Amavesi eBhayibheli adumile avela kokuthi 2. Mose 2

Dlulisela

Un job shunas lengri gole, un bistras gar ko lab, hoi das job o Abraham, o Isaak, un o Jakob, te well lo lengro Dewel un jon peskre menshe. Un o Dewel dikas latches ap i Israelitarja un was ap lengri rig.

Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

Har his o tchawo bares doha, anas joi les pale o rajeskri tchake. Koja las ko tchawes har te wals lo lakro tchawo. Joi penas: “Me tserdom les dran o pani win.” Doleske das joi les o lab Mose.

Un o rajeskri tchai penas ap late: “Le ko ternepen un de leste te pijell! Me plaissrau tut mishto.” Jaake las i dai peskro ternepen pale un das les te pijell.

Koi was o baro rajeskri tchai un kamas pes an ko pani Nil te thowell. Un kol djuwja, kai lake budran, nashan pash o pani. Ap jek kopo dikas joi koi korba mank ko baro panjeskro khass, un bitchras lakri budepaskretsa koi, te anell li koi korba.

Har his o Mose baro, was i diwes, kai djas lo pash peskre menshende. Koi dikas job har jon phares hunte budrenn, un har das jek Egiptari i Hebreares. Koi dikas o Mose pes trujel, te nai dikell les kek. Palle das job o Egiptari mulo, un tchiwas les tel i phub.