Matiye 1
1
ꞌGƆL KULA GƏ JEJU A ƊA
Gəl kuji lə Jeju
Lug 3.23-38
1Mbede gəl kuji Jeju Kirisi, ngon ka Dabidi, ngon ka Abəraham.
2Abəraham uji Ijagə;
Ijagə uji Jakobo;
Jakobo uji Juda je gə ngan ko̰-ɛje;
3Juda ta jene gə ri-a na Tamar uji ne Peret je gə Jera;
Peret uji Ɛsərom;
Ɛsərom uji Aram;
4Aram uji Aminadabə;
Aminadabə uji Naso̰;
Naso̰ uji Saləmo;
5Saləmo ta Rahabə uji ne Booj;
Booj ta Rudu uji ne Obɛd;
Obɛd uji Jese;
6Jese uji Dabidi.
Mbay Dabidi ta jene lə Uri uji ne Salomo
7Salomo uji Roboham;
Roboham uji Abiya;
Abiya uji Asa;
8Asa uji Jojapa;
Jojapa uji Yoram;
Yoram uji Ojiyas;
9Ojiyas uji Yotam;
Yotam uji Ahas;
Ahas uji Ejekiyas;
10Ejekiyas uji Manase;
Manase uji Amo;
Amo uji Jojiyas;
11Jojiyas uji Yekoniyas je gə ngan ko̰-ɛje.
Dɔ ɓal gə d-uwa ne ngan Ijirayɛlje gə ɓərə d-aw gə je mə ɓe gə Babilon.
12Go ɓərə gə d-uwa-je kəne mə ɓe gə Babilon le,
Yekoniyas uji Səyalətiyɛl,
Səyalətiyɛl uji Jorobabɛl;
13Jorobabɛl uji Abihud;
Abihud uji Eliyakim;
Eliyakim uji Ajɔr;
14Ajɔr uji Sadɔk;
Sadɔk uji Ahim;
Ahim uji Eliyud;
15Eliyud uji Eleyajar;
Eleyajar uji Mata̰;
Mata̰ uji Jakobo;
16Jakobo uji Jəjəb gə ngaw Məri-je,
Ngaɓa Məri uji Jeju, gə ꞌɓar-ɛ Kirisi.
17Un kud-e dɔ Abəraham gə saar ce ne dɔ Dabidi gə le gəl kuji ḭ dɔg gə gir-e gə sɔɔ; ḭ dɔ Dabidi gə saar ce ne ɓal gə d-uwa ne Ijirayɛlje ɓərə gə Babilon le tura gəl kuji dɔg gə gir-e gə sɔɔ; ngaɓa un kud-e dɔ ɓal-ɛ gə əng saar ce ne dɔ Kirisi kara tura gəl kuji dɔg gə gir-e gə sɔɔ tɔ.
Kuji Jeju Kirisi
Lug 2.1-21
18Oje kuji Jeju Kirisi le ɗe to to gə be; Məri gə ko̰-ɛje le to njemɔrə lə Jəjəb; ngaa nam ɓa kar-ɛ n-aw kəy ngaw gə ɓe lə Jəjəb ja n-ḭ kɛm ɗəw gə lə Njil Njerɔsangə. 19Jəjəb gə to njemɔrə lə-a le to dəw gə gadə-gadə ɗaa, njigi mba kila rɔ kul dɔ-ɛ gə kəm dəwje gə ang, njigi mba mbad-ɛ gə go ngə̰y baa. 20Logə n-aw n-əji m-e gə to gə be ɓi ɗaa, Anji lə Mbayɓe ɗe uru dɔ-ɛ gə gə ni, pa ar-ɛ na: Jəjəb, ngon ka Dabidi, ꞌɓəəl ang ɓo, uwa Məri le gə rɔ-i gə to gə jene lə-i, mba ngon gə to m-e gə əng le ɗe ɗəw gə lə Njil Njerɔsangə, 21N-a kuji ngon gə jingaw ɗaa, a kunda ri-a na Jeju#1.21 Jeju le m-e na: Njekaji dəwje mba ꞌne ja ɓa n-a kaji dəwje lə-a dɔ neɗa gə kṵra̰y gə.
22Neje nee tɔ̰y ɗa to gə be mba kar tar gə Mbayɓe pa gə ndu Pajambərə lə Luba le aw ne lo-e gə yɛrɛrɛ na:
23 # 1.23
Eja 7.14
Oje ꞌmbakum a kḭ kɛm ɗaa, a kuji ngon gə jingaw
Ngaɓa d-a kunda ri-a na Emanuyɛl,
Kɔr gəl-e na: Luba ga̰ gə si.
24Logə Jəjəb ndol ɗaa, ɗa neje tɔ̰y gə Anji lə Mbayɓe pa ar-ɛ le, n-uwa Məri gə rɔ-ɛ gə. 25Ngaa n-gər-e gə jene ang ja saar uji ne ngon gə jingaw le ɗaa n-unda ri-a na Jeju.
© 2020, ATALTRAB. All rights reserved