Mark 16
16
Jesus Aŋiruq Tuqqunmiñ
(Matthew 28.1-8; Luke 24.1-12; John 20.1-10)
1Tavra Jew-guruat Itchaksriġmata Savaiññiŋat qaaŋiġman, Mary Magdalene Mary-ḷu aakaŋa James Salome-ḷu tauqsianiŋaniqsut tivraġiksautinik iḷuvviuġutikaanik, iḷuvviuġutigisukługich Jesus timaanun. 2Tavra uvlaatchaurami Savaitchuani, iḷuvviviŋmuŋarut siqiñiq nuisaġataġman. 3Taapkua aġnat uqaŋarut ilimiŋnun, Kia aksraktitchisiniaqpatigut uyaġagmik paaŋaniñ iḷuvvivium? 4Taamna uyaġak aŋitaktuaŋaruq. Tavra qiviaqamiŋ, tautuŋagaat uyaġak aksraktinŋaruaq. 5Tavra isiqłutiŋ iḷuvviviŋmun, tautuŋagaat nukatpiaq aquppiruaq taliqpiata tuŋaani, annuġaaqaqłuni akuqturuamik qatiqtuamik, aasii iqsitchakłutiŋ. 6Tavra ilaan uqallautiŋagai, Iqsitchagnasi. Ivaġiksi Jesus Nazareth-miu, kikiaktuurrauŋaruaq, aŋiŋaruq. Uvaniinŋitchuq. Tautuksiuŋ uvva inaa iḷuviġmarruŋ. 7#Mt 26.32; Mk 14.28.Aullaqsiññaġitchi uqallautiyaqtuqsigik iḷitchitquraŋi Peter-lu ayuniḷugu Galilee-mun. Taamani tautugniaġiksi, uqallausiatun ilivsiññun. 8Tavra aniŋarut qilamik, suli pigruŋarut iḷuvviviŋmiñ. Iqsitchakpaił̣ł̣utiŋ uuliksiŋarut, quliaqtuaġniugaŋaitchullu supayaamik kimulliqaa iqsitchakpaił̣ł̣utiŋ.
Jesus Niptaqtuq Mary Magdalene-mun
(Matthew 28.9-10; John 20.11-18)
9[Tavra Jesus aŋikami uvlaatchaurami Savaiññiġmi, niptaqqaaŋaruq Mary Magdalene-mun, ilitqusiqł̣uikkamiñun tallimat malġugnik. 10Aasii Mary-m aullaqłuni uqallautiŋagai tuvaaqatigiŋakkaŋi Jesus. Taapkua kiŋuvġuŋarut qiavlutiglu. 11Tavrali iḷitchitqurat tusaakamiŋ iñuunivḷugu tautuŋnimmagulu, ukpiŋaitchut.
Jesus Niptaqtuq Malġugnun Iḷitchitquraŋnun
(Luke 24.13-35)
12Taavruma aquagun Jesus niptaŋaruq allauvluni malġugnun iḷaŋiññun, pisuaqtillugik nunaaqqimuksaqłutiŋ. 13Tavra iliŋik utiŋaruk aasii quliaqtuaġivlugu Jesus allanun. Naaggasuli ukpiġiŋaitkaich.
Jesus Niptaqtuq Qulit Atautchimun Iḷitchitquranun
(Matthew 28.16-20; Luke 24.36-49; John 20.19-23; Acts 1.6-8)
14Aquvatigun Jesus niptaŋaruq qulit atautchimun niġiñiaqtillugich. Aasii suaŋagai arguasuutaatigun ukpiġuŋirrutaatigullu, qanuq ukpiġiŋaitkaich tautuŋaruat ilaanik aŋianiŋman. 15#Ac 1.8.Tavra ilaan uqallautiŋagai, Aullaġitchi nunapayaanun, aasii alġaqsruutigilugu tusaayugaaġiksuaq iñupayaanun. 16Iñuk ukpiqtuaq tusaayugaaġiksuamik suli paptaiqsauruaġlu annaurrauniaqtuq, aglaan ukpiŋitchuaq suksraunġiqsauniaqtuq. 17Tamatkua ukpiqtuat piqaġniaqtut makkuniŋa nalunaiñŋutaŋiñik suaŋŋatim. Anittaġniaġaich ilitqusiqł̣uich uvaŋa atipkun, uqaġniaqtullu uqautchiñik nalukkamiŋnik, 18tiguniaġaich nimiġiat tuqunaqaqtuat, suli imiġaluaġumiŋ qanusiḷimaamik tuqunamik, anniġumiñaitkai.
Jesus Mayuurrauruq Qiḷaŋmun
(Luke 24.50-53; Acts 1.9-11)
19 #
Ac 1.9-11. Tavra Atanġum Jesus uqaqatigianikamigich iḷitchitqurani, mayuurrauŋaruq qiḷaŋmun aasii aquviłłuni taliqpiata tuŋaanun God-im. 20Iḷitchitqurat aullaqłutiŋ alġaqsruiŋarut sumiḷiqaa. Aasii Atanġum savaqatigiŋagai ukpiġnaqsiḷiqługu alġaqsruiñiŋat iḷumun itilaaŋanik aliuġnaqtuatigun savaaŋisigun.] Amen.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 16
16
Jesus Aŋiruq Tuqqunmiñ
(Matthew 28.1-8; Luke 24.1-12; John 20.1-10)
1Tavra Jew-guruat Itchaksriġmata Savaiññiŋat qaaŋiġman, Mary Magdalene Mary-ḷu aakaŋa James Salome-ḷu tauqsianiŋaniqsut tivraġiksautinik iḷuvviuġutikaanik, iḷuvviuġutigisukługich Jesus timaanun. 2Tavra uvlaatchaurami Savaitchuani, iḷuvviviŋmuŋarut siqiñiq nuisaġataġman. 3Taapkua aġnat uqaŋarut ilimiŋnun, Kia aksraktitchisiniaqpatigut uyaġagmik paaŋaniñ iḷuvvivium? 4Taamna uyaġak aŋitaktuaŋaruq. Tavra qiviaqamiŋ, tautuŋagaat uyaġak aksraktinŋaruaq. 5Tavra isiqłutiŋ iḷuvviviŋmun, tautuŋagaat nukatpiaq aquppiruaq taliqpiata tuŋaani, annuġaaqaqłuni akuqturuamik qatiqtuamik, aasii iqsitchakłutiŋ. 6Tavra ilaan uqallautiŋagai, Iqsitchagnasi. Ivaġiksi Jesus Nazareth-miu, kikiaktuurrauŋaruaq, aŋiŋaruq. Uvaniinŋitchuq. Tautuksiuŋ uvva inaa iḷuviġmarruŋ. 7#Mt 26.32; Mk 14.28.Aullaqsiññaġitchi uqallautiyaqtuqsigik iḷitchitquraŋi Peter-lu ayuniḷugu Galilee-mun. Taamani tautugniaġiksi, uqallausiatun ilivsiññun. 8Tavra aniŋarut qilamik, suli pigruŋarut iḷuvviviŋmiñ. Iqsitchakpaił̣ł̣utiŋ uuliksiŋarut, quliaqtuaġniugaŋaitchullu supayaamik kimulliqaa iqsitchakpaił̣ł̣utiŋ.
Jesus Niptaqtuq Mary Magdalene-mun
(Matthew 28.9-10; John 20.11-18)
9[Tavra Jesus aŋikami uvlaatchaurami Savaiññiġmi, niptaqqaaŋaruq Mary Magdalene-mun, ilitqusiqł̣uikkamiñun tallimat malġugnik. 10Aasii Mary-m aullaqłuni uqallautiŋagai tuvaaqatigiŋakkaŋi Jesus. Taapkua kiŋuvġuŋarut qiavlutiglu. 11Tavrali iḷitchitqurat tusaakamiŋ iñuunivḷugu tautuŋnimmagulu, ukpiŋaitchut.
Jesus Niptaqtuq Malġugnun Iḷitchitquraŋnun
(Luke 24.13-35)
12Taavruma aquagun Jesus niptaŋaruq allauvluni malġugnun iḷaŋiññun, pisuaqtillugik nunaaqqimuksaqłutiŋ. 13Tavra iliŋik utiŋaruk aasii quliaqtuaġivlugu Jesus allanun. Naaggasuli ukpiġiŋaitkaich.
Jesus Niptaqtuq Qulit Atautchimun Iḷitchitquranun
(Matthew 28.16-20; Luke 24.36-49; John 20.19-23; Acts 1.6-8)
14Aquvatigun Jesus niptaŋaruq qulit atautchimun niġiñiaqtillugich. Aasii suaŋagai arguasuutaatigun ukpiġuŋirrutaatigullu, qanuq ukpiġiŋaitkaich tautuŋaruat ilaanik aŋianiŋman. 15#Ac 1.8.Tavra ilaan uqallautiŋagai, Aullaġitchi nunapayaanun, aasii alġaqsruutigilugu tusaayugaaġiksuaq iñupayaanun. 16Iñuk ukpiqtuaq tusaayugaaġiksuamik suli paptaiqsauruaġlu annaurrauniaqtuq, aglaan ukpiŋitchuaq suksraunġiqsauniaqtuq. 17Tamatkua ukpiqtuat piqaġniaqtut makkuniŋa nalunaiñŋutaŋiñik suaŋŋatim. Anittaġniaġaich ilitqusiqł̣uich uvaŋa atipkun, uqaġniaqtullu uqautchiñik nalukkamiŋnik, 18tiguniaġaich nimiġiat tuqunaqaqtuat, suli imiġaluaġumiŋ qanusiḷimaamik tuqunamik, anniġumiñaitkai.
Jesus Mayuurrauruq Qiḷaŋmun
(Luke 24.50-53; Acts 1.9-11)
19 #
Ac 1.9-11. Tavra Atanġum Jesus uqaqatigianikamigich iḷitchitqurani, mayuurrauŋaruq qiḷaŋmun aasii aquviłłuni taliqpiata tuŋaanun God-im. 20Iḷitchitqurat aullaqłutiŋ alġaqsruiŋarut sumiḷiqaa. Aasii Atanġum savaqatigiŋagai ukpiġnaqsiḷiqługu alġaqsruiñiŋat iḷumun itilaaŋanik aliuġnaqtuatigun savaaŋisigun.] Amen.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)