YA-SFADOCI JRNE 7
7
1Chena vhkuwihi ina yolumv wiahi Jesise brmfa Galalegi : xvga mvtv si taha wih brmfaci Cudiagi, xvga nihki Josvki u nvtunahrnrwv wvhsi nfrwrci nili. 2Huwa ini u wihfancigawa-nwv nihki Josvki, ini rjewi-kvmiku si wihfancigawa, nrnami nvhekv. 3U janinvhi waciganvhi, Yoci wapfalu, macimi Cudiagi hrlu, wvhsi gi kvgahgimrfvki nahfrpi manvwv’ hilrpvtvmu-wrci gi pakvtafewanv yrsi lvweivni, u takuhi. 4Xvga mvtv ilani wiahi gr-gemi lvwi, macimi pasiqi welv u nvtunahv wvhsi tvwrci wrkumakufici. Qahqi yolumv yr-silvweivni gelv, ini ya-lakuqvh-kvmigigi si tapinvukudolu geiv, u takuhi. 5Xvga weginrqi u janinvhi mvtv u dapwahdrkuhi. 6Waciganvhi Jesise, Ni ta Irqrmi mvtv gawvgi biaiv; wakv ki ta Irqrmwv gelvwv mosvtvwi macfanwi. 7Hini ya-lakuqvh-kvmigigi mvtv gitvh kvtvwi segalama-kunrwv; wakv ini ni segalamaku nelv, xvga ni tapinvuqrtutv ini, yasi u pakvtafewa-nigi mvjrfi. 8Gelvwv ini wihfancigawa-nagi si kuqicsinaku : mvtv nelv yomv wihfanciga-wanagi nih si kuqicsina; xvga ni ta Irqrmi mvtv gawvgi uqrufadota, u talvhi. 9Chena yasi mahci yolumv wiahi ilrci nihi, ivskv Galalegi vpiwv.
10Pvyaqv ina u janinvhi ini wihfancigawa-nagi si kuqic-sinuhi, huwa nahfrpi kuqicsinwv, mvtv tvwrci, wakv brsi ini gemafi. 11Nihki Josvki waciganvhi u nvtunawhr-wrli tv hini wihfancigagi, macimi, Drnvwa inv? iwvki. 12Macimi maci patfvkuwawa ntvsi alagenv nihki mahsalagiki nili uci : nrlatv, Uwasi ilani inv, iwvki; kutvkvki, Mvtv, wakv u wrniwalvhi nihi mahsalalici, iwvki. 13Pvyaqv mvtv ilani u tvwrci rcimrli nili xvga nihki Josvki kfofoki.
14Pvyaqv ina uwa alaghi ini wihfancigawa Jesise spamagi hawv ini mvmrtumawi-kvmikugi, chena kvgahgimiwa. 15Qvqahdrni tahaki waciganvhi nihki Josvki, Nahiwa u tasi wrkudrnv awigrdawvli yrmv ilani, mvtv-lrqv mah’ wrkutafi? iwvki. 16Jesise ud rpvftvwvhi waciganvhi macimi, Ni kvgahgimiwawa mvtv nelv, wakv wa-wrwenaskvwitv welv. 17Qahqi ilani si tahata wvhsi u tasi tahawa-nilici si lvweci, wa hinv wrkutv ini kvgahgimiwawa, qahqi tuga ini Mvnatu uci, walr tuga ni kvlvwi pasiqi nelv uci. 18Hinv ga-kvlvwitv pasiqi welv uci u nvtunahv nahvlwrkv welv u wvhfrci-makufewa : wakv inv na-tunahvkv ini u wvhfrci-makufewa-nilici nili wa-wrwe-nasgrkuci, yonv inv mvyrwafi, macimi weyrgi mvtv-lrqv bur-tapvsvwelafewa. 19Hv mvtv Mosise gi melakuwv ini kutaladewa, macimi gawvgi mvtv nakuti gelvwv ini kutaladewa si lvwi? Gociwa ki nvtunahrnrwv wvhsi nsiyaqa gelvwv? hiwv. 20Hrpvfsaki nihki mahsalagiki, Wvninahfi gi bonv gelv : nafvwa u nvtunahv wvhsi nfahgi? 21Jesise rpvfsa macimi, Nakuti pakvtafewa ni tasi lvwi, chena jrivhki gelvwv ki qvqahdrni tahapwv xvga ini uci. 22Mosise gi mahci melakuwv grwvtku-fowa (mvtv waghi Mosise uci ini, wakv nihki ufimrki uci) : chena ini tv hvlwrkvhsiwagi ki grwvtkulrwv ilani. 23Qahqi ilani utvhpanvga grwvtkufowa ini tv hvlwrkvhsiwagi, wvhsi manvwv’ hini Mosise u kutaladewa bur puskunodagi; hv k’uci wivkuwah-tvwipwv, xvga ni mafafihv ilani tv hini vlwrkvhsi-wagi? 24Tagi yasi nvwiwa-yaqa lvhkuwaku, wakv Ivhkuwaku tapvsvwv-kuwawa, u talvhi.
25Nrlatv waciganvhi nihki Culosalame uci, Hv mvtv inv yrmv nili nihki na-tunawhr-wrci wvhsi nfrwrci? 26Chena scih, tvwrci kvlvwi inv, macimi mvtv wiahi u talwrli nihki. Kvnhv ini yagi yasi nihki mahsigiluhtv-wiwacki wrkutv-muwrci yasi yrmv Klvisde-wici? 27Pvyaqv ki wrkudrpa gelvwa yrmv ilani waciwici : wakv ina inv Klvisde birta, mvtv wiyafv u wrkutv waciwilici nili, hiwvki. 28Waciganvhi Jesise ini mvmrtumawi-kvmikugi tvlvhotvmwv, bami kvgahgimiwaci macimi bami iuci, Nayeswalanv ki wrkumipwv nelv, macimi ki wrkudrnrwv waciwiv nelv; chena mvtv pasiqi nelv ni bir, pvyaqv inv wa-wrwenaskvwitv mvyrwafi, ba-bur wrkumaqa. 29Ni wrkumv nelv; xvga inv uci nelv, macimi inv ni wrwenasgrqv, iwv. 30Nihki u nvtunahrnrwv waciganvhi wvhsi masanrwrci nili : macimi mvtv ilani u lacigi u masanrli nili; xvga ud rtafvmowa mvtv gawvgi biaiv. 31Pvyaqv nihki mahsalagiki uci maci dapwahsaki nili : chena nihki, Hina inv Klvisde birta, kvnhv vlikv tfwi giginolowanv wah si lvwi notv yolumv yrmv ilani mviahci si lvweci? iwvki. 32Nihki Palaseki u notvwrwvhi nihi mahsalalici bami pagihkvmalici yomv wiahi nili si; chena nihki ugimrwi mkvtaukulvyaki macimi nihki Palaseki u ta laskvwrwvhi wiahsi-makufewanhi wvhsi masanrwrci nili. 33Waciganvhi Jesise, Gawvgi frbemahi ni weci vpi gelvwv, macimi inv nitv wa-wrwenaskvwitv. 34Gah nvtunawhipwv gelvwv, macimi mvtv ga mkvwipwv : chend tv hvpiv nelv, ga hrlwi si birpwv, hiwv. 35Nihki Josvki waciganv’ hiwvki alagenv welvwv, Drniwa wa hawv yrmv ilani wvhsi bur gelvwa mkvwvqa? hv ini wa hawv lfwawa-nagi alagenv nihki Qegewi lanvwaki, macimi kvgahgi-mvhi nihi Qegihi? 36Nahiwa yomv kvlvwewa ya-iuci inv, Gah nvtunawhipwv gelvwv, macimi mvtv ga mkvwipwv; chena tv hvpiv nelv, ga hrlwi si birpwv?
37Huwa tv hini jaiahqi gesagigi, ini wihfancigawasi msi grsagigi, Jesise nepvwi macimi ntvsimu, Qahqi wiahsi ilani kvhkvlrmuta, welrni inv bialutvwita, macimi managa. 38Hinv da-dapwahtvwitv, yasi ini tapilo awigrdagi mahtuwayrgi, weyrgi inv wa hucitvnu febewvli lanvwaweiv napi, iwv. 39Pvyaqv yomv nili Ucvjrlvhqvli inv ud rcimrli, nileni wa hutfakuwrli nihki da-dapwahtvwrcki nili : xvga inv Ucvjrlvhqv mvtv gawvgi meliwapi; xvga Jesise gawvgi mvtv wvhfrci-makufihofu. 40Nrlatv nihki mahsalagiki uci waciganvhi, iah notvmuwrci yolumv kvlvwewanv, Dabwawanwi yrmv inv mrmosigesqatv, iwvki. 41Kutvkvki, Yrmv inv Klvisde, iwvki. Pvyaqv nrlatv, Nahiwa, hv inv Klvisde Galalegi uci luhfa? iwvki. 42Hv mvtv ini tapilo awigrdagi mahtuwaiv wvhsi inv Klvisde umagi ini u menkv Dapide, macimi Paflihame uci, ini udawanahi tv hvpici Dapide? iwvki. 43Waciganvhi ntvsi pvfaqeiv pvhfahgrwa nihki lr mahsalagiki, xvga nili uci. 44Macimi nrlatv nihki wih mahci masanrwrli nili; pvyaqv mvtv ilani u masanrli.
45Waciganvhi nihki wiahsi-makufewanvki nihi si biaki ugimrwi mkvtaukulviahi chena Palasihi; macimi, Gociwa mvtv ki bialrwv inv? u takuwvhi nihi. 46Nihki wiahsi-makufewanvki rpvfsaki, Mvtv-lrqv ilani yone si kvlvwi, iwvki. 47Waciganvhi nihki Palaseki ud rpvftvwrwvhi nihi, Hv nahfrpi gelvwv ki wrni-walagopwv? 48Hv wiyafv nihki mahsigiluhtv-wiwacki mahci dapwahsa nili, walr nihki uci Palaseki? 49Wakv iuhkumv mahsalagiki ba-bur wrkutvgiki inf kutaladewa pvhdrfeki, iwvki. 50Nakvdemvse (inv ba-bialutvwrtv nili nhihtvisi, dawvhi nakuti inv nihi), 51Mvkhv ki kutaladewananv u mahtvhkuwrlaku ilani, waciwap’ hini nhihtv u nodrku nahvlwrkv welv macimi u wrkutvmrku yasi Ivweci inv? u talvhi nihi. 52Hrpvfsaki nihki macimi, Hv nahfrpi gelv Galale uci? Nvtunahigalu, macimi wrpvtvnu wvhsi mvtv Galale uci pvfaqeci mrmosigesqatv, u talrwrli.
Published for Thomas Wildcat Alford in 1929
YA-SFADOCI JRNE 7
7
1Chena vhkuwihi ina yolumv wiahi Jesise brmfa Galalegi : xvga mvtv si taha wih brmfaci Cudiagi, xvga nihki Josvki u nvtunahrnrwv wvhsi nfrwrci nili. 2Huwa ini u wihfancigawa-nwv nihki Josvki, ini rjewi-kvmiku si wihfancigawa, nrnami nvhekv. 3U janinvhi waciganvhi, Yoci wapfalu, macimi Cudiagi hrlu, wvhsi gi kvgahgimrfvki nahfrpi manvwv’ hilrpvtvmu-wrci gi pakvtafewanv yrsi lvweivni, u takuhi. 4Xvga mvtv ilani wiahi gr-gemi lvwi, macimi pasiqi welv u nvtunahv wvhsi tvwrci wrkumakufici. Qahqi yolumv yr-silvweivni gelv, ini ya-lakuqvh-kvmigigi si tapinvukudolu geiv, u takuhi. 5Xvga weginrqi u janinvhi mvtv u dapwahdrkuhi. 6Waciganvhi Jesise, Ni ta Irqrmi mvtv gawvgi biaiv; wakv ki ta Irqrmwv gelvwv mosvtvwi macfanwi. 7Hini ya-lakuqvh-kvmigigi mvtv gitvh kvtvwi segalama-kunrwv; wakv ini ni segalamaku nelv, xvga ni tapinvuqrtutv ini, yasi u pakvtafewa-nigi mvjrfi. 8Gelvwv ini wihfancigawa-nagi si kuqicsinaku : mvtv nelv yomv wihfanciga-wanagi nih si kuqicsina; xvga ni ta Irqrmi mvtv gawvgi uqrufadota, u talvhi. 9Chena yasi mahci yolumv wiahi ilrci nihi, ivskv Galalegi vpiwv.
10Pvyaqv ina u janinvhi ini wihfancigawa-nagi si kuqic-sinuhi, huwa nahfrpi kuqicsinwv, mvtv tvwrci, wakv brsi ini gemafi. 11Nihki Josvki waciganvhi u nvtunawhr-wrli tv hini wihfancigagi, macimi, Drnvwa inv? iwvki. 12Macimi maci patfvkuwawa ntvsi alagenv nihki mahsalagiki nili uci : nrlatv, Uwasi ilani inv, iwvki; kutvkvki, Mvtv, wakv u wrniwalvhi nihi mahsalalici, iwvki. 13Pvyaqv mvtv ilani u tvwrci rcimrli nili xvga nihki Josvki kfofoki.
14Pvyaqv ina uwa alaghi ini wihfancigawa Jesise spamagi hawv ini mvmrtumawi-kvmikugi, chena kvgahgimiwa. 15Qvqahdrni tahaki waciganvhi nihki Josvki, Nahiwa u tasi wrkudrnv awigrdawvli yrmv ilani, mvtv-lrqv mah’ wrkutafi? iwvki. 16Jesise ud rpvftvwvhi waciganvhi macimi, Ni kvgahgimiwawa mvtv nelv, wakv wa-wrwenaskvwitv welv. 17Qahqi ilani si tahata wvhsi u tasi tahawa-nilici si lvweci, wa hinv wrkutv ini kvgahgimiwawa, qahqi tuga ini Mvnatu uci, walr tuga ni kvlvwi pasiqi nelv uci. 18Hinv ga-kvlvwitv pasiqi welv uci u nvtunahv nahvlwrkv welv u wvhfrci-makufewa : wakv inv na-tunahvkv ini u wvhfrci-makufewa-nilici nili wa-wrwe-nasgrkuci, yonv inv mvyrwafi, macimi weyrgi mvtv-lrqv bur-tapvsvwelafewa. 19Hv mvtv Mosise gi melakuwv ini kutaladewa, macimi gawvgi mvtv nakuti gelvwv ini kutaladewa si lvwi? Gociwa ki nvtunahrnrwv wvhsi nsiyaqa gelvwv? hiwv. 20Hrpvfsaki nihki mahsalagiki, Wvninahfi gi bonv gelv : nafvwa u nvtunahv wvhsi nfahgi? 21Jesise rpvfsa macimi, Nakuti pakvtafewa ni tasi lvwi, chena jrivhki gelvwv ki qvqahdrni tahapwv xvga ini uci. 22Mosise gi mahci melakuwv grwvtku-fowa (mvtv waghi Mosise uci ini, wakv nihki ufimrki uci) : chena ini tv hvlwrkvhsiwagi ki grwvtkulrwv ilani. 23Qahqi ilani utvhpanvga grwvtkufowa ini tv hvlwrkvhsiwagi, wvhsi manvwv’ hini Mosise u kutaladewa bur puskunodagi; hv k’uci wivkuwah-tvwipwv, xvga ni mafafihv ilani tv hini vlwrkvhsi-wagi? 24Tagi yasi nvwiwa-yaqa lvhkuwaku, wakv Ivhkuwaku tapvsvwv-kuwawa, u talvhi.
25Nrlatv waciganvhi nihki Culosalame uci, Hv mvtv inv yrmv nili nihki na-tunawhr-wrci wvhsi nfrwrci? 26Chena scih, tvwrci kvlvwi inv, macimi mvtv wiahi u talwrli nihki. Kvnhv ini yagi yasi nihki mahsigiluhtv-wiwacki wrkutv-muwrci yasi yrmv Klvisde-wici? 27Pvyaqv ki wrkudrpa gelvwa yrmv ilani waciwici : wakv ina inv Klvisde birta, mvtv wiyafv u wrkutv waciwilici nili, hiwvki. 28Waciganvhi Jesise ini mvmrtumawi-kvmikugi tvlvhotvmwv, bami kvgahgimiwaci macimi bami iuci, Nayeswalanv ki wrkumipwv nelv, macimi ki wrkudrnrwv waciwiv nelv; chena mvtv pasiqi nelv ni bir, pvyaqv inv wa-wrwenaskvwitv mvyrwafi, ba-bur wrkumaqa. 29Ni wrkumv nelv; xvga inv uci nelv, macimi inv ni wrwenasgrqv, iwv. 30Nihki u nvtunahrnrwv waciganvhi wvhsi masanrwrci nili : macimi mvtv ilani u lacigi u masanrli nili; xvga ud rtafvmowa mvtv gawvgi biaiv. 31Pvyaqv nihki mahsalagiki uci maci dapwahsaki nili : chena nihki, Hina inv Klvisde birta, kvnhv vlikv tfwi giginolowanv wah si lvwi notv yolumv yrmv ilani mviahci si lvweci? iwvki. 32Nihki Palaseki u notvwrwvhi nihi mahsalalici bami pagihkvmalici yomv wiahi nili si; chena nihki ugimrwi mkvtaukulvyaki macimi nihki Palaseki u ta laskvwrwvhi wiahsi-makufewanhi wvhsi masanrwrci nili. 33Waciganvhi Jesise, Gawvgi frbemahi ni weci vpi gelvwv, macimi inv nitv wa-wrwenaskvwitv. 34Gah nvtunawhipwv gelvwv, macimi mvtv ga mkvwipwv : chend tv hvpiv nelv, ga hrlwi si birpwv, hiwv. 35Nihki Josvki waciganv’ hiwvki alagenv welvwv, Drniwa wa hawv yrmv ilani wvhsi bur gelvwa mkvwvqa? hv ini wa hawv lfwawa-nagi alagenv nihki Qegewi lanvwaki, macimi kvgahgi-mvhi nihi Qegihi? 36Nahiwa yomv kvlvwewa ya-iuci inv, Gah nvtunawhipwv gelvwv, macimi mvtv ga mkvwipwv; chena tv hvpiv nelv, ga hrlwi si birpwv?
37Huwa tv hini jaiahqi gesagigi, ini wihfancigawasi msi grsagigi, Jesise nepvwi macimi ntvsimu, Qahqi wiahsi ilani kvhkvlrmuta, welrni inv bialutvwita, macimi managa. 38Hinv da-dapwahtvwitv, yasi ini tapilo awigrdagi mahtuwayrgi, weyrgi inv wa hucitvnu febewvli lanvwaweiv napi, iwv. 39Pvyaqv yomv nili Ucvjrlvhqvli inv ud rcimrli, nileni wa hutfakuwrli nihki da-dapwahtvwrcki nili : xvga inv Ucvjrlvhqv mvtv gawvgi meliwapi; xvga Jesise gawvgi mvtv wvhfrci-makufihofu. 40Nrlatv nihki mahsalagiki uci waciganvhi, iah notvmuwrci yolumv kvlvwewanv, Dabwawanwi yrmv inv mrmosigesqatv, iwvki. 41Kutvkvki, Yrmv inv Klvisde, iwvki. Pvyaqv nrlatv, Nahiwa, hv inv Klvisde Galalegi uci luhfa? iwvki. 42Hv mvtv ini tapilo awigrdagi mahtuwaiv wvhsi inv Klvisde umagi ini u menkv Dapide, macimi Paflihame uci, ini udawanahi tv hvpici Dapide? iwvki. 43Waciganvhi ntvsi pvfaqeiv pvhfahgrwa nihki lr mahsalagiki, xvga nili uci. 44Macimi nrlatv nihki wih mahci masanrwrli nili; pvyaqv mvtv ilani u masanrli.
45Waciganvhi nihki wiahsi-makufewanvki nihi si biaki ugimrwi mkvtaukulviahi chena Palasihi; macimi, Gociwa mvtv ki bialrwv inv? u takuwvhi nihi. 46Nihki wiahsi-makufewanvki rpvfsaki, Mvtv-lrqv ilani yone si kvlvwi, iwvki. 47Waciganvhi nihki Palaseki ud rpvftvwrwvhi nihi, Hv nahfrpi gelvwv ki wrni-walagopwv? 48Hv wiyafv nihki mahsigiluhtv-wiwacki mahci dapwahsa nili, walr nihki uci Palaseki? 49Wakv iuhkumv mahsalagiki ba-bur wrkutvgiki inf kutaladewa pvhdrfeki, iwvki. 50Nakvdemvse (inv ba-bialutvwrtv nili nhihtvisi, dawvhi nakuti inv nihi), 51Mvkhv ki kutaladewananv u mahtvhkuwrlaku ilani, waciwap’ hini nhihtv u nodrku nahvlwrkv welv macimi u wrkutvmrku yasi Ivweci inv? u talvhi nihi. 52Hrpvfsaki nihki macimi, Hv nahfrpi gelv Galale uci? Nvtunahigalu, macimi wrpvtvnu wvhsi mvtv Galale uci pvfaqeci mrmosigesqatv, u talrwrli.
Published for Thomas Wildcat Alford in 1929