Gyenesis 18
18
EWURADZE Dze Babanyin Bɔ Abraham Anohoba
1Na EWURADZE yii noho kyerɛɛ Abram wɔ Mamre nsudur nkyɛn, ewia ketee a ɔtse n’asesee abowano no; 2#Heb 13.2 na ɔmaa n’enyi do, na ɔhwɛe, na, hwɛ, mbarimba baasa gyina ne tsentsendo. Na aber a ohun hɔn no, otutuu mbirika fii n’asesee abowano kehyiaa hɔn kwan, na ɔkotoow famu, 3na ɔsee dɛ, Mo wura, sɛ afei menya w’enyim enyimnyam a, meserɛ wo, mma mmpa w’akowaa ho nnkɔ. 4Afei wɔmma wɔnkɛfa nsu kakra mbra, na hom nhohor hom anan ho, na hom ngye hom ahom wɔ dua yi ase: 5na monkɔ nkɛfa edziban trɔma bi mbra ma hom mfa nhyɛ hom akoma dzen; na n’ekyir no hom akɔ: susuampa dɛ hom aba hom akowaa nkyɛn yi. Na wɔsee dɛ, Yɛ dɛ mbrɛ aka no ara. 6Na Abraham kaa noho kɔr asese no mu Sara hɔ, na ɔsee dɛ, Yɛ isiam pa etwadze ebiasa krado ntsɛntsɛm, fetsew, na to tatar. 7Na Abraham tutuu enguan kɔr no mbowakuw mu, na ɔkɛfaa nantwiba a ɔyɛ mberɛw na oye, na ɔdze maa ɔsomfo; na ɔyɛɛ ntsɛm kɛyɛɛ edziban. 8Na Abraham faa bata, nye merekye, nye nantwiba a ɔdze ayɛ edziban no, na ɔdze besii hɔn enyim: na ogyinaa hɔn nkyɛn wɔ dua no ase, na wodzidzii. 9Na wobisaa no dɛ, Wo yer Sara wɔ hen? Na ɔsee dɛ, Hwɛ, ɔwɔ asese no mu. 10#Rom 9.9 Na hɔn mu kor kaa dɛ, Ampaara dɛ mebɛsan aba wo nkyɛn afedan sisei; na, hwɛ, wo yer Sara benya babanyin. Nna Sara ritsie wɔ asese abow a ɔwɔ n’ekyir no mu. 11Afei nna Abraham nye Sara enyinyin, na woedzi mfe ara yie; na adze a ɔyɛ mbaa no, etwa wɔ Sara ho. 12#1 Pet 3.6 Na Sara sereew noara no mu see dɛ, Aso mayɛ aberwa yi n’ekyir na mibenya enyigye, mo wura so ayɛ akɔdaa yi a? 13Na EWURADZE bisaa Abraham dɛ, ɔyɛ dɛn ntsi na Sara serewee see dɛ, Aso ampaara dɛ mayɛ aberwa yi mobɔwo ba? 14#Luk 1.37 Ana biribi yɛ dzen ma EWURADZE a? Aber a mahyɛ no mebɛsan maba wo nkyɛn afedan sisei, na Sara benya babanyin. 15Na Sara sanee see dɛ, Mannserew bi; osiandɛ osuroi. Na ɔsee dɛ, Dabida, na eserewee.
Abraham Dzi Ma Sodom
16Na mbarimba no soɛree fii hɔ, na wɔdaan hɔn enyi kɔr Sodom do: na Abraham kegyaa hɔn kwan. 17Na EWURADZE see dɛ, Ana medze dza merebɛyɛ no bosuma Abraham? 18Hwɛ, ampaara Abraham bɛyɛ ɔman a ɔso na ɔwɔ tum, na no mu na wobehyira asaase amanaman nyinara. 19Na masan mu eyi no, ama ɔaahyɛ ne mba nye ne fifo a wodzi n’ekyir, ma woeesie EWURADZE no kwan, wɔayɛ pɛrpɛr nye atsɛmbu; ama EWURADZE dze dza ɔaka no wɔ Abraham ho no aaba mu. 20Na EWURADZE see dɛ, ɔnam dɛ Sodom nye Gomora ho nkekamu ayɛ kɛse; na hɔn bɔn ayɛ dur dodow ntsi; 21afei mibesian akɔhwɛ kyerɛ dɛ ɔayɛ dɛ mbrɛ nkekamu a edu me nkyɛn no tse no ewie; na sɛ ɔnntse dɛm so a, mubohu. 22Na mbarimba beenu no daan hɔnho fii hɔ dɛ wɔrokɔ Sodom: na Abraham dze, ɔdaa ho ara gyinaa EWURADZE n’enyim. 23Na Abraham twee pinii, na obisaa dɛ, Ana edze atseneneefo nye ndzebɔnyɛfo nyinara bɔbɔ mu ahyew hɔn? 24Egyangyanbiara atseneneefo eduonum wɔ kurow no mu ɛ: onnkesian atseneneefo eduonum a wɔwɔ mu no ntsi ma edze efir kurow no, na ebɛhyew no? 25Iyi mpar wo dɛ ebɛyɛ no dɛm, dɛ edze atseneneefo bɛka ndzebɔnyɛfo ho eku hɔn, ma atseneneefo ayɛ dɛ ndzebɔnyɛfo; iyi mpar wo: ana asaase nyinara ɔtsɛmbuafo nnkɛyɛ dza ɔtsen bi a? 26Na EWURADZE see dɛ, Sɛ muhu atseneneefo eduonum wɔ Sodom kurow no mu a, ɔno osian hɔn ntsi medze bɛkyɛ bea no nyinara. 27Na Abraham buae na ɔsee dɛ, Afei hwɛ, emi a meyɛ dɛtse nye nso, na mesi mo bo dɛ mebɛkasa akyerɛ EWURADZE yi: 28egyangyanbiara atseneneefo eduonum no hɔn mu enum fi mu ɛ: ana osian enum a efi mu no ntsi ebɛsɛɛ kurow no nyinara? Na ɔsee dɛ, Sɛ muhu eduanan enum wɔ hɔ a, mennkɛsɛɛ no. 29Na ɔdaa ho ara kasaa kyerɛɛ no bio, na ɔsee dɛ, Egyangyanbiara eduanan na wobohu hɔn wɔ hɔ ɛ. Na ɔsee dɛ, Osian eduanan no ntsi mennkɛyɛ. 30Na ɔsee dɛ, Mma mma EWURADZE no bo mmfuw, na menkasa: egyangyanbiara eduasa na wobohu hɔn wɔ hɔ ɛ. Na ɔsee dɛ, Sɛ muhu eduasa wɔ hɔ a, mennkɛyɛ. 31Na ɔsee dɛ, Afei hwɛ, mesi mo bo dɛ mebɛkasa akyerɛ EWURADZE: egyangyanbiara eduonu na wobohu hɔn wɔ hɔ ɛ: Na ɔsee dɛ, Osian eduonu no ntsi mennkɛsɛɛ no. 32Na ɔsee dɛ, Ao mma mma EWURADZE no bo mmfuw, na menkasa prɛko pɛ yi ara: egyangyanbiara du na wobohu hɔn wɔ hɔ ɛ; Na ɔsee dɛ, Osian du no ntsi mennkɛsɛɛ no. 33Na EWURADZE wiee dɛ ɔnye Abraham kasa ara na ɔkɔr no kwan: na Abraham sanee baa ne tsenabea.
Mfantse Bible © Bible Society of Ghana, 2011.
Gyenesis 18
18
EWURADZE Dze Babanyin Bɔ Abraham Anohoba
1Na EWURADZE yii noho kyerɛɛ Abram wɔ Mamre nsudur nkyɛn, ewia ketee a ɔtse n’asesee abowano no; 2#Heb 13.2 na ɔmaa n’enyi do, na ɔhwɛe, na, hwɛ, mbarimba baasa gyina ne tsentsendo. Na aber a ohun hɔn no, otutuu mbirika fii n’asesee abowano kehyiaa hɔn kwan, na ɔkotoow famu, 3na ɔsee dɛ, Mo wura, sɛ afei menya w’enyim enyimnyam a, meserɛ wo, mma mmpa w’akowaa ho nnkɔ. 4Afei wɔmma wɔnkɛfa nsu kakra mbra, na hom nhohor hom anan ho, na hom ngye hom ahom wɔ dua yi ase: 5na monkɔ nkɛfa edziban trɔma bi mbra ma hom mfa nhyɛ hom akoma dzen; na n’ekyir no hom akɔ: susuampa dɛ hom aba hom akowaa nkyɛn yi. Na wɔsee dɛ, Yɛ dɛ mbrɛ aka no ara. 6Na Abraham kaa noho kɔr asese no mu Sara hɔ, na ɔsee dɛ, Yɛ isiam pa etwadze ebiasa krado ntsɛntsɛm, fetsew, na to tatar. 7Na Abraham tutuu enguan kɔr no mbowakuw mu, na ɔkɛfaa nantwiba a ɔyɛ mberɛw na oye, na ɔdze maa ɔsomfo; na ɔyɛɛ ntsɛm kɛyɛɛ edziban. 8Na Abraham faa bata, nye merekye, nye nantwiba a ɔdze ayɛ edziban no, na ɔdze besii hɔn enyim: na ogyinaa hɔn nkyɛn wɔ dua no ase, na wodzidzii. 9Na wobisaa no dɛ, Wo yer Sara wɔ hen? Na ɔsee dɛ, Hwɛ, ɔwɔ asese no mu. 10#Rom 9.9 Na hɔn mu kor kaa dɛ, Ampaara dɛ mebɛsan aba wo nkyɛn afedan sisei; na, hwɛ, wo yer Sara benya babanyin. Nna Sara ritsie wɔ asese abow a ɔwɔ n’ekyir no mu. 11Afei nna Abraham nye Sara enyinyin, na woedzi mfe ara yie; na adze a ɔyɛ mbaa no, etwa wɔ Sara ho. 12#1 Pet 3.6 Na Sara sereew noara no mu see dɛ, Aso mayɛ aberwa yi n’ekyir na mibenya enyigye, mo wura so ayɛ akɔdaa yi a? 13Na EWURADZE bisaa Abraham dɛ, ɔyɛ dɛn ntsi na Sara serewee see dɛ, Aso ampaara dɛ mayɛ aberwa yi mobɔwo ba? 14#Luk 1.37 Ana biribi yɛ dzen ma EWURADZE a? Aber a mahyɛ no mebɛsan maba wo nkyɛn afedan sisei, na Sara benya babanyin. 15Na Sara sanee see dɛ, Mannserew bi; osiandɛ osuroi. Na ɔsee dɛ, Dabida, na eserewee.
Abraham Dzi Ma Sodom
16Na mbarimba no soɛree fii hɔ, na wɔdaan hɔn enyi kɔr Sodom do: na Abraham kegyaa hɔn kwan. 17Na EWURADZE see dɛ, Ana medze dza merebɛyɛ no bosuma Abraham? 18Hwɛ, ampaara Abraham bɛyɛ ɔman a ɔso na ɔwɔ tum, na no mu na wobehyira asaase amanaman nyinara. 19Na masan mu eyi no, ama ɔaahyɛ ne mba nye ne fifo a wodzi n’ekyir, ma woeesie EWURADZE no kwan, wɔayɛ pɛrpɛr nye atsɛmbu; ama EWURADZE dze dza ɔaka no wɔ Abraham ho no aaba mu. 20Na EWURADZE see dɛ, ɔnam dɛ Sodom nye Gomora ho nkekamu ayɛ kɛse; na hɔn bɔn ayɛ dur dodow ntsi; 21afei mibesian akɔhwɛ kyerɛ dɛ ɔayɛ dɛ mbrɛ nkekamu a edu me nkyɛn no tse no ewie; na sɛ ɔnntse dɛm so a, mubohu. 22Na mbarimba beenu no daan hɔnho fii hɔ dɛ wɔrokɔ Sodom: na Abraham dze, ɔdaa ho ara gyinaa EWURADZE n’enyim. 23Na Abraham twee pinii, na obisaa dɛ, Ana edze atseneneefo nye ndzebɔnyɛfo nyinara bɔbɔ mu ahyew hɔn? 24Egyangyanbiara atseneneefo eduonum wɔ kurow no mu ɛ: onnkesian atseneneefo eduonum a wɔwɔ mu no ntsi ma edze efir kurow no, na ebɛhyew no? 25Iyi mpar wo dɛ ebɛyɛ no dɛm, dɛ edze atseneneefo bɛka ndzebɔnyɛfo ho eku hɔn, ma atseneneefo ayɛ dɛ ndzebɔnyɛfo; iyi mpar wo: ana asaase nyinara ɔtsɛmbuafo nnkɛyɛ dza ɔtsen bi a? 26Na EWURADZE see dɛ, Sɛ muhu atseneneefo eduonum wɔ Sodom kurow no mu a, ɔno osian hɔn ntsi medze bɛkyɛ bea no nyinara. 27Na Abraham buae na ɔsee dɛ, Afei hwɛ, emi a meyɛ dɛtse nye nso, na mesi mo bo dɛ mebɛkasa akyerɛ EWURADZE yi: 28egyangyanbiara atseneneefo eduonum no hɔn mu enum fi mu ɛ: ana osian enum a efi mu no ntsi ebɛsɛɛ kurow no nyinara? Na ɔsee dɛ, Sɛ muhu eduanan enum wɔ hɔ a, mennkɛsɛɛ no. 29Na ɔdaa ho ara kasaa kyerɛɛ no bio, na ɔsee dɛ, Egyangyanbiara eduanan na wobohu hɔn wɔ hɔ ɛ. Na ɔsee dɛ, Osian eduanan no ntsi mennkɛyɛ. 30Na ɔsee dɛ, Mma mma EWURADZE no bo mmfuw, na menkasa: egyangyanbiara eduasa na wobohu hɔn wɔ hɔ ɛ. Na ɔsee dɛ, Sɛ muhu eduasa wɔ hɔ a, mennkɛyɛ. 31Na ɔsee dɛ, Afei hwɛ, mesi mo bo dɛ mebɛkasa akyerɛ EWURADZE: egyangyanbiara eduonu na wobohu hɔn wɔ hɔ ɛ: Na ɔsee dɛ, Osian eduonu no ntsi mennkɛsɛɛ no. 32Na ɔsee dɛ, Ao mma mma EWURADZE no bo mmfuw, na menkasa prɛko pɛ yi ara: egyangyanbiara du na wobohu hɔn wɔ hɔ ɛ; Na ɔsee dɛ, Osian du no ntsi mennkɛsɛɛ no. 33Na EWURADZE wiee dɛ ɔnye Abraham kasa ara na ɔkɔr no kwan: na Abraham sanee baa ne tsenabea.
Mfantse Bible © Bible Society of Ghana, 2011.