KORINTUS 1 ḶOUNA IN SINGOG
ḶOUNA IN SINGOG
Surat i Paulus Inta Muna Kon Jamaat in Korintus tanaa in pinais sin mopoyotutui in yogenggeng mita inta nomuká kon bonu in jamaat inta pinosindog i Paulus kon Korintus. Inta mokoyogenggeng kon i monia tua in soaḷbí kobobiag bo pirisaya kon i Yesus. Tungkuḷ intua Korintus naa in kotápabí in Yunani, inta nobaḻí ibukotá in propinsi Akhaya inta kon bonupa in parenta in pomarenta in Rum. Kotá tanaa in tampat kinosipunan in bayongan intau nongkon ḻipu-ḻipúannea. Kotá tanaa in totokdon kinotaauan in intau mita sin ain nobaḻí pasar moḷoben kon dodai intua. Kinotaauan doman monia sin lantaran kototoindudui monia kon adat in mogoguyang monia, kinosipunan doman in noyagi-yagimai in agama bo kinosipunan doman in intau mita inta mongopandoi. Soaḷ mita tatua in nokopongaru kon yoyobayatan monia inta diádon totok mopia.
Soaḷ inta totok mokoajar kon gina i Paulus in yogenggengbí bo oaid mita inta diá mopia inta nobaḻí kon bonu in jamaat. Deemanbí doman tongá tua, táe soaḷ doman yoyobayatan in ḷoḷaki bo bobay inta diádon notampuimai. Ná doman tua, soaḷ in pobobuḷoi, soaḷ in porasaan intau, soaḷ in atorang kon jamaat, soaḷ in totabi mita inta nongkon i Allah, bo soaḷ doman in kobiagan bui in intau inta ain minatoi. Takin pongortian inta modaḷom totok. Ki Paulus nopoyotutui in yogenggeng monia pinodoyon kon totundú inta kon Habar Mopia.
Pasaḷ 13 nobogoi in boré soaḷ naonda in totabian inta sabanarnea. Bo pasalbí degá tanaa inta totok noiḷontú kinotaauan kon sigad in pasaḷ mita ibanea kon bonu in buk tanaa.
Tombonu
Tompouna 1:1-9
Yogenggeng kon gereja 1:10–4:21
Soaḷ pobobuḷoi bo kobobiag in doyowa motonibuḷoi bo motoḷuadí 5:1–7:40
Intau in Keresten bo intau inta doí mosumba kon i Allah 8:1–11:1
Kobobiag in jamaat bo pooibada 11:2–14:40
Soaḷ kobiagan i Kristus bo in intau mita Keresten nongkon kinopatoian 15:1-58
Totuḷung kon intau mita in Keresten inta kon Yudea 16:1-4
Kaadaan mita i Paulus bo simpod in surat 16:5-24
Alkitab Singog In Mongondow Masa In Tanaa © Indonesian Bible Society, 2016.
KORINTUS 1 ḶOUNA IN SINGOG
ḶOUNA IN SINGOG
Surat i Paulus Inta Muna Kon Jamaat in Korintus tanaa in pinais sin mopoyotutui in yogenggeng mita inta nomuká kon bonu in jamaat inta pinosindog i Paulus kon Korintus. Inta mokoyogenggeng kon i monia tua in soaḷbí kobobiag bo pirisaya kon i Yesus. Tungkuḷ intua Korintus naa in kotápabí in Yunani, inta nobaḻí ibukotá in propinsi Akhaya inta kon bonupa in parenta in pomarenta in Rum. Kotá tanaa in tampat kinosipunan in bayongan intau nongkon ḻipu-ḻipúannea. Kotá tanaa in totokdon kinotaauan in intau mita sin ain nobaḻí pasar moḷoben kon dodai intua. Kinotaauan doman monia sin lantaran kototoindudui monia kon adat in mogoguyang monia, kinosipunan doman in noyagi-yagimai in agama bo kinosipunan doman in intau mita inta mongopandoi. Soaḷ mita tatua in nokopongaru kon yoyobayatan monia inta diádon totok mopia.
Soaḷ inta totok mokoajar kon gina i Paulus in yogenggengbí bo oaid mita inta diá mopia inta nobaḻí kon bonu in jamaat. Deemanbí doman tongá tua, táe soaḷ doman yoyobayatan in ḷoḷaki bo bobay inta diádon notampuimai. Ná doman tua, soaḷ in pobobuḷoi, soaḷ in porasaan intau, soaḷ in atorang kon jamaat, soaḷ in totabi mita inta nongkon i Allah, bo soaḷ doman in kobiagan bui in intau inta ain minatoi. Takin pongortian inta modaḷom totok. Ki Paulus nopoyotutui in yogenggeng monia pinodoyon kon totundú inta kon Habar Mopia.
Pasaḷ 13 nobogoi in boré soaḷ naonda in totabian inta sabanarnea. Bo pasalbí degá tanaa inta totok noiḷontú kinotaauan kon sigad in pasaḷ mita ibanea kon bonu in buk tanaa.
Tombonu
Tompouna 1:1-9
Yogenggeng kon gereja 1:10–4:21
Soaḷ pobobuḷoi bo kobobiag in doyowa motonibuḷoi bo motoḷuadí 5:1–7:40
Intau in Keresten bo intau inta doí mosumba kon i Allah 8:1–11:1
Kobobiag in jamaat bo pooibada 11:2–14:40
Soaḷ kobiagan i Kristus bo in intau mita Keresten nongkon kinopatoian 15:1-58
Totuḷung kon intau mita in Keresten inta kon Yudea 16:1-4
Kaadaan mita i Paulus bo simpod in surat 16:5-24
Alkitab Singog In Mongondow Masa In Tanaa © Indonesian Bible Society, 2016.