Amavesi eBhayibheli adumile avela kokuthi Luka 22

Dlulisela

ngwenyi, Ove Tata, nge unasake, ngufumise olu lupasa. Chipwe ngocho, keshi munayi muchima wamiko, oloze chilingiwe munayi muchima wove.

Oloze Ami ngunakulembelako kuli Kalunga mangana kufwelela chove chizeneke kukuma. Kaha ove, omu naukahiluka, kazamikisenga vandumbwove.

Kaha anonele mbolo, omu asakwililile ayipuzwile nakuvahanayo, ngwenyi, Ou mujimba wami vánasuula hali enu. Kalingenunga ngana mukangwanukilengaho.

Kaha chochimwe nalupasa nawa, hakukumisa kulya chiwanyino chaKuzomboka, avalwezele ngwenyi, Lupasa olu lukiko chilongeselo-chalushiko-lwaKalunga chachihya chamumanyinga ami, náwambweka hali enu.

Hakulyonyinga chikuma mumuchima, alombele nakutwalililaho, kaha mavule enyi alumukile kupwa nge mamata amanyinga nakusotokela hamavu.]

Oloze muli enu, kanda chikapwa ngochoko. Ou ahambakana vakwavo vosena ulemu mukachi kenu, alilingise nge omu apwa kanyike, kaha twamina alilingise nge omu apwa muka-kuzachila vakwavo.

Yesu ambile ngwenyi, Ove Petulu, nangukulweza ngwami, Lelo vene shimbu kanda ndemba asanyike, naukana katatu ngwove kawangutachikizako.