Amavesi eBhayibheli adumile avela kokuthi Jon 6

Dlulisela

Jisasgo augwalibolo te po wai, “Ena digi ena bidabo bomo mabo bret dao. Bidi agai homu enaba muyu, ena pageba asobaso da, te bidi aga nasi munu me egobeo. Tama bidigo aga homu tigidali enaba mu baso da, te bidi aga ąį nogone munu me egobeo,” Jisasgo te po wai.

“Te mu bidabo bomo mabo bidi da, te God agai Mobo Bidi naga dao. Bidigo bomogo dwasianu me tau sogobeo, usu egobeo. Te po eno dagebolo polo wai dao, te pogo dagebolo God agai Mobo Bidi mabo dao, agai dagebolo te mu bidabo bomo momainogo.

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Eno Aya agai homu tama telalubo, aga ogwa osola suyu, agabolo bomo yai homu dąų olama muyu yai we bidi tigidali te augwali bidada peyu bidada pabo bomo selama, mu bidaibao. Tama augwali eno te tǫ dali dagalu dali silibo sogode augwali eno digi ma hodolaibao, ma bidimainogo,” Jisasgo te po wai.

Jisasgo augwalibolo po wei ponoyu, te po wai, “Godigo sę e tama dao: dagego te Godigo tagala palali bidigo wabo poba duga homu tigidali muyu bidao,” Jisasgo augwalibolo te po wai.

Eno Ayago enabolo mabo we bidi tigidali augwali ena pageba asaibao, ena wali asomainogo. Ena pageba asobo bidi te aga eno me sela sągobeo, mu menio.

Saimon Pitago Jisasbolo po wei ponoyu, te po wai, “Genuai Bidi, dago nage tagalama, da mena bidi pageba pogowe? Nago po da, te bidada peyu bidada pabo bomo elalubuo.

Ena digi ena da, te bidabo bomo elalubo bret da, te ena dagalu tagalama, e tǫba dulai dao. E bret bidigo tuyu da, te bidi aga bidada paibao, mu gamonaibao. Tama eno te bret agabolo mawaibao, te eno tigi dao. E tǫde bidibo we bidi augwali mu bidimainogo, eno ena tigi mawaibao,” Jisasgo te po wai.

Bidi me deli ena pageba olo me asogobeo. Menio. Ayago ena tagala palobaso, ena asai dao. Tibaso, agai bidi me deli kegali da, tiali da, te bidi ena pageba asagameo. Tama te bidi eno aga nosali tǫ dali dagalu dali silibo side ma hodolaibao, aga ma bidimainogo tama yaibao.

Te bret Godigo mani, te aga dagalu tagalama, e tǫba dulama, tama agai tǫde bidibo we bidi bidada pabo bomo magasobo dao,” Jisasgo te po wai.

Ena digi ena te mu bidabo bomo elalubo tubo diluai nai bret dao.

Augwali duada pao olama, augwali dualaluai, tama Jisasgo te ogwago bret selama, tama Jisasgo Godibolo nage usu dao wai. Tilama, te we bidi augwalibolo te nai dobaba pai. Te sųgų si me agai tama naga tiwai agai augwalibolo mawai, augwa homugo usu yabo te tiwai naga. Augwali nai tuali usu ela silai. Tama Jisas aga wali pabo bidi dabebolo te po wai, “Dagego nai me badu munalubo sisinao,” wai. “Tiyu yaide me badu nai olo tagalobuo,” wai. Jisasgo te po aga bidi dabebolo wai.

Augwali te gebadu ąį todogo pali, te kilomita a naga ma te a naga olama me badu nogo deli tama dąį egi pai. Tama augwaligo suali, Jisas ąį daidu asiyu tama te geba pąba sabolainogo asai. Tama augwali moni wi yai. Tialima, Jisasgo augwalibolo te po wai, “Ena Jisas tama asobao,” wai. “Dage wi ebo tagaliąo,” te po wai, Jisasgo.