaktuaq iglumiñuŋnani saakkiutiyaqtuġuglugu annuġaani. 17Taipkua uvlut tikitpata, yaqhiikkaluaq aġnaq siŋaiyauniġumi, miqłiqtuuraqaqtuaġlu piḷgusiŋaitchuanik. 18Aŋaiyyutitchi pigruġniksraqsi ukiukuaquŋiḷḷugu. 19#Dn 12.1; Rev 7.14.Taipkunanikiataŋ uvluni iñuich nagliksaałhamaaġniaqtut qaŋapaŋmiñ God-im qaŋa savaŋmagu nuna. Aasii tainnatun nagliksaaqtigitqikkumiñaiñmiut aquagun taavruma. 20Aasii Atanġum iñukłiḷaaŋisuaqpagich taipkua uvlut, kiñaliqaa iñuuyumiñaitchuq. Aglaan pisigilugich God-im piksraqtaani, ilaan iñukłiḷaaġniaġai uvlut.
21Tavraasii iñuum uqallautikpasi, Tautuksiuŋ, uvva Christ, naagga, Tautuksiuŋ, ikaniittuq, ukpiġinagu, 22qanuq Christ-guŋŋuaqtuat, uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik. 23Aglaan nipuŋaitchitchi ilivsi. Kilikkivsi sivuani supayaanik piŋaiñŋaisa.
Qaiñiksraŋa Iġñiŋata Iñuum
(Matthew 24.29-31; Luke 21.25-28)
24 #
Is 13.10; Jl 2.10, 31; 3.15; Rev 6.12;
Is 13.10; Ez 32.7. Tavra taipkunani uvluni, pianikpan taamna iłuiḷḷiuġutiqpak, siqiñiq taaksiñiaqtuq, tatqiġḷu qaummaġiŋaiġñiaqtuq. 25#Is 34.4; Rev 6.13; Jl 2.10.Suli uvluġiat katagniaqtut, suli qaummatit siḷamiittuat uniuqtinniaqtut inimiŋniñ. 26#Dn 7.13; Rev 1.7.Tavra iñuich tautugniaġaat Iġñiŋa Iñuum qairuaq nuvuyani kamanaqtuamik suaŋŋatiqaġluni qaumaniqaġluniḷu. 27Tavra tiliñiaġai isaġuliŋni, aasii katillugich atautchimun ilaan piksraqtaani sumiḷḷiqaa nunapayauraniñ.
Iḷisaksraq Fig Napaaqtumiñ
(Matthew 24.32-35; Luke 21.29-33)
28Fig-nik siiġñaqaqtuamiñ napaaqtumiñ iḷitchisitchi. Qisiqsiutiŋi qituglimmata, akutuqpalivḷuniḷu iḷisimarusi upinġaam qallisilaaŋanik. 29Tavra ilivsi tainnatuttauq, tautukkuvsigik tamatkua nalaurraqsikpata, iḷisimaniaqtusi Iġñiŋa Iñuum qallisilaaŋanik, qallipiaġataqtilaaŋanik. 30Iḷumun uqallautigivsi, ukua iñuich tuquanigniaŋitchut, iluqaisa tamatkua nalaunŋaunnagich. 31Qiḷaglu nunalu piiġñiaqtuk, aglaan uqalutka piiġumiñaitchut.
Iñupayauram Nalugaa Uvluq Ikarraġlu
(Matthew 24.36-44)
32 #
Mt 24.36. Iñupayaam nalugaa taimña uvluq ikarraġlu tamatkua nalaurviksrautaat. Isaġulgich unnii qiḷaŋmiittuat, Iġñiġuvlu nalugaat. Aapam kisimi iḷisimagaa. 33Qaunakkutitchi, quviqtaiḷisitchiḷu, qanuq iḷisimaŋitchusi qakugu taimña uvluq tikisilaaksraŋanik. 34#Lk 12.36-38.Qanuq Iġñiŋa Iñuum ittuq iñuktun uŋasiksuamun iglauruatun. Qimaaqsikamiuŋ igluni kivgani savaaksriḷḷaaŋagai, suli piraksriqł̣ugu upkuamik qaunaksri quviqtaiḷitquvlugu utiqtilaaksramiñun. 35Quviqtaiḷisitchiḷi, qanuq iḷisimaŋitchusi qakugu atanġa iglum qaiñiaqtilaaŋanik, tanuġaksiruami, naagga unnuaq qitiqqaqpan, naagga qauyasiaqsikpan, naagga uvlaami. 36Iḷaanni qaił̣ł̣agluni siñiktillusi qaiviaqtuq. 37Aasii uqallautiga ilivsiññun, uqallausiġigiga iluqaiññun, Quviqtaiḷisitchi.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)